Hom blong Pita Witma

Hom blong Pita Witma, i kam long Al Rounds

1–7 Maj

Doktrin mo Ol Kavenan 20–22

“Jos Ia blong Kraes I Stanap”

Taem yu stap stadi long Doktrin mo Ol Kavenan 20–22 long wik ia, bae ol aedia blong tij bae i kam long maen blong yu. Yu save faenem sam moa aedia blong tij long aotlaen ia.

Raetemdaon Ol Filing mo Tingting blong Yu

serem pikja bokis

Invaetem Ol Pikinini blong Serem Wanem Oli Gat

Soem pikja long aotlaen blong wik ia long Kam Folem Mi—Blong Wanwan Man, Woman mo Famli, mo askem ol pikinini blong serem wanem oli save abaot oganaesesen blong Jos. Blong help, luk long “Japta 9: Oganaesesen blong Jos Ia blong Jisas Kraes” (Ol Doktrin mo Ol Kavenan Stori, 40–42).

tijing pikja bokis

Stap Tijim Doktrin: Ol Smol Pikinini

Doktrin mo Ol Kavenan 20–21

Lod i putumbak Jos Ia blong Jisas Kraes.

Long 6 Epril, 1830, Josef Smit mo Oliva Kaodri i bin kam tugeta wetem ol narawan blong oganaesem Jos ia blong Jisas Kraes we i bin kambak long wol. ?Olsem wanem nao yu save helpem ol pikinini we yu tijim blong andastanem olsem wanem taem i impoten?

Samfala Aktiviti we Yu Save Mekem

• Yusum seksen heding blong Doktrin mo Ol Kavenan 21 o japta 9 blong Ol Doktrin mo Kavenan Stori blong tokbaot sot long ol pikinini wanem i bin hapen long dei ia we oli bin oganaesem Jos. Blong helpem olgeta blong andastanem taem ia, soem vidio ia, “Organization of the Church” (ChurchofJesusChrist.org).

• Talem long ol pikinini from wanem yu talem tangkyu we yumi gat Jos Ia blong Jisas Kraes blong Ol Lata-dei Sent. Eksplenem se, blong stap olsem wan memba blong Jos, i stap mekem yumi rere blong laef wetem God bakegen. Helpem olgeta blong ripitim sot sentens ia “Mi blong Jos Ia blong Jos blong Jisas Kraes blong Ol Lata-dei Sent” fulap taem o singsing “The Church of Jesus Christ” (Children’s Songbook, 77).

Doktrin mo Ol Kavenan 20:37, 71–74

Mi stap rere blong kasem baptaes.

Ol pikinini we yu stap tijim, oli stap rere blong kasem baptaes. Helpem ol pikinini blong andastanem wanem i minim blong kasem baptaes mo wanem oli save mekem blong stap rere.

Samfala Aktiviti we Yu Save Mekem

• Soem wan pikja blong wan pikinini we i kasem baptaes (luk long Gospel Art Buk, namba 104), mo askem ol pikinini blong poenemaot ol samting we oli luksave. Ridim o talem sot Doktrin mo Ol Kavenan 20:71–74, mo helpem ol pikinini blong luk olsem wanem pikja ia i go wetem ol instraksen long ol ves ia. Testifae se yumi mas folem eksampol blong Sevya mo kasem baptaes long wei we Hem i talem long yumi.

• Talem sot Doktrin mo Ol Kavenan 20:37. ?Wanem nao yumi lanem long ol ves ia abaot ol man we oli wantem kasem baptaes? Soem ol pikja blong ol wei we ol pikinini i save rere blong kasem baptaes, olsem blong givim seves long ol nara man mo stap prea.

• Singsing wan singsing abaot baptaes, olsem “When I Am Baptized” (Children’s Songbook, 103), o wajem “The Baptism of Jesus” (biblevideos.ChurchofJesusChrist.org). Invaetem ol pikinini blong serem ol filing blong olgeta abaot baptaes.

Doktrin mo Ol Kavenan 20:75–79

Sakramen i helpem mi blong tingbaot Jisas Kraes.

?Olsem wanem nao yu save helpem ol pikinini blong andastanem moa from wanem yumi mas tekpat long sakramen evri wik?

Samfala Aktiviti we Yu Save Mekem

• Ridim Doktrin mo Ol Kavenan 20:77 long ol pikinini. Askem olgeta blong stanap taem oli harem wanem yumi mas tingbaot taem yumi kakae bred blong sakramen. Mekem semmak samting wetem ves 79. (Maet yu wantem talemaot we yumi dring wota long ples blong waen.) ?Olsem wanem nao yumi save soem se yumi tingbaot Jisas?

• Talem long ol pikinini abaot wan taem we yu bin mekem wan promes mo yu bin kipim. Invaetem olgeta blong talem ol stori blong olgeta we i kolosap semmak. Eksplenem se taem yumi tekem sakramen, yumi stap mekem ol promes. Ridim Doktrin mo Ol Kavenan 20:77, mo tokbaot gud ol promes we yumi stap mekem blong “oltaem tingbaot hem” mo “stap obei long ol komanmen blong hem.” Invaetem ol pikinini blong serem wan taem we oli bin tingbaot Sevya mo bin obei long wan komanmen.

  ol pikinini oli tekem sakramen

  Sakramen i rimaenem mi blong tingting long Jisas Kraes.

tijing pikja bokis

Stap Tijim Doktrin: Ol Bigfala Pikinini

Doktrin mo Ol Kavenan 20–21

Lod i putumbak Jos Ia blong Jisas Kraes.

