Pene 42
Te taata apî tao‘a rahi
Ua parau atu ra te Faaora ia’na ia here e ia faatura i to’na metua tane e to’na metua vahine e eiaha e taparahi i te taata e aore râ, eiaha e haavare e aore râ, eiaha e eia. Ua parau maira te taata apî tao‘a rahi e, ua haapa‘o tamau noa oia i te mau faaueraa.
Ua parau atu Iesu i te taata apî e, hoê ohipa e toe ra e ti‘a ia’na ia rave. E titauhia ia’na ia hoo i ta’na mau tao‘a atoa e ia horo‘a i te moni na te feia veve. E a pee mai ai te taata apî ra Ia’na.
Aita te taata apî tao‘a rahi i hinaaro e opere i ta’na mau tao‘a atoa. Ua here oia i te mau mea i fatuhia e a’na hau atu i to’na here i te Atua. Ua haere ê atu ra te taata apî ma te oto.
Ua parau atu ra te Faaora i Ta’na mau pĭpĭ e, e mea fifi roa no te feia tei here i te tao‘a ia haere i te ao ra. Aita te mau pĭpĭ i taa i Ta’na parau. Ua ui a‘e ra ratou e, o vai te nehenehe e ora i piha‘iho i te Atua. Ua parau atu ra Iesu e, te taata e ti‘aturi i te Atua e ua here Ia’na hau atu i te mau huru mea atoa, e nehenehe ïa e ora i piha‘iho Ia’na i te ao ra.
Mareko 10:23–30 (a hi‘o i te nota 27a i raro i te api)a)