Kraist ej pād im̧aan Pilate

Ecce Homo, jān Antonio Ciseri

Juun 19–25

Matu 27; Mark 15; Luk 23; Jon 19

“Em̧ōj”

Jino kōppopo eo am̧ n̄an riiti Matu 27; Mark 15; Luk 23; im Jon 19. Lukkuun kappukot meļeļe n̄an aikuj ko an ajri ro.

pija ej bōk jikin kwaļo̧k

Kajjitōk bwe ren Kwaļo̧k

Kōtļo̧k an kajjojo ajri bōk kuņaer kotak juon pija jān laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko. Ilo ae kotak wōt pija eo, kajjojo ajri en kwaļo̧k men eo ej loe ilo pija eo.

pija ej bōk jikin katakin

Katakin Katak eo: Ajri ro Reddikļo̧k

Matu 27:11–66; Luk 23; Jon 19

Kōnke Jisōs ekar mej kōn kōj, Imaron̄ bar jerkakpeje.

Ajri ro reddik remaron̄ illu kōn bwebwenato ko kōn dōbwāāl eo an Jisōs. “Jebta 52: Ekajet eo an Jisōs” im “Jebta 53: An Jisōs kar Dōbwāāl” (ilo Bwebwenato ko ilo Kalim̧m̧ur Ekāāl, 133–38, ak bitio in jipan̄ eo ilo ChurchofJesusChrist.org) leļo̧k juon wāween eo em̧m̧an komaron̄ kwaļo̧k bwebweanto in ippaer.

M̧akūtkūt ko Maron̄ Kōm̧m̧ani

• Kwaļo̧k pija ko ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko ilo am̧ kwaļo̧k kōn ekajet eo an Jisōs, Dōbwāāl, im kallib eo (bar lale Gospel Art Book, nos. 57–58). Kajjitōk ippān ajri ro n̄an kwaļo̧k ta eo rejeļā kōn m̧akūtkūt kein. Kwaļo̧k bwe ilo raan eo kein kajilu, Jisōs ekar jerkakpeje. Ilo naan ko jet, Ekar bar ro̧o̧ltok.

• Kajjitō ippān ajri ro n̄an kwaļo̧k jet men ko ro jineer im jemeer rej kōm̧m̧ani n̄an er me reban make kōm̧m̧ane. Kwaļo̧k juon pija in Rilo̧mo̧o̧r. Kōmeļeļeiki bwe kōn wōt Jisōs, jemaron̄ jerkakpeje—juon men jeban make kōm̧m̧ane.

• Kwaļo̧k pija in juon eo kwojeļā em̧ōj an kar mej. Kwaļo̧k naan in kam̧ool eo am̧ bwe kōn wōt Jisōs armej in juon raan enaaj bar mour.

An Kraist kallib

Kallib eo, jān Carl Heinrich Bloch

Matu 27:26–37; Luk 23:34

Imaron̄ jeo̧rļo̧k an ro jet bōd āinwōt kar Jisōs.

Elmen am̧ naaj jipan̄ ajri ro meļeļe kilen jeo̧rļo̧k bōd an ro rejjab jouj, āinwōt kar Jisōs?

M̧akūtkūt ko Maron̄ Kōm̧m̧ani

• Kōmeļeļe elmen an kar ritariņae ro jab jouj n̄an Jisōs (lale Matu 27:26–37), im bar riiti Luk 23:34. Kōmeļeļeiki bwe n̄e jej jeo̧rļo̧k an ro jet bōd, jejjab illu ippāer ak jej kwaļo̧k iakwe n̄an er.

• Kwaļo̧k waanjon̄ak ko me juon ekar ba ak kōm̧m̧ane men eo ejjab jouj. Kajjitōk ippān ajir ro n̄an kōnono elmen aer kwaļo̧k jeo̧rļo̧k bōd ilo jekjek kein.

• Al juon al kōn jeorļo̧k bōd, eo āinwōt “Help Me, Dear Father” (Children’s Songbook,,99). Kajjitōk kajjitōk ko me rej uwaaki ilo al in, āinwōt, “Wōn ro jej aikuj jeo̧rļo̧k aer bōd?” ak “Wōn ro remaron̄ jipan̄ kōn n̄e epen jeo̧rļo̧k bōd?”

