« ថ្ងៃទី ១៥–២១ ខែ ឧសភា ។ ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២ ៖ ‹ មើល ស្តេចនៃនាង ទ្រង់យាងមក › » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )
« ថ្ងៃទី ១៥–២១ ខែ ឧសភា ។ ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២ » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២៣
លោកសាខេនៅលើដើមឧទុម្ពរ ដោយ ជេមស៍ ធីសុទ្ធ
ថ្ងៃទី ១៥–២១ ខែ ឧសភា
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
« មើល ស្តេចនៃនាង ទ្រង់យាងមក »
កាលបងប្អូនអាន ម៉ាថាយ ២១–២៣; ម៉ាកុស ១១; លូកា ១៩–២០ និង យ៉ូហាន ១២ សូមយកចិត្តទុកកដាក់ទៅលើចំណាប់អារម្មណ៍ដែលបងប្អូនទទួលបានមកពីព្រះវិញ្ញាណបរិសុទ្ធ ។ សូមមើល « ការបំពេញតាមតម្រូវការរបស់កុមារតូចៗ » នៅទំព័រដំបូងនៃសៀវភៅសិក្សានេះ រកមើលនូវរឿងនានាដែលត្រូវទុកក្នុងចិត្ត កាលបងប្អូនបង្រៀនគោលការណ៍ទាំងនេះ ។
អញ្ជើញឲ្យចែកចាយ
សូមបង្ហាញរូបភាពមកពី គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារហើយសូមអញ្ជើញកុមារឲ្យចែកចាយអ្វីដែលពួកគេដឹងអំពីអ្វីដែលបានកើតឡើងនៅក្នុងរូបភាពនេះ ។
បង្រៀនគោលលទ្ធិ ៖ កុមារតូចៗ
ព្រះវរបិតាសួគ៌ និងព្រះយេស៊ូវទ្រង់ស្គាល់ឈ្មោះខ្ញុំ ។
កាលបងប្អូនអានអំពីទំនាក់ទំនងរបស់ព្រះអង្គសង្គ្រោះនឹងលោកសាខេ តើសារលិខិតអ្វីដែលបងប្អូនរកឃើញ ដែលអាចប្រទានពរដល់កុមារដែលបងប្អូនបង្រៀន ?
សកម្មភាពដែលអាចធ្វើបាន
-
សូមបង្ហាញរូបភាពរបស់ លោកសាខេនៅលើដើមឧទុម្ពរ ( នៅក្នុងគម្រោងមេរៀននេះ ឬនៅលើគេហទំព័រ ChurchofJesusChrist.org ) ។ សូមជួយកុមារឲ្យរកមើលលោកសាខេ ហើយហៅឈ្មោះរបស់លោក ។ សូមបង្កើតសកម្មភាពឲ្យកុមារធ្វើ នៅពេលបងប្អូនតំណាលប្រាប់ដំណើររឿងរបស់លោកសាខេ និង ព្រះយេស៊ូវ—ឧទាហរណ៍ ដោយចំអើតជើងដើម្បីមើលហ្វូងមនុស្ស ឬធ្វើជាឡើងដើមឈើ ។ សូមពន្យល់ថា ព្រះអង្គសង្គ្រោះបានឃើញលោកសាខេ ហើយហៅឈ្មោះរបស់លោក ។ សូមថ្លែងទីបន្ទាល់ថា ព្រះអង្គសង្គ្រោះក៏ស្គាល់កុមារម្នាក់ៗ និងឈ្មោះរបស់ពួកគេផងដែរ ។
