« 27 nō Māti–2 nō ’Ēperēra. Mataio 14 ; Mareko 6 ; Ioane 5–6 : ‘‘Eiaha e mata’u’ », Mai, pe’e mai—nō te Paraimere : Faufa’a ’Āpī 2023 (2022)
« 27 nō Māti–2 nō ’Ēperēra. Mataio 14 ; Mareko 6 ; Ioane 5–6 », Mai, pe’e mai—nō te Paraimere : 2023
27 nō Māti–2 nō ʼĒperēra
Mataio 14°; Mareko 6°; Ioane 5–6
« ’Eiaha e mata’u »
’A fa’aineine ai ’oe nō te ha’api’i nā roto mai i te Mataio°14°; Mareko°6°; ’e te Ioane 5–6, ’a ’imi i te mau parau poro’i tano maita’i nō te orara’a ’o te mau tamari’i tā ’oe e ha’api’i ra. I tō ’oe mana’o, e aha te mea e tauturu ia rātou ’ia hāro’aro’a i teie mau parau poro’i ? E hōro’a mai teie fa’anahora’a ia ’oe i te tahi mau mana’o.
Tītau i te mana’o
’A fa’a’ite i te hō’ē hōho’a nō Iesu e haere ra nā ni’a i te pape (hi’o te fa’anahora’a nō teie hepetoma i roto Mai, pe’e mai—nō te ta’ata hō’ē ’e te ’utuāfare ’aore rā Buka hōho’a ’Evanelia, N 43), ’e e ani i te mau tamari’i ’ia fa’a’ite mai e aha tā rātou i ’ite nō ni’a i te ’ā’amu.
Ha’api’i i te ha’api’ira’a tumu : Te mau tamari’i ’āpī
’Ua ’ite Iesu Mesia i tā’u e hina’aro ’e e tauturu ’oia iā’u.
’A feruri i te ’ā’amu o Iesu i te fa’aorara’a i te ta’ata i te pape nō Betesēda. Nāhea ’oe i te tauturu i te mau tamari’i ’ia ’ite e aha tā te ’ā’amu e ha’api’i nei nō ni’a i te maita’i, te here ’e te tahi atu mau maita’i tō Iesu ?
Te mau ’ātivite e au
-
’A fa’a’ohipa i te hōho’a Te Mesia e fa’aora ra i tei ma’ihia i Betesēda (Buka hōho’a ’Evanelia, N°42) nō te fa’ati’a i te mau tamari’i i te ’ā’amu i roto i te Ioane 5:1–9. ’Aore rā, ’a fa’a’ite i te video « Jesus Heals a Man on the Sabbath [’Ua fa’aora Iesu i te hō’ē ta’ata i te sābati] » (ChurchofJesusChrist.org E ani i te mau tamari’i ’ia feruri ē, ’o rātou te ta’ata tā Iesu i fa’aora. E aha tā rātou e fāri’i ’a fa’aora ai Iesu ia rātou ?
-
E ani i te mau tamari’i ’ia fa’a’ite mai i te mau mea fifi nō rātou ’aore rā, ’o te fa’a’oto ia rātou. ’A fa’ati’a ia rātou i te hō’ē taime i roto i tō ’oe orara’a ’a fāri’i ai ’oe i te tauturu, nō ’ō mai i te Fa’aora ra i roto i te hō’ē tāmatara’a teimaha. ’A fa’a’ite pāpū ē, ’ua ’ite Iesu i tō tātou mau fifi ato’a ’e tē hina’aro nei ’oia e tauturu ia tātou.
Tē pe’e nei au i te hi’ora’a o Iesu ’ia maita’i ana’e au i ni’a ia vetahi ’ē.
Hō’ē rāve’a tā Iesu i fa’a’ite i te here ’oia ho’i te fa’a’amura’a i tāna mau pipi, ’a po’ia ai rātou. Nāhea ’oe i te tauturu i te mau tamari’i ’ia ha’api’i mai i te tāvini ia vetahi ’ē mai tā Iesu i rave ?
Te mau ’ātivite e au
-
’A fa’a’ite i te mau tamari’i i te hō’ē fāri’i ’e i te tahi faraoa, ’a fa’ati’a ai ’oe i te ’ā’amu i roto i te Mataio 14:13–21. ’A fa’ata’a ē, noa atu ’ua ’imi Iesu i te hō’ē vāhi ’ia vai ’ōtahi noa ’oia, ’ua hina’aro te mau ta’ata e fa’aea noa i pīha’i iho iāna. ’A fa’a’ite atu i te toe’a o te ’ā’amu i te mau tamari’i, ’e e ani ia rātou ’ia fa’aro’o maita’i i te mea tā Iesu i rave nō te fa’a’ite i te maita’i ’e te here i te mau ta’ata.
