Adam im Iv rej em̧m̧akūt jān Jikin Kallip Iden

Em̧m̧anļo̧k jān Paradise, jān Kendal Ray Johnson

Jānwōde 17–23

Jenesis 5; Moses 6

“Katakin Men Kein ilo Ejjeļo̧k Idadik n̄an ro Nejimi”

Am̧ kōppopo n̄an katakin ej ijjino ilo am̧ ekkatak Jenesis 5 im Moses 6. Ilo am̧ kōm̧m̧an āindein, kōlaajrake im̧we ko an Jetōb Kwojarjar kōn ta eo ajri ro rej aikuj ekkatak.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Ilo m̧ōttan peba ko, jet jet iaan naan ko raorōk me emaron̄ jipan̄ ajri ro keememej juon me rekar ekkatak ilo m̧ōko ilo wiik eo ak ilo juon katak eo ļo̧k an Būraimere. Kōtļo̧k ajri ro n̄an kajjojo bōk koņaer kajidede kāālet juon naan. Ālkin am̧ kāālet juon naan, kajjitōk ippān jabdewōt iaan ajri ro n̄an kwaļo̧k juon men rekar ekkatak ko rej iookļo̧k naan eo.

pija ej bōk jikin katakin

Katakin Katak eo: Ajri ro Reddikļo̧k

Moses 6:27, 31–34

Anij emaron̄ jipan̄ eō kōm̧m̧ani men ko reppen.

Ke Enoch kar kūr i n̄an kajedeed gospel eo, ekar inepata n̄e eban maron̄e. Ak Anij ekar jipan̄ eō kōm̧m̧ane men ko reļļap.

M̧akūtkūt ko Maron̄ Kōm̧m̧ani

• Kajjitōk ippā ajri ro n̄an kwaļo̧k juon iien rekar kajjitōk n̄an kōm̧m̧an juon men epen ak kamijak n̄an er. Kwaļo̧k bwebwenato kūr eo an Enoch n̄an erom̧ juon rikanaan, ej pād ilo Moses 6:27, 31–34 (lale barāinwōt “Enoch the Prophet,” ilo Old Testament Stories). Kwaļo̧k bwe men̄e Enoch ekar jab en̄jake ke ekar pojak in erom̧ juon rikanaan, Anij ekar kallim̧ur n̄an jipan̄ e. Jipan̄ ajri ro rej meļeļe jet wāween Anij ej jipan̄ kōj n̄e Ej kajjitōk bwe jen kōm̧m̧ani men ko reppen.

• Kwaļo̧k jet iaan waajon̄ak ko ilo jeje ko rekwojarjar ke Anij ekar jipan̄ armej ro n̄an kōm̧m̧ani men ko reppen—n̄an waanjon̄ak, Noa ej kalōk wa eo, David ej ire ippān Goliat, Ammon ej lo̧mo̧o̧ren menin mour nejin kiin̄ eo, ak Samuel RiLeman eo ej kwaļo̧k naan. (N̄an pija ko im eoon in jipan̄ ko, lale Gospel Art Book, nos. 7, 19, 78, 81.) Kwaļo̧k en̄jake eo am̧ me Irooj ekar jipan̄ eok kōm̧m̧ane juon men epen.

Moses 6:52

Gospel eo ej katakin eō wāween aō jepļaakļo̧k n̄an ippān Jemedwōj Ilan̄.

Anij ekar katakin Adam ta eo jej aikuj kōm̧m̧ane n̄an jepļaakļo̧k n̄an Ippān—bōk tōmak, ukweļo̧k, peptaij, im bōk menin letok eo an Jetōb Kwojarjar. Ekōjkan am̧ maron̄ jipan̄ ajri ro ekkatak eļap kōn men kein?

M̧akūtkūt ko Maron̄ Kōm̧m̧ani

• Kappukot ak jin̄n̄aik pija ko n̄an bōk jikin tōmak, ukweļo̧k, peptaij, im menin letok eo an Jetōb Kwojarjar (lale peij in m̧akūtkūt eo an wiik in). Likūt pija ko ilo juon lain eo ej tōlļo̧k n̄an juon pijaan Jisōs Kraist. Riiti Moses 6:52 n̄an ajri ro, im kajjitōk ippāer n̄an jutak turin pija eo ejim̧we n̄e rej ron̄ naan ko me pija eo ej bōk jikin (ilo eoon in, naan in “tōmak” ej jerbal n̄an “tōmak”).