-
សូមយកស៊ុមរូបថតដែលគ្មានរូបថតមកកាន់ថ្នាក់រៀន ឬធ្វើស៊ុមមួយពីក្រដាស ។ សូមអញ្ជើញកុមារម្នាក់ៗឲ្យប្ដូរវេនគ្នាកាន់ស៊ុមនេះនៅពីមុខផ្ទៃមុខរបស់ពួកគេ ខណៈកុមារផ្សេងទៀតក្នុងថ្នាក់និយាយថា « ព្រះវរបិតាសួគ៌ និងព្រះយេស៊ូវស្គាល់ [ ឈ្មោះរបស់កុមារ ] » ។
-
សូមច្រៀងចម្រៀងជាមួយគ្នាអំពីសេចក្តីស្រឡាញ់របស់ព្រះវរបិតាសួគ៌ ដូចជាបទ « ខ្ញុំជាកូនរបស់ព្រះ » ( សៀវភៅចម្រៀងកុមារ ទំព័រ ២ ) ។ សូមជួយកុមារឲ្យស្តាប់រកអ្វីដែលជួយពួកគេឲ្យដឹងថា ព្រះវរបិតាសួគ៌ស្រឡាញ់ពួកគេ ។
ព្រះវិហារបរិសុទ្ធគឺជាទីដ៏ពិសិដ្ឋមួយ ។
គារវភាពរបស់ព្រះយេស៊ូវចំពោះព្រះវិហារបរិសុទ្ធ ដូចបានពិពណ៌នានៅក្នុងខគម្ពីរទាំងនេះអាចជួយកុមារដែលបងប្អូនបង្រៀនឲ្យយល់ថា ព្រះវិហារបរិសុទ្ធគឺជាទីកន្លែងដ៏ពិសិដ្ឋមួយ ។
សកម្មភាពដែលអាចធ្វើបាន
-
សូមបង្ហាញរូបភាព ព្រះគ្រីស្ទសម្អាតព្រះវិហារបរិសុទ្ធ ( សៀវភៅរូបភាពដំណឹងល្អ ល.រ. ៥១ ) ហើយតំណាលប្រាប់ដំណើររឿងដូចបានកត់ត្រានៅក្នុង ម៉ាថាយ ២១:១២–១៤ ។ សូមជួយកុមារឲ្យរករូបលុយ និងសត្វនៅក្នុងរូបភាពនេះ ។ រួចសូមពិភាក្សាពីមូលហេតុដែលព្រះអង្គសង្គ្រោះចង់ឲ្យអ្នកដូរប្រាក់ និងអ្នកលក់សត្វចាកចេញពីព្រះវិហារបរិសុទ្ធ ។
-
សូមបង្ហាញរូបភាពព្រះវិហារបរិសុទ្ធ ( ឧទាហរណ៍ សូមមើល សៀវភៅរូបភាពដំណឹងល្អ ល.រ. ១១៧–២១ ) ហើយសូមឲ្យកុមារចែកចាយអារម្មណ៍របស់ពួកគេ កាលពួកគេឃើញព្រះវិហារបរិសុទ្ធ ។ បងប្អូនអាចពន្យល់ថា ព្រះវិហារបរិសុទ្ធគឺជាកន្លែងដែលយើងទៅដើម្បីចុះសេចក្តីសញ្ញាជាមួយព្រះ ស្វែងរកចម្លើយចំពោះការអធិស្ឋាន និងទទួលអារម្មណ៍ស្និទ្ធស្នាលជាមួយព្រះ ។ សូមជួយកុមារឲ្យស្គាល់អារម្មណ៍មកពីព្រះវិញ្ញាណបរិសុទ្ធ ដែលមានបន្ទូលមកកាន់ពួកគេថា ព្រះវិហារបរិសុទ្ធគឺជាទីកន្លែងដ៏ពិសេសមួយ ។ សូមឲ្យកុមារសម្ដែងធ្វើដូចជាពួកគេបាននៅខាងក្នុងព្រះវិហារបរិសុទ្ធ ។ ឧទាហរណ៍ ពួកគេអាចនិយាយខ្សឹបៗ ហើយអង្គុយដោយគារវភាព ។
