« ថ្ងៃទី ២៦ ខែ មេសា-ថ្ងៃទី ២ ខែ ឧសភា ។ គោលលទ្ធិ និងសេចក្ដីសញ្ញា ៤៥ ៖ ‹ « សេចក្តីសន្យាទាំងប៉ុន្មាន…នឹងត្រូវបានសម្រេចហើយ ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១( ឆ្នាំ ២០២០ )
« ថ្ងៃទី ២៦ ខែ មេសា-ថ្ងៃទី ២ ខែ ឧសភា ។ គោលលទ្ធិ និង សេចក្តីសញ្ញា ៤៥ »ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
ថ្ងៃទី ២៦ ខែ មេសា–ថ្ងៃទី ២ ខែ ឧសភា
គោលលទ្ធិ និង សេចក្ដីសញ្ញា ៤៥
« សេចក្តីសន្យាទាំងប៉ុន្មាន…នឹងត្រូវបានសម្រេចហើយ »
ក្នុងនាមជាគ្រូបង្រៀន ការរៀបចំដ៏ចាំបាច់របស់អ្នកគឺខាងវិញ្ញាណ ។ សូមចាប់ផ្តើមដោយការសិក្សា គោលលទ្ធិ និង សេចក្តីសញ្ញា ៤៥ហើយអធិស្ឋានសូមការណែនាំពីព្រះវិញ្ញាណបរិសុទ្ធ ។ គម្រោងនេះផ្តល់ជាគំនិតខ្លះៗដែលអាចផ្តល់ជាអត្ថប្រយោជន៍ដល់អ្នក ។ អ្នកក៏អាចរកគំនិតខ្លះៗនៅក្នុង គម្រោង ប្រចាំសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារឬនៅក្នុង លីអាហូណា ឬ ប្រិយមិត្ត ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមសួរកុមារប្រសិនបើពួកគេចង់ចែកចាយអ្វីមួយដែលពួកគេបានរៀនចេញពីព្រះគម្ពីរនៅសប្តាហ៍នេះ ។ សូមជ្រើសរើសនរណាម្នាក់ឲ្យចែកចាយ ហើយសូមឲ្យកុមារផ្សេងទៀតលើកដៃពួកគេឡើង ប្រសិនបើពួកគេបានរៀនអំពីអ្វីមួយស្រដៀងគ្នា ។
បង្រៀនគោលលទ្ធិ ៖ កុមារតូចៗ
គោលលទ្ធិ និង សេចក្ដីសញ្ញា ៤៥:៣២
ខ្ញុំអាចនៅ « ឈរនៅក្នុងទីបរិសុទ្ធ » ។
នៅក្នុងគោលលទ្ធិ និង សេចក្ដីសញ្ញា ៤៥:៣២ព្រះអម្ចាស់បានបង្រៀនថា ពួកសិស្សរបស់ទ្រង់នឹងមានសុវត្ថិភាពនៅថ្ងៃចុងក្រោយ តាមរយៈការឈរនៅទីបរិសុទ្ធ —ជាទីដែលពិសេសចំពោះព្រះអម្ចាស់ ។ តើអ្នកអាចជួយកុមារស្គាល់ទីបរិសុទ្ធនៅក្នុងជីវិតរបស់ពួកគេដោយរបៀបណា ?
