« ថ្ងៃទី ៨–១៤ ខែ មីនា ។ គោលលទ្ធិ និងសេចក្ដីសញ្ញា ២៣-២៦ ៖ ‹ ការពង្រឹងសាសនាចក្រ ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ៨–១៤ ខែ មីនា ។ គោលលទ្ធិ និង សេចក្តីសញ្ញា ២៣-២៦ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
ថ្ងៃទី ៨–១៤ ខែ មីនា
គោលលទ្ធិ និង សេចក្ដីសញ្ញា ២៣-២៦
« ការពង្រឹងសាសនាចក្រ »
នៅពេលអ្នករៀបចំបង្រៀន សូមពិចារណាអំពីគំនិតយោបល់អំពីសកម្មភាពទាំងនៅក្នុងវគ្គ « កុមារតូចៗ » និង « កុមារធំៗ » ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមបង្ហាញរូបភាព អិមម៉ា ស្ម៊ីធ ( សូមមើល គម្រោងមេរៀននៅសប្ដាហ៍នេះនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និង ក្រុមគ្រួសារ ) ។ សូមអញ្ជើញកុមារឲ្យចែកចាយអំពីអ្វីដែលពួកគេដឹងអំពីគាត់ រួមទាំងអ្វីៗដែលពួកគេបានរៀនមកពីការសិក្សា គោលលទ្ធិ និង សេចក្តី សញ្ញា ២៥ នៅសប្ដាហ៍មុន » ។ជំពូក ១៣ ៖ យ៉ូសែប និង អិមម៉ា » ( គោលលទ្ធិ និង សេចក្តីសញ្ញា ទំព័រ ៥១-៥៥ ) អាចជួយ ។
បង្រៀនគោលលទ្ធិ ៖ កុមារតូចៗ
គោលលទ្ធិ និងសេចក្ដីសញ្ញា ២៣:៦២៦:១
ព្រះចង់ឲ្យខ្ញុំអធិស្ឋាន និងរៀនមកពីបទគម្ពីរជារៀងរាល់ថ្ងៃ ។
ព្រះអម្ចាស់បានប្រឹក្សាដល់ពួកថ្នាក់ដឹកនាំ និងមិត្តភក្ដិរបស់សាសនាចក្រជំនាន់មុនឲ្យអធិស្ឋាន ( សូមមើល គោលលទ្ធិ និងសេចក្ដីសញ្ញា ២៣:៦ ) ហើយសិក្សាបទគម្ពីរ ( សូមមើល គោលលទ្ធិ និងសេចក្ដីសញ្ញា ២៦:១ ) ។ តើអ្នកអាចជួយកុមារដាក់ការអធិស្ឋាន និងបទគម្ពីរជាចំណែកនៃជីវិតរស់នៅរបស់គេដោយរបៀបណា ?
សកម្មភាពដែលអាចជ្រើសរើស
-
សូមអានទៅកាន់កុមារចេញមកពី គោលលទ្ធិ និង សេចក្ដីសញ្ញា ២៣:៦ ដោយចាប់ផ្ដើមត្រង់ពាក្យ « អ្នកត្រូវតែអធិស្ឋាន » ។ សូមជួយពួកគេឲ្យស្គាល់វិធី និងកន្លែងផ្សេងៗ ដែលព្រះអម្ចាស់មានបន្ទូលថាយើងគួរតែអធិស្ឋាន ។ សូមអញ្ជើញពួកគេឲ្យគូររូបខ្លួនពួកគេកំពុងអធិស្ឋាននៅក្នុងរបៀប ឬកន្លែងមួយ ។
-
បើចាំបាច់ សូមពន្យល់ដល់កុមារអំពីរបៀបអធិស្ឋាន ។ ចម្រៀងអំពីការអធិស្ឋាន ដូចជាបទ « ច្រៀងចម្រៀងអំពីការអធិស្ឋាន » ( សៀវភៅចម្រៀងកុមារ ១៤ ) អាចជាជំនួយ ។
-
