Faatomuaga

I Le Tagata Faitau

O nei tala o le Tusi a Mamona ua tusia faapitoa mo oe. O tala ua siiina mai i se tusi e paia aua na aumai i le Tama Faalelagi. A o e faitauina ia tala, ia manatua o loo faatatau i ni tagata moni lava o e na ola i Amerika i aso anamua.

A maea ona e faitau i tala o loo i lenei tusi, atonu o le a e manao foi e faitau mai le Tusi a Mamona. O le pito i lalo o ata taitasi e te iloa ai le vaega o le Tusi a Mamona e te maua ai lena tala. Tuu atu i lou tama, tina, faiaoga, po o se uo foi e fesoasoani atu ia te oe. .

Afai e te le iloa le uiga o se upu, ona e sueina lea i le vaega e taua o “Upu e Tatau Ona Malamalama i Ai” o loo i tua o lenei tusi. O faamatalaga e uiga i tagata ma nofoaga o loo taua i le Tusi a Mamona, o loo maua foi i tua o lenei tusi.

I Matua ma Faiaoga

O lenei tusi o le a fesoasoani ia te oe i le aoaoina atu o tusitusiga paia. Fetufaai atu lau molimau o le Tusi a Mamona, ma uunaia i latou o loo e aoaoina e sailia ni a latou lava molimau. O le a faalauteleina lo latou malamalama a o e faitauina atu vaega atoa o tala latou te fiafia i ai mai le Tusi a Mamona lava ia.