សកម្មភាពដែលអាចជ្រើសរើស
-
សូមដាក់បង្ហាញរូបភាពផ្ទះ អគារសាសនាចក្រ និងព្រះវិហារបរិសុទ្ធនៅកន្លែងខុសៗគ្នាឲ្យពេញបន្ទប់ ។ សូមផ្តល់ជាតម្រុយពិពណ៌នាពីកន្លែងទាំងនេះ ហើយអញ្ជើញកុមារឲ្យឈរនៅជិតរូបភាពដែលអ្នកកំពុងពិពណ៌នា ។ សូមអានបន្ទាត់ទីមួយចេញពី គោលលទ្ធិ និង សេចក្ដីសញ្ញា ៤៥:៣២ ។ សូមថ្លែងទីបន្ទាល់ថា យើងត្រូវបានប្រទានពរជ័យ នៅពេលយើងចំណាយពេលនៅទីបរិសុទ្ធ ដូចជាផ្ទះរបស់យើង អគារព្រះវិហាររបស់យើង និងព្រះវិហារបរិសុទ្ធ ។ សូមឲ្យកុមារសម្ដែងពីអារម្មណ៍កាលពួកគេនៅក្នុងទីបរិសុទ្ធទាំងនេះ ។
-
សូមជួយកុមារឲ្យបំពេញទំព័រសកម្មភាពប្រចាំសប្ដាហ៍នេះ ។ សូមជួយពួកគេសរសេរ « ខ្ញុំអាចជួយធ្វើឲ្យផ្ទះរបស់ខ្ញុំក្លាយជាទីបរិសុទ្ធ » ហើយ« គោលលទ្ធិ និងសេចក្តីសញ្ញា ៤៥:៣២» នៅលើគំនូររបស់ពួកគេ ។ តើពួកគេបានធ្វើអ្វីខ្លះដើម្បីជួយធ្វើឲ្យផ្ទះរបស់ពួកគេក្លាយជាទីបរិសុទ្ធ ?
-
ដើម្បីជួយកុមារគិតអំពីអត្ថន័យនៃការ « នឹងពុំត្រូវបានរើឡើយ » សូមឲ្យពួកគេឈរនៅស្ងៀមមួយកន្លែងកុំរើមួយនាទី ។ សូមអានបន្ទាត់ទីមួយចេញពី គោលលទ្ធិ និង សេចក្ដីសញ្ញា ៤៥:៣២ ។ សូមជួយកុមារយល់ថា ដើម្បី« ឈរនៅក្នុងទីបរិសុទ្ធទាំងឡាយ ហើយនឹងពុំត្រូវបានរើឡើយ » មានន័យថា ត្រូវជ្រើសរើសត្រឹមត្រូវគ្រប់ពេលវេលាទាំងអស់ មិនថាមានរឿងអ្វីកើតឡើងនោះទេ ។ សូមឲ្យពួកគេ « កុំរើ » ចេញពីគំនិត និងទង្វើរសុចរិត ។
គោលលទ្ធិ និង សេចក្ដីសញ្ញា ៤៥:៤៤–៤៥
ព្រះយេស៊ូវគ្រីស្ទ នឹងយាងមកម្ដងទៀត ។
នៅពេលដែលពួកបរិសុទ្ធនៅទីក្រុងខឺតឡង់ រដ្ឋអូហៃអូ បានឭពីវិវរណៈដែលមាននៅក្នុងគោលលទ្ធិ និងសេចក្តីសញ្ញា ៤៥ដែលនិយាយពីថ្ងៃចុងក្រោយ និងការយាងមកជាលើកទីពីរ ពួកគេបានទទួលដោយសេចក្តីអំណរ ។ សូមពិចារណាពីរបៀបដែលនឹងជួយកុមាររៀបចំទទួលការយាងមកជាលើកទីពីរដោយរីករាយ ។
សកម្មភាពដែលអាចជ្រើសរើស
-
