te ’aiū ra Iesu i roto i te phātene]

Pāruruhia i roto i te hō’ē fare animara, nā Dan Burr

16–22 nō Tītema

Noera

« E parau maita’i ’o te riro ’ei ’oa’oara’a rahi »

Teie haʼapiʼiraʼa e hōʼē ïa rāveʼa nō te tauturu i te mau tamariʼi tā ʼoutou e haʼapiʼi nei ’ia faʼahanahana i te fānauraʼa, te oraraʼa, ʼe te misiōni a te Faʼaora i te tau Noera. E haʼamanaʼo i te reira ’a faʼaʼineine ai ʼoutou i te haʼapiʼi.

E pāpa’i i tō ʼoutou mau mana’o

tāpa’o nō te fa’a’itera’a mai

E ani ’ia fa’a’ite mai i te mana’o

E fa’a’ite i te hōho’a nō roto mai i te fa’anahora’a nō teie hepetoma i roto Mai, peʼe mai—nō te ta’ata hō’ē ’e te ’utuāfare ’e e ani i te mau tamari’i ’ia fa’a’ite mai e aha tā rātou i ’ite nō ni’a i te fānauraʼa o te Faʼaora.

tāpa’o nō te ha’api’ira’a

Ha’api’i i te ha’api’ira’a tumu

Te mau tamari’i ’āpī a’e

Mataiʼo 2:1–12 ; Luka 2: 1–14

ʼUa tae mai Iesu Mesia i niʼa i te fenua nei mai te hōʼē ʼaiū.

Mea au roa nā te mau tamariʼi te ʼāʼamu nō te fānauraʼa o Iesu Mesia. E aha te mau haʼapiʼiraʼa tumu tā ʼoutou e ʼite nei i roto i teie ʼāʼamu e tiʼa i te mau tamariʼi ʼia taʼa i tō ʼoutou manaʼoraʼa ?

Mau ’ohipara’a e nehenehe e rave

• E taiʼo i te Luka 2:1–14 i te mau tamariʼi, ʼaore rā e faʼaʼite mai i te mau mea tei tupu i roto i teie mau ʼīrava nā roto i te faʼahororaʼa atu i te « Pene 5 : ʼUa fānauhia Iesu Mesia », Mau ʼāamu nō te Faufaʼa ʼĀpī, 13–15, ʼaore rā te video e tano atu i niʼa i te LDS.org. E ani i te mau tamariʼi ʼia pāpaʼi i te mau hōhoʼa nō teie mau ʼohipa i tupu ʼe e faʼaʼohipa i te mau hōhoʼa nō te faʼatiʼa i te ʼāʼamu rātou iho. Nō te aha ʼoutou e ʼoaʼoa ai ʼua tae mai Iesu i niʼa i te fenua nei mai te hōʼē ʼaiū ?

• E ani i te mau tamariʼi ’ia faʼatiʼa atu ia ʼoutou i te ʼāʼamu o te mau Taʼata Paʼari ’o te peʼe ra i te fetiʼa nō te ʼimi ia Iesu. Mai te mea e hina’arohia nō rātou ʼia faʼahaʼamanaʼohia nō niʼa i te ʼāʼamu, e hiʼo Mataio 2:1–12 ʼaore rā te « Pene 7 : Te Feiā Paʼari », Mau ʼāʼamu nō te Faufaʼa ʼĀpī, 18, ʼaore rā te video e tano atu i niʼa i te LDS.org. E huna i te hōʼē hōhoʼa nō Iesu i roto i te piha. E tāpupu ʼaore rā e pāʼoti i te hōʼē fetiʼa parau ʼe e tāpeʼa te reira i niʼa. E ani i te mau tamariʼi ʼia faʼahua ʼei mau taʼata paʼari rātou ’o te ’āfaʼi ra i te mau taoʼa aroha, ʼe ʼia arataʼi atu ia rātou nā roto i te piha nō te ʼimi ia Iesu. E aha te tahi mau taoʼa aroha tā tātou e nehenehe e hōroʼa atu ia Iesu i roto i tō tātou oraraʼa i teie mahana ?

• E hīmene i te tahi mau hīmene Noera ʼe te mau tamariʼi, mai « ʼUa tae mai te Mesia » ʼe « Pō moʼa, pō marū » (Te mau Hīmene, nūmera 118, 121) ʼaore rā « Nuit de Noël », « Au loin dans l’étable », ʼe « Dors, mon bel ange » (Chants pour les enfants, 24, 26–27, 30).

Ioane 3:16

ʼUa faʼati’a o Iesu Mesia iāʼu ʼia ora faʼahou i pīha’i iho i tōʼu Metua i te Ao ra i te hōʼē mahana.

ʼUa taʼa ānei i te mau tamariʼi tā ʼoutou e haʼapiʼi nei nō te aha Iesu Mesia i haere mai ai i niʼa i te fenua nei ? E rave i te taime nō te feruri i te mea tā te Faʼaora i rave nō ʼoutou iho e nāhea e nehenehe ai ia ʼoutou ʼia tauturu i te mau tamariʼi ʼia taʼa e aha tāna i rave nō rātou.

