Pene 37
Na lepera hoê ahuru
Haere atu ra Iesu i te hoê oire iti, ite atu ra i na lepera hoê ahuru. E mau taata ma‘i te mau lepera. E faatupu mai to ratou ma‘i i te mau pepe rarahi ati noa a‘e to ratou tino.
Aita e ti‘a i te mau taote ia tauturu i te mau lepera. E ri‘ari‘a te mau taata ia haafatata atu ia ratou. Aita ho‘i ratou i hinaaro ia ma‘i-atoa-hia ratou.
Ua ani atu ra na lepere ia Iesu ia faaora ia ratou. Ua ite ratou e, e nehenehe Ta’na e faaore i to ratou mau pepe.
Ua hinaaro a‘e ra Iesu ia maitai ratou. Ua parau atu ra Oia ia ratou ia haere e faaite ia ratou i te mau tahu‘a.
E i to ratou haereraa’tu i te mau tahu‘a ra, ua faaorahia ihora na lepera hoê ahuru ra. Ua ore to ratou mau pepe.
Ua ite te hoê o te mau lepera e na Iesu i faaora ia ratou. Ho‘i maira oia e haamaitai Ia’na. Ua ui atu ra Iesu e teihea iho nei na tooiva lepera. Aore ho‘i ratou i ho‘i mai. Ua parau atu ra Iesu i te lepera i haamaitai mai Ia’na e, na te faaroo o te lepera i faaora ia’na.