Natalged iti Kulluong, ni Dan Burr

Disiembre 16–22

Paskua

“Naimbag a Damag ti Dakkel a Ragsak”

Maysa a gundaway daytoy nga adalen a mangtulong kadagiti ubbing a sursuruam a mangrambak iti pannakayanak, biag, ken mision ti Mangisalakan iti panawen ti Paskua. Laglagipem daytoy a kapanunotan bayat ti panagsganam a mangisuro.

Isuratmo Dagiti Impresionmo

Yawis ti Panagbibinninglay

Ipakitam ti ladawan manipud iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia, ket awisem dagiti ubbing a mangibinglay no ania ti ammoda maipapan ti pannakayanak ti Mangisalakan.

Isuro ti Doktrina

Dagiti In-inaudi nga Ubbing

Mateo 2:1–12; Lucas 2:1–14

Immay ni Jesucristo iti daga kas maysa a maladaga.

Makaay-ayo kadagiti ubbing ti estoria maipapan iti pannakayanak ni Jesus. Ania dagitikinapudno a mainaig iti doktina a makitam iti daytoy nga estoria a mariknam a nasken a maawatan dagiti ubbing?

Dagiti Mabalin nga Aktibidad

• Ibasam ti Lucas 2:1–14 kadagiti ubbing, wenno iladawam dagiti pasamak kadagitoy a bersikulo babaen ti panagibasarmo iti “Kapitulo 5: Nayanak ni Jesucristo,” Dagiti Estoria iti Baro a Tulag, 13–15, wenno iti maitutop a video iti LDS.org. Awisem dagiti ubbing nga agdrowingda kadagiti ladawan dagitoy a pasamak ken usarenda dagiti ladawan a mangisarita iti estoria iti bukodda. Apay a naragsakka a dimteng ni Jesus iti daga a kas maysa a maladaga?

• Kiddawen kadagiti ubbing nga isaritada kenka ti estoria maipapan kadagiti Mamasirib a Lalaki a nangsursurot iti bituen a nangsapul ken ni Jesus. No kasapulanda a mapalagipan iti estoria, kitaen iti Mateo 2:1–12 wenno “Kapitulo 7: Dagiti Mamasirib a Lalaki,” Dagiti Estoria iti Baro a Tulag, 18, wenno ti maitutop video iti LDS.org. Ilemmengmo ti maysa a ladawan ni Jesus iti siled. Mangidrowing wenno manggettengka iti maysa a papel a sinan-bituen ket ingato daytoy iti tangatang. Awisem dagiti ubbing nga agpammarang a mamasirib a tao a mangibakbaklay kadagiti sagut, ket iturong ida iti lawlaw ti siled a mangsapul ken ni Jesus. Ania dagiti sumagmamano a sagut a maitedtayo ken ni Jesus iti panagbiagtayo iti agdama?

• Makipagkansion kadagiti ubbing iti sumagmamano a kanta ti Paskua, a kas iti “Aragsakkan itan Lubong” ken “Naulimek a Rabii”(Dagiti Himno ken Kanta dagiti Ubbing, 33438 864C

Juan 3:16

Inaramid ni Jesucristo a mabalin a makipagnaedakto manen iti Nailangitan nga Ama iti maysa nga aldaw.

Naawatan kadi dagiti ubbing a sursuruam no apay nga immay ni Jesucristo iti daga? Maaddaan iti panawen nga agutob no ania ti inaramid ti Mangisalakan a personal kenka ken no kasano a matulongam dagiti ubbing a makaawat no ania ti inaramidna para kadakuada.

Dagiti Mabalin nga Aktibidad

• Mangitugot iti nabungon a sagut iti klase nga addaan iti maysa a ladawan ni Jesucristo iti unegna. Ikkam ti tag ti sagut a nakasurat ti “Juan 3:16” iti daytoy, ket ibagam kadagiti ubbing a daytoy ket maysa a pamugtuan maipapan iti no ania daytoy a sagut. Basaen ti Juan 3:16 a kadua dagiti ubbing, ket awisem ida a mangpugto no ania ti sagut ket luktam daytoy. Apay imbaon ti Dios ti Anakna?

• Mangpili iti ladawan manipud iti Libro ti Arte ti Ebanghelio(kas dagiti num. 1, 30, 35–66; 84) a mangiladawan iti sumagmamano kadagiti wagas a nangbendisionan ni Jesus iti dadduma a tao bayat ti biagna iti daga. Paiggamam kadagiti ubbing ti sumagmamano a ladawan bayat ti panangisaritam kadagiti estoria. Mabalin a kayatmo a pilien dagiti ladawan a maigiddan kadagiti balikas ti maysa a kanta a maipapan iti biag ni Jesus ket paingato kadagiti ubbing dagitoy a ladawan bayat ti panagkansionda kadagitoy a kanta.

