« ថ្ងៃទី ១៨-២៤ ខែ មករា ។ គោលលទ្ធិ និងសេចក្ដីសញ្ញា ៣-៥ ៖ ‹ កិច្ចការរបស់យើងនឹងចេញទៅ ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ១៨-២៤ ខែ មករា ។ គោលលទ្ធិ និង សេចក្តីសញ្ញា ៣-៥ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
រដូវចម្រូតនៅក្នុងប្រទេសបារាំង ដោយ ជេមស៍ ថៃលើរ ហាវ៉ូត
ថ្ងៃទី ១៨–២៤ ខែ មករា
គោលលទ្ធិ និង សេចក្ដីសញ្ញា ៣-៥
« កិច្ចការរបស់យើងនឹងចេញទៅ »
នៅពេលអ្នកសិក្សា គោលលទ្ធិ និង សេចក្តីសញ្ញា ៣-៥ អ្នកអាចទទួលបានចំណាប់អារម្មណ៍អំពីអ្វីដែលកុមារដែលអ្នកបង្រៀនចាំបាច់ត្រូវយល់ដឹង ។ សកម្មភាពនៅក្នុងមេរៀននេះក៏អាចផ្ដល់គំនិតដល់អ្នកផងដែរ ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមបង្ហាញរូបភាពរបស់យ៉ូសែប ស្ម៊ីធ ចេញមកពី គម្រោងមេរៀនសម្រាប់សប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ហើយជួយកុមារចែកចាយអំពីអ្វីដែលពួកគេដឹងអំពីរឿងដែលបានដាក់បង្ហាញនោះ ។ សូមជួយពួកគេចងចាំអំពីរឿងរបស់ម៉ាទីន ហារីស ដែលបានធ្វើឲ្យបាត់ទំព័រដំបូងនៃការបកប្រែព្រះគម្ពីរមរមន ( សូមមើល « ជំពូកទី ៤ ៖ ម៉ាទិន ហារីស និងផ្ទាំងដែលបាត់ » ដំណើររឿងគោលលទ្ធិ និងសេចក្ដីសញ្ញា ទំព័រ ១៨-២១ ឬ ពួកបរិសុទ្ធ ១:៥១-៥៦ ) ។
បង្រៀនគោលលទ្ធិ ៖ កុមារតូចៗ
គោលលទ្ធិ និង សេចក្ដីសញ្ញា ៣:៧-១០
ខ្ញុំអាចជ្រើសរើសត្រឹមត្រូវ ទោះជានៅពេលអ្នកដទៃព្យាយាមធ្វើឲ្យខ្ញុំខុសឆ្គងក្ដី ។
សូមជួយកុមារឲ្យរៀនអំពីអ្វីដែលយ៉ូសែប ស្ម៊ីធ បានរៀន ៖ បើពួកគេទុកចិត្តព្រះវរបិតាសួគ៌ នោះទ្រង់នឹង « គង់នៅជាមួយ [ពួកគេ] គ្រប់ពេលវេលាមានការខ្វល់ខ្វាយដែរ » ( គោលលទ្ធិ និង សេចក្ដីសញ្ញា ៣:៨ ) ។
សកម្មភាពដែលអាចជ្រើសរើស
-
សូមរំឭករឿងរបស់ម៉ាទីន ហារីស និងកំណត់ហេតុសរសេរដោយដៃដែលបានបាត់ ( សូមមើល ដំណើររឿងគោលលទ្ធិ និងសេចក្តីសញ្ញា ទំព័រ ១៨-២១ ឬវីដេអូដែលមានដំណើររឿងនោះ នៅក្នុង ChurchofJesusChrist.org ) ។ សូមចែកចាយជាមួយនឹងកុមារអំពីស្ថានភាពសក្ដានុពលមួយចំនួន នៅពេលពួកគេអាចត្រូវបានល្បួងឲ្យធ្វើអ្វីមួយ ដែល ពួកគេដឹងថាមិនត្រឹមត្រូវ ។ តើព្រះវរបិតាសួគ៌អាចជួយយើងជ្រើសរើសត្រឹមត្រូវយ៉ាងដូចម្ដេច ? ( សូមមើល គោលលទ្ធិ និងសេចក្ដីសញ្ញា ៣:៨ ) ។
