Minuyongan ti Tanem

Abril 3–9

Paskua ti Panagungar

“Adino ti Yanna, O Patay ti Panagballigim?”

Usarem ti orasmo kadagiti ubbing a mangtulong kadakuada a mangkita iti Paskua ti Panagungar kas maysa a panawen tapno agrag-o iti Mangisalakan ken mangpauneg iti panagyamanda iti sakripisiona. Mabalin a maibagay dagiti kapanunotan iti daytoy a balabala tapno makatulong kenka a mangisuro kadagiti ubbing ti ania man nga edad.

icon iti panagbibinninglay

Yawis ti Panagbibinninglay

Ipakitam dagiti ladawan ti Mangisalakan iti Getsemani, iti krus, ken kalpasan ti Panagungarna (kitaen iti ladawan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia ken Libro ti Arte ti Ebanghelio, dagiti num. 56–60). Kiddawen kadagiti ubbing a mangibinglay no ania ti ammoda maipapan kadagiti pasamak a naipakita kadagiti ladawan.

icon iti panangisuro

Isuro ti Doktrina: In-inaudi nga Ubbing

Ni Jesucristo ti Mangisalakanko.

Bayat ti panangbasam maipapan iti Pannubbot ni Jesucristo, utobem no kasano a matulongam dagiti ubbing a mangrikna no kasano ti kadakkel ti panagayat ni Jesus kadakuada.

Dagiti Mabalin nga Aktibidad

• Ipakitam ti maysa a ladawan ni Jesus, ket idawatmo dagiti ubbing a mangibinglay no ania ti ammoda maipapan iti no ania ti inaramidna para kadatayo. Iburaymo ti pammaneknekmo maipapan iti ayat ti Mangisalakan ken ti bilegna a mangisalakan kadatayo manipud iti basol. Mangingato iti maysa a sarming, ken pagsisinnublatem dagiti ubbing a kumita iti daytoy. Bayat ti panangaramid ti tunggal ubing, isaom ti, “Ay-ayaten ni Jesus ni [nagan ti ubing], ken matulonganna ni [nagan ti ubing] nga agnaed manen iti denna ti Nailangitan nga Ama.”

• Ipakitam ti ladawan a Ni Jesus nga Agkarkararag iti Getsemani (Libro ti Arte ti Ebanghelio, num.56) bayat ti panangisaritam iti estoria ni Jesus nga agsagsagaba iti Getsemani para kadagiti basol ti lubong (kitaen iti Mateo 26:36–46; Lucas 22:39–44). Ilawlawag a gapu iti panagsagabana, mapakawantayo no makaaramidtayo iti biddut a pili. Mabalinmo pay nga usaren ti “Kapitulo 51: Agsagaba ni Jesus iti Minuyongan ti Getsemani” Dagiti Estoria iti Baro a Tulag, 129–32, wenno ti maitutop a video iti ChurchofJesusChrist.org).

• Aggigiddan nga agkansion iti maysa a kanta maipapan iti ayat ni Jesus para kadatayo, kas iti “I Feel My Savior’s Love” (Children’s Songbook, 74–75). Tulongam dagiti ubbing a mangiliasin kadagiti balikas iti kanta a mangiladawan ti ayat ti Mangisalakan. Ania ti makatulong kadatayo a makarikna iti ayatna? Kasano a matulongantayo dagiti dadduma a mangrikna iti ayatna?

Ni Cristo a kadua ni Maria iti awan nagyanna a tanem

Nagungaren, ni Greg Olsen

Gapu ta natay ken nagungar ni Jesus, agbiagakto manen.

Kasano a matulongam dagiti ubbing a makaawat a gapu ken ni Jesucristo, agungartayonto ken dagiti ay-ayatentayo iti maysa nga aldaw?

Dagiti Mabalin nga Aktibidad

• Isurom kadagiti ubbing ti estoria maipapan iti Paskua ti Panagungar nga us-usarem dagiti ladawan ni Cristo iti Getsemani, iti krus, ken kalpasan ti Panagungarna, (kitaen iti Libro ti Arte ti Ebanghelio, dagiti num. 56–60 ken ti naan-anay ti panidna a ladawan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia). Paiggamam iti sumagmamano nga ubbing dagiti ladawan bayat ti panangisaritam iti estoria. Isaritam kadagiti ubbing maipapan iti sumagmamano a tao a nakakita ken ni Jesus kalpasan ti panagungarna, kas ken ni Maria (kitaen iti Juan 20:1–18) wenno ni Tomas (kitaen iti Juan 20:24–29).

• Saludsodem kadagiti ubbing no apay rambakantayo ti Paskua iti Panagungar. Ilawlawag nga iti Paskua ti Panagungar rambakantayo ti aldaw a panagungar ni Jesucristo. Saludsodem no siasino kadagiti ubbing ti mangayat a mangibinglay no ania ti aramiden dagiti pamiliada a manglagip iti Panagungar ni Jesucristo.

• Ilawlawag a ti kayat a sawen ti nagungar ket agbiag manen kalpasan ti ipapataytayo. Paneknekam a gapu ken ni Jesucristo, agungartayonto—agbiagtayonto manen kalpasan ti ipapataytayo, ken saantayonton a matay iti kaano man.