សូមអានទៅកាន់កុមារថា « ត្រូវចំណាយពេលវេលារបស់អ្នក ដើម្បីការសិក្សាព្រះគម្ពីរ » ( គោលលទ្ធិ និង សេចក្ដីសញ្ញា ២៦:១ ) ។ សូមប្រាប់ពួកគេហេតុអ្វីអ្នកសិក្សាបទគម្ពីរ ។ សូមជួយពួកគេគិតអំពីរបៀបដែលពួកគេអាចរៀនមកពីបទគម្ពីរ ទោះជាពួកគេពុំទាន់ចេះអានក្ដី ។
-
សូមច្រៀងជាមួយគ្នា « ស្វែងរក គិត អធិស្ឋាន » ( សៀវភៅចម្រៀងកុមារ ទំព័រ ៦៦ ) ឬចម្រៀងមួយទៀតអំពីការអធិស្ឋាន និងការសិក្សាព្រះគម្ពីរ ។ សូមជួយកុមាររកមើលពរជ័យដែលបានសន្យានៅក្នុងចម្រៀង ។ សូមប្រាប់ពួកគេអំពីអារម្មណ៍ខាងវិញ្ញាណដែលអ្នកបានមាន នៅពេលអធិស្ឋាន និងអានបទគម្ពីរ ។
គោលលទ្ធិ និង សេចក្ដីសញ្ញា ២៥: ១១-១២
ព្រះយេស៊ូវស្រឡាញ់ « ចម្រៀងចេញពីដួងចិត្ត » ។
ព្រះអម្ចាស់បានមានបន្ទូលថា តន្ត្រីពិសិដ្ឋ « សព្វព្រះហឫទ័យដល់យើង » ។ សូមជួយកុមារឲ្យមើលឃើញថាការច្រៀងពុំគ្រាន់តែជាសកម្មភាពសប្បាយប៉ុណ្ណោះទេ ប៉ុន្តែវាជាវិធីមួយដើម្បីថ្វាយបង្គំទ្រង់ផងដែរ ។
សកម្មភាពដែលអាចជ្រើសរើស
-
សូមអញ្ជើញកុមារម្នាក់ៗឲ្យចែកចាយទំនុកតម្កើង ឬចម្រៀងសាសនាចក្រដែលពួកគេចូលចិត្ត ហើយច្រៀងចម្រៀងមួយចំនួនជាមួយគ្នា ។ សូមអាន គោលលទ្ធិ និង សេចក្ដីសញ្ញា ២៥:១២ ចំពោះកុមារ ហើយអញ្ជើញពួកគេឲ្យស្រមៃអំពីរបៀបដែលព្រះវរបិតាសួគ៌ និងព្រះយេស៊ូវ មានព្រះទ័យយ៉ាងណា នៅពេលពួកគេស្ដាប់ឮយើងច្រៀងចម្រៀងទាំងនេះ ។
-
សូមបង្រៀនចម្រៀងមួយបទដល់កុមារ ដូចជាបទ « Lift Up Your Voice and Sing » ( សៀវភៅចម្រៀងកុមារ លេខ ២៥២ ) ឬ ចម្រៀងអំពីព្រះយេស៊ូវគ្រីស្ទ ដូចជា « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ លេខ ២០ ) ។ សូមអញ្ជើញពួកគេឲ្យច្រៀងចម្រៀងជាមួយនឹងក្រុមគ្រួសារពួកគេនៅសប្ដាហ៍នេះ ។
រូបភាពការច្រៀងរបស់កុមារការច្រៀងគឺជាវិធីមួយដែលយើងអាចបង្ហាញសេចក្ដីស្រឡាញ់របស់យើងចំពោះព្រះ ។
គោលលទ្ធិ និង សេចក្តីសញ្ញា ២៥:១៣, ១៥
ខ្ញុំអាចរៀបចំខ្លួនដើម្បីធ្វើសេចក្ដីសញ្ញាពិសិដ្ឋ ។
កុមារដែលអ្នកបង្រៀនកំពុងរៀបចំខ្លួនដើម្បីធ្វើសេចក្ដីសញ្ញាដំបូងរបស់ពួកគេជាមួយព្រះវរបិតាសួគ៌នៅពេលពួកគេទទួលបុណ្យជ្រមុជទឹក ។ តើអ្នកអាចជួយពួកគេមើលឃើញរបៀបដែលសេចក្ដីសញ្ញារបស់យើងមានតម្លៃយ៉ាងដូចម្ដេច ?