សូមជួយកុមារគិតអំពីរបៀបដែលពួកគេទទួលអារម្មណ៍ នៅពេលពួកគេដឹងថា មាននរណាម្នាក់សំខាន់កំពុងមកលេងពួកគេ ដូចជាលោកតា លោកយាយ ឬមិត្តភក្តិម្នាក់ ។ តើពួកគេត្រៀមខ្លួនសម្រាប់ការមកលេងនេះដូចម្តេចខ្លះ ? សូមបង្ហាញរូបភាពរបស់ព្រះអង្គសង្គ្រោះ ហើយសូមអានផ្នែកខ្លះ ឬទាំងអស់ចេញពី គោលលទ្ធិ និងសេចក្តីសញ្ញា ៤៥:៤៤–៤៥ ។ សូមប្រាប់កុមារពីអារម្មណ៍របស់អ្នកអំពីការយាងមករបស់ព្រះអង្គសង្រ្គោះម្តងទៀត ហើយសូមឲ្យពួកគេចែករំលែកអារម្មណ៍របស់ពួកគេ ។
-
សូមបង្ហាញរូបភាពព្រះអង្គសង្រ្គោះយាងមកជាលើកទីពីរ ( សូមមើល គម្រោងមេរៀនប្រចាំសប្ដាហ៍នេះនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ហើយសូមឲ្យកុមារចែកចាយពីអារម្មណ៍របស់ពួកគេពេលពួកគេឃើញរូបភាពនេះ ។ សូមចែកចាយទីបន្ទាល់របស់អ្នកថា ព្រះយេស៊ូវ គ្រីស្ទ នឹងយាងមកម្តងទៀត ។
-
សូមច្រៀងអំពីការយាងមកជាលើកទីពីរ ដូចជាបទ « ពេលទ្រង់យាងមកម្តងទៀតសៀវភៅចម្រៀងកុមារទំព័រ ៤៦–៤៧ ) ។ សូមប្រើបទចម្រៀងនេះ ដើម្បីពិភាក្សាអំពីវិធីដែលយើងអាចត្រៀមខ្លួនសម្រាប់ការយាងមករបស់ព្រះយេស៊ូវ ម្តងទៀត ដូចជា តាមរយៈការធ្វើតាមព្រះទ័យរបស់ព្រះ និងការធ្វើឲ្យពន្លឺរបស់យើងចែងចាំងដល់អ្នកដទៃ ។
បង្រៀនគោលលទ្ធិ ៖ កុមារធំៗ
គោលលទ្ធិ និង សេចក្តីសញ្ញា ៤៥:៣–៥
ព្រះយេស៊ូវគ្រីស្ទគឺជាព្រះអង្គគាំទ្ររបស់យើងជាមួយនឹងព្រះវរបិតា ។
តើអ្នកអាចជួយកុមារពង្រឹងសេចក្តីជំនឿរបស់ពួកគេថា ព្រះយេស៊ូវគ្រីស្ទគឺជាអង្គគាំទ្ររបស់ពួកគេយ៉ាងដូចម្តេច ? តើអ្នកបានរៀនពីការណ៍នេះសម្រាប់ខ្លួនអ្នកដោយរបៀបណា ?
សកម្មភាពដែលអាចជ្រើសរើស
-
សូមសរសេរពាក្យ ឬឃ្លាដែលមាននៅក្នុង គោលលទ្ធិ និងសេចក្ដីសញ្ញា ៤៥:៣-៥នៅលើក្រដាសផ្សេងគ្នា ។ សូមទុកពេលមួយនាទីឲ្យកុមារដើម្បីសិក្សាខគម្ពីរទាំងនេះនៅក្នុងព្រះគម្ពីររបស់ពួកគេ ហើយបន្ទាប់មក សូមអញ្ជើញពួកគេឲ្យបិទព្រះគម្ពីររបស់ពួកគេ ហើយសរសេរពាក្យនេះនៅលើក្រដាសតាមលំដាប់លំដោយដែលមាននៅក្នុងខគម្ពីរនេះ ។ ស្របតាមខគម្ពីរទាំងនេះ តើព្រះអង្គសង្រ្គោះមានបន្ទូលអ្វីខ្លះ ក្នុងការទូលអង្វរពីកិច្ចការរបស់យើងចំពោះព្រះវរបិតាសួគ៌ ?
