« ថ្ងៃទី ១៤–២០ ខែ មីនា ។ លោកុប្បត្តិ ៤២–៥០ ៖ ‹ ព្រះទ្រង់សម្រេចជាការល្អវិញ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាចាស់ឆ្នាំ ២០២២ ( ឆ្នាំ ២០២១ )
« ថ្ងៃទី ១៤–២០ ខែ មីនា ។ លោកុប្បត្តិ ៤២–៥០ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
រូបភាពរបស់យ៉ូសែប នៃស្រុកអេស៊ីព្ទដោយ រ៉ូប៊ើតធី បារេត
ថ្ងៃទី ១៤–២០ ខែ មីនា
លោកុប្បត្តិ ៤២–៥០
« ព្រះទ្រង់សម្រេចជាការល្អវិញ »
វាសំខាន់ខ្លាំងណាស់ក្នុងការចេះព្រះគម្ពីរដែលបងប្អូនត្រូវបង្រៀន ប៉ុន្តែវាក៏សំខាន់ណាស់ផងដែរក្នុងការស្គាល់កុមារដែលបងប្អូនបង្រៀន ។ ចូរឆ្លៀតពេលពិចារណា និងអធិស្ឋានអំពីរឿងទាំងពីរនេះ ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
ពីព្រោះដំណើររឿងនៅក្នុង លោកុប្បត្តិ ៤២–៥០ គឺជាដំណើររឿងបន្តមកពីសប្តាហ៍មុន ចេញពី លោកុប្បត្តិ ៣៧–៤១ នៅពេលចាប់ផ្ដើមបង្រៀនចំណាយពេលបន្តិចឲ្យកុមារចែកចាយ អំពីអ្វីដែលពួកគេចងចាំអំពីយ៉ូសែប រួមទាំងអ្វីដែលពួកគេបានរៀន នៅក្នុងថ្នាក់អង្គការបឋមសិក្សា និងនៅឯគេហដ្ឋាន ។
បង្រៀនគោលលទ្ធិ ៖ កុមារតូចៗ
ខ្ញុំអាចបង្ហាញសេចក្ដីស្រឡាញ់ចំពោះក្រុមគ្រួសាររបស់ខ្ញុំ ។
សម្រាប់កុមារតូចៗ អ្នកអាចចង់សង្កត់ធ្ងន់លើដំណើររឿងនេះនៅក្នុងផ្នែក ដែលយ៉ូសែបបង្ហាញសេចក្តីស្រឡាញ់ចំពោះក្រុមគ្រួសាររបស់លោក ។
សកម្មភាពដែលអាចជ្រើសរើស
-
សូមប្រើ « យ៉ូសែប និង គ្រោះរាំងស្ងួត » ( នៅក្នុង ដំណើររឿងព្រះគម្ពីរសញ្ញាចាស់ ) ឬរូបភាពនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ សូមនិយាយប្រាប់កុមារអំពីការជួបជុំរបស់យ៉ូសែបជាមួយបងប្រុសៗរបស់លោក ។ សូមគូសបញ្ជាក់អំពីរបៀបដែលយ៉ូសែប បានបង្ហាញសេចក្ដីស្រឡាញ់របស់លោកចំពោះបងប្រុសៗរបស់លោក ។
-
សូមអានឃ្លាទាំងឡាយចេញមកពី លោកុប្បត្តិ ៤៥:៤–១៥ ដែលពិពណ៌នាអំពីអ្វីដែលយ៉ូសែបបានធ្វើដើម្បីបង្ហាញសេចក្តីស្រឡាញ់របស់លោកចំពោះគ្រួសារលោក ។ សូមអញ្ជើញកុមារឲ្យសម្តែងនូវអ្វីដែលខគម្ពីរនោះបានពិពណ៌នា ។ ឧទាហរណ៍ ពួកគេអាចធ្វើពុតជាសួរ សមាជិកគ្រួសារម្នាក់ឲ្យ « សូមមកជិត » ( ខ ៤ ) ឬ ផ្តល់អាហារដល់សមាជិកគ្រួសារ ( សូមមើល ខ ១១ ) ។
ពរជ័យនៃបព្វជិតភាពបានជួយខ្ញុំ
យ៉ាកុបបានប្រសិទ្ធពរដល់កូនប្រុសទាំងឡាយនិងចៅប្រុសទាំងឡាយរបស់លោក ( សូមមើល លោកុប្បត្តិ ៤៨–៤៩ ) ។ ថ្ងៃនេះយើងអាចទទួលពរជ័យ នៃបព្វជិតភាពដែលផ្តល់នូវការលួងលោម ការព្យាបាលការដឹកនាំ និងកម្លាំងខាងវិញ្ញាណ ។