សកម្មភាពដែលអាចជ្រើសរើស
-
សូមអាន គោលលទ្ធិ និង សេចក្ដីសញ្ញា ២៥:១៣ ដល់កុមារ ។ សូមពន្យល់ថាពាក្យ « តោងជាប់ » នៅក្នុងខនេះមានន័យថាតោងយ៉ាងជាប់ទៅនឹងអ្វីមួយ ។ ដើម្បីជួយពួកគេយល់ សូមហុចវត្ថុរឹង ដូចជា ថ្ម ( ឬដំបងដែក ) ទៅឲ្យកុមារផ្សេងទៀតក្នុងបន្ទប់ ហើយអញ្ជើញពួកគេឲ្យកាត់ឲ្យណែនតាមដែលគេអាចធ្វើទៅបាន ។ សូមពន្យល់ថា ការតោងជាប់ទៅនឹងសេចក្ដីសញ្ញារបស់យើងមានន័យថាជាការកាន់ ( ឬការរក្សា ) សេចក្ដីសន្យានានាដែលយើងធ្វើជាមួយព្រះវរបិតាសួគ៌ ហើយពុំលែងដៃ ( ឬបោះបង់ចោលឡើយ ) ។
-
សូមប្រើទំព័រសកម្មភាពសប្ដាហ៍នេះបង្រៀនកុមារអំពីគ្រាដែលយើងធ្វើសេចក្ដីសញ្ញាជាមួយព្រះវរបិតាសួគ៌ ។ សូមអាន គោលលទ្ធិ និងសេចក្ដីសញ្ញា ២៥:១៥ ហើយពន្យល់ថា « មកុដនៃសេចក្ដីសុចរិត » ជាតំណាងឲ្យពរជ័យនៃការត្រឡប់ទៅរស់នៅជាមួយព្រះ ជាស្ដេចសួគ៌របស់យើង ។
បង្រៀនគោលលទ្ធិ ៖ កុមារធំៗ
គោលលទ្ធិ និងសេចក្ដីសញ្ញា ២៣:៣-៧, ២៥:៧
ព្រះយេស៊ូវចង់ឲ្យខ្ញុំពង្រឹងដល់អ្នកទាំងឡាយដែលនៅជុំវិញខ្ញុំ ។
នៅពេលសាសនាចក្រត្រូវបានរៀបចំឡើងដំបូង ពុំមានសមាជិកច្រើនទេ ។ ព្រះអម្ចាស់បានសុំឲ្យពួកបរិសុទ្ធស្ថាបនាសាសនាចក្រឡើងតាមរយៈការចែកចាយដំណឹងល្អ និងការពង្រឹងដល់គ្នាទៅវិញទៅមក ។ យើងអាចធ្វើដូចគ្នានៅសព្វថ្ងៃនេះ ។
សកម្មភាពដែលអាចជ្រើសរើស
-
ចូរសុំឲ្យកុមារស្វែងរកគ្រប់ឧទាហរណ៍នៃពាក្យ « ការទូន្មាន » និង « ទូន្មាន » នៅក្នុង គោលលទ្ធិ និងសេចក្ដីសញ្ញា ២៣:៣-៧, ២៥:៧ ។ សូមជួយពួកគេឲ្យនិយមន័យនៃពាក្យទាំងនេះ ។ តើការទូន្មាននរណាម្នាក់អាចពង្រឹងពួកគេយ៉ាងដូចម្ដេច ? សូមអញ្ជើញកុមារឲ្យដើរតួរធ្វើជា « ទូន្មាន » នរណាម្នាក់ ប៉ុន្តែធ្វើដូច្នោះដោយក្ដីស្រឡាញ់ ។
-
