« 27 nō Fepuare–5 nō Māti. Mataio 8 ; Mareko 2–4°; Luka 7 : ‘’Ua ora ’oe i tō ’oe fa’aro’o’ » Mai, pe’e mai—nō te Paraimere : Faufa’a ’Āpī 2023 (2022)
« 27 nō Fepuare–5 nō Māti. Mataio 8 ; Mareko 2–4 ; Luka 7 », Mai, pe’e mai—nō te Paraimere : 2023
27 nō Fepuare–5 nō Māti
Mataio 8°; Mareko 2–4°; Luke 7
« ’Ua ora ’oe i tō ’oe fa’aro’o »
’A tai’o ai ’oe te Mataio°8 ; Mareko 2–4 ; ’e Luka°7 i teie hepetoma, ’a feruri i te mau tamari’i tā ’oe e ha’api’i ra. ’A pure ’ia fa’auru mai te Vārua Maita’i ia ’oe ma te mau mana’o ’o te tauturu ia rātou ’ia ’ite i te mau parau mau i roto i teie mau pene.
Tītau i te mana’o
E ani i te mau tamari’i ’ia fa’a’ite mai i te hō’ē ’ā’amu nō Iesu e fa’atupu ra i te hō’ē temeio (hi’o te tāpura o te mau temeio i roto i te fa’anahora’a nō teie hepetoma i roto te Mai, pe’e mai—nō te ta’ata hō’ē ’e te ’utuāfare). E nehenehe ato’a ’oe e fa’a’ite i te mau hōho’a e tū’ati i te reira (mai te Buka hōho’a ’Evanelia, N°40).
Ha’api’i i te ha’api’ira’a tumu : Te mau tamari’i ’āpī
Mataio 8 ; Mareko 2–3 ; Luka 7
E mana tō Iesu nō te fa’atupu i te mau temeio.
’A tai’o ai ’oe i te mau temeio fa’aorara’a a te Fa’aora, ’a feruri i te mau temeio e fa’ati’a. Nāhea ’oe i te tauturu i te mau tamari’i tā ’oe e ha’api’i ra ’ia hāro’aro’a i te ti’ara’a o te fa’aro’o i roto i te mau temeio tā Iesu i fa’atupu ?
Te mau ’ātivite e au
-
’A fa’a’ite i te ’ā’amu o te ta’ata hāpepa i roto i te Mareko 2:1–12. Nō te tauturu, ’a hi’o « Pene 23 : Te ta’ata e’ita e ti’a ’ia haere » (i roto Te mau ’ā’amu o te Faufa’a ’Āpī, 57–58, ’aore rā, te video e tano i ni’a ChurchofJesusChrist.org). ’A fa’ata’a ē, e’ita e ti’a i te ta’ata hāpepa ’ia haere. ’A tauturu ia rātou ’ia ’ite ē, nā te Fa’aora i fa’aora i teie ta’ata.
-
E ani i te mau tamari’i ’ia fa’ati’a mai i te taime ’a ma’ihia ai rātou. ’A fa’ati’a i te hō’ē o te mau ’ā’amu nō ni’a ia Iesu i te fa’aorara’a i te feiā ma’i, mai te Mataio 8:1–4, 5–13, 14–15 ; Mareko 3:1–5 ; Luka 7:11–16. E ani i te mau tamari’i ’ia fa’ati’a fa’ahou mai i te ’ā’amu ’ia au i tā rātou iho mau parau. ’A fa’a’ite pāpū ē, e nehenehe te mana o Iesu e fa’aora, e ha’amaita’i ’e e tāmāhanahana ia tātou.
E ti’a iā’u ’ia fa’a’ite i te here ia vetahi ’ē mai tā Iesu i nā reira.
’Ua fa’a’ite Iesu i te here rahi nā roto i te fa’aorara’a i tei ma’ihia ’e tei pe’ape’a. ’A feruri nāhea ’oe ’ia ha’api’i i te mau tamari’i ’ia fa’a’ite i te aroha i te feiā tei roto i te hepohepo.
Te mau ’ātivite e au
-
E mā’iti hō’ē ’ā’amu ’aore rā hau atu nō Iesu i te fa’a’itera’a i te here i te hō’ē ta’ata i roto i te hepohepo, mai te mau ta’ata i roto i te Mataio 8:1–4, 5–13, 14–15 ; Mareko 2:1–12 ; 3:1–5 ; Luka 7:11–16. (Hi’o ato’a te video « Widow of Nain [Vahine ’ivi nō Naina] » i ni’a ChurchofJesusChrist.org.) ’A fa’ati’a i te taime ’a fa’a’ite ai te hō’ē ta’ata i te here ia ’oe i tō ’oe hepohepora’a, ’e e aha tā ’oe i putapū. E ani i te mau tamari’i ’ia fa’ati’a mai i tō rātou iho mau ’itera’a.
