Pene 14
Nikodemo
No roto o Nikodemo i te hoê pŭpŭ taata Ati Iuda tei parauhia e Pharisea. E tavana atoa oia no te Ati Iuda. E rave rahi Pharisea aita e ti‘aturi e, na te Atua i tono mai ia Iesu Mesia. Area o Nikodemo ra, ua ti‘aturi ïa na roto i te mau semeio ta Iesu i rave.
Ua haere maira Nikodemo e paraparau i te Faaora i te hoê pô. Ua parau atu ra Iesu ia’na e, ia ore te taata ia fanau faahou, e ore roa oia e ô i roto i te basileia o te Atua.
Aita o Nikodemo i taa i taua parau ra. Nahea te hoê taata e fanau faahou ai ? Ua faaite atu ra te Faaora e, te parau nei Oia i te mau mea o te varua. No te fanau faahou te taata, e ti‘a ïa ia’na ia bapetizohia i te pape e ia farii i te Varua Maitai.
Ua faaite maira Iesu e, i tonohia mai Oia i te fenua nei no te tauturu ia tatou paatoa ia ho‘i faahou i piha‘iho i te Metua i te Ao ra. Ua parau Oia e, ua mauiui Oia no ta tatou mau hara e ua pohe i ni‘a i te satauro ia roaa ia tatou te ora mure ore.
Ua parau Oia e, titauhia ia tatou ia ti‘aturi Ia’na e ia ma‘iti i te maitai. Ia rave tatou i te maitai, e ora ïa tatou e a muri noa’tu i roto i te basileia o te Atua.