• Usarem ti guantes a mangisuro kadagiti ubbing nga addaantayo amin iti bagi (ibagi ti maysa a guantes) ken iti espiritu (ibagi ti maysa nga ima). No mataytayo, agsina dagiti espiritu ken bagitayo. Agtultuloy nga agbiag ti espiritutayo, ngem saan nga agbiag dagiti bagitayo. No agungartayo, agtipon manen dagiti espiritu ken bagitayo. Pagsisinnublatem dagiti ubbing iti panangisuot iti guantes ken panangikkat iti daytoy.

• Aggigiddan a mangkanta iti kansion ti Paskua ti Panagungar, kas iti “Did Jesus Really Live Again?” wenno “Jesus Has Risen” (Children’s Songbook, 64, 70), ken ipakitam kadagiti ubbing dagiti ladawan ni Jesus kalpasan ti panagungarna (kitaen iti Libro ti Arte ti Ebanghelio, dagiti num. 59–61).

• I-display ti ladawan ti maysa a tao nga ammom a natayen. Ibinglaymo ti pamaneknekmo nga agungarto isuna gapu iti Pannubbot ken Panagungar ni Jesucristo.

• Aggigiddankayo a mangbuya iti video a “Jesus Is Resurrected” wenno “The Risen Lord Appears to the Apostles” (ChurchofJesusChrist.org). Wenno ipabuyam ti sabali pay a video maipapan iti Paskua ti Panagungar a masarakan iti Easter.ComeuntoChrist.org.

icon iti panangisuro

Isuro ti Doktrina: In-inauna nga Ubbing

Nagsagaba ni Jesucristo para kaniak iti Getsemani ken iti krus.

Kabayatan ti panagadalmo kadagiti nasantuan a kasuratan iti daytoy a lawas, utobem no kasano a makatulongka kadagiti ubbing a mangbukel iti pammatida ken ni Jesucristo ken ti Pannubbotna.

Dagiti Mabalin nga Aktibidad

• Basaem a kadagiti ubbing ti Lucas 22:39–44 ken dagiti napili a bersikulo manipud iti Mateo 27:29–50. Awisem ida a mangsapul kadagiti balikas a makatulong kadakuada a makaawat no ania ti napadasan ti Mangisalakan iti Getsemani ken iti krus.

• Tulongam dagiti ubbing a mangyulo iti maikatlo a pagannurotan ti pammati. Paneknekam nga adda bileg ni Jesucristo a mangisalakan kadatayo manipud iti basol ken manipud iti ipapatay.

• Tulongam dagiti ubbing a mangisagana kadagiti ababa a sarita maipapan iti Pannubbot ni Jesucristo a mabalinda nga ibinglay iti dadduma. Allukoyem ida a mangiraman iti nasantuan a kasuratan ken dagiti pammaneknekda kadagiti saritada. No kasapulanda ti nayon a tulong, mabalinda a basaen ti “Pannubbot, Subboten” iti Pangiwanwan iti Nasantuan a Kasuratan (scriptures. ChurchofJesusChrist.org).

Gapu ta natay ken nagungar ni Jesus, agbiagakto manen.

Iti maysa nga aldaw mapadasanto dagiti ubbing a sursuruam ti ipapatay ti maysa nga ipatpateg no saanda pay a napadasan. Tulongam ida a mangammo a gapu ta nagungar ni Jesucristo, agungartayonto amin.

Dagiti Mabalin nga Aktibidad

• I-display dagiti ladawan dagiti num. 57–59 iti Libro ti Arte ti Ebanghelio, ket kiddawem kadagiti ubbing a mangiparis kadagiti ladawan kadagiti sumaganad a binatog: Mateo 27:29–38, 59–60; Juan 20:10–18.

• Awisem dagiti ubbing a saggaysa a mangbasa iti “Panagungar” iti Pangiwanwan iti Nasantuan a Kasuratan (scriptures.ChurchofJesusChrist.org) ken mangsapul iti maysa a banag a kayatda nga isuro kadagiti pamiliada. Ikkam dagiti ubbing iti gundaway a mangibinglay no ania ti nasarakanda.

• Tulongam dagiti ubbing a mangkita iti topics index ti Children’s Songbook tapno magsapul iti maysa a kanta a kayatda a kantaen maipanggep ken ni Jesucristo wenno ti Panagungar. Aggigiddan a mangkansion iti kanta ken saludsodem kadagiti ubbing no ania ti nasursuroda manipud iti daytoy a kanta.

• Ipabuyam ti video a “Jesus Is Resurrected” (ChurchofJesusChrist.org), ket awisem ti sumagmamano nga ubbing a mangibinglay kadagiti pammaneknekda maipanggep iti Pannubbot ken Panagungar ti Mangisalakan. (Mabalin nga idawatmo kadagitoy nga ubbing nga aramidenda daytoy iti sumagmamano nga aldaw sakbay ti klase tapno makapagsaganada.) Awisem dagiti ubbing a mangisurat kadagiti pammaneknekda nga ibinglay iti pagtaengan.

icon iti panagsursuro

Yallukoy ti Panagsursuro iti Pagtaengan

Tapno matulongam dagiti ubbing a mangibinglay no ania ti nasursuroda kadagiti pamiliada, allukoyem ida nga agkansion iti kanta maipanggep ken ni Jesucristo iti pagtaengan itoy a lawas.

Panangpadur-as iti Panangisurotayo

Mangted iti pagsayaatan kadagiti ubbing ti panangulit. Saanka a mabuteng a mangulit kadagiti aktibidad iti mamin-adu a gundaway, nangnangruna kadagiti in-inaudi nga ubbing. Ti panangulit ket makatulongto kadagiti ubbing a manglagip no ania ti isurom.

panid ti aktibidad: Agbiagakto manen