Pene 11: Ua faahemahia o Iesu

Jesus goes into the wilderness to be with God - ch.11-1

Ua haere Iesu i roto i te medebara ia vai piha‘iho i te Atua. Ua paraparau te Faaora i te Metua i te Ao ra. Aita Oia i amu i te hoê noa a‘e mea e 40 mahana no te mea ua haapae Oia i te maa.

Mataio 4:1–2 (a hi‘o i te mau nota 1 i raro i te apib e te 2C); Luka 4:1–2 (a hi‘o i te nota 2a i raro i te apia)

Jesus is tempted by the devil to change rocks into bread - ch.11-2

Ua haere maira te diabolo e ua faahema a‘e ra ia Iesu no te faaite e Tamaiti Oia na te Atua. A tahi, ua parau atu oia ia Iesu ia taui i te ofa‘i ei faraoa. E po‘ia to Iesu, ua ite râ Oia e, e ti‘a Ia’na ia faaohipa i To’na mana no te tauturu noa i te tahi atu mau taata. Aita Oia i rave i te mea ta te diabolo i parau maira.

Mataio 4:2–4; Iesu te Mesia, 128–29

Jesus is taken to a high place on the temple - ch.11-3

I muri iho ua arata‘i te Varua Maitai ia Iesu i te hoê vahi teitei roa i ni‘a i te hiero. Ua faahema faahou te diabolo ia Iesu i te piti o te taime ma te parau Ia’na ia ou‘a i raro i te hiero. Ua parau te diabolo e, mai te mea e Tamaiti o Iesu na te Atua, eita ïa te mau melahi e vaiiho Ia’na ia pepe. Aita Iesu i ou‘a. Ua ite Oia e, e mea hape ia faaohipa i To’na mau mana mo‘a i roto i taua mau raveraa ra.

Mataio 4:5–7 (a hi‘o te mau nota 5 i raro i te apia e te 6a)

Jesus is taken to a high mountain - ch.11-4

I muri iho ua arata‘i atu te Varua Maitai ia Iesu i ni‘a i te hoê mou‘a. Ua faaite oia ia Iesu i te mau basileia atoa e te mau tao‘a o te ao nei. Ua parau te diabolo a Iesu e, e roaa Ia’na taua mau mea atoa nei mai te mea e, e haapa‘o Oia i ta’na parau. Ua parau o Iesu e e haapa‘o Oia i te parau a te Metua i te Ao ra ana‘e. Ua parau Oia i te diabolo ia haere ê. Ua haere ê atu te diabolo. Ua haere maira te mau melahi e ua haamaitai maira ia Iesu. Ua ineine Iesu no te haamata i Ta’na ohipa.

Mataio 4:8–11 (a hi‘o i te mau nota 8 i raro i te apia e te 9a)