-
សូមជួយកុមារឲ្យនិយមន័យពាក្យ អ្នកគាំទ្រប្រហែលជាសូមមើលនៅក្នុងវចនុក្រម ។ តើព្រះអង្គសង្គ្រោះបានធ្វើអ្វីខ្លះដែលអាចធ្វើឲ្យទ្រង់ធ្វើជាអ្នកគាំទ្ររបស់យើងបាននោះ ? សូមចែកចាយអារម្មណ៍របស់អ្នកអំពីអ្វីដែលព្រះយេស៊ូវ គ្រីស្ទ បានធ្វើសម្រាប់យើង ហើយសូមឲ្យកុមារចែកចាយអារម្មណ៍របស់ពួកគេ ។
គោលលទ្ធិ និង សេចក្ដីសញ្ញា ៤៥:៩
ដំណឹងល្អនៃព្រះយេស៊ូវគ្រីស្ទ គឺជាពន្លឺនៃពិភពលោក ។
សូមជួយកុមារដែលអ្នកបង្រៀន គិតអំពីវិធីដែលដំណឹងល្អរៀបចំពិភពលោកសម្រាប់ការយាងមកជាលើកទីពីររបស់ព្រះអង្គសង្គ្រោះ ។
សកម្មភាពដែលអាចជ្រើសរើស
-
សូមបង្ហាញរូបភាពពន្លឺមួយ និងទង់ជាតិ ឬគូររូបទាំងនេះនៅលើក្តារខៀន ។ សូមអញ្ជើញកុមារឲ្យអាន គោលលទ្ធិ និង សេចក្តីសញ្ញា ៤៥:៩ ហើយគិតពីរបៀបដែលដំណឹងល្អគឺដូចជាពន្លឺ មាត្រដ្ឋាន ( ឬទង់ជាតិ ) និងជាអ្នកនាំសារ ។ អ្នកអាចពន្យល់ថានៅពីបុរាណ មាត្រដ្ឋានគឺជាបដា ឬទង់ជាតិដែលលើកឡើងនៅសមរភូមិ ។ វាជួយឲ្យពួកទាហានដឹងពីកន្លែងជួបជុំគ្នា និងអ្វីដែលត្រូវធ្វើ ។
រូបភាពមេទ័ពមរ៉ូណៃលើកទង់ឥស្សរភាពឡើងទង់ឥស្សវភាពដោយ ឡារី ខនរ៉ាត វិនប៊ើហ្គ
-
សូមជួយកុមារឲ្យទន្ទេញ ខទី ៩ ដោយការសរសេរវានៅលើក្តារខៀន ហើយលុបពាក្យពីរបីពាក្យម្តងៗ ។
គោលលទ្ធិ និង សេចក្ដីសញ្ញា ៤៥:៣៧–៣៨
ព្រះយេស៊ូវគ្រីស្ទ នឹងយាងមកម្ដងទៀត ។
វាអាចជារឿងគួរឲ្យខ្លាចចំពោះកុមារដែលត្រូវអានអំពីសង្រ្គាម សេចក្តីទុច្ចរិត និងការបំផ្លិចបំផ្លាញដែលត្រូវបានព្យាករណ៍ដែលនឹងត្រូវកើតពីមុនការយាងមកជាលើកទីពីររបស់ព្រះអង្គសង្រ្គោះ ។ តើអ្នកអាចជួយពួកគេទន្ទឹងមើលទៅមុខដោយសេចក្តីអំណរចំពោះថ្ងៃដែលបានសន្យានេះដោយរបៀបណា ?