-
E ani i te mau tamari’i ’ia fa’a’ite mai e mea nāhea te hō’ē ta’ata i te fa’a’itera’a i te maita’i ia rātou. I muri iho e tauturu ia rātou ’ia feruri i te mau mea tā rātou e nehenehe e rave i teie hepetoma nō te fa’a’ite i te maita’i i ni’a ia vetahi ’ē. Nō tā rātou mau pāhonora’a ato’a, ’a pāpa’i hōho’a i te hō’ē tāpu faraoa ’aore rā, i te hō’ē i’a i ni’a i te tāpura ’ere’ere. ’A parau i te mau tamari’i ē, ’ia rave ana’e rātou i teie mau mea, tē pe’e ra ïa rātou i te hi’ora’a tā Iesu i fa’a’ite, ’a fa’a’amu ai ’oia i nā ta’ata e pae tauatini tei po’ia.
E tauturu te fa’aro’o ia Iesu Mesia iā’u ’ia ’ore ’ia mata’u.
’Ua fa’a’ite Petero i te fa’aro’o rahi ’a haere ai ’oia nā ni’a i te pape ia Iesu ra. E aha te mau ha’api’ira’a e vai ra nō te mau tamari’i i roto i teie ’ā’amu ?
Te mau ’ātivite e au
-
’A fa’a’ite i te hōho’a i roto i te fa’anahora’a nō teie hepetoma i roto te Mai, pe’e mai—nō te ta’ata hō’ē ’e te ’utuāfare (hi’o ato’a Buka hōho’a ’Evanelia, N°43) ’a fa’ati’a ai ’oe i te ’ā’amu o te Mataio 14:22–33 ’ia au i tā oe iho mau parau. ’A feruri e fa’a’ohipa i te ’api ’ātivite nō teie hepetoma nō te tauturu i te mau tamari’i ’ia fa’ati’a mai ā i te ’ā’amu ia ’oe. E nehenehe ato’a ’oe e hōpoi mai i te hō’ē au’a pape iti ’e e ani i te mau tamari’i ’ia fa’ahua e « fa’ahaere » i tō rātou manimani rima nā ni’a i te pape.
-
’A fa’a’ite i te video « Wherefore Didst Thou Doubt ? [E aha ’oe i mata’u ai ?] » (ChurchofJesusChrist.org), ’e e ani i te mau tamari’i nō te aha Petero i mata’u ai. I muri iho, ’a ani ia rātou ’ia fa’ati’a mai i te mau taime ’a mata’u ai rātou ’e ’ia fa’a’ite mai i te mea tei tauturu ia rātou. E tauturu ia rātou ’ia ’ite ē, nā te fa’aro’o ia Iesu Mesia e tauturu ia tātou ’ia upo’oti’a i ni’a i te mata’u.
Ha’api’i i te ha’api’ira’a tumu : Te mau tamari’i pa’ari a’e
Tē ha’api’i mai nei Iesu Mesia iā’u nō ni’a i te Metua i te ao ra.
Nāhea te mau ha’api’ira’a a Iesu nō ni’a i tōna Metua i te tauturu i te mau tamari’i ’ia ha’api’i mai nō ni’a i te Metua i te ao ra ?
Te mau ’ātivite e au
-
’A hāmani e piti ’āpapara’a tāreta ’aifāito ma te pāpa’ihia i ni’a iho te mau parau tā Iesu i fa’a’ohipa nō te ha’api’i nō ni’a i te Metua i te ao ra i roto i te Ioane°5, mai te here, te ora, ’e te mau ’ohipa (hi’o Ioane 5:20, 26,°36). ’A pānaho i te mau tāreta ma te huri te aro maita’i i raro, ’e e ani i te mau tamari’i ’ia fa’atū’ati i te mau tāreta ma te hurira’a e piti tāreta i te taime hō’ē. ’Ia ’ite-ana’e-hia nā tāreta e tūati, ’a tai’o i te ’īrava tei roto i te reira te ta’o, ’e e ani i te mau tamari’i e aha tā te ta’o e ha’api’i nei ia tātou nō ni’a i te Metua i te ao ra.
-
E ani i te mau tamari’i ’ia tai’o te Ioane 5:30 ’e i muri iho ’ia fa’aoti i te pāpa’ira’a i teie pereota : « ’Aita ho’i au i ’imi i tō’u iho hina’aro, ’o te hina’aro rā°… ». E mea nāhea Iesu Mesia i te ha’apa’ora’a i te hina’aro o tōna Metua i te ao ra ? Nāhea tātou ’ia ha’apa’o i te hina’aro o te Metua i te ao ra ?
Nā roto i te semeio ’ua fa’a’amu Iesu e pae tauatini ta’ata i te tāpū faraoa e pae ’e e piti i’a.
E nehenehe tā’u mau ō iti e fa’atupu i te ta’a-’ē-ra’a.
Nā te hō’ē tamaiti ’āpī i hōro’a mai i te faraoa ’e te i’a ’o tā Iesu i rave nō te fa’a’amu i nā rahira’a e pae tauatini. Nāhea ’oe i te tauturu i te mau tamari’i tā ’oe e ha’api’i ra ’ia hi’o e nāhea rātou i te tauturu i te ’ohipa a te Fatu ?