តើយើងអាចធ្វើបានល្អប្រសើរនៅក្នុងកិច្ចការពង្រឹងដល់សមាជិកដទៃទៀតនៃសាសនាចក្រដោយរបៀបណា ? ដើម្បីបង្ហាញពីគោលការណ៍នេះ សូមផ្ដល់កិច្ចការមួយដល់កុមារម្នាក់ ដែលតម្រូវឲ្យមានអ្នកជួយច្រើន ។ បន្ទាប់មកសុំឲ្យកុមារផ្សេងទៀតជួយ ហើយពិភាក្សាអំពីរបៀបដែលកិច្ចការនោះមានភាពកាន់តែងាយស្រួល ។ សូមចែកចាយបទពិសោធន៍មួយដែលអ្នកកំពុងត្រូវបានពង្រឹងតាមរយៈការបម្រើដល់បងប្អូនសមាជិកសាសនាចក្រ ។
គោលលទ្ធិ និង សេចក្ដីសញ្ញា ២៤:១, ៨
ព្រះអង្គសង្គ្រោះអាច « លើក[ ខ្ញុំ ]ឡើងឲ្យរួចពីសេចក្ដីវេទនាទាំងឡាយ » ។
យ៉ូសែប ស៊្មីធ បានរងទុក្ខការសាកល្បងជាច្រើន ប៉ុន្តែលោកអាច « មានចិត្តអត់ធន់ក្នុងការឈឺចាប់ » ដោយសារព្រះអម្ចាស់បានសន្យាថា ទ្រង់នឹងគង់នៅជាមួយលោកជានិច្ច ។
សកម្មភាពដែលអាចជ្រើសរើស
-
សូមជួយកុមាររៀបរាប់នៅលើក្ដារខៀនអំពីការរងទុក្ខ ឬឧបសគ្គមួយចំនួន ដែលយ៉ូសែប ស្ម៊ីធ និងពួកបរិសុទ្ធជំនាន់មុនដទៃទៀត បានប្រឈមមុខ ( សូមមើល « ជំពូកទី ១១ ៖ មនុស្សកាន់តែច្រើនបានចូលរួមក្នុងសាសនាចក្រ » ដំណើររឿងគោលលទ្ធិ និងសេចក្តីសញ្ញា ទំព័រ ៤៦-៤៧ ឬ វីដេអូដែលមានដំណើររឿងនោះនៅក្នុង ChurchofJesusChrist.org ) ។ បន្ទាប់មកអញ្ជើញពួកគេឲ្យរកមើលនូវអ្វីដែលព្រះអម្ចាស់មានបន្ទូលទៅកាន់យ៉ូសែបអំពីសេចក្ដីវេទនារបស់លោកនៅក្នុង គោលលទ្ធិ និងសេចក្ដីសញ្ញា ២៤:១, ៨ ។ តើយើងអាចស្វែងរកជំនួយរបស់ព្រះអង្គសង្គ្រោះនៅពេលយើងកំពុងស្ថិតក្នុងគ្រាលំបាកដោយរបៀបណា ?
-
ដើម្បីបង្រៀនកុមារថា ពេលខ្លះយើងចាំបាច់ត្រូវ « មានចិត្តអត់ធន់នៅក្នុងការឈឺចាប់ [ របស់យើង ] » អ្នកអាចបង្ហាញវីដេអូ « បន្ដនៅក្នុងការអត់ធន់ » ( ChurchofJesusChrist.org ) ។ ចូរសុំឲ្យកុមារគិតអំពីអ្វីមួយដែលពួកគេពិតជាចង់បាន ប៉ុន្តែពួកគេត្រូវរង់ចាំ ។ ហេតុអ្វីក៏ពេលខ្លះព្រះអម្ចាស់តម្រូវឲ្យយើងមានចិត្តអត់ធន់ អំឡុងគ្រាលំបាកនៅក្នុងជីវិតរបស់យើងដូច្នេះ ? តើទ្រង់ចង់ឲ្យយើងដឹងថាទ្រង់ « គង់នៅជាមួយ[យើង]ក្នុងសេចក្ដីវេទនារបស់យើង » យ៉ាងដូចម្ដេចខ្លះ ?