• Al al ko me rej katakin pedped in katak ko ilo Moses 6:52, āinwōt “Faith,” “Help Me, Dear Father” (eoon 2), “When I Am Baptized,” im “The Holy Ghost” (Children’s Songbook, 96–97, 99, 103, 105). Jipan̄ ajri ro meļeļe bwe kōm̧m̧ani men ko me kar katakin er ilo al ko renaaj jipan̄ kōj n̄an jepļaak n̄an ippān Jemedwōj Ilan̄.

Moses 6:58

Jemedwōj Ilan̄ ekōņaan bwe pāāren ro ren katakin ajri ro nejier.

Jān iien eo an Adam im Iv, pāāren ro rekar kakien n̄an katakin ajri ro gospel eo. Ekōjkan am̧ maron̄ kōketak ajri ro n̄an ron̄jake im ļoor katak ko rejim̧we an pāāren ro aer?

M̧akūtkūt ko Maron̄ Kōm̧m̧ani

• Riiti Moses 6:58 n̄an ajri ro, im kwaļo̧k pijaan baam̧le eo an Adam im Iv ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le Ko. Jipan̄ ajri ro āliji naan in “katakin men kein ilo ejjeļo̧k idadik n̄an ro nejimi.” Kōmeļeļeiki bwe Anij ekōņaan bwe aolep pāāren ro n̄an ļoor waanjon̄ak eo an Adam im Iv ilo aer katakin ajri ro nejier kōn Jisōs Kraist im gospel eo An. Kajjitōk ippān ajri ro ta eo remaron̄ kōm̧m̧ane n̄e ro jineer im jemāer ak ro jet rej katakin er gospel eo.

• Jipan̄ ajri ro māāje pija ko pijaer make n̄an pāāren ro aer ak pijaan menin mour nin̄nin̄ ko n̄an menin mour ko rerūtto. Ewi wāween an pāāren ro jipan̄ ajri ro nejier? Ta eo rej atakin er? Kajjitōk ippān ajri ro n̄an jin̄n̄aik pija baam̧le ko aer ilo iien ko ro jineer im jemāer rej katakin ajri ro, āinwōt riiti jeje ko rekwojarjar ippān doon, jar ippān doon, ak m̧ōn̄ā ippān doon.

  baam̧le eo ej ekkatak jeje ko rekwojarjar

  Paaren ro rej katakin ajri ro kōn gospel eo.

pija ej bōk jikin katakin

Katakin Katak eo: Ajri ro Rerūttoļo̧k

Moses 6:26–34

Anij emaron̄ jipan̄ eō kōm̧m̧ane men ko reppen.

Men̄e Enoch ekar watōk bwe ejjab jeļā eļap, Anij ekar jipan̄ e kakūrm̧ool kūr eo An āinwōt juon rikanaan. Anij emaron̄ jipan̄ ajri ro kwoj katakin er kōm̧m̧ane men ko reppen.

M̧akūtkūt ko Maron̄ Kōm̧m̧ani

• Riiti Moses 6:26–34 ippān ajri ro. Etke Enoch ekar en̄jake bwe ekar jab maron̄ kwaļo̧k gospel eo? (lale Moses 6:31). Ekōjkan an Anij kar jipan̄ Enoch? (lale Moses 6:32–34; 7:13).

• Kajjitōk ippān ajri ro n̄an ba etan jet iaan men ko reppen me ajri ilo iiō ko aer jet iien rej kōm̧m̧ani (āinwōt kadedeikļo̧k juon homework an jikuuļ, jouj n̄an juon eo ejjab jouj, ak ba m̧ool eo me n̄e rekar kōm̧m̧an bōd. Jipan̄ ajri ro kappukot naan ko ilo Moses 6:32–34 me emaron̄ jipan̄ er. Kajjitōk ippān ajri ro n̄an kwaļo̧k juon iien ke Anij ekar jipan̄ er kōm̧m̧ane juon men epen. Kwaļo̧k en̄jake ko am̧ make.

