«Բժշկութիւն նորա թեւերի վերայ», ըստ Ջոն ՄաքՆոթընի

Մարտի 4-10-ը

Մատթեոս 8–9, Մարկոս 2–5

«Քո հավատքը քեզ ողջ դարձրեց»

Սկսեք կարդալով Մատթեոս 8–9 և Մարկոս 2–5 գլուխները: «Եկ, հետևիր ինձ» ուղերձի Անհատների և ընտանիքների համար բաժինը կարող է օգնել ձեզ հասկանալ այս գլուխները, իսկ այս համառոտ շարադրանքը կարող է ձեզ ուսուցման մտքեր տալ:

Գրի առեք ձեր տպավորությունները

Հրավիրեք կիսվել

Խնդրեք երեխաներին պատմել Հիսուսի գործած հրաշքների մասին պատմություն (տեսեք հրաշքների ցանկը այս շաբաթվա համառոտ շարադրանքում «Եկ, հետևիր ինձ» ուղերձի Անհատների ու ընտանիքների համար բաժնում): Կարող եք նաև ցույց տալ դրանց հետ առնչվող նկարներ (տես Ավետարանի պատկերագիրք,էջ 40, 41 կամ LDS.org):

Ուսուցանեք վարդապետությունը

Փոքր երեխաներ

Մատթեոս 8–9, Մարկոս 2, 5

Հիսուսը հրաշքներ գործելու զորություն ունի:

Մինչ կկարդաք Փրկիչի բժշկող հրաշքների մասին, խորհեք, թե որ հրաշքով պետք է կիսվեք: Ինչպե՞ս կարող եք օգնել ձեր ուսուցանած երեխաներին հասկանալ հավատքի դերը Հիսուսի գործած հրաշքներում:

Հնարավոր վարժություններ

• Կիսվեք անդամալույծ մարդու մասին պատմությունով Մարկոս 2.1–12 հատվածներից: Կարող եք օգտվել «Գլուխ 23-ից. Մարդը, ով չէր կարողանում քայլել» Նոր Կտակարանի պատմություններ, էջ 57-58, կամ դիտեք համապատասխան տեսանյութերը (LDS.org կայքում): Ասացեք երեխաներին, որ անդամալույծ մարդը չէր կարողանում քայլել: Օգնեք նրանց հասկանալ, որ Փրկիչը բուժեց այս մարդուն և ներեց նրան:

• Մարկոս 5.22–23, 35–43 հատվածները կարդալիս հրավիրեք երեխաներին ձևացնել՝ իբրև «վեր են կենում» Հայրոսի դստեր նման: Օգնեք նրանց հասկանալ, որ Հիսուսը մեզ բոլորիս համար հնարավոր դարձրեց հավերժական կյանքը:

• Կարդացեք Մարկոս 5.34: Օգնեք երեխաներին մտապահել «Քո հավատքը քեզ ողջ դարձրեց» արտահայտությունը. յուրաքանչյուր երեխային տվեք մի բառ, այնուհետև թող հերթականությամբ ասեն իրենց բառերը: Նրանց ծանոթներից որևէ մեկը երբևէ ապաքինվե՞լ է հիվանդությունից:

• Խնդրեք երեխաներին փակել իրենց աչքերը և լսել` մինչ կկարդաք Մատթեոս 9.27–30 հատվածները: Երբ կարդաք Հիսուսի մասին, որ Նա բժշկեց կույր մարդուն, հրավիրեք երեխաներին բացել իրենց աչքերը: Ի՞նչ կզգային, եթե Հիսուսը բժշկեր նրանց:

• Հրավիրեք երեխաներին խոսել այն ժամանակի մասին, երբ իրենք հիվանդ են եղել: Պատմեք մի պատմություն, երբ Հիսուսը բուժել է հիվանդներին, և վկայեք, որ Հիսուսի զորությունը կարող է բժշկել և օրհնել մեզ, եթե աղոթենք ու ստանանք քահանայության օրհնությունները: Բացատրեք, որ չնայած Տերը երբեմն մեզ չի տալիս մեր ցանկացած հրաշքը, Նա սիրում է մեզ ու տեղյակ է մեր կարիքների մասին: Նա մեզ կտա այն մխիթարությունը, որի կարիքը մենք ունենք:

Մարկոս 4.35–41

Երբ ես վախենում եմ կամ վտանգի մեջ եմ, Հիսուսը կարող է օգնել ինձ խաղաղություն զգալ:

Այն պատմությունը, երբ Հիսուսը հանդարտեցնում է փոթորիկը, կարող է օգնել երեխաներին, որ Նա կարող է խաղաղություն տալ իրենց, երբ վախենան:

Հնարավոր վարժություններ

• Մարկոս 4.35–41 հատվածները կարդալիս օգնեք երեխաներին պատկերացնել, որ իրենք նավի վրա են: (Տես նաև «Գլուխ 21, Հիսուսն իշխանություն ունի քամու և ալիքների վրա» Նոր Կտակարանի պատմություններ, էջ 53, կամ դիտեք համապատասխան տեսանյութերը (LDS.org կայքում): Խնդրեք երեխաներին նկարագրել, թե ինչպես կզգային, եթե այնտեղ լինեին: Ե՞րբ են երեխաները վախեցած եղել: Ինչպե՞ս գտան մխիթարություն:

• Հրավիրեք երեխաներին փոթորիկի ձայն հանել ու լռել, երբ ինչ-որ մեկն ասի «լռիր, պապանձուիր»: Վկայեք, որ ինչպես Հիսուսը կարող է խաղաղություն բերել մեզ, երբ դրսում փոթորիկ է, Նա կարող է խաղաղություն բերել նաև մեր սրտերին, երբ մենք ներքուստ վատ զգանք:

• Մտածեք «Պատմիր ինձ Հիսուսի մասին» երգի երրորդ պարբերությանը ուղեկցող շարժումների մասինՄանկական երգարան,  էջ 57:

«Քրիստոսը հանդարտեցնում է փոթորիկը» ըստ Ռոբերտ Թ. Բերեթի

Ուսուցանեք վարդապետությունը

Մեծ երեխաներ

Մարկոս 2, 5

Հիսուսը կարող է հրաշքներ գործել իմ կյանքում, եթե ես հավատամ Նրան:

Հիսուսը շատ հրաշքներ գործեց Իր մահկանացու ծառայության ընթացքում: Ինչպե՞ս կարող եք օգնել երեխաներին իմանալ, որ հրաշքներ այսօր էլ են լինում:

Հնարավոր վարժություններ

• Խնդրեք երեխաներին կարդալու և նկարելու համար ընտրել հետևյալ հրաշքներից մեկը. Մարկոս 2.1–12, Մարկոս 5.22–23, 35–43, կամ Մարկոս 5.24–34: Հրավիրեք երեխաներին դասարանին բացատրել իրենց նկարները: Այս պատմություններից ի՞նչ են սովորում Հիսուսի մասին:

• Խնդրեք երեխաներին ցույց տալ, թե ինչպես են զգում, երբ հիվանդ են, տխուր են, վախենում են կամ անհանգիստ են: Ինչպե՞ս կարող է Հիսուսն օգնել մեզ, երբ մենք նման զգացումներ ունենք: Վկայեք, որ Հիսուսը կարող է օգնել երեխաներին այս բոլոր իրավիճակներում:

• Հրավիրեք երեխաներին կիսվել փորձառություններով, երբ նրանք կամ իրենց ծանոթներից մեկը ստացել է քահանայության օրհնություն: Ինչպե՞ս է այդ մարդը ապաքինվել կամ օրհնվել:

Մատթեոս 8–9, Մարկոս 2, 5

Ես Հիսուսի նման կարող եմ սեր ցուցաբերել ուրիշների հանդեպ:

Հիսուսը մեծ սեր ցուցաբերեց` բուժելով հիվանդներին ու տառապյալներին: Խորհեք, թե ինչպես կարող եք ուսուցանել երեխաներին կարեկցանք ցուցաբերել կարիքավորների հանդեպ:

Հնարավոր վարժություններ

• Երեխաների հետ վերանայելու համար ընտրեք Հիսուսի հետևյալ հրաշքներից մեկը կամ մի քանիսը. Մարկոս 2.1–12, Մարկոս 5.22–23, 35–43, կամ Մարկոս 5.24–34: (Տես նաև “Jesus Forgives Sins and Heals a Man Stricken with Palsy,” “Jesus Raises the Daughter of Jairus,” and “Jesus Heals a Woman of Faith” տեսանյութերը LDS.org կայքում): Հրավիրեք երեխաներին կիսվել մի ժամանակահատվածի մասին, երբ նրանք օգնել են կարիքավոր մեկին և ինչպես են զգացել:

• Ցույց տվեք “Gordon Hinckley: Lessons I Learned as a Boy” կամ “The Coat” (LDS.org կայքում): Այս տեսանյութերում տղաներն ինչպե՞ս հետևեցին Հիսուսի օրինակին: Հրավիրեք երեխաներին կիսվել այլ իրավիճակներով, երբ ինչ-որ մեկը կարող է կարիքի մեջ լինել: Ի՞նչ կարող ենք անել նրանց օգնելու համար:

• Հիշեցրեք երեխաներին, որ ուրիշներին օգնելն իրենց մկրտության ուխտի մասն է կազմում (տես Մոսիա 18.8–10, Ալմա 34.28) հատվածները:

Մատթեոս 8.23-27, Մարկոս 4:35-41

Երբ ես վախենում եմ կամ վտանգի մեջ եմ, Հիսուսը կարող է օգնել ինձ խաղաղություն զգալ:

Երեխաները պետք է իմանան, որ Փրկիչը կարող է խաղաղություն տալ իրենց, երբ կանգնեն կյանքի փոթորկի դեմ` լինի դա հիմա, թե ապագայում:

Հնարավոր վարժություններ

• Խնդրեք երեխաներից մեկին, օգտագործելով Մարկոս 4.35-41 հատվածները և Հիսուսը հանդարտեցնում է փոթորիկը նկարը (Ավետարանի պատկերագիրք, էջ  40), պատմել Հիսուսի փոթորիկը հանդարտեցնելու մասին պատմությունը: Խնդրեք երեխաներին նկարագրել, թե ինչպես կզգային, եթե այնտեղ լինեին:

• Հրավիրեք երեխաներին կիսվել փորձառություններով, երբ նրանք խաղաղություն են զգացել օգնության մասին աղոթելուց հետո: Հիշեցրեք նրանց, որ այդ խաղաղությունը գալիս է Փրկիչից:

• Երեխաների հետ երգեք “Master, the Tempest Is Raging,” օրհներգը Հիմների գիրք, էջ   105` հրավիրելով նրանց շշնջալ, երբ երգեն «լռիր, պապանձուիր» բառերը:

• Յուրաքանչյուր երեխայի տվեք մեկական թղթե ամպ և խնդրեք նրանց դրա վրա գրել ինչ-որ փորձություն, որ մարդիկ կարող են ունենալ: Բոլոր ամպերը դրեք տախտակի վրա` ծածկելով Փրկիչի նկարը: Հրավիրեք երեխաներից մեկին հեռացնել ամպերից մեկը և առաջարկել եղանակներ, որ կարող ենք օգնել ինչ-որ մեկին, ով ունի այդ փորձությունը, գտնել խաղաղություն: Երբ բոլոր ամպերը հեռացվեն, վկայեք մեր կյանքի փոթորիկները հանդարտեցնելու Փրկիչի զորության մասին:

Խրախուսեք տնային ուսումնասիրությունը

Օգնեք երեխաներին գրի առնել մի ծառայություն, որը նրանք կանեն ինչ-որ մեկի համար այս շաբաթվա ընթացքում:

Բարելավենք մեր ուսուցումը

Երեխաներն ակտիվ են: Երբեմն կարող եք զգալ, որ երեխաների եռանդը շեղում է իրենց սովորելուց: Սակայն կարող եք օգտագործել իրենց աշխույժ բնույթը` հրավիրելով նրանց բեմականացնել ինչ-որ պատմություն կամ կատարել շարժումներ, որոնք համընկնում են երգի կամ սուրբ գրության իրադարձությունների հետ: (Տես «Ուսուցանել Փրկիչի ձևով», էջ 25):