-
’A fa’a’ite i te video « Gordon Hinckley: Lessons I Learned as a Boy [Gordon Hinckley : Te mau ha’api’ira’a tā’u i ’apo mai i tō’u tamari’ira’a] » ’aore rā, « The Coat [Te pereue] » (ChurchofJesusChrist.org). E mea nāhea te mau tamari’i i roto i teie mau video i te pe’era’a i te hi’ora’a o Iesu ? ’A ani i te mau tamari’i ’ia fa’ati’a mai i te tahi atu mau tupura’a ’ohipa i hepohepo ai te hō’ē ta’ata. E aha tā tātou e rave nō te tauturu ia rātou ?
-
E hīmene ’āmui i te hō’ē hīmene nō ni’a i te fa’a’itera’a i te here ’e te hāmani-maita’i ia vetahi ’ē, mai te « Soyons gentils » (Chants pour les enfants,°83).
Mai te mata’u e tae atu i te fa’aro’o, nā Howard Lyon
’Ia ri’ari’a ’aore rā ’ia fifi ana’e au, e nehenehe Iesu e tauturu iā’u ’ia fāri’i te hau.
E tauturu te ’ā’amu o Iesu i te tāmarūra’a i te vero i te mau tamari’i ’ia ’ite ē, e nehenehe ’oia e hōro’a mai i te hau ’ia ri’ari’a ana’e rātou.
Te mau ’ātivite e au
-
’A tauturu i te mau tamari’i ’ia feruri ē, tei ni’a rātou i te poti ’a tai’o ai ’oe i te Mareko 4:35–41. (Hi’o ato’a « Pene 21 : ’Ua ’avau Iesu i te mata’i ’e te ’are », i roto i Te mau ’ā’amu o te Faufa’a ’Āpī,°53, ’aore rā, te video e tano i ni’a ChurchofJesusChrist.org.) E ani i te mau tamari’i ’ia fa’ata’a mai e aha tō rātou huru ’āhiri ē, te reira rātou. E aha te taime te mau tamari’i i te ri’ari’a’ra’a ? E mea nāhea te roara’a ia rātou te tāmāhanahana?
-
’A ani i te mau tamari’i ’ia fa’ata’i mai i te hāruru o te vero ’e ’ia fa’aea ’ia parau ana’e te hō’ē ta’ata ē, « ’a fa’aea, ’a mania ». ’A fa’a’ite pāpū ē, mai ia Iesu tei ’afa’i mai ia tātou te hau ’ia tupu ana’e te vero i rāpae, e nehenehe ato’a tāna e ’afa’i mai i te hau i tō tātou māfatu ’ia pe’ape’a ana’e tō tātou mana’o.
-
’A ha’api’i i te mau tamari’i te ’aparima e ’āpe’e i te ’īrava toru o te hīmene « Raconte moi les histoire de Jesus » (Chants pour les enfants,°36), ’e ’a hīmene ’āmui i te ’īrava ’a ’aparima ai.
Ha’api’i i te ha’api’ira’a tumu : Te mau tamari’i pa’ari a’e
Mataio 8°; Mareko 2–3°; Luke 7
E nehenehe Iesu e fa’atupu i te mau temeio i roto i tō’u orara’a, mai te mea e fa’aro’o tō’u iāna.
’Ua fa’atupu Iesu e rave rahi temeio i te roara’a o tā misiōni i te tāhuti nei. Nāhea ’oe i te tauturu i te mau tamari’i ’ia iho [conscient] ē, tē tupu nei te mau temeio i teie mahana ?
Te mau ’ātivite e au
-
E ani i te mau tamari’i ’ia mā’iti hō’ē o te mau temeio i muri nei nō te tai’o ’e nō te pāpa’i hōho’a : Matai’o 8:1–4, 5–13, 14–15 ; Mareko 2:1–12 ; 3:1–5 ; Luka 7:11–16. E ani i te mau tamari’i ’ia fa’ata’a mai i tā rātou mau hōho’a pāpa’i i te piha ha’api’ira’a. E aha tā tātou e ha’api’i mai nō ni’a ia Iesu nā roto mai i teie mau ’ā’amu ?
-
’A ani i te mau tamari’i ’ia ha’uti vāvā mai i tō rātou huru ’ia ma’i-ana’e-hia rātou, ’ia ’oto, ’ia ri’ari’a, ’e ’aore rā, ’ia ha’ape’ape’a. Nāhea Iesu i te tauturu ia tātou ’ia tupu ana’e teie mau huru i ni’a ia tātou ? ’A fa’a’ite pāpū ē, e tauturu Iesu i te mau tamari’i i roto i teie mau huru tupura’a ato’a.
-
E ani i te mau tamari’i ’ia fa’a’ite mai i te mau ’itera’a, ’a fāri’i ai rātou ’aore rā te hō’ē ta’ata tā rātou i mātau i te hō’ē ha’amaita’ira’a autahu’ara’a. E mea nāhea te reira ta’ata i te fa’aorara’ahia ’aore rā, i te ha’amaita’ira’ahia ?
’Ua here Iesu ia tātou noa atu ’ua hara tātou ’e tē hina’aro nei e tauturu ia tātou ’ia tātarahapa.