• Awisem dagiti ubbing a mangibinglay ti paggugustoda nga estoria maipapan ken ni Jesus. Kalpasan ti pannakaisarita ti tunggal estoria, tulongham dagiti ubbing nga ileppasda daytoy a binatog: “Immay ni Jesucristo iti daga tapno .” Kalpasanna ipakitam ti ladawan a mainaig iti pangsubbot a sakripisio, ipapatay ken Panagungar ti Mangisalakan (kitaen iti Libro ti Arte ti Ebanghelio, dagiti num. 56, 57, 58, 59) ket isaritam mabiit maipapan kadagitoy a pasamak. Ipaneknekmo nga immay ni Jesucristo iti daga tapno matay para kadatayo ken agungarto tapno makasublitayo iti Nailangitan Nga Ama.

  

  Getsemani, ni J. Kirk Richards

Isuro ti Doktrina

Dagiti In-inauna nga Ubbing

Mateo 1:18–25; 2:1–12; Lucas 1:26–38; 2:1–20

Immay ni Jesucristo iti daga kas maysa a maladaga.

Kasano a matulongam dagiti ubbing nga agpokusda ken ni Jesucristo iti Paskua?

Dagiti Mabalin nga Aktibidad

• Awisem ti maysa kadagiti ubbing a basaenna ti maipapan kadagiti pasamak a mainaig iti pannakayanak ti Mangisalakan iti Mateo 1:18–25; 2:1–12; Lucas 1:26–38; 2:1–20. Kiddawem kadagiti dadduma pay nga ubbing nga agsisinnublatda nga agdrowing kadagiti ladawan iti pisarra maipapan iti iladladawan dagiti nasantuan a kasuratan. Ania ti isuro kadatayo dagitoy nga estoria maipapan ken ni Jesucristo?

•  Kiddawen kadagiti ubbing a mangisurat iti ania man a banag a mangngegandaa makatulongto kadakuada nga agpokus ken ni Jesucristo iti panawen ti Paskua. Awisem ida a mangibinglay no ania ti insuratda.

• Awisem dagiti ubbing a mangisurat iti sumagmamano a pedaso ti papel dagiti banag a maaramidda a makatulong kadakuada a mangipokus iti Mangisalakan kabayatan ti panawen ti Paskua. Ikabil dagiti papelda kadagiti bag wenno sabali a pagikabilan a yawid dagiti ubbing. Mabalin nga iraman iti sumagmamano a kapanunotan ti panagbasa kadagiti nasantuan a kasuratan, panagkanta kadagiti hymno ti Paskua, ken ti panagaramid kadagiti napudno a tignay ti ayat.

• Agkansion kadagiti kanta ti Paskua maipapan iti Mangisalakan (kitaen iti Pagbatayan iti Ebanghelio 31110 864; Dagiti Himno ken Kanta dagiti Ubbing,  33438 864), ket awisem dagiti ubbing a mangibinglay iti paggugustoda a linia wenno ragup dagiti balikas manipud kadagiti kanta.

Juan 3:16

Inaramid ni Jesucristo a mabalin a makipagnaedakto manen iti Nailangitan nga Ama iti maysa nga aldaw.

Kasano a matulongam dagiti ubbing a mangrebyu iti no ania ti nasursuroda iti daytoy a tawen ken maawatanda no apay a kasapulanda ni Jesucristo iti biagda?

Dagiti Mabalin nga Aktibidad

• Suratam ti dua a pedaso ti papel Asinoni Jesucristo? ken Apay nga immay Isuna iti daga? ket isab-itmo dagitoy iti nadumaduma a diding ti siled ti klase. Awisem ti tunggal ubing a mangbasa iti maysa kadagiti sumaganad a nasantuan a kasuratan: Mateo 16:15–16; Juan 3:16; 1 Nephi 10:4; Mosiah 3:8; Alma 7:10–13; 3 27:14 ni Nephi–15. Kiddawen kadagiti ubbing a sapulenda dagiti sungbat iti dua a saludsod iti dididng iti nasantuan a kasuratan a nabasada. Awisem ida nga isuratda dagiti sungbatda kadagiti pedaso ti papel ket isab-itda dagitoy iti diding nga abay iti maitutop a saludsod. Kasano a maipakitatayo ti panagyamantayo iti inaramid ni Jesucristo para kadatayo?

• Awisem dagiti ubbing a mangilista iti pisarra ti amin a nagan wenno pangawag ken ni Jesus a mapanunotda (kitaen iti Pangiwanwan iti Nasantuan a Kasuratan, “Jesucristo”). Ania ti isuro kadatayo dagitoy a nagan a maipapan ken ni Jesucristo ken iti misionna? Apay a kasapulantayo ni Jesucristo iti biagtayo? 

Yallukoy ti Panagsursuro iti Pagtaengan

Allukoyem dagiti ubbing a mangsapul ti uray maysa laeng a wagas a pakapagserbianiti maysa a tao wenno ad-adda a pakayasidegan ken ni Jesucristo itoy a Paskua.

Panangpadur-as iti Panangisurotayo

Kayat dagiti ubbing ti mangibinglay itii nasursuroda. Mabalin uray dagiti ubbing ti mangpapigsa kadagiti miembro ti pamiliada. Allukoyem dagiti ubbing a sursuruam a mangibinglay iti pamiliada iti maysa a banag a nasursuroda iti Primary. (Kitaen iti Panangisuro iti Wagas ti Mangisalakan 30.)