-
សូមច្រៀងបទចម្រៀងមួយបទរួមគ្នាអំពីព្រះវិហារបរិសុទ្ធ ដូចជាបទ « ខ្ញុំចូលចិត្តមើលព្រះវិហារបរិសុទ្ធ » ( សៀវភៅចម្រៀងកុមារ ទំព័រ ៩៩ ) ហើយសូមកុមារឲ្យដាក់គោលដៅមួយដើម្បីចូលទៅក្នុងព្រះវិហារបរិសុទ្ធនៅថ្ងៃណាមួយ ។
ព្រះវិហារបរិសុទ្ធគឺជាដំណាក់របស់ព្រះអម្ចាស់ ។
ខ្ញុំអាចគោរពប្រតិបត្តិ ។
ព្រះវរបិតាសួគ៌សព្វព្រះទ័យឲ្យខ្ញុំចេះគោរពប្រតិបត្តិ ។ ពាក្យប្រៀបប្រដូចអំពីកូនប្រុសពីរនាក់គឺជាឱកាសមួយ ដើម្បីបង្រៀនអំពីសារៈសំខាន់នៃការគោរពប្រតិបត្តិ ។
សកម្មភាពដែលអាចធ្វើបាន
-
សូមគូររូបកូនប្រុសពីរនាក់នៅលើក្ដារខៀន ហើយប្រើគំនូរនេះ កាលបងប្អូនតំណាលរឿងប្រៀបប្រដូចសាជាថ្មីដែលមាននៅក្នុង ម៉ាថាយ ២១:២៨–៣២ ។ តើកូនប្រុសមួយណាដែលបានធ្វើរឿងត្រឹមត្រូវនៅចុងបញ្ចប់ ? សូមឲ្យកុមារនឹកឈ្មោះការណ៍នានា ដែលពួកគេអាចធ្វើបានដើម្បីចេះគោរពប្រតិបត្តិនៅផ្ទះ ។ សូមអនុញ្ញាតឲ្យពួកគេគូររូបភាពខ្លួនឯងដែលកំពុងធ្វើការណ៍ទាំងនេះមួយ ។
-
សូមអញ្ជើញឲ្យកុមារចែកចាយបទពិសោធន៍ដែលពួកគេបានមាន ពេលមានការគោរពប្រតិបត្តិដល់ឪពុកម្តាយរបស់ពួកគេ ។ តើពួកគេទទួលបានពរជ័យយ៉ាងណាខ្លះក្នុងការចេះគោរពប្រតិបត្តិនេះ ?
បង្រៀនគោលលទ្ធិ ៖ កុមារធំៗ
កាលណាខ្ញុំស្វែងរកព្រះអង្គសង្គ្រោះ នោះខ្ញុំនឹងរកឃើញទ្រង់ ។
បងប្អូនអាចប្រើដំណើររឿងរបស់លោកសាខេ ដើម្បីជួយកុមារឲ្យគិតអំពីការណ៍នានា ដែលពួកគេអាចធ្វើបានដើម្បីខិតទៅកាន់ជិតនឹងព្រះអង្គសង្គ្រោះ ។
សកម្មភាពដែលអាចធ្វើបាន
-
សូមអាន លូកា ១៩:១–១០ ហើយផ្អាករាល់ពីរបីខម្ដង ដើម្បីពិភាក្សាអំពីខគម្ពីរដែលប្រាប់ពីលោកសាខេ ។ តើលោកសាខេបានធ្វើអ្វីខ្លះ ដើម្បីលោកអាចមើលឃើញព្រះយេស៊ូវ ? តើលោកបានឆ្លើយតបយ៉ាងណា នៅពេលព្រះយេស៊ូវបានបង្គាប់លោកឲ្យចុះពីដើមឈើនោះ ? សូមឲ្យកុមារម្នាក់ៗចែកចាយនូវមូលហេតុមួយ ដែលពួកគេចង់ឃើញព្រះយេស៊ូវ ។ ប្រសិនបើព្រះអង្គសង្គ្រោះយាងមកកាន់ទីក្រុងរបស់ប្អូន តើប្អូននឹងធ្វើអ្វីខ្លះដើម្បីរៀបចំខ្លួន ?