E tauturu te mau ’ā’amu i roto i te Mareko 2:15–17 ’e Luka 7:36–50 i te mau tamari’i ’ia hāro’aro’a ē, tē here nei Iesu Mesia ia tātou noa atu ē ’ua hara tātou. Tē hina’aro nei ’oia e tauturu ia tātou ’ia tātarahapa ’e ’ia ha’afātata atu iāna.
Te mau ’ātivite e au
-
’A pāpa’i E aha tō Iesu mana’o nō ni’a i te hara ? ’e E aha tō Iesu mana’o nō ni’a ia tātou ’ia hara ana’e tātou ? i ni’a i te tāpura ’ere’ere. E ani i te mau tamari’i ’ia feruri i teie mau uira’a ’a tai’o ’āmui ai rātou i te Mareko 2:15–17 ’e i muri iho ’ia fa’a’ite mai i tā rātou mau pāhonora’a. (E hina’aro paha ’oe e tai’o ’āmui te « Telona » i roto i te Arata’i nō te mau pāpa’ira’a mo’a [scriptures.ChurchofJesusChrist.org].) Nō te aha e mea faufa’a ’ia ’ite ē, ’ua here Iesu ia tātou, noa atu ā ’aita tātou i maita’i roa ? Nāhea te ’itera’a i te reira i te tauturu ia tātou i te taime e tītau ai tātou ’ia tātarahapa ?
-
Tau mahana hou te ha’api’ira’a, e ani i te hō’ē o te mau tamari’i ’e te hō’ē melo o te ’utuāfare ’ia haere ineine mai i te piha ha’api’ira’a nō te fa’a’ite i te ’ā’amu i roto i te Luka 7:36–50. E nehenehe rātou e pāpa’i hōho’a i te mau tuha’a o te ’ā’amu nō te fa’a’ite i te piha ha’api’ira’a. E ’āparau ’e te mau tamari’i e aha tā te Fatu e hina’aro nei ’ia ha’api’i mai tātou nā roto mai i teie ’ā’amu.
’Ia ri’ari’a ’aore rā ’ia fifi ana’e au, e tauturu mai Iesu iā’u ’ia vai hau noa.
E hina’aro te mau tamari’i ’ia ’ite ē, e hōro’a mai te Fa’aora ia rātou te hau, ’ia fārerei ana’e rātou i te mau vero o te orara’a nei—i teienei e a muri a’e.
Te mau ’ātivite e au
-
E ani i te hō’ē o te mau tamari’i ’ia fa’a’ohipa i te Mareko 4:35–41 ’e i te hōho’a ’Ua tāmarū Iesu i te vero (Buka hōho’a ’Evanelia, N°40) nō te fa’ati’a i te ’ā’amu o Iesu i te tāmarūra’a i te vero. E ani i te mau tamari’i ’ia fa’ata’a mai e aha tō rātou huru ’āhiri ē, tei reira rātou.
-
E ani i te mau tamari’i ’ia fa’a’ite mai i te mau ’itera’a, i te taime ’a fāri’i ai rātou te hau i muri a’e i te purera’a nō te ani i te tauturu. ’A fa’aha’amana’o ia rātou ē, nō ’ō mai teie hau i te Fa’aora ra.
-
’A hōro’a i te tamari’i tāta’itahi hō’ē ’api parau ata ua, ’e e ani ia rātou ’ia pāpa’i i ni’a iho i te hō’ē tāmatara’a tā te ta’ata e nehenehe e fāri’i. ’A tu’u pauroa i te mau ata i ni’a i te tāpura ’ere’ere, ma te tāpo’i roa i te hō’ē hōho’a o te Fa’aora. E ani i te hō’ē tamari’i ’ia tātara i te hō’ē o te mau ata, ’e ’ia fa’a’ite mai i te mau rāve’a e ti’a ia tātou ’ia tauturu i te hō’ē ta’ata tei roto i taua tāmatara’a ra ’ia ’ite i te hau. ’Ia hope te mau ata ato’a i te tātarahia, ’a fa’a’ite pāpū nō te mana o te Fa’aora i te tāmarūra’a i te mau vero i roto i tō tātou orara’a.
Fa’aitoito i te ha’api’ira’a i te fare
’A tauturu i te mau tamari’i ’ia pāpa’i i te hō’ē ’ohipa tāvinira’a tā rātou e rave nō te hō’ē ta’ata i teie hepetoma.
Ha’amaita’i i tā tātou ha’api’ira’a
E mea ha’uti roa te mau tamari’i. I te tahi taime e feruri paha ’outou ē, ’ua riro te ha’uti a te mau tamari’i ’ei ha’afifira’a nō te ha’api’ira’a. Terā rā, e nehenehe ’outou e patu i ni’a i tō rātou natura ha’uti, nā roto i te anira’a ia rātou ’ia ha’uti hō’ē ’ā’amu ’aore rā, ’ia rave i te mau ’ohipa e tū’ati i ni’a iho i te mau ’ohipa i roto i te hō’ē hīmene ’aore rā, hō’ē pāpa’ira’a mo’a. (Hi’o Te Ha’api’ira’a mai tā te Fa’aora,,°25.)