ម៉ាទិន ហារីស ដោយលូវីស អេ រ៉ាមស៊ី
-
សូមអានពាក្យទាំងនេះចេញមកពី គោលលទ្ធិ និង សេចក្ដីសញ្ញា ៣:៨ ៖ « ទ្រង់នឹងសន្ធឹងព្រះពាហុរបស់ទ្រង់ ហើយទ្រទ្រង់អ្នក » ។ សូមអញ្ជើញកុមារឲ្យឈរ ហើយលាតដៃពួកគេ នៅពេលអ្នកអានឃ្លានេះម្ដងទៀត ។ សូមចែកចាយជាមួយពួកគេនូវវិធីមួយចំនួន ដែលព្រះអម្ចាស់អាចលាតព្រះហស្ថទ្រង់ដើម្បីជួយពួកគេ នៅពេលអ្នកដទៃព្យាយាមធ្វើឲ្យពួកគេធ្វើរឿងខុសក្ដី ។ សូមឲ្យពួកគេឆ្លាស់វេនគ្នាលាតដៃ នៅពេលពួកគេប្រាប់អំពីវិធីផ្សេងទៀតដែលព្រះអម្ចាស់បានលាតព្រះហស្តទ្រង់ដើម្បីជួយពួកយើង ។
ព្រះអម្ចាស់ត្រូវការខ្ញុំឲ្យធ្វើកិច្ចការរបស់ទ្រង់ ។
កុមារតូចៗអាច « ចាប់ផ្ដើមធ្វើការបម្រើព្រះ » ( គោលលទ្ធិ និង សេចក្ដីសញ្ញា ៤:២ ) តាមវិធីជាច្រើន ហើយពួកគេអាចរៀបចំឥឡូវនេះសម្រាប់ឱកាសបន្ថែមនៅក្នុងពេលអនាគតរបស់ពួកគេ ។
សកម្មភាពដែលអាចជ្រើសរើស
-
សូមអាន គោលលទ្ធិ និង សេចក្ដីសញ្ញា ៤:១ ដល់កុមារ ។ សូមនាំរូបភាពមួយចំនួនដែលបង្ហាញកិច្ចការ « អស្ចារ្យ » ថ្ងៃចុងក្រោយរបស់ព្រះ ( ដូចជា រូបភាពអ្នកផ្សព្វផ្សាយសាសនា ព្រះវិហារបរិសុទ្ធ និងព្រះគម្ពីរមរមន ) ។ ចូរឲ្យកុមារផ្លាស់វេនគ្នាជ្រើសរើសរូបភាព ហើយនិយាយអំពីរូបភាពនោះ ។ សូមចែកចាយថាហេតុអ្វីកិច្ចការរបស់ព្រះអម្ចាស់ អស្ចារ្យចំពោះអ្នក ។
-
សូមជួយកុមារឲ្យគិតអំពីសកម្មភាព ឬគូរគំនូរដែលពិពណ៌នាអំពីឃ្លា « បម្រើទ្រង់ឲ្យអស់ពីចិត្ត អស់ពីពលំ អស់ពីគំនិត ហើយអស់ពីកម្លាំង » ( គោលលទ្ធិ និងសេចក្តីសញ្ញា ៤:២ ) ។ សូមចែកចាយគំរូរបស់នរណាម្នាក់ដែលអ្នកស្គាល់ ដែលបម្រើព្រះតាមរបៀបនេះ ។
-
សូមច្រៀងចម្រៀងមួយបទជាមួយគ្នាអំពីកិច្ចការផ្សព្វផ្សាយសាសនា ដូចជាបទ « ខ្ញុំចង់ក្លាយជាអ្នកផ្សាយសាសនាពេលនេះសៀវភៅចម្រៀងកុមារទំព័រ ៩០ ) ។ សូមពិភាក្សាអំពីអ្វីដែលចម្រៀងបង្រៀនអំពីរបៀបដែលយើងអាចជួយព្រះធ្វើកិច្ចការរបស់ទ្រង់ ។
គោលលទ្ធិ និង សេចក្តីសញ្ញា ៥:១០
យើងបានទទួលព្រះបន្ទូលនៃព្រះតាមរយៈយ៉ូសែប ស្ម៊ីធ ។
តើអ្នកអាចជួយកុមារពង្រឹងទីបន្ទាល់របស់ពួកគេថា យ៉ូសែប ស៊្មីធ និងព្យាការីដទៃទៀតបង្រៀនព្រះបន្ទូលនៃព្រះយ៉ាងដូចម្ដេច ?