Te mau ’ātivitē e au
-
Tauturu i te mau tamari’i ’ia feruri i te rahi o te hō’ē naho’a ta’ata e pae tauatini. E aha te huru ’ia fa’a’amu i terā rahira’a ta’ata i nā faraoa e pae ana’e ’e i nā i’a e piti ?
-
E ani i te hō’ē tamari’i ’ia fa’ati’a mai i te ’ā’amu nō te fa’a’amura’a i te pae tauatini ta’ata, ’ia au i tāna iho mau parau. E ha’apāpū ē, e tamaiti ’āpī teie tei hōro’a i te faraoa ’e te i’a tei ravehia e te Fatu nō te fa’atupu i teie semeio. Nāhea tātou ’ia riro mai te tamaiti ’āpī ra i roto i te Ioane 6:9°? E ani i te mau tamari’i ’ia pāpa’i hōho’a i te tāpū faraoa ’e te i’a i ni’a i te ’api parau ’e ’ia pāpa’i i ni’a iho te tahi mau mea tā rātou e hōro’a i te Fatu nō te tauturu i tāna ’ohipa.
-
’A hōro’a i te mau tamari’i te hō’ē piriapu [puzzle] iti nō te pānaho. E aha te tupu mai te mea ē, ’ua mo’e te hō’ē tuha’a o te piriapu ? ’A fa’ata’a ē, e au tātou tāta’itahi mai te hō’ē tuha’a o te piriapu—e mea faufa’a tātou pā’āto’a, ’e e hina’aro tātou pā’āto’a i te tahi ’e te tahi. Tauturu i te mau tamari’i ’ia fa’a’ite mai i te mau tumu e mea faufa’a rātou i roto i tō rātou utuāfare, tā rātou piha Paraimere, te utuāfare o te Atua ’e te tahi atu mau pupu.
E tauturu te fa’aro’o ia Iesu Mesia iā’u ’eiaha ’ia mata’u.
E ti’ara’a faufa’a rahi tō te fa’aro’o ’e te mata’u i roto i te ’ā’amu o Iesu rāua Petero i te haerera’a nā ni’a i te tai. E aha tā te mau tamari’i e nehenehe e ha’api’i mai nā roto mai i teie ’ā’amu ?
Te mau ’ātivite e au
-
’A fa’a’ite i te hōho’a i roto i te fa’anahora’a nō teie hepetoma i roto te Mai, pe’e mai—nō te ta’ata hō’ē ’e te ’utuāfare (hi’o ato’a Buka hōho’a ’Evanelia, N°43). E ani i te mau tamari’i ’ia ’imi i te mau pereota i roto i te Mataio 14:22–33 ’o tē fa’ata’a ra i te hōho’a.
-
’A ani i te mau tamari’i ’ia ’imi i te mau tāpa’o o te fa’aro’o ’e te mau tāpa’o o te mata’u ’a tai’o ai rātou i te Mataio 14:22–33. E fa’a’ite ato’a i te video « Wherefore Didst Thou Doubt ? [E aha ’oe i mata’u ai ?] » (ChurchofJesusChrist.org). E aha te aura’a ’ia vai te fa’aro’o ia Iesu Mesia ? Tauturu i te mau tamari’i ’ia feruri i te mau taime i tauturu ai tō rātou fa’aro’o ia rātou ’ia upo’oti’a i ni’a i te mata’u.
-
’A ani i te mau tamari’i ’ia feruri ē, tei reira rātou ’e tā rātou pata hōho’a ’a haere ai Iesu ’e ’o Petero nā ni’a i te miti. E aha te taime tā rātou e mā’iti nō te pata i te hōho’a ’e nō te aha ? ’A parau ia rātou ’ia ’imi mai te Mataio 14:22–33 nō te mau mana’o. ’A ani ia rātou ’ia pāpa’i hōho’a i te taime tā rātou i mā’iti, ’ia fa’a’ite atu i tā rātou hōho’a ’e ’ia fa’ata’a nō te aha rātou i mā’iti ai i taua taime ra.
Fa’aitoito i te ha’api’ira’a i te fare
Mai te mea ’ua fa’a’ī te mau tamari’i i te ’api ’ātivite o teie hepetoma, e ani ia rātou’ ia fa’a’ohipa i te reira nō te ha’api’i i tō rātou ’utuāfare i te mau mea tā rātou i ha’api’i mai i roto i te piha ha’api’ira’a. ’Aore rā, e hōro’a ia rātou i te hō’ē hōho’a o te ’api nō te fa’a’ī ’e tō rātou utuāfare i te fare.
Ha’amaita’i i tā tātou ha’api’ira’a
Tītau i te mana’o E ani i te mau tamari’i i tō rātou mau mana’l, tō rātou mau ferurira’a hōhonu, ’e tō rātou mau ’itera’a rau. E ’ite ’outou ē, e mea pinepine rātou i te fāri’i i te mau mana’o ri’i ’e te hōhonu.