Tē poro ra Iesu Mesia i te ’evanelia i roto i te ao vārua

Tē Poro ra Iesu Mesia i te ’evanelia i roto i te ao vārua, nā Robert T. Barrett

25 nō Novema–1 nō Tītema

1 ʼe 2 Petero

« E ’oa’oa na i te ’oa’oa e’ita e ti’a ’ia parau ra, ’e te ’ī ho’i i te maita’i »

E haʼamata i tā ʼoutou taiʼoraʼa i te 1 ʼe 2 Petero nā roto i te pure. E haʼamanaʼo ē tā ʼoutou faʼaineineraʼa maitaʼi roa aʼe nō te haʼapiʼi e tae mai ïa nā roto i tā ʼoutou taiʼoraʼa ʼe te taiʼoraʼa i roto e te ʼutuāfare.

E pāpa’i i tō ʼoutou mau mana’o

tāpa’o nō te fa’a’itera’a mai

E ani ’ia fa’a’ite mai i te mana’o

E fa’a’ite i te hōhoʼa i roto i te fa’anahora’a nō teie hepetoma i roto i te Mai, pe’e mai—nō te ta’ata hō’ē ’e te ’utuāfare ’e e ani i te mau tamari’i ’ia faʼaʼite mai i te tahi mea tā rātou i ʼite nō ni’a ia Petero. E faʼahaʼamanaʼo ia rātou ē o Petero te faʼatere o te ʼĒkālesia i muri aʼe tō Iesu tiʼafaʼahouraʼa mai, ʼe e tātara atu ē te 1 Petero ʼe 2 Petero e mau rata ïa nāna i te mau melo o te ʼĒkālesia i tōna ra tau.

tāpa’o nō te ha’api’ira’a

Ha’api’i i te ha’api’ira’a tumu

Te mau tamari’i ’āpī a’e

1 Petero 1:6–7 ; 3:14

E nehenehe tāʼu ʼe ʼoaʼoa i roto i te mau tau fifi.

E feruri e nāhea ʼoutou e haʼapiʼi ai i teie mau ʼīrava nō te tauturu i te mau tamariʼi ’ia fāriʼu atu i te Faʼaora ’ia faʼaruru anaʼe rātou i te tāmataraʼa.

Mau ’ohipara’a e nehenehe e rave

• E ani i i te mau tamariʼi ʼia faʼaʼite mai i te mau mea fifi tā Iesu i faʼaruru, mai tōna faʼasatauroraʼahia. E haʼamāramarama atu ē e faʼaruru tātou i te mau taime fifi i roto i tō tātou oraraʼa. E taiʼo ʼāmui i te 1 Petero 1:6–7 ; 3:14 , ʼe e faʼaʼite atu i te ’ohipa i tupu ’a faʼaruru ai ʼoutou i te hōʼē « tāmataraʼa nō tō ʼoutou faʼaroʼo ». ʼAore rā ʼe nehenehe tā ʼoutou e faʼaʼite atu i te pure a Iosepha Semita i roto i te fare tāpe’ara’a nō Liberty ʼe te tāmāhanahanaraʼa tā te Atua i hōroʼa atu iāna (hiʼo PH&PF121:1–8 ; 123:17). Nāhea te faʼaroʼoraʼa ia Iesu Mesia e tauturu ai ia tātou ʼia ʼite i te ʼoaʼoa i roto i te mau tau fifi ?

  ʼO Iosepha Semita i roto i te fare tāpeʼaraʼa nō Liberty

  Iosepha Semita i roto i te fare tāpe’ara’a nō Liberty nā Greg  K. Olsen

• E hīmene ʼāmui i te hōʼē hīmene o te haʼapiʼi mai e nāhea ʼia ʼite i te ʼoaʼoa, mai « Je veux suivre le plan de Dieu » (Chants pour les enfants, 86–87).

1 Petero 2:9–12

’Ua hina’aro te Metua i te Ao ra iā’u ’ia riro ’ei hi’ora’a maita’i nō vetahi ’ē.