សកម្មភាពដែលអាចជ្រើសរើស
-
លាក់រូបភាពរបស់យ៉ូសែប ស្ម៊ីធ នៅត្រង់កន្លែងណាមួយក្នុងបន្ទប់រៀន ( សូមមើល សៀវភៅរូបភាពដំណឹងល្អ លេខ ៨៧ ។ សូមអាន គោលលទ្ធិ និង សេចក្តីសញ្ញា ៥:១០ ហើយអញ្ជើញកុមារឲ្យស្វែងរករូបភាពនោះដើម្បីដឹងថាពាក្យ « អ្នក » សំដៅទៅលើនរណា ។ សូមថ្លែងទីបន្ទាល់របស់អ្នកថា យើងបានទទួលព្រះបន្ទូលរបស់ព្រះតាមរយៈយ៉ូសែប ស្ម៊ីធ ។
-
សូមបង្ហាញគម្ពីរមរមន និងគោលលទ្ធិ និងសេចក្ដីសញ្ញាទៅដល់កុមារ ។ សូមពន្យល់ថា ព្រះបានប្រទានគម្ពីរទាំងនេះតាមរយៈយ៉ូសែប ស្ម៊ីធ ។ សូមចែកចាយខគម្ពីរដែលអ្នកចូលចិត្តមួយចំនួនចេញមកពីគម្ពីរទាំងនេះ ហើយប្រាប់ថាហេតុអ្វីក៏អ្នកមានអំណរគុណចំពោះគម្ពីរទាំងនេះ ។
បង្រៀនគោលលទ្ធិ ៖ កុមារធំៗ
គោលលទ្ធិ និង សេចក្ដីសញ្ញា ៣:៥–១០; ៥:២១–២២
ខ្ញុំគួរតែយកចិត្តទុកដាក់បន្ថែមទៅលើការធ្វើឲ្យព្រះសព្វព្រះទ័យ ជាជាងឲ្យអ្នកដទៃ ។
នៅពេលកុមាររៀនអំពីបទពិសោធន៍របស់យ៉ូសែប ស្ម៊ីធជាមួយនឹងការបាត់បង់ទំព័របកប្រែនៃព្រះគម្ពីរមរមននោះ ពួកគេអាចត្រូវបានបំផុសគំនិតឲ្យបន្ដស្មោះត្រង់ នៅពេលអ្នកដទៃល្បួងពួកគេមិនឲ្យគោរពប្រតិបត្តិ ។
សកម្មភាពដែលអាចជ្រើសរើស
-
សូមអញ្ជើញកុមារម្នាក់ឲ្យមកថ្នាក់រៀន ដោយបានរៀបចំដំណើររឿងរបស់យ៉ូសែប ស្ម៊ីធ និងម៉ាទិន ហារីស ដែលធ្វើឲ្យបាត់ការបកប្រែទំព័រដំបូងនៃព្រះគម្ពីរមរមន ( សូមមើល ដំណើររឿងគោលលទ្ធិ និង សេចក្តីសញ្ញា ទំព័រ ១៨-២១ ឬ ពួកបរិសុទ្ធ ១:៥១-៥៦ ) ។ សូមអាន គោលលទ្ធិ និងសេចក្ដីសញ្ញា ៣:៥-៨ ៥:២១-២២ ជាមួយគ្នា ហើយស្វែងរកពរជ័យដែលកើតមាននៅពេលយើងបន្ដស្មោះត្រង់ចំពោះព្រះ ។