• Lali ennaan ko kiiō jān Jera n̄an loi bwebwenato eo kōn juon ajri eo me ekar jeo̧rļo̧k an juon bōd. Kwaļo̧k bwebwenato in n̄an ajri ro.

Luk 23:32–33, 39–43

Kōnke Jisōs ekar en̄taan im mej kōn eō, imaron̄ ukweļo̧k im jeo̧rļo̧k bōd.

Men̄e ajri ro rej ilaļin ralitōk iiō im rejjab jeļā bōk eddo, eaorōk n̄an er n̄an jino ekktak kiiō elmen ukweļo̧k jān kāālet ko rebōd rej kōm̧m̧ani.

M̧akūtkūt ko Maron̄ Kōm̧m̧ani

• Kōmeļeļeiki Luk 23:32–33, 39–43, im jipan̄ ajri ro pukote ruo rikwot ilo pija 57 ilo Gospel Art Book. Kōmeļeļeiki bwe ke rikwot eo ekar kōm̧m̧an kōjak kōn Jisōs, rikwot eo kein karuo ekar kwaļo̧k ke ekar kōm̧m̧ane men eo ebōd—ekar jino ukweļo̧k.

• Riiti Katak im Bujen Ko Katak im Bujen Ko 20:77 n̄an ajri ro. Etke Jisōs ekar en̄taan kōn kōj?

• Kwaļo̧k bitio eo “The Shiny Bicycle” (ChurchofJesusChrist.org). Kōmeļeļeiki bwe jemaron̄ jar n̄an Jemedwōj Ilan̄ im E emaron̄ jipan̄ kōj jeo̧ļo̧k jerawiwi ko ad im likjab ko im bōk jeo̧rļo̧k bōd.

• Kōtļo̧k bwe ajri ro kōm̧m̧an jook eo ioon bo̧o̧t n̄an pinej jenkwan kāālet ko rebōd. Innām kajjitōk ippāer n̄an jere bo̧o̧t eo n̄an pinej jenkwan ukweļo̧k. Kwaļo̧k juon pija in Rilo̧mo̧o̧r, im kam̧ool bwe jemaron̄ ukweļo̧k kōn wōt E.

pija ej bōk jikin katakin

Katakin Katak eo: Ajri ro Rerūttoļo̧k

Mati 27:11–66; Luk 23; Jon 19

Jisōs ekar mej kōn eō kōnke Ej iakwe eō.

Etke kwoj kam̧m̧oolol bwe Jisōs Kraist ekar mej kōn eok? Ļōmņake elmen am̧ maron̄ jipan̄ ajri ro meļeļe aorōkin en̄taan eo an Rilo̧mo̧o̧r n̄an er.

M̧akūtkūt ko Maron̄ Kōm̧m̧ani

• Je men ko jān Matu 27:11–66 ioon jet peba (n̄an jipan̄ kōm̧m̧ane menin, lale “Jebta 52: Ekajet ko an Jisōs” im “Jebta 53: An Jisōs Dōbwāāl,” ilo Bwebwenato ko ilo Kalim̧m̧ur Ekāāl, 133–38, ak bitio in jipan̄ eo ilo ChurchofJesusChrist.org). Kajjitōk ippān ajri ro n̄an lale eoon kein im jikin ko ilo karōkier.

• Kajjitōk ippān juon ajri n̄ān riiti Matu 27:54, im kajjitō ippān ajri ro n̄an kwaļo̧k men ko kōn Jisōs me ejipan̄ er jeļā bwe E ej Nejin Anij.

• Kajjitōk ippān ajri ro ta eo rejeļā kōn Dōbwāāl eo an jān “Behold the Great Redeemer Die” (Hymns, no. 191) ak al in kwojkwoj eo. Etke Jisōs ekar kōņaan en̄taan kōn kōj? (lale Katak im Bujen Ko 18:10–11; 19:16).

Matu 27:26–37; Luk 23:34

Imaron̄ jeo̧rļo̧k an ro jet bōd āinwōt kar Jisōs.