Josef Smit, Oliva Kaodri, mo ol narawan oli bin obei long komanmen blong Lod mo oli bin oganaesem Jos ia blong Jisas Kraes we i bin kambak long wol, long 6 Epril 1830. Tingting long ol wei blong helpem ol pikinini blong luk olsem wanem taem ia i bin blesem laef blong olgeta.

Samfala Aktiviti we Yu Save Mekem

• Rimaenem ol pikinini long sam impoten taem we oli bin stap lanem—olsem restoresen blong prishud mo translesen blong Buk blong Momon. ?From wanem ol samting i nid blong hapen bifo oli save oganaesem Jos?

• Soem ol pikja blong ol samting we yumi mekem long Jos we oli tokbaot gud long seksen 20, olsem blong stap lanem abaot God mo Jisas Kraes, wok blong givhan, stap kasem baptaes, mo stap tekem mo kakae sakramen. Helpem ol pikinini blong putum ol pikja ia we i go wetem ol skripja we i tokbaot gud olgeta, olsem Doktrin mo Ol Kavenan 20:17–21, 47, 70, 72–74, 75–79, mo taetol blong seksen 21. ?Wanem nao oli ol blesing we yumi gat from yumi ol memba blong Jos?

• Singsing tugeta “The Church of Jesus Christ” (Children’s Songbook, 77).

Doktrin mo Ol Kavenan 20:37, 77, 79

Taem mi kasem baptaes, mi bin promes blong folem Jisas Kraes.

Plante long ol pikinini long klas blong yu i bin kasem baptaes. Rimaenem olgeta long kavenan we oli bin mekem “blong tekem long olgeta nem blong Jisas Kraes,” (Doktrin mo Ol Kavenan 20:37).

Samfala Aktiviti we Yu Save Mekem

• Invaetem sam pikinini blong rere blong serem wanem oli bin filim o eksperiensem taem oli bin kasem baptaes. Maet oli save karem wan pikja blong dei ia we oli bin kasem baptaes mo soem long klas. ?From wanem oli jusum blong kasem baptaes? ?Olsem wanem we, blong kasem baptaes mo blong kasem presen ia we i Tabu Spirit, i bin blesem olgeta?

• Ridim tugeta Doktrin mo Ol Kavenan 20:77, mo askem ol pikinini blong luksave ol promes we yumi mekem long taem blong sakramen. Blong helpem ol pikinini blong andastanem se i gat ol samting we oli save mekem blong “tingbaot oltaem” Jisas Kraes, invaetem wan pikinini blong aktemaot wan samting we hem i save mekem blong tingbaot Sevya. Askem ol narawan blong talem wanem nao aksen ia. Folem ves 77, ?olsem wanem nao yumi kasem blesing taem yumi stap tingbaot Sevya oltaem?

• Helpem ol pikinini blong komperem Doktrin mo Ol Kavenan 20:37 wetem ves 77 blong faenem wan sot sentens we oli ripitim long tugeta. Soem long ol pikinini wan samting we i gat wan nem long hem (olsem wan nem blong wan popula samting, o nem blong wan man). ?Wanem nao nem ia i talem long yumi abaot samting ia? Ridim tugeta Doktrin mo Ol Kavenan 20:37 blong faenemaot nem blong huia we bae yumi tekem long yumiwan taem yumi kasem baptaes. ?Hem i minim wanem blong tekem nem blong Jisas Kraes long yumi? ?Olsem wanem nao yumi mas tingting mo mekem samting from yumi gat nem ia?

Doktrin mo Ol Kavenan 21:4–6

Mi kasem blesing taem mi folem profet.

?Olsem wanem nao yu save helpem ol pikinini blong kasem ol blesing we oli bin promesem long ol ves ia, we i blong olgeta we oli folem profet?

Samfala Aktiviti we Yu Save Mekem

• Raetem long bod Ol Komanmen mo Ol Blesing. Invaetem ol pikinini blong rid long Doktrin mo Ol Kavenan 21:4–6, mo lukaotem ol komanmen we Lod i bin givim mo ol blesing we Hem i bin promesem. Invaetem olgeta blong raetem wanem oli faenem long bod.

• Soem wan pikja blong profet we i stap laef, mo invaetem ol pikinini blong serem wan samting we oli bin lanem o harem long hem i no longtaem i pas. Ridim tugeta Doktrin mo Ol Kavenan 21:5. Invaetem ol pikinini blong raetem o droem wan samting we oli save mekem blong folem profet. Serem testemoni blong yu se taem yumi folem profet, yumi stap folem Sevya.

stap lanem samting pikja bokis

Stap Leftemap Tingting blong Lanem Samting long Hom

Invaetem ol pikinini blong mekem wan lis blong ol risen we oli talem tangkyu from Jos Ia blong Jisas Kraes we i bin kambak long wol. Leftemap tingting blong olgeta blong serem lis blong olgeta wetem wan memba blong famli o wan fren.

Stap Kam Antap long Fasin blong Yumi blong Stap Tij

Yusum ol stori blong tijim doktrin. “Ol stori oli helpem ol pikinini blong luk olsem wanem gospel i aplae long laef blong yumi evri dei. … Taem yu stap tijim ol smol pikinini, planem ol wei blong mekem olgeta i pat long stori; eksampol: oli save holem ol pikja, ripitim ol sot sentens, o aktemaot ol pat” (Teaching in the Savior’s Way, 25).

aktiviti pej: Jos i bin oganaes long 6 Epril 1830