-
សូមផ្ដល់ពេលឲ្យកុមារគិតអំពីស្ថានភាពមួយដែលមិត្តម្នាក់អាចនឹងព្យាយាមធ្វើឲ្យគេទៅធ្វើអ្វីមួយខុសឆ្គង ។ សូមអញ្ជើញពួកគេឲ្យស្វែងរកវគ្គបទគម្ពីរមួយនៅក្នុង គោលលទ្ធិ និងសេចក្ដីសញ្ញា ៣:៥–៨; ៥:២១–២២ ដែលអាចជួយពួកគេអំឡុងស្ថានភាពទាំងនេះ ។ សូមធ្វើការសម្ដែងជាគំរូមួយចំនួន ។
ព្រះអម្ចាស់ត្រូវការខ្ញុំឲ្យធ្វើកិច្ចការរបស់ទ្រង់ ។
គោលលទ្ធិ និង សេចក្តីសញ្ញា ៤ អាចបំផុសគំនិតកុមារឲ្យមានចំណែកនៅក្នុង « កិច្ចការដ៏អស្ចារ្យ » របស់ព្រះអម្ចាស់ (ខ ១) ។
សកម្មភាពដែលអាចជ្រើសរើស
-
សូមសរសេរលើក្ដារខៀននូវពាក្យ បម្រើព្រះ ។ សូមអញ្ជើញកុមារឲ្យស្រាវជ្រាវ គោលលទ្ធិ និង សេចក្តីសញ្ញា ៤ ហើយធ្វើបញ្ជីនៃអ្វីដែលពួកគេបានរៀនអំពីអត្ថន័យនៃការបម្រើព្រះ ។ ចូរសុំពួកគេឲ្យបន្ថែមទៅក្នុងបញ្ជីនូវអ្វីដែលពួកគេបានរៀនមកពីចម្រៀង « ខ្ញុំនឹងធ្វើជាអ្នកក្លាហាន» (សៀវភៅចម្រៀងកុមារ លេខ ៨៥ ) ឬចម្រៀងផ្សេងទៀតអំពីការបម្រើព្រះ ។
-
សូមយកឧបករណ៍ ( ឬរូបភាពនៃឧបករណ៍ ) ដែលនរណាម្នាក់អាចប្រើដើម្បីធ្វើការនៅក្នុងស្រែ ។ តើវត្ថុទាំងនេះជួយយើងយ៉ាងដូចម្តេច ? សូមជួយកុមារឲ្យស្វែងរកអ្វីៗនៅក្នុង គោលលទ្ធិ និងសេចក្ដីសញ្ញា ៤:៥–៦ ដែលទំនងដូចជាឧបករណ៍សម្រាប់ធ្វើកិច្ចការរបស់ព្រះ ។
-
សូមអញ្ជើញអ្នកផ្សព្វផ្សាយសាសនាពេញម៉ោង ឬអ្នកផ្សព្វផ្សាយសាសនាក្នុងវួដឲ្យចែកចាយអ្វីមួយចេញមកពី គោលលទ្ធិ និង សេចក្តីសញ្ញា ៤ ដែលបានបំផុសគំនិតពួកគេឲ្យធ្វើកិច្ចការរបស់ព្រះ ។ តើយើងអាចធ្វើអ្វីខ្លះដើម្បីជួយនៅក្នុងកិច្ចការរបស់ព្រះ ?