ʼUa haʼapiʼi mai o Petero ē ʼe « nunaʼa tātou nā te Atua » ʼe e nehenehe tā tātou mau ʼohipa maita’i e « arue i te Atua ».

Mau ’ohipara’a e nehenehe e rave

• E faʼaʼite i te mau mea o te tei tiʼa ta’a ’ē mai i roto i tō rātou mau vairaʼa, ʼaore rā te mau hōhoʼa nō taua mau mea ra. ʼEi hiʼoraʼa, e tiʼa ta’a ’ē mai te hōʼē hiero i te mau fare atoʼa nā pīha’i iho ʼaore rā te hōʼē mouʼa o te tiʼa mai i niʼa aʼe i te hōʼē faʼa. E haʼamāramarama ē ’ia haʼapaʼo anaʼe tātou i te mau faʼaueraʼa, e tiʼa ta’a ’ē mai tātou ʼe e nehenehe te tahi atu mau taʼata e ʼite i tō tātou mau hiʼoraʼa. E paraparau i te tahi « mau ʼohipa maitaʼi » tā ʼoutou i ʼite i te mau tamariʼi i te raveraʼa. E haʼamāramarama ē e « arue te mau ʼohipa maitaʼi i te Atua »—e tauturu rātou i te tahi atu mau taʼata ʼia ʼite rahi atu i te here nō te Atua ʼe te hinaʼaro ’ia tāvini iāna.

• E fa’ahope i teie ’api ’ohipara’a ’e te mau tamari’i. E aha te huru o te mau taʼata tā rātou i ʼite i roto i te hōhoʼa i te arueraʼa i te Atua ?

1 Petero 3:18–20 ; 4:6

E haʼapiʼi mai te mau vārua i roto i te ao vārua i te ʼevanelia.

I muri aʼe i tōna poheraʼa, ʼua haere tiʼa atu Iesu i te ao vārua ʼe ʼua tono atu i te mau vārua parau-tiʼa nō te haʼapiʼi i te tahi atu mau vārua tei ʼore ā i fāriʼi i te ʼevanelia.

Mau ’ohipara’a e nehenehe e rave

• E faʼaʼite atu i te mau tamariʼi nō ni’a i te hō’ē ta’ata tā ’outou i ’ite ’ua pohe. E haʼamāramarama atu ē ’ia pohe anaʼe te mau taʼata, e faʼaruʼe mai rātou i tō rātou tino ʼe e haere atu ai i roto i te ao vārua. E taiʼo i te 1 Petero 3:19 ʼe e haʼamāramarama ē i te taime i pohe ai Iesu, ʼua haere atu ’oia i roto i te ao vārua. I reira, ʼua ani ʼoia i te mau vārua parau-tiʼa ’ia haʼapiʼi i te ʼevanelia i te tahi atu mau vārua tei ʼore ā i fāriʼi i te ʼevanelia (hiʼo PH&PF 138:30).

• E tuʼu i te hōʼē ʼanaʼiraʼa pārahiraʼa i ropū i te piha ’ia riro ʼei pāruru. E ani i te mau tamariʼi ’ia tiʼa i te hōʼē pae nō te tiʼa nō te mau vārua i roto i te ao vārua tei ʼore i bāpetizohia i roto i tō rātou oraraʼa i niʼa i te fenua. E hōroʼa i te hōʼē o te tahi atu mau tamariʼi te hōʼē tāviri parau rarahi ma te pāpaʼihia i niʼa « bāpetizoraʼa nō tei pohe », ʼe e ani atu iāna ’ia ʼiriti ʼē atu i te pāruru. E haʼamāramarama i muri iho ē e nehenehe te mau melo o te ʼĒkālesia e 12 matahiti tō rātou ʼe te mea paʼari atu, e haere atu i te hiero ʼe ʼia bāpetizohia nō tō rātou mau tupuna tei ʼore i bāpetizohia ’a ora ai rātou i niʼa i te fenua nei. I reira e nehenehe teie mau tupuna e fāriʼi i te ʼevanelia i roto i te ao vārua.

