Te parabole matamua
Te parabole no te mamoe i mo‘e ra
E 100 mamoe ta te hoê tia‘i mamoe maitai. Ua mo‘e râ te hoê.
Ua vaiiho a‘e ra te tia‘i i te 99 mamoe ra e haere atu ra e imi i te hoê tei mo‘e ra. Ia itehia mai oia ra, oaoa a‘e ra oia.
Ua ta‘ita‘i maira te tia‘i i te mamoe i te fare ra. Ua pii atu ra oia i to’na mau hoa e to’na mau taata tupu atoa ia haere mai e ia amui mai i roto i to’na oaoaraa. Ua iteahia mai te mamoe i mo‘e ra.
Ua parau atu ra te Mesia i te mau Pharisea i te auraa no te reira parabole. Ua parau atu ra Oia e, te feia tei hara ua au ïa ratou i te mamoe i mo‘e ra.
Mai te tia‘i mamoe i hinaaro ia faaora i te mamoe i mo‘e ra, ua hinaaro atoa Iesu e faaora i te feia tei hara.
Ua parau atu ra Iesu e, no reira Oia i paraparau ai i te feia hara ra.
Mataio 18:11 (a hi‘o i te nota 11c i raro i te api); Mareko 2:17
E mai te tia‘i mamoe i î i te oaoa a itehia mai ai te mamoe i mo‘e ra, e rahi atoa te oaoa o Iesu ia tatarahapa tatou.