tanap ti disierto

Mayo 9–15

Numeros 11–14; 20–24

“Dikayo Koma Kumaniwas ken Jehova, Wenno Dikayo Agbuteng”

Saan a nairanta daytoy a balabala nga agbalin a script. Ketdi, usarem daytoy tapno makaala kadagiti kapanunotan para kadagiti aktibidad iti panagsursuro a mangbendisionto kadagiti ubbing iti klasem.

Isuratmo dagiti Impresionmo

icon iti panagbibinninglay

Yawis ti Panagbibinninglay

Ipakitam kadagiti ubbing ti maysa kadagiti ladawan iti daytoy a balabala wenno iti balabala iti daytoy a lawas iti Umaykayo, Sumurot Kaniak—Para dagiti Indibidual ken Pamilia. Ipakaammom kadakuada a mangiburayda kenka iti ania man a banag nga ammoda maipapan iti no ania ti mapaspasamak iti ladawan.

icon iti panangisuro

Isuro ti Doktrina: In-inaudi nga Ubbing

Numeros 11:4–10

Makapagbalinak a managyaman para iti no ania ti inted ti Dios kaniak.

Nupay nagaramid ti Apo kadagiti nakaskasdaaw a banag para kadagiti annak ti Israel, masansan nagpokusda ketdi iti awan kadakuada. Tulongam dagiti ubbing a makasursuro nga agbalin a managyaman para iti no ania nga inted ti Dios kadakuada.

Dagiti Mabalin nga Aktibidad

• Kiddawen kadagiti ubbing no malagipda ti sumagmamano a milagro nga inaramid ti Apo a nangbendision kadagiti Israelita iti let-ang. (No kasapulan dagiti ubbing ti tulong, ipakitam kadakuada dagiti ladawan manipud iti balabala iti Abril 4–10 iti Umaykayo, Sumurot Kaniak—Para kadagiti Indibidual ken Pamilia; kitaen met iti Exodo 14:21–22; 15:23–25; 16:4.) Kalpasanna gupgopem kadakuada ti Numeros 11:4–10, a mangyunay-unay a saan a naragsak ti Apo gapu ta nagdaydayamudom dagiti Israelita. Tulongam dagiti ubbing a mangpanunot kadagiti wagas a pakaipakitaanda iti panagyamanda iti Apo.

• Aggigiddankayo nga agkansion iti kanta maipapan iti panagyaman, kas iti “Count Your Blessings” (Hymns, num. 241). Awisem ti tunggal ubing a mangidrowing iti ladawan dagiti bendision nga inted ti Apo kadakuada wenno dagiti pamiliada. Allukoyem ida a mangpanunot wenno mangkita iti ladawanda no masulisogda nga agdayamudom maipapan iti maysa a banag nga awan kadakuada.

Numeros 13:17–33; 14:6–9

Matulongannak ti pammati a diak agbuteng.

Idi imbaon ni Moises ti 12 a lallaki tapno ammuen maipapan iti naikari a daga, 10 kadakuada ti nagsubli a nagbuteng gapu kadagiti nabileg a lallaki a nagnaed sadiay. Dua kadakuada, da Caleb ket Josue, ti saan a nagbuteng, addaanda iti pammati iti Apo.

Dagiti Mabalin nga Aktibidad

• Usarem dagiti ladawan wenno drowing iti ubas ti timmanor, tagapulot ti uyukan, ken dudon a mangisarita kadagiti ubbing maipapan iti 12 a lallaki nga imbaon ni Moises nga agsukisok iti naikari a daga (kitaen iti Numeros 13:17–33; kitaen met iti “Uppat a Tawen iti Let-ang” iti Dagiti Estoria iti Daan a Tulag). Ilawlawag a nasarakanda ti adu a bunga ken dadduma pay a taraon (awisem dagiti ubbing nga agpammarang a mangmangan iti taraon), ngem kasta met a nagbutengda met gapu ta dadakkel ken nabileg dagiti tao idiay (awisem dagiti ubbing nga agpammarang a mabutengda). Ipakitam ti ladawan ni Jesus, ket ilawlawag a dua nga Israelita, da Caleb ken Josue, ti saan a nagbuteng gapu ta adda pammatida ken ni Jesucristo.

• Ibasam ti Numeros 14:9 kadagiti ubbing, ket isaritam maipapan iti maysa a panawen idi nagbutengka ngem iti pammatim ken ni Jesucristo ti nangtulong kenka a naaddaan iti tured. Allukoyem dagiti ubbing a mangpanunot kadagiti ania man a maipada a padas a napasaranda.

  lallaki a mangipakpakita kadagiti bunga ken ni Moises

  Nagbuteng ti sangapulo nga Israelita nga espia; adda pammati da Josue ken Caleb. © Lifeway Koleksion/licensed fromi goodsalt.com

Numeros 21:6–9

Mabalinko a kitaen ni Jesucristo.

Kas iti pannakaagas dagiti annak ti Israel babaen ti panangkitada iti gambang nga uleg, umawat dagiti ubbing iti klasem iti pannakaisalakan babaen iti panangkitada iti Mangisalakan.

Dagiti Mabalin nga Aktibidad

• Usarem ti panid ti aktibidad iti daytoy a lawas iti balabala itoy a lawas iti Umaykayo, Sumurot Kaniak—Para kadagiti Indibidual ken Pamilia, isaritam kadagiti ubbing no ania ti napasamak idi immay iti kampo dagiti Israelita dagiti “umap-apuy nga ul-uleg” (kitaen iti Numeros 21:6–9). Tulongam ida a mangkita no kasano a maipada ti gambang nga uleg ken ni Jesucristo (kitaen iti Juan 3:14–15). Kalpasanna pagsisinnublatem dagiti ubbing iti panangusar iti ladawan a mangisarita iti estoria iti tunggal maysa.

• Kiddawem kadagiti ubbing nga agkidemda bayat ti pannangikabilmo iti ladawan ti Mangisalakan iti maysa a lugar iti siled. Kalpasanna awisem dagiti ubbing nga agmulagatda, sapulenda ti ladawan, ken kitaenda daytoy. Pagsisinnublatem ida nga isuda ti mangikabil iti ladawan. Tunggal kanito a sapulen dagiti ubbing ti ladawan, tulongam ida a mangpanunot iti maysa a banag a mabalinda nga aramiden tapno kumita iti Mangisalakan.

icon iti panangisuro

Isuro ti Doktrina: In-inauna nga Ubbing

Numeros 12

Kayat ti Apo