• E tauturu i te mau tamariʼi ’ia faʼaʼī i te hōʼē tumu rāʼau ʼōhie (hiʼo i te hōʼē hōhoʼa i roto i te « Mau ʼapi faʼaʼū nō te ʼāʼamu ʼutuāfare », LDS.org).

tāpa’o nō te ha’api’ira’a

Ha’api’i i te ha’api’ira’a tumu

Te mau tamari’i pa’ari a’e

1 Petero 3:12–17 ; 4:13–14, 16

E nehenehe tāʼu e ʼite i te ʼoaʼoa ʼe te hau noa atu i roto i te mau tau fifi.

ʼUa ʼite paha te mau tamariʼi tā ʼoutou e haʼapiʼi nei i te tahi huru tahitohitoraʼa ʼaore rā faʼaʼoʼōʼraʼa nō tō rātou tiʼaturiraʼa. E nehenehe teie mau ʼīrava i te tauturu ia rātou i roto i taua mau tau fifi ra.

Mau ’ohipara’a e nehenehe e rave

• E haʼapoto i te tahi mau ʼāʼamu nō niʼa i tō Iesu hāmani-ʼino-raʼa-hia, ʼaore rā ʼia taiʼo mai te mau tamariʼi i te reira—ʼa hiʼo, ʼei hiʼoraʼa, Mataio 12:9–14 ʼaore rā Luka 22:47–54. E ani i te mau tamariʼi mai te mea ʼua tahitohitohia ānei ʼaore rā ʼua faʼaʼoʼōʼhia ānei rātou nō te mea ʼua ora rātou i te mau haʼapiʼiraʼa o te ʼevanelia. E taiʼo ʼāmui i muri iho 1 Petero 3:12–14 ; 4:13–14, 16, ʼe e ani i te mau tamariʼi ’ia hiʼo i te mea tā Petero i parau nō niʼa i te māuiuiraʼa « nō te maitaʼi o te parau-tiʼa ». Nō te aha e nehenehe tātou ’ia ʼoaʼoa noa ʼia faʼaʼoʼō ai te tahi atu mau taʼata ia tātou nō te raveraʼa i te mea tiʼa ?

• E ani i te hōʼē melo nō te pāroita ’ia faʼaʼite mai i te hōʼē taime ’a ʼite ai ʼoia i te ʼoaʼoa ʼaore rā te hau i roto i te hōʼē tāmataraʼa, ʼaore rā e faʼaʼite mai e nāhea tō te peropheta Iosepha Semita ʼiteraʼa i te hau ’a vai ai ʼoia i roto i te fare tāpeʼaraʼa nō Liberty (hiʼo i te PH&PF 121:1–8 ; 123:17). Nāhea e nehenehe ai ia tātou ’ia ʼite i te ’oa’oa ’e te hau i roto i tō tātou mau tāmatara’a ?

1 Petero 3:15

E tiʼa iāʼu ’ia ineine noa nō te faʼaʼite atu i te ʼevanelia.

E ʼite paha te mau tamariʼi tā ʼoutou e haʼapīʼi nei i te mau taime e rave rahi i roto i tō rātou oraraʼa i te pāhono atu i te mau uiraʼa a te tahi atu mau taʼata nō niʼa i tō rātou faʼaroʼo. E feruri e aha tā ʼoutou e nehenehe e rave nō te tauturu ia rātou « ’ia vai ineine nō te parau atu i te hōʼē pāhonoraʼa ».

Mau ’ohipara’a e nehenehe e rave

• E faʼaʼite atu i te hōʼē taime ʼua ani mai te tahi taʼata ia ʼoutou i te hōʼē uiraʼa nō niʼa i te ʼĒkālesia, ʼe e faʼaʼite atu ’ua ’ite ānei ’outou e ʼua ineine ʼoutou i te pāhono atu. E ani i te mau tamariʼi ’ia paraparau i te mau taime i ani mai ai te mau taʼata ia rātou i te mau uiraʼa nō niʼa i te ʼĒkālesia. E taiʼo ʼāmui i te 1 Petero 3:15. Nāhea e nehenehe ai ia tātou ’ia peʼe i te aʼo a Petero i roto i teie nei ʼīrava ?