យើងអាចទទួលពរជ័យពីអ្នកទាំងឡាយដែលកាន់បព្វជិតភាព ។
សកម្មភាពដែលអាចជ្រើសរើស
-
សូមបង្ហាញដល់កុមារនូវរូបភាពរបស់យ៉ាកុប ប្រសិទ្ធពរដល់កូនប្រុសទាំងឡាយរបស់លោក ឬ រូបភាពផ្សេងទៀតនៃការប្រសិទ្ធពរបព្វជិកភាព ( សូមមើលរូបភាពនៅក្នុងគម្រោងមេរៀននេះសូមមើលផងដែរ សៀវភៅរូបភាពដំណឹងល្អ លេខ ១២ ) ។ សូមឲ្យកុមារពិពណ៌នាអំពីអ្វីដែលកំពុងកើតឡើងនៅក្នុងរូបភាព ។
-
សូមអានទៅកាន់កុមារ លោកុប្បត្តិ ៤៨:៨៩ ។ សូមពន្យល់ថា អ៊ីស្រាអែល ក៏ត្រូវបានហៅជា យ៉ាកុបផងដែរដែលលោកជាឳពុករបស់យ៉ូសែប ហើយលោកចង់ផ្តល់ពរជ័យបព្វជិតភាពដល់កូនៗរបស់យ៉ូសែប ។ ប្រសិនបើមានកុមារណាម្នាក់បានទទួលការប្រសិទ្ធពរនៃបព្វជិតភាពសូមអញ្ជើញពួកគេឲ្យប្រាប់អំពីបទពិសោធន៍របស់ពួកគេ ។ ឬ សូមការចែកចាយនូវបទពិសោធន៍ផ្ទាល់ខ្លួនរបស់បងប្អូន ។
-
សូមជួយកុមារឲ្យគិតអំពីមូលហេតុដែលពួកគេ អាចសុំការប្រសិទ្ធពរនៃបព្វជិតភាព ។ សូមជួយពួកគេឲ្យរាយឈ្មោះអ្នកកាន់បព្វជិតភាពដែលពួកគេអាចសុំដូចជាឳពុក លោកតា ឬ បងប្អូនប្រុសដែលផ្ដល់ការងារបម្រើ ។
ខ្ញុំអាចអត់ទោស ។
តើកុមារអាចរៀនអ្វីខ្លះអំពីការអត់ទោស មកពីគំរូនៃការអភ័យទោសរបស់យ៉ូសែបដល់បងប្រុសទាំងឡាយរបស់លោក ?
សកម្មភាពដែលអាចជ្រើសរើស
-
សូមប្រើទំព័រសកម្មភាពសប្ដាហ៍នេះ ដើម្បីជួយកុមារឲ្យចងចាំអំពីរបៀបដែលបងប្រុសៗរបស់យ៉ូសែបដែលមានសន្តានចិត្តមិនល្អចំពោះលោក ។ សូមអានទៅកាន់កុមារ លោកុប្បត្តិ ៥០:១៧ ដោយគូសបញ្ជាក់ថាបងប្រុសទាំងឡាយ បានសោកស្តាយចំពោះអ្វីដែលពួកគេបានធ្វើ ហើយចង់ឲ្យយ៉ូសែបអភ័យទោសដល់ពួកគេ ។ សូមអាន ខ ២១ ដើម្បីបង្ហាញថាយ៉ូសែបបានអភ័យទោសដល់បងប្រុសទាំងឡាយរបស់លោក —លោកមិនខឹងនឹងពួកគេទៀតទេ ។
-
សូមច្រៀងជាមួយគ្នា« បិតាសូមជួយកូនសៀវភៅចម្រៀងកុមារលេខ ៥២ ) ។ នៅពេលបងប្អូនច្រៀងអំពីការអភ័យទោស សូមអញ្ជើញកុមារឲ្យចង្អុលរូបរបស់យ៉ូសែបនៅក្នុងទំព័រសកម្មភាព ។ នៅពេលបងប្អូនច្រៀងអំពីការប្រែចិត្ត សូមអញ្ជើញពួកគេឲ្យចង្អុលរូបបងប្រុសទាំងឡាយរបស់លោក ។
-
សូមជួយកុមារឲ្យគិតអំពីស្ថានភាព ដែលពួកគេប្រហែលជាត្រូវការអភ័យទោសដល់នរណាម្នាក់ ។ សូមអញ្ជើញកុមារឲ្យអនុវត្តអ្វីដែលពួកគេនឹងនិយាយឬធ្វើដើម្បីបង្ហាញពីការអភ័យទោសដល់មនុស្សនោះ ។
បង្រៀនគោលលទ្ធិ ៖ កុមារធំៗ