គោលលទ្ធិ និង សេចក្តីសញ្ញា ២៥:១៣
ខ្ញុំអាច « នៅជាប់នឹងសេចក្ដីសញ្ញា » ដែលខ្ញុំបានធ្វើ ។
មិនយូរប៉ុន្មាន បន្ទាប់ពី អិមម៉ា ស្ម៊ីធ បានទទួលបុណ្យជ្រមុជទឹក នោះព្រះអម្ចាស់បានប្រាប់គាត់ឲ្យ « នៅជាប់នឹងសេចក្ដីសញ្ញាទាំងឡាយ ដែលអ្នកបានធ្វើចុះ » ។ សូមពិចារណាអំពីដំបូន្មាននេះអាចប្រទានពរដល់កុមារដែលអ្នកបង្រៀនយ៉ាងដូចម្ដេចខ្លះ ។
សកម្មភាពដែលអាចជ្រើសរើស
-
សូមអាន គោលលទ្ធិ និងសេចក្ដីសញ្ញា ២៥:១៣ ជាមួយគ្នា ហើយសួរកុមារថាវាមានន័យយ៉ាងណានៅក្នុងខនេះឲ្យ « នៅជាប់នឹងសេចក្ដីសញ្ញា » ដែលយើងធ្វើនោះ ។ ដើម្បីបង្ហាញ សូមហុចវត្ថុដែលនៅជាប់ណែននឹងគ្នា ហើយឲ្យកុមារព្យាយាមហែកវាចេញពីគ្នា ។ ហេតុអ្វីពាក្យ « នៅជាប់ » ជាពាក្យល្អដើម្បីពិពណ៌នាអំពីរបៀបដែលយើងគួរមានអារម្មណ៍អំពីសេចក្ដីសញ្ញារបស់យើងដូច្នេះ ?
-
បើចាំបាច់ សូមរំឭកជាមួយនឹងកុមារនូវសេចក្ដីសញ្ញានានាដែលយើងធ្វើនៅពេលយើងទទួលបុណ្យជ្រមុជទឹក ( សូមមើល ម៉ូសាយ ១៨:៨-១០, គោលលទ្ធិ និង សេចក្ដីសញ្ញា ២០:៣៧ ) ។ តើពាក្យ « នៅជាប់ »មានន័យយ៉ាងណាចំពោះសេចក្ដីសញ្ញាទាំងនេះ ?
-
សូមរំឭកជាមួយគ្នានូវអ្វីមួយចំនួនដែលអ្នកដឹងអំពីជីវិតរបស់អិមម៉ា ស្ម៊ីធ ( សូមមើល ជំពូកទី ១៣ ៖ យ៉ូសែប និងអិមម៉ា» [ដំណើររឿងគោលលទ្ធិ និងសេចក្ដីសញ្ញា ទំព័រ ៥១-៥៥ ] ឬវីដេអូដែលមានដំណើររឿងនោះនៅ ក្នុង ChurchofJesusChrist.org ) ។ សូមឲ្យកុមារម្នាក់ៗនូវខគម្ពីរមួយ ឬពីរចេញមកពី កណ្ឌ ២៥ ហើយអញ្ជើញពួកគេឲ្យចែកចាយអំពីរបៀបដែលដំបូន្មាន និងការចាត់តាំងរបស់ព្រះអម្ចាស់ អាចបានជួយដល់អិមម៉ាឲ្យ « នៅជាប់នឹងសេចក្ដីសញ្ញា » ដែលនាងបានធ្វើ ។ តើយើងអាចធ្វើតាមគំរូរបស់គាត់យ៉ាងដូចម្ដេច ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យរើសយកខដែលពួកគេចូលចិត្ត ដែលអ្នកបានពិភាក្សាជាមួយគ្នា សូមសរសេរសេចក្ដីយោង ហើយចែកចាយវាជាមួយនឹងសមាជិកគ្រួសារ ឬមិត្តភក្ដិ ។
ការកែលម្អការបង្រៀនរបស់យើង
លើកទឹកចិត្តឲ្យមានគារវភាព ។ សូមជួយកុមារឲ្យយល់ថា ផ្នែកមួយនៃគារវភាពដ៏សំខាន់គឺការគិតដល់ព្រះវរបិតាសួគ៌ និងព្រះយេស៊ូវគ្រីស្ទ ។ អ្នកអាចរំឭកពួកគេឲ្យមានគារវភាពបាន ដោយការច្រៀង ឬច្រៀងរហ៊ឹមៗបន្ទរបទចម្រៀងមួយដោយស្ងាត់ស្ងៀម ឬការបង្ហាញរូបភាពព្រះយេស៊ូវមួយសន្លឹក ។