• Ma te tautururaʼa a te mau tamariʼi, a feruri i te tahi mau uiraʼa e nehenehe tā te mau taʼata e ani nō niʼa i te mau haʼapiʼiraʼa a te ʼĒkālesia. E vaiiho i te mau tamariʼi ’ia tātara mai e nāhea rātou i te pāhono atu i teie mau uiraʼa ’ia nehenehe ia rātou « ’ia vai ineine noa ».

1 Petero 3:18–20 ; 4:6

E haʼapiʼi mai te mau vārua i roto i te ao vārua i te ʼevanelia.

E tauturu i te mau tamariʼi ’ia ʼite ē ’ia pohe anaʼe te mau taʼata parau-tiʼa, e haere rātou i te ao vārua nō te poro i te ʼevanelia i te mau taʼata tei ʼore i fāriʼi i te reira ’a ora ai i niʼa i te fenua nei.

Mau ’ohipara’a e nehenehe e rave

• E pāpaʼi i niʼa i te ʼiri pāpaʼiraʼa te hōʼē haʼamenemeneraʼa ’e te hōʼe rēni i ropū. E pāpaʼi Paradaiso vārua i niʼa i te hōʼē ʼāfaraʼa Fare tāpe’ara’a vārua i te tahi atu ʼāfaraʼa. E ani i te hōʼē o te mau tamariʼi ʼia taiʼo i te 1 Petero 3:18–20 ; 4:6 (hiʼo 1 Petero 4:6, faʼahororaʼa a, nō te mau tauiraʼa i roto i Te ʼ’Īritiraʼa a Iosepha Semita). E haʼamāramarama atu ē i te taime i pohe ai Iesu, ʼua haere atu ʼoia i roto i te paradaiso vārua. ʼUa faʼaue ʼoia i te mau vārua parau-tiʼa i reira ’ia haʼapiʼi atu i te ʼevanelia i te mau vārua i roto i te fare tāpeʼaraʼa vārua.

• E ani i te hōʼē metua ʼaore rā te hōʼē taeaʼe paʼari aʼe o te hōʼē o te mau tamariʼi ’ia faʼaʼite mai nō niʼa i te haereraʼa i te hiero ʼe te raveraʼa i te ʼohipa nō te hōʼē o tō rātou mau tupuna.

• E ani i te mau tamariʼi ’ia faʼaʼī i te hōʼē tumu rāʼau ʼutuāfare ʼōhie (hiʼo i te hōʼē hōhoʼa i roto i te « Mau ʼapi faʼaʼū nō te ʼāʼamu ʼutuāfare », LDS.org).

tāpa’o nō te ha’api’ira’a mai.

E faʼaitoito i te haʼapiʼiraʼa mai i te fare

E ani i te mau tamariʼi ʼia faʼaʼite mai i tā rātou tumu rāʼau ʼutuāfare i te mau melo o tō rātou ʼutuāfare ʼe e ani ia rātou ’ia tauturu i te tuʼu atu i te mau iʼoa i niʼa i te reira tumu rā’au.

Haʼamaitaʼiraʼa i tā tātou haʼapiʼiraʼa

E ’imi ’ia hāro’aro’a i te mau tamariʼi tā ’outou e ha’api’i nei. ʼUa ʼite ʼoutou i te mau tamariʼi tā ʼoutou e haʼapiʼi nei, nō reira e taui i te mau manaʼo i roto i teie faʼanahora’a mai te mea e hinaʼarohia nō te pāhono atu i tō rātou mau hinaʼaro. E nehenehe tā ʼoutou e faʼa’ohipa i te mau ʼohiparaʼa tei hōroʼahia i roto i teie faʼanahoraʼa, ʼeiaha noa te mau ʼohiparaʼa tei pāpaʼihia nō te fāito matahiti o te mau tamari’i tā ʼoutou e haʼapiʼi nei. (Hi’o Ha’api’ira’a mai tā te Fa’aora, 7

’api ’ohipara’a : E nehenehe tāʼu e riro ʼei hiʼoraʼa maitaʼi nō vetahi ʼē.