ការអភ័យទោសនាំមកនូវភាពសុខសាន្ត ។
បងប្រុសទាំងឡាយរបស់យ៉ូសែបបានប្រព្រឹត្តនូវរឿងអាក្រក់យ៉ាងខ្លាំង ចំពោះលោក ។ ប៉ុន្តែយ៉ូសែបបានអភ័យទោសដល់ពួកគេ ហើយលោកបាននាំនូវភាពសុខសាន្តដល់គ្រួសាររបស់លោក ។
សកម្មភាពដែលអាចជ្រើសរើស
-
សូមជួយកុមារឲ្យសម្ដែងចេញមកពីលោកុប្បត្តិ ៤២–៤៤ ។ ខណៈពេលដែលពួកគេសម្តែង សូមសួរពួកគេថា តើយ៉ូសែបមានអារម្មណ៍បែបណានៅពេលជួបបងប្រុសរបស់លោកម្តងទៀតឬរបៀបដែលបងប្រុសទាំងឡាយមានអារម្មណ៏បែបណា កាលដែលនៅទីបញ្ចប់ពួកគេបានដឹងថានោះជាយ៉ូសែប ។
-
សូមសួរកុមារពីអត្ថន័យនៃការអភ័យទោសដល់នរណាម្នាក់ ។ សូមជួយពួកគេឲ្យយល់ថាការអភ័យទោសដល់នរណាមា្នក់រួមទាំង ការប្រព្រឹត្តចំពោះគាត់ជាមួយសេចក្ដីស្រឡាញ់ដូចជាព្រះគ្រីស្ទ ។ សូមសួរកុមារនូវអ្វីដែលពួកគេដឹងអំពីដំណើររឿងនៃការអភ័យទោសរបស់យ៉ូសែបដល់បងប្រុសៗរបស់លោក ឬសូមអានជាមួយកុមារនូវខគម្ពីរមកពី លោកុប្បត្តិ ៤៥:១-១៥ ) ។ តើយ៉ូសែបបានធ្វើឬ និយាយអ្វីដើម្បីឲ្យបងប្រុសទាំងឡាយរបស់លោកដឹងថា លោកអភ័យទោសដល់ពួកគេ ? តើយើងអាចនិយាយឬធ្វើអ្វីខ្លះនៅពេលអ្នកដទៃសុំការអភ័យទោសពីយើងចំពោះពួកគេ ?
-
សូមឲ្យកុមារគិតអំពីគ្រាមួយដែលពួកគេបានអភ័យដល់នរណាម្នាក់ ឬ ពេលដែលនរណាម្នាក់បានអភ័យទោសដល់ពួកគេ ។ សូមទុកពេលឲ្យពួកគេគិតចែកចាយនូវបទពិសោធន៍របស់បងប្អូនផ្ទាល់ ហើយធ្វើទីបន្ទាល់នៃពរជ័យដែលបានមកពីការអភ័យទោស ។ សូមអញ្ជើញកុមារចែកចាយបទពិសោធន៍របស់ពួកគេ ប្រសិនបើពួកគេចង់ចែកចាយ ។ តើពួកគេបានមានអារម្មណ៍បែបណាខ្លះ ? តើយើងរៀនអ្វីខ្លះអំពីការអភ័យទោស មកពីគំរូរបស់ព្រះអង្គសង្គ្រោះ ? ( សូមមើល លូកា ២៣:៣៣-៣៤ ) ។
ព្រះវរបិតាសួគ៌បានបញ្ជូនព្រះយេស៊ូវ គ្រីស្ទដើម្បីសង្គ្រោះខ្ញុំ ។
ដំណើររឿងនៃការសង្គ្រោះរបស់យ៉ូសែបទៅដល់ក្រុមគ្រួសាររបស់លោកពីគ្រោះរាំងស្ងួត អាចបង្រៀនយើងអំពីព្រះយេស៊ូវ គ្រីស្ទ ដែលបានសង្រ្គោះយើងពីអំពើបាប និងសេចក្តីស្លាប់ ។
សកម្មភាពដែលអាចជ្រើសរើស
-
សូមសួរកុមារអំពីអត្ថន័យនៃការសង្គ្រោះឬជួយសង្គ្រោះនរណាម្នាក់ ។ ប្រសិនបើពួកគេណាម្នាក់ធ្លាប់មានបទពិសោធន៍ត្រូវបានសង្គ្រោះ ឬ ជួយសង្រ្គោះពីគ្រោះថ្នាក់ សូមអញ្ជើញពួកគេឲ្យចែកចាយ ។ តើយ៉ូសែបបានសង្គ្រោះបងប្រុសៗរបស់លោកដោយរបៀបណា ? ( សូមមើល លោកុប្បត្តិ ៤២:១–៣ ; ៤៥:៥–៧ ) ។ សូមដាក់តាំងរូបភាពនៃព្រះអង្គសង្គ្រោះ ។ តើព្រះយេស៊ូវបានសង្គ្រោះយើងដោយរបៀបណា ?
