Pene 28
Ua faaamu Iesu e 5,000 taata
A faaroo a‘e ra Iesu i te reira parau, haere atu ra Oia i te hoê vahi fatata mai i te Roto no Galilea Oia ana‘e ra. E rave rahi te taata tei ite e teihea Oia. Ua hau i te 5,000 taata tei pee atu Ia’na i reira ma te ti‘aturi e, e haapii Oia ia ratou.
Ua haapii Iesu ia ratou i te mau mea e rave rahi. Ua tae i te taime tamaaraa, aita râ e maa ta te mau taata. Ua hinaaro Ta’na mau pĭpĭ ia tono Iesu i te taata ia haere e hoo mai i te maa i te oire fatata mai.
Ua parau atu ra Iesu i te mau pĭpĭ ia hi‘o e te vai ra anei te hoê taata tei afa‘i mai i te tahi maa. Itehia’tura ia ratou hoê tamaiti e pae a’na faraoa e e piti i‘a na‘ina‘i.
Ua parau atu ra Iesu i te mau taata atoa ia parahi i raro. Ua haamaitai a‘e ra Oia i te faraoa e i te i‘a e ua vavahi ihora i te maa.
Ua opere atu ra te mau pĭpĭ i te maa na te taata. Ua rava‘i te maa na te mau taata atoa e ua toe mai.