Te mau taata e ti‘a ia ite

Ageripae arii Roma tei faatere i Iseraela. Ua parau atu ra o Paulo ia Ageripa no ni‘a ia Iesu Mesia.

Anae vahine ivi haapa‘o maitai tei ite ia Iesu i to’na aruaruraa ra e ua haapii i te mau taata e, e Tamaiti Iesu na te Atua e e Faaora ho‘i

Ananiae pĭpĭ na Iesu Mesia tei ora i Damaseko Ua haamaitai oia ia Paulo e ua aupuru ia’na i muri a‘e i te poraa te mata o Paulo i te taime o te orama.

Atuae parau ïa no te Metua i te Ao ra e aore râ, no Iesu Mesia

Eliate hoê peropheta no te Faufaa Tahito

Elisabetate metua vahine o Ioane Bapetizo

Gaberielate melahi tei fâ mai ia Maria e ua parau atu ra ia’na e, e riro oia ei metua vahine no Iesu. Ua fâ atoa mai o Gaberiela ia Zekaria e ua parau atu ra ia’na e, e roaa ta’na tamaiti o te parauhia o Ioane Bapetizo.

Herodae arii ino tei faatere i Ierusalema a fanauhia ai Iesu. Ua titau oia ia haapohehia te aiû atoa i Betelehema ma te ti‘aturi e pohe atoa te aiû o Iesu.

Iaeiroe taata mana Ati Iuda i Kauperenaumi. Ua faati‘a mai Iesu i ta’na tamahine mai te pohe mai.

Iakobohoê o na Ahuru ma Piti Aposetolo a Iesu. Oia te hoê o na tauturu o Petero i muri a‘e i te poheraa o Iesu.

Iesu MesiaTe Tamaiti a te Atua e te Faaora o te ao nei. Ua mauiui oia e ua pohe no ta tatou mau hara.

Ioanete hoê o na Ahuru ma Piti Aposetolo a Iesu. Oia te hoê tauturu o Petero i muri a‘e i te poheraa o Iesu.

Ioane Bapetizote peropheta tei bapetizo ia Iesu. E tamaiti oia na Zekaria e na Elisabeta.

IosephaTe tane faaipoipo a Maria Ua haapa‘o maitai o Iosepha ia Iesu e ia Maria.

Iosepha SemitaI te apîraa o Iosepha Semita, ua fâ maira te Metua i te Ao ra e o Iesu Mesia ia’na ra. Ua parau maira Raua ia’na eiaha e amui atu i te hoê a‘e ekalesia e vai ra i ni‘a i te fenua nei i te mea e, ua hape paatoa ratou. Na roto ia Iosepha Semita, ua faaho‘i-faahou-hia mai te Ekalesia mau a Iesu Mesia i ni‘a i te fenua nei.

Isaïae peropheta no te Faufaa Tahito tei papa‘i i te parau no ni‘a ia Iesu

Iuda Isakariotahoê o te mau Aposetolo a Iesu. Ua hoo o Iuda ia Iesu i te feia iino ra e 30 toata.

Kaiaphate tahu‘a rahi Ati Iuda tei amui atoa i roto i te parau no te faauturaa ia Iesu i roto i To’na mau ati

Lazarote taata ta Iesu i faaora mai te pohe mai

Mariate metua vahine o Iesu

Maria e o Maretana tuahine o Lazaro e e hoa no Iesu

Maria Magadalate hoa o Iesu e te taata matamua i ite ia Iesu i muri a‘e i To’na Ti‘a-faahou-raa mai

Matatiae pĭpĭ na Iesu tei piihia no te mono ia Iuda Isakariota ei hoê o na Aposetolo Hoê Ahuru Ma Piti

Mesiate tahi i‘oa ê atu o Iesu Mesia

Metua i te Ao rate Metua o to tatou tino varua. E pure tatou Ia’na.

Mosee peropheta no te Faufaa Tahito

Nikodemoe tavana no te Ati Iuda tei ti‘aturi e, o Iesu te Faaora. Ua haapii Iesu ia Nikodemo i te parau no te bapetizoraa.

Paulote taata aita i au i te mau pĭpĭ a Iesu e tae roa’tu i te taime a ite ai oia ia Iesu i roto i te hoê orama, e ua faafariuhia. Ua tavini oia i te Atua e ua riro ei aposetolo. Ua parau-atoa-hia oia o Saulo.

Peterote hoê o na Aposetolo Ahuru e Ma Piti a Iesu e te Peresideni o te Ekalesia i muri a‘e i te poheraa o Iesu

Ponotio PilatoTe tavana Roma i Ierusalema. Ua parau te mau Ati Iuda ia Pilato ia faatutia ia Iesu, e ua faati‘a Pilato ia haapohehia o Iesu.

Satanee tamaiti varua na te Metua i te Ao ra. Aita oia i haapa‘o i te parau a te Metua i te Ao ra, no reira, ua ti‘avaruhia oia i rapae i te ra‘i ra. Ua riro mai oia e diabolo. Te tamata nei Satane i te faahema i te taata ia rave i te mea ino ra.

SauloA hi‘o Paulo

Setephanoe ti‘a faatere parau ti‘a no te Ekalesia a Iesu Mesia. Ua taparahi pohe te mau Pharisea ia’na.

Silae misionara e e hoa no Paulo

Simeonae taata parau ti‘a tei ite i te aiû ia Iesu i te hiero i Ierusalema

Simonate hoê taata i Samaria. Ua tamata oia i te hoo mai i te autahu‘araa mai roto mai ia Petero e ia Ioane. Ua haapii ratou ia’na e, eita e ti‘a i te hoê taata ia hoo mai i te autahu‘araa.

Tabitate hoê vahine maitai ta Petero i faaora faahou

Te FaaoraIesu Mesia te Faaora. Ua mauiui Oia e ua pohe no ta tatou mau hara. Aua‘e Oia, e faaorehia ta tatou mau hara, mai te peu e, e tatarahapa tatou, e e ora tatou e a muri noa’tu.

te mau Ati IudaE ati Iseraela tei riro ei tuhaa no te basileia o Iuda. E ati Iuda o Iesu.

Te mau Phariseate feia mana o te Ati Iuda. Te rahiraa o ratou e au ore ia Iesu e i Ta’na mau pĭpĭ.

Te taata RomaTe mau taata teie i faatere i te fenua i orahia e Iesu i To’na ra tau.

Te taata Samariae pŭpŭ taata tei ora i te fenua i orahia e Iesu. Ua matarohia e, aita te Ati Iuda e te Samaria e au te tahi i te tahi.

Te Varua Maitaihoê o na melo e toru o te Atuaraa. E tauturu oia ia Iesu Mesia e i te Metua i te Ao ra. E mana to’na no te tauturu i te taata ia ite i te parau mau. E varua oia e aita to’na e tino i‘o e te ivi.

Zekariate metua tane o Ioane Bapetizo