Pene 23
Te taata aore e ti‘a ia haere
I te hoê mahana te haapii ra Iesu i te hoê pŭpŭ taata i roto i te hoê fare.
Hopoi maira te tahi mau taata i to ratou hoa i ni‘a i te ro‘i e hi‘o ia Iesu. Aita te hoa e nehenehe e hahaere. Aita e ti‘a i te reira mau taata ia tomo mai i roto i te fare no te rahi o te taata.
Hopoi atu ra te mau taata i to ratou hoa i ni‘a i te tapo‘i fare. Ua tatara ratou i te tahi mau tapo‘i o te fare e ua haapou maira i to ratou hoa i roto i te fare.
Ia ite a‘e ra Oia i te faaroo rahi o taua mau taata ra, ua parau atu ra Iesu i te taata ma‘i e, ua faaorehia ta’na mau hara. Ua parau atu ra Oia ia’na ia rave i to’na ro‘i e ia ho‘i i te fare. Ti‘a maira taua taata nei i ni‘a. Ua ora oia. Rave ihora oia i to’na ro‘i e ho‘i atu ra i te fare. Ua mauruuru roa oia i te Atua.