សកម្មភាពដែលអាចជ្រើសរើស
-
សូមសួរកុមារថាតើពួកគេដឹងថារដូវកាលថ្មីជិតចូលមកដល់តាមរបៀបណា ? តើពួកគេរកមើលទីសម្គាល់អ្វី ? សូមពន្យល់ថា ដូចជារដូវកាលថ្មីមានសម្គាល់របស់វា នោះការយាងមកជាលើកទីពីរក៏មានទីម្គាល់ដែរ ។ សូមអានជាមួយគ្នា គោលលទ្ធិ និងសេចក្ដីសញ្ញា ៤៥:៣៧–៣៨។ តើព្រះយេស៊ូវ មានបន្ទូលថាទីសម្គាល់នៃការយាងមកជាលើកទីពីររបស់ទ្រង់មានសភាពដូចម្តេច ? ដើម្បីជួយកុមារស្គាល់ទីសម្គាល់ដែលយើងគួរស្វែងរក សូមចាត់ឲ្យកុមារម្នាក់ៗ ( ឬកុមារមួយក្រុម ) អាន-ពីរបីខចេញពីគោលលទ្ធិ និងសេចក្តីសញ្ញា ៤៥ដែលពិពណ៌នាអំពីទីសម្គាល់ ។ ខទី ២៦–២៧, ៣១–៣៣, ៤០–៤២អាចប្រើជាឧទាហរណ៍ ។ សូមឲ្យកុមារចែកចាយអ្វីដែលពួកគេរកឃើញ ។ តើទីសម្គាល់ណាមួយដែលត្រូវបានបំពេញសព្វថ្ងៃនេះ ?
-
នៅលើក្រដាសមួយផ្សេងទៀត សូមសរសេរសេចក្តីសន្យាមួយចំនួន ទាក់ទងនឹងព្រឹត្តិការណ៍នៅថ្ងៃអានាគត ដែលអ្នកបានរកឃើញនៅក្នុងការសិក្សារបស់អ្នកពី ជំពូក ៤៥។ គំរូនៃសេចក្តីសន្យាទាំងនេះមួយចំនួនអាចមាននៅក្នុង ខទី ៤៤–៤៥, ៥១–៥២, ៥៥, ៥៨–៥៩, ៦៦–៧១ ។ សូមសរសេរនៅលើក្ដារខៀនពីខគម្ពីរមួយចំនួនដែលមានសេចក្តីសន្យា ។ សូមចែកក្រដាសទៅឲ្យសិស្ស ហើយសុំឲ្យពួកគេប្រើព្រះគម្ពីរផ្គូរផ្គងខគម្ពីរទាំងនេះនៅលើក្តារខៀនជាមួយនឹងសេចក្តីសន្យាទាំងឡាយ ។ សូមពិភាក្សាពីអត្ថន័យនៃពាក្យសេចក្តីសន្យា ហើយអញ្ជើញកុមារឲ្យចែករំលែកថាតើ សេចក្តីសន្យាណាមួយដែលជួយពួកគេមានអារម្មណ៍រំភើបអំពីការយាងមកជាលើកទីពីររបស់ព្រះអង្គសង្រ្គោះ ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមឲ្យកុមារគិតអំពីរឿងមួយដែលពួកគេបានរៀននៅពេលកំពុងរៀនក្នុងថ្នាក់ ដែលពួកគេអាចចែករំលែកជាមួយក្រុមគ្រួសាររបស់ពួកគេ ។ សូមសួរពួកគេពីរបីនាក់ឲ្យចែករំលែកជាមួយសិស្សក្នុងថ្នាក់ពីអ្វីដែលពួកគេចង់ចែកចាយជាមួយអ្នកផ្ទះ ។
ការអភិវឌ្ឍន៍ការបង្រៀនរបស់យើង
ជួយសិស្សឲ្យស្គាល់ពីព្រះវិញ្ញាណ ។ នៅពេលអ្នកបង្រៀនកុមារ សូមប្រាប់ពួកគេនៅពេលអ្នកទទួលអារម្មណ៍នៃព្រះវិញ្ញាណបរិសុទ្ធ ។ សូមនិយាយអំពីរបៀបដែលអ្នកស្គាល់វត្តមានរបស់ទ្រង់គង់នៅ ។ ឧទាហរណ៍ អ្នកអាចទទួលអារម្មណ៍ថាមានសុវត្ថិភាព ឬរីករាយកាលដែលច្រៀងចម្រៀងអំពីព្រះអង្គសង្រ្គោះ ។ ការស្គាល់អារម្មណ៍ទាំងនេះនឹងជួយកុមារដឹង នៅពេលពួកគេទទួលអារម្មណ៍នៃព្រះវិញ្ញាណ ។