Emaron̄ pen n̄an jeo̧rļo̧k an ro jet bōd. Ajri ro kwoj katakin renaaj jeraam̧m̧an ilo aer ļoor waanjon̄ak eo an Jisōs n̄an jeo̧rļo̧k bōd.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an bōk kuņaer riit kōn ritariņae ro rekar jab jouj n̄an Jisōs ilo Matu 27:26–37 im an Jisōs jeo̧rļo̧k aer bōd ilo Luk 23:34. (Lale en̄jake ko kar je jān Josep Smith Ukook ilo Luk 23:34, footnote c.) Ta eo jej jeļā kōn waanjon̄ak eo an Jisōs?

• Je ioon bo̧o̧t eo Ta eo komaron̄ kōm̧m̧ane n̄an jeo̧rļo̧k an ro jet bōd men̄e rejjab jouj n̄an eok? Kōtļo̧k an ajri ro bōk kuņaer je ļōmņak ko ioon bo̧o̧t eo, āinwōt Jar kōn en̄jake ko kōn armej eo ak Ļōm̧ņake men ko rem̧m̧an kōn armej eo.

Luk 23:32–33, 39–43

Kōnke Jisōs ekar en̄taan im mej kōn eō, imaron̄ ukweļo̧k im jeo̧rļo̧k bōd.

Katak in ej juon iien em̧m̧an n̄an kam̧ool bwe kōn wōt Jisōs Kraist, jemaron̄ ukweļo̧k jān jerawiwi ko ad im jeo̧rļo̧k bōd.

M̧akūtkūt ko Maron̄ Kōm̧m̧ani

• Kajjitōk ippān juon ajri bwe en riit eļaaj Luk 23:32–33, 39–43. Kōmeļeļeiki bwe armej ro ruo rekar dōbwāāl ippān Jisōs rekar rikwot. Elmen an kar rikwot eo juon kwaļo̧k ke ekar jino ukweļo̧k? Ta eo jemaron̄ kōm̧m̧ane n̄an kwaļo̧k n̄an Rilo̧mo̧o̧r eo bwe jej ro M̧ōttan? (Lale Unin Tōl n̄an Jeje ko Rekwojarjar, “Ukweļo̧k, Ukweļo̧k,” scriptures.ChurchofJesusChrist.org.)

• Je jentōj in ioon bo̧o̧t eo, likūt ļain ko ejjeļo̧k naan kobaan: “Imaron̄ jeo̧rļo̧k bōd n̄e ij ukweļo̧k kōn wōt Pinmuur eo an Jisōs Kraist.” Leļo̧k n̄an ajri ro jet jipan̄ n̄an kanne ļain ko ejjeļo̧k jeje ie.

• Kajjitōk ippān juon ajri n̄an kotak juon pāāk, im kanne kōn dōkā ilo an ajri ro jet kwaļo̧k kāālet ko rebōd me juon armej emaron̄ kōm̧m̧ane. Jipan̄ ajri ro keidi pāāk eo n̄an eddodo ilo jetōb me jej ineek jerawiwi ko ad. Elmen an ukweļo̧ kōmeraiki pāāk eo? Kwomaron̄ kakeememej ajri ro bwe ukweļo̧k ejjab juon katen ak juon aolep iien.

• Lale ennaan eo kiiō ilo Jera māākjin eo kōn bwebwenato eo kōn ukweļo̧k, im kwaļo̧k n̄an ajri ro.

pija ej bōk jikin ekkatak

Kōketak Ekkatak ilo M̧weo

Rōjan̄ ajri ro n̄an ļōmņake juon eo rej aikuj jeo̧rļo̧k an bōd im kāālet men eo remaron̄ kōm̧m̧ane n̄an kwaļo̧k bwe armej em̧ōj aer jeo̧rļo̧k an bōd.

Kōkōm̧anm̧anļo̧k Ad Katakin

Ekkatak n̄an kile revelesōn. “Revelesōn ekkā an itok ‘ļain im bar ļain’ (2 Nipai 28:30), ejjab juon wōt katten. Ilo am̧ jar im kejekļo̧kjeņ kōn jeje ko rekwojarjar, kwonaaj lo bwe ļōmņak ko im im̧we ko remaron̄ itok jabdewōt iien im jabdewōt jikin—ilo am̧ etal n̄an jerbal, kōm̧m̧ani jerbal ko ilo m̧weo, ak iaio ippān baam̧le eo im ro m̧ōttam̧.

peij in m̧akūtkūt: Kōnke Jisōs ekar mej kōn eō, imaron̄ bar jerkakpeje