Moses 6:50–62

Tōmak, Ukweļo̧k, peptaij, im bōk menin letok eo an Jetōb Kwojarjar n̄an kōpooj eō n̄an jepļaakļo̧k n̄an ippān Anij.

Adam im Enoch rekar katakin armej ro aer pedped in katak im kain̄i ko an gospel eo: tōmak, ukweļo̧k, peptaij, im bōk menin letok eo an Jetōb Kwojarjar (barāinwōt lale Laajrak in Tōmak 1:4). Ta eo jemaron̄ kōm̧m̧ane n̄an jipan̄ ajri ro meļeļe aorōkin pedped in katak kein im kain̄i kein ilo mour ko aer?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Moses 6:52, 57 n̄an kappukot pedped in katak ko im kain̄i ko an gospel eo me kōnono kake ilo laajrak in tōmak emen.

• Je laajrak in tōmak emen ioon bo̧o̧t eo, im kajjitōk ippān ajri ro n̄an riiti. Innem joļo̧k juon ak ruo naan, im kajjitōk ippāer n̄an bar riiti juon kōttan, kanne ilo naan ko me rejako jān emeemļo̧kjeņ. Āliji jerbal in m̧ae iien ajri ro rekar ekkatak laajrak in tōmak in.

• Kajjitōk ippān ajri ro n̄an je juon kōnono ekadu kōn tōmak, ukweļo̧k, peptaij, ak bōk menin letok eo an Jetōb Kwojarjar—juon me remaron̄ kwaļo̧k ippān baam̧le ko aer. Kajjojo kōnono ekoba juon eoon, juon en̄jakwe, im juon naan in kam̧ool. Kōnono eo emaron̄ barāinwōt kōmeļeļe wāween an pedped in katak ko jipan̄ kōj jepļaak n̄an ippān Jemedwōj Ilan̄.

Moses 6:57–58

Pāāren ro ej aer eddo n̄an katakin ajri ro nejier.

Anij ej lōke pāāren ro n̄an erom̧ rūkaki ro m̧oktata an gospel ilo baam̧le ko aer. Ekōjkan am̧ kōketak ajri ro n̄an rie pāāren ro aer ilo jerbal in?

M̧akūtkūt ko Maron̄ Kōm̧m̧ani

• Kajjitōk ippān juon ajri eo n̄an riiti Moses 6:58 Ta kien eo Jemedwōj Ilan̄ ekar leļo̧k n̄an pāāren ro ilo eoon in? Kwaļo̧k juon pija in Adam im Iv rej katakin ajri ro nejier (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le Ko), im kōtļo̧k bwe ajri ro ren kōnono kōn ta eo rej lo ilo pija eo. Kōketak er n̄an kōnono kōn aorōkin m̧ool ko an gospel eo rekar ekkatak jān baam̧le ko aer.

• Jipan̄ ajri ro je jet no̧o̧t in kam̧m̧olool n̄an ro jineer im jemāer ak karōk wāween ko reļam waan n̄an kwaļo̧k aer kam̧m̧olool kōn ro jineer im jemāer. Al juon al kōn baam̧le ko, āinwōt “Love Is Spoken Here” (Children’s Songbook, 190–91). Ewi wāween ad maron̄ jipan̄ pāāren ro ejaake juon mejatoto in iakwe ilo m̧ōko m̧ōd?

pija ej bōk jikin ekkatak

Kōketak Ekkatak ilo M̧weo

Ewi wāween am̧ jipan̄ ajri ro wōnm̧aanļo̧k wōt im ekkatak ilo joko jet ijjeļo̧kin kūlaaj eo? Kwomaron̄ kōketak er n̄an keememej bwebwenato in Enoch ke ekar jelm̧ae juon men epen ilo wiik in.

Kōkm̧anm̧anļo̧k Ad Katakin

Kōjerbal peij in m̧akūtkūt ko. Ilo an ajri ro kōļare peij in m̧akūtkūt ko, etale pedped in katak ko jān katak eo. Riit naan ko ilo peij eo n̄an ajri ro eļan̄n̄e emenin aikuj.

peij in m̧akūtkūt eo: gospel eo ej katakin eō wāween jepļaak n̄an ippān Jemedwōj Ilan̄