Pene 58
Simona e te autahu‘araa
E rave rahi taata i Samaria tei faaroo e ua ti‘aturi i te evanelia. Ua bapetizohia ratou, aita râ ratou i farii i te Varua Maitai.
Ua haere o Petero e o Ioane i Samaria. Ua tuu raua i to raua rima i ni‘a i te upoo o te mau taata e ua horo‘a ia ratou i te horo‘a o te Varua Maitai.
Ua ite te hoê taata o Simona te i‘oa ia Petero e ia Ioane i te horo‘araa i te horo‘a o te Varua Maitai i te mau taata ra. Ua ite o Simona e, e nehenehe ta teie na aposetolo e piti e horo‘a i te horo‘a o te Varua Maitai i te mau taata no te mea te mau nei raua i te autahu‘araa. Ua hinaaro atoa oia i taua autahu‘araa ra.
Ua pûpû atu oia i te moni ia Petero e ia Ioane. Ua parau atu ra o Petero ia Simona e, aore e taata e nehenehe e hoo mai i te autahu‘araa. E horo‘a te Atua i te reira i te taata parau ti‘a. Ua ite o Petero e, e ere o Simona i te taata parau ti‘a. Ua parau atu ra oia ia’na ia tatarahapa.