ការបកប្រែរបស់យ៉ូសែបស្មីធ លោកុប្បត្តិ ៥០:២៧-៣៣ ( នៅក្នុងសេចក្ដីណែនាំដល់គម្ពីរទាំងឡាយ )
ព្រះវរបិតាសួគ៌បានរៀបចំយ៉ូសែប ស៊្មីធ ដើម្បីធ្វើជាព្យាការីនៅជំនាន់របស់យើង ។
តំាងពីរាប់ពាន់ឆ្នាំមុន យ៉ូសែបនៃស្រុកអេស៊ីព្ទបានមើលឃើញថា ព្រះអម្ចាស់ នឹងហៅយ៉ូសែប ស៊្មីធ ដើម្បីធ្វើកិច្ចការដ៏អស្ចារ្យនៅថ្ងៃចុងក្រោយ ។ សូមបង្រៀនដល់កុមារ អំពីរបៀបដែលព្រះអម្ចាស់បានប្រទានពរដល់យើង តាមរយៈព្យាការី យ៉ូសែប ស៊្មីធ ។
សកម្មភាពដែលអាចជ្រើសរើស
-
ចូរឲ្យតម្រុយដល់កុមារអំពីយ៉ូសែប ស៊្មីធ ហើយអញ្ជើញឲ្យពួកគេទាយថា តើនរណាដែលបងប្អូនកំពុងតែពិពណ៌នា ។ រួមទាំងតម្រុយមកពី ការបកប្រែរបស់យ៉ូសែបស្មីធ លោកុប្បត្តិ ៥០:២៧-៣៣ ( នៅក្នុងសេចក្ដីណែនាំដល់គម្ពីរទាំងឡាយ ) ដូចជា « គាត់បាននាំយើងឲ្យស្គាល់នូវសេចក្តីសញ្ញាទាំងឡាយ » ( សូមមើល ខ ២៨ ) « គាត់នាំពាក្យរបស់ព្រះអម្ចាស់មកកាន់យើង » ( សូមមើល ខ ៣០) និង « ហើយឈ្មោះលោកនឹងត្រូវបានដាក់តាមឈ្មោះឪពុកលោក » ( សូមមើល ខ ៣៣ ) ។ បន្ទាប់ពីកុមារទាយត្រឹមត្រូវហើយ សូមអញ្ជើញពួកគេឲ្យស្វែងរកតម្រុយនៅក្នុងខគម្ពីរទាំងនេះ ។ តើមានអ្វីទៀតដែលយើងរៀនអំពីយ៉ូសែប ស៊្មីធដកស្រង់ចេញពីការព្យាកររបស់យ៉ូសែបក្នុងស្រុកអេស៊ីព្ទ ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យចែកចាយទំព័រសកម្មភាពប្រចាំសប្ដាហ៍ជាមួយគ្រួសាររបស់ពួកគេនៅឯគេហដ្ឋាន ។ ពួកគេអាចប្រើវាដើម្បីរំឮកដំណើរឿងរបស់យ៉ូសែប និងបងប្រុសទាំងឡាយរបស់លោកនិងពិភាក្សាអំពីសារៈសំខាន់នៃសេចក្តីស្រឡាញ់ និងការអភ័យទោសនៅក្នុងក្រុមគ្រួសាររបស់យើង ។
ការកែលម្អការបង្រៀនរបស់យើង
សូមថ្លែងទីបន្ទាល់អំពីព្រះយេស៊ូវគ្រីស្ទ ។ ទោះបីជានៅក្នុងព្រះគម្ពីរសញ្ញាចាស់មិនបានរៀបរាប់ព្រះនាមព្រះយេស៊ូវ គ្រីស្ទ ក្តីតែវាបានសំដៅទៅលើទ្រង់ដោយមាននាមដទៃទៀត ហើយវាថ្លែងទីបន្ទាល់ពីទ្រង់តាមរយៈទីសម្គាល់ និងដំណើររឿងនានា ។ សូមជួយកុមារឲ្យរៀនមើលសេចក្តីពិតអំពីព្រះអង្គសង្គ្រោះ នៅពេលណាដែលពួកគេអានព្រះគម្ពីរ ។