គោលលទ្ធិ និងសេចក្ដីសញ្ញា ៥:១-៧; ១១; ១៦, ២៣-២៤
ខ្ញុំអាចធ្វើជាសាក្សីម្នាក់ថា ព្រះគម្ពីរមរមនពិត ។
ម៉ាទិន ហារីស ត្រូវបានសន្យាថា គាត់អាចធ្វើជាសាក្សីម្នាក់អំពីផ្ទាំងចំណារមាស បើគាត់ស្មោះត្រង់ ។ យើងនឹងមិនឃើញផ្ទាំងចំណារដូចជាម៉ាទីនទេ ប៉ុន្តែយើងអាចទទួលបានសាក្សីខាងវិញ្ញាណអំពីព្រះគម្ពីរមរមន ។ តើអ្នកអាចជួយកុមារឲ្យអភិវឌ្ឍ និងចែកចាយសាក្សីផ្ទាល់ខ្លួនរបស់ពួកគេអំពីព្រះគម្ពីរមរមនដោយរបៀបណា ?
សកម្មភាពដែលអាចជ្រើសរើស
-
សូមសរសេរសំណួរដូចខាងក្រោមនេះនៅលើក្ដារខៀន ហើយជួយកុមារឲ្យស្វែងរកចម្លើយនៅក្នុង គោលលទ្ធិ និងសេចក្ដីសញ្ញា ៥:១–៣, ៧, ១១ ៖ តើម៉ាទីន ហារីស មានបំណងប្រាថ្នាចង់ដឹងពីអ្វី ? តើយ៉ូសែប ស្ម៊ីធ អាចបង្ហាញផ្ទាំងចំណារមាសទៅដល់នរណា ? ហេតុអ្វីក៏ការមើលឃើញផ្ទាំងចំណារ នៅតែមិនគ្រប់គ្រាន់ក្នុងការបញ្ចុះបញ្ចូលនរណាម្នាក់ឲ្យជឿថាព្រះគម្ពីរមរមនពិតដូច្នេះ ?
-
ចូរសួរដល់កុមារថា សាក្សីជាអ្វី ហើយហេតុអ្វីក៏សាក្សីសំខាន់ ។ តើម៉ាទីន ហារីស ចាំបាច់ត្រូវធ្វើអ្វីខ្លះ ដើម្បីក្លាយជាសាក្សីម្នាក់អំពីផ្ទាំងចំណារមាស ? ( សូមមើល គោលលទ្ធិ និងសេចក្ដីសញ្ញា ៥:២៣-២៤ ) ។ ទោះជាយើងពុំមើលឃើញផ្ទាំងចំណារក្ដី តើយើងអាចធ្វើអ្វីខ្លះដើម្បីក្លាយជាសាក្សីព្រះគម្ពីរមរមន ? ( សូមមើល គោលលទ្ធិ និងសេចក្ដីសញ្ញា ៥:១៦; មរ៉ូណៃ ១០:៣–៥) ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមលើកទឹកចិត្តកុមារឲ្យសរសេរទីបន្ទាល់របស់ពួកគេអំពីព្រះគម្ពីរមរមន ហើយចែកចាយវាជាមួយនរណាម្នាក់ដែលពួកគេស្គាល់ ។
ការកែលម្អការបង្រៀនរបស់យើង
សូមសម្របសម្រួលសកម្មភាពតម្រូវទៅតាមកុមារពិការភាព ។ ការសម្របសម្រួលសកម្មភាពបន្ដិចបន្ដួច អាចធ្វើឲ្យប្រាកដថា កុមារទាំងអស់អាចរៀនមកពីសកម្មភាពទាំងនោះ ។ ឧទាហរណ៍ ប្រសិនបើសកម្មភាពមួយដែលសុំឲ្យបង្ហាញរូបភាព នោះអ្នកអាចច្រៀងចម្រៀងមួយជំនួសវិញ ដើម្បីឲ្យកុមារដែលមានបញ្ហាភ្នែកអាចចូលរួមដែរ ។