Pene 1
Elisabeta e o Zekaria
E Ati Iuda o Zekaria e ta’na vahine, o Elisabeta, tei ora i piha‘iho ia Ierusalema. Ua haapa‘o raua i te mau faaueraa a te Atua. E rave rahi matahiti to raua pureraa no te farii i te hoê aiû. Ua ruhiruhia raua e aitâ i farii i te tamarii.
E tahu‘a o Zekaria i roto i te hiero. I te hoê mahana ua fâ maira te hoê melahi ia’na ra tei piihia o Gaberiela. Ua parau o Gaberiela e e pahono te Atua i te mau pure a Zekaria e o Elisabeta. E roaa ta raua aiû. Ua parau mai o Gaberiela e e pii raua i te aiû o Ioane.
Ua parau mai o Gaberiela e, e riro o Ioane ei peropheta parau ti‘a na te Atua. E haapii oia i te taata no ni‘a ia Iesu Mesia.
Aita o Zekaria i ti‘aturi i te melahi. Ua paari roa o Elisabeta no te fanau faahou i te hoê aiû. Ua parau mai o Gaberiela e, no te mea aita oia i ti‘aturi i ta te Atua i fafau ra, eita o Zekaria e paraparau faahou e tae noa’tu i te fanauraa o Ioane.