-
សូមឲ្យកុមារគិតអំពីមនុស្សដែលពួកគេស្គាល់ ដូចជាលោកសាខេដែរ ដែលអាចកំពុងស្វែងរកព្រះអង្គសង្គ្រោះ ។ សូមសួរកុមារថា តើពួកគេអាចធ្វើអ្វីខ្លះដើម្បីជួយដល់នរណាម្នាក់ទៀតឲ្យរៀនអំពីព្រះអង្គសង្គ្រោះ ។
-
សូមឲ្យសិស្សចែកចាយពីបទពិសោធន៍ផ្សេងៗ កាលពួកគេបានមានអារម្មណ៍ថា ព្រះវរបិតាសួគ៌ និងព្រះយេស៊ូវគ្រីស្ទបានស្គាល់ពួកគេ ហើយបានស្រឡាញ់ពួកគេ ។
ព្រះវិហារបរិសុទ្ធគឺជាទីដ៏ពិសិដ្ឋមួយ ដែលខ្ញុំត្រូវគោរព ។
តើដំណើររឿងរបស់ព្រះអង្គសង្គ្រោះសម្អាតព្រះវិហារបរិសុទ្ធអាចជួយបងប្អូនឲ្យបង្រៀនកុមារអំពីភាពពិសិដ្ឋនៃព្រះវិហារបរិសុទ្ធដោយរបៀបណា ?
សកម្មភាពដែលអាចធ្វើបាន
-
សូមអញ្ជើញកុមារឲ្យអាន ម៉ាថាយ ២១:១២–១៤ ។ សូមបង្ហាញរូបភាព ព្រះគ្រីស្ទសម្អាតព្រះវិហារបរិសុទ្ធ ( សៀវភៅរូបភាពដំណឹងល្អ ល.រ. ៥១ ) ហើយសូមសួរពួកគេថា តើខគម្ពីរមួយណាដែលរៀបរាប់ពីរូបភាពនេះ ។
-
សូមអញ្ជើញកុមារឲ្យចែកចាយពីអារម្មណ៍របស់ពួកគេ នៅពេលពួកគេបានទៅខាងក្នុងព្រះវិហារបរិសុទ្ធមួយ បានទៅលេងព្រះវិហារបរិសុទ្ធ ឬបានមើលរូបភាពនានានៃព្រះវិហារបរិសុទ្ធ ។ តើអ្វីទៅដែលបានជួយពួកគេឲ្យដឹងថា ព្រះវិហារបរិសុទ្ធគឺជាទីដ៏ពិសិដ្ឋមួយ ? បងប្អូនអាចចែកចាយជាមួយកុមារពីមូលហេតុ ដែលបងប្អូនស្រឡាញ់ព្រះវិហារបរិសុទ្ធ ។ ហេតុអ្វីព្រះវិហារបរិសុទ្ធពិសិដ្ឋចំពោះបងប្អូន ?
-
សូមឲ្យយុវវ័យម្នាក់ ឬច្រើននាក់មកកាន់ថ្នាក់រៀន ហើយនិយាយអំពីរបៀបដែលពួកគេបានរៀបចំខ្លួនដើម្បីចូលទៅកាន់ព្រះវិហារបរិសុទ្ធ ។ ប្រសិនបើពួកគេធ្លាប់បានទៅព្រះវិហារបរិសុទ្ធហើយ សូមឲ្យពួកគេនិយាយអំពីអារម្មណ៍របស់ពួកគេ កាលពួកគេបាននៅទីនោះ ។
-
សូមកាត់រូបភាពព្រះវិហារបរិសុទ្ធជាបំណែកតូចៗ ហើយឲ្យបំណែកមួយដល់កុមារម្នាក់ៗ ។ សូមឲ្យកុមារសរសេរនៅខាងខ្នងនៃបំណែករបស់ពួកគេនូវការណ៍មួយដែលពួកគេអាចធ្វើបាន ដើម្បីរៀបចំខ្លួនចូលទៅកាន់ព្រះវិហារបរិសុទ្ធ ។ កាលកុមារម្នាក់ៗចែកចាយគំនិតរបស់ពួកគេហើយ សូមដាក់បំណែករបស់គេទៅក្នុងរូបផ្គុំព្រះវិហារបរិសុទ្ធនោះ ។
-
នៅលើក្តារខៀន សូមសរសេរឃ្លាដូចតទៅនេះ ៖ អាចជួយខ្ញុំឲ្យរៀបចំខ្លួនដើម្បីបម្រើនៅក្នុងព្រះវិហារបរិសុទ្ធ ។ សូមអញ្ជើញកុមារឲ្យផ្តល់យោបល់នូវរបៀបមួយចំនួនដើម្បីបំពេញប្រយោគនេះ ។ គំនិតមួយចំនួនអាចរួមមាន « រក្សាសេចក្តីសញ្ញានៃពិធីបុណ្យជ្រមុជទឹករបស់ខ្ញុំ » ឬ « ព្រះវិញ្ញាណបរិសុទ្ធ » ។
ព្រះយេស៊ូវមានព្រះទ័យចង់ឲ្យខ្ញុំធ្វើជាមនុស្សសុចរិតទាំងក្នុងសកម្មភាព និងបំណងប្រាថ្នារបស់ខ្ញុំ ។
ព្រះយេស៊ូវបានបង្រៀនពួកអាចារ្យ និងពួកផារិស៊ីអំពីសារៈសំខាន់នៃការរស់នៅតាមដំណឹងល្អដ៏ពិត—ដោយមិនគ្រាន់តែធ្វើពុតជាសុចរិតប៉ុណ្ណោះទេ ។ តើអ្វីទៅដែលនឹងជួយកុមារឲ្យយល់ពីសេចក្ដីពិតនេះ ?
សកម្មភាពដែលអាចធ្វើបាន
-
នៅពេលបងប្អូនអាន ម៉ាថាយ ២៣:២៥–២៨ ជាមួយនឹងកុមារ សូមពិចារណាចែកចាយនូវនិយមន័យនៃពាក្យនេះ មនុស្សកំពុត មកពី Bible Dictionary ៖ « មនុស្សដែលធ្វើពុតជាគោរពសាសនា ដែលតាមពិតមនុស្សនេះមិនជឿលើសាសនាឡើយ » ។ ហេតុអ្វីក៏វាអាក្រក់ដើម្បីធ្វើជាមនុស្សកំពុត ?
-
សូមបង្ហាញដល់កុមារនូវពែងមួយ ដែលស្អាតតែខាងក្រៅ ប៉ុន្ដែកខ្វក់ខាងក្នុងដើម្បីជួយបង្ហាញពីអត្ថន័យប្រៀបធៀបនៅក្នុង ម៉ាថាយ ២៣:២៥ នេះ ។ តើយើងអាចប្រាកដថា យើងស្អាត ហើយបរិសុទ្ធនៅខាងក្នុងដោយរបៀបណា ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមជួយកុមារឲ្យគិតពីអ្វីមួយដែលពួកគេបានរៀននៅក្នុងថ្នាក់ ដែលពួកគេអាចចែកចាយជាមួយក្រុមគ្រួសាររបស់ពួកគេនៅឯផ្ទះបាន ។
ការកែលម្អការបង្រៀនរបស់យើង
គាំទ្រឪពុកម្ដាយរបស់កុមារ ។ « ឪពុកម្ដាយគឺជាគ្រូបង្រៀនដំណឹងល្អដ៏សំខាន់បំផុតសម្រាប់កូនចៅរបស់ពួកគេ—ពួកគេមានទាំងការទទួលខុសត្រូវជាចម្បង និងអំណាចដ៏អស្ចារ្យក្នុងការមានឥទ្ធិពលទៅលើកូនចៅរបស់ពួកគេ ( សូមមើល ចោទិយកថា ៦:៦–៧ ) ។ កាលបងប្អូនបង្រៀនកុមារនៅឯព្រះវិហារ សូមអធិស្ឋានស្វែងរករបៀបគាំទ្រដល់ឪពុកម្ដាយរបស់ពួកគេនៅក្នុងតួនាទីដ៏ចាំបាច់ ហើយសំខាន់របស់ពួកគេ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ២៥ ) ។