Mau ’ohipara’a e nehenehe e rave

• ʼĀfaʼi mai i te hōʼē taoʼa aroha tei pūʼohuhia ma te hōʼē hōhoʼa o Iesu Mesia i roto. E tuʼu atu i te hōʼē pāpaʼiraʼa i niʼa i te taoʼa aroha te « Ioane 3:16 », ʼe e parau atu i te mau tamariʼi ē teie te hōʼē tāpaʼo faʼaʼite e aha ra te taoʼa aroha. E taiʼo i te Ioane 3:16 ʼe te mau tamariʼi, ʼe e ani atu ia rātou ’ia ʼimi e aha ra te taoʼa aroha ʼe e ʼīriti atu i te reira. Nō te aha te Atua i tōno mai ai i tāna Tamaiti ?

• E māʼiti i te mau hōhoʼa i roto i te Buka hōhoʼa o te ʼEvanelia (mai te mau nūmera 1, 30, 35–66, 84) ’o te faʼahōhoʼa mai i te mau rāveʼa i haʼamaitaʼi ai Iesu i te tahi atu mau taʼata ’a ora ai ʼoia i te fenua nei. E vaiiho i te mau tamari’i ’ia tāpe’a i te mau hōho’a ’a fa’ati’a ai ’outou i te ’ā’amu. E hinaʼaro paha ʼoutou e māʼiti i te mau hōhoʼa e tano i te mau parau « Il envoya son Fils aimé » ʼe « Raconte moi les histoires de Jésus » (Chants pour les enfants, 20–21, 36) ʼe e vaiiho i te tahi mau tamari’i ’ia tāpe’a i te mau hōho’a á hīmene ai rātou i te mau hīmene.

• E ani i te mau tamariʼi ’ia faʼaʼite mai i tā rātou mau ʼāʼamu au roa nō Iesu. I muri aʼe i te faʼatiʼaraʼa i te ʼāʼāmu tātaʼitahi, e tauturu i te mau tamariʼi ’ia faʼaoti i te pereota : « ʼua haere mai Iesu Mesia i te fenua nei nō te  ». E faʼaʼite i muri iho i te mau hōhoʼa e au i te tusia tāraʼehara, te pohe, ʼe te tiʼafaʼahouraʼa a te Faʼaora, (hiʼo Buka hōhoʼa nō ʼEvanelia, nūmera 56, 57, 58, 59) ʼe e parau poto noa mai nō niʼa i teie mau ʼohipa i tupu. E faʼaʼite i tō ʼoutou ʼiteraʼa pāpū e ʼua haere mai Iesu Mesia i te fenua nei ʼia pohe nō tātou ʼe ʼia tiʼafaʼahou ’ia nehenehe ia tātou ʼia hoʼi faʼahou i te Metua i te Ao ra.

  Tē tūturi ra Iesu i roto i te ō nō Getesemane

  Getesemane, nā J. Kirk Richards

tāpa’o nō te ha’api’ira’a

Ha’api’i i te ha’api’ira’a tumu

Te mau tamariʼi paʼari aʼe

Mataio 1:18–25 ; 2:1–12 ; Luka 1:26–38 ; 2:1–20

ʼUa tae mai Iesu Mesia i niʼa i te fenua nei mai te hōʼē ʼaiū.

Nāhea e nehenehe ai ia ʼoutou ’ia tauturu i te mau tamariʼi ’ia faʼatumu atu i niʼa ia Iesu Mesia i te Noera ?

Mau ’ohipara’a e nehenehe e rave

• E ani i te hōʼē o te mau tamariʼi ʼia taiʼo nō niʼa i te mau ʼohipa tei tupu i te fānauraʼa o te Faʼaora i roto i te Mataio 1:18–25 ; 2:1–12 ; Luka 1:26–38 ; 2:1–20. E ani i te tahi atu mau tamariʼi ’ia pāpaʼi ’ia tae i tō rātou taime i te mau hōhoʼa i niʼa i te ’iri pāpa’ira’a nō te mau mea tā te mau pāpaʼiraʼa moʼa e faʼaʼite mai ra. E aha tā teie mau ʼāʼamu e haʼapiʼi mai nei nō niʼa ia Iesu Mesia ?

• E faʼaʼite i te video « E parau maita’i ’o te riro ’ei ’oa’oara’a rahi : Te fānauraʼa o Iesu Mesia » (LDS.org). E ani i te mau tamariʼi ’ia pāpaʼi i te mau mea atoʼa tā rātou e faʼaroʼo nō te tauturu ia rātou ʼia faʼatumu i niʼa ia Iesu Mesia i te tau Noera. I muri aʼe i te video, e ani ia rātou ʼia faʼaʼite mai i te mea tā rātou i pāpaʼi.

• E ani i te mau tamariʼi ʼia pāpaʼi mai i niʼa i te mau ʼapi parau te mau mea e nehenehe tā rātou e rave nō te tauturu ia rātou ʼia faʼatumu i niʼa i te Faʼaora i te tau Noera. E tuʼu i tā rātou mau ʼapi parau i roto i te mau pute ʼaore rā mau fāriʼi nā te mau tamariʼi nō te ’āfaʼi atu i te fare. ʼIa vai mai i roto i te tahi mau manaʼo te taiʼoraʼa i te mau pāpaʼiraʼa moʼa, te hīmeneraʼa i te mau hīmene Noera, ʼe te raveraʼa i te mau ʼohipa nā roto i te aroha mau.

• E hīmene i te mau hīmene Noera nō niʼa i te Faʼaora (hiʼo Chants pour les enfants, 36–54 ; Te mau Hīmene, nūmera 118–121), ʼe e ani i te mau tamariʼi ’ia faʼaʼite mai i te hōʼē ʼīrava ʼaore rā pereota au-roa-hia e rātou i roto i te mau hīmene.

Ioane 3:16

ʼUa faʼati’a o Iesu Mesia iāʼu ʼia ora faʼahou i pīha’i iho i tōʼu Metua i te Ao ra i te hōʼē mahana.

Nāhea e nehenehe ai ia ʼoutou ʼia tauturu i te mau tamariʼi ’ia hiʼo faʼahou i te mea tā rātou i haʼapiʼi mai i teie matahiti ʼe ’ia taʼa nō te aha rātou e hinaʼaro ai ia Iesu i roto i tō rātou oraraʼa ?

Mau ’ohipara’a e nehenehe e rave

• E pāpaʼi i niʼa i nā huʼahuʼa ’api parau e piti ʼO vai ’o Iesu Mesia ? ʼe Nō te aha ʼoia i haere mai ai i te fenua nei ? ʼe e tāʼamu atu i niʼa i te mau papaʼi o te piha haʼapiʼiraʼa. E ani i te tamariʼi tātaʼitahi ’ia taiʼo i te hōʼē o teie mau pāpaʼiraʼa moʼa: Mataio16:15–16 ; Ioane 3:16 ; 1 Nephi 10:4 ; Mosia 3:8 ; Alama 7:10–13 ; 3 Nephi 27:14–15. E ani i te mau tamariʼi ʼia hiʼo i te mau pāhonoraʼa i nā uiraʼa e piti i niʼa i te mau papaʼi i roto i te mau pāpaʼiraʼa moʼa tā rātou e taiʼo. E ani ia rātou ʼia pāpaʼi i tā rātou mau pāhonoraʼa i niʼa i te mau ʼapi parau ʼe ʼia tāʼamu atu i niʼa i te papaʼi i pīha’i iho i te uiraʼa tano. Nāhea tātou ’ia fa’a’ite i tō tātou māuruuru nō te mea tā te Fa’aora i rave nō tātou ?

• E ani i te mau tamariʼi ʼia pāpaʼi i niʼa i te ʼiri pāpaʼiraʼa te mau iʼoa ʼe te mau tiʼaraʼa atoʼa o Iesu tā rātou e nehenehe i te feruri mai (hiʼo i te Faʼatoro Parau a te Bibilia, « Te Mesia, mau iʼoa nō »). E aha tā teie mau iʼoa e haʼapiʼi mai nei ia tātou nō niʼa ia Iesu Mesia ʼe tāna misiōni ? Nō te aha e hinaʼaro ai tātou ia Iesu Mesia i roto i tō tātou oraraʼa ? Nō te tauturu ʼia pāhono i teie uiraʼa, e faʼaʼite i te video « Nō te aha tātou i hinaʼaro ai i te hōʼē Faʼaora—E hōʼē poroʼi Noera nō niʼa i tō tātou Faʼaora ia Iesu Mesia » (LDS.org).

tāpa’o nō te ha’api’ira’a mai.

E faʼaitoito i te haʼapiʼiraʼa i te fare

E faʼaitoito i te mau tamariʼi ’ia ʼimi i te hōʼē aʼe rāveʼa nō te tāvini ia vetahi ʼē ʼaore rā ’ia haʼafātata atu ia Iesu Mesia i teie Noera.

Ha’amaita’iraʼa i tā tātou ha’api’ira’a

E mea au nā te mau tamari’i ’ia fa’a’ite i te mea tā rātou i ha’api’i mai. E nehenehe atoʼa i te mau tamari’i ʼāpī e ha’apūai i te mau melo o tō rātou ’utuāfare. E ani i te mau tamariʼi tā ʼoutou e haʼapiʼi ra ’ia faʼaʼite atu i tō rātou ʼutuāfare i te mea tā rātou i ʼapo mai i roto i te Paraimere. (E hi’o Ha’api’ira’a mai tā te Fa’aora, 30

ʼapi ʼohiparaʼa : ʼUa tae mai Iesu Mesia i niʼa i te fenua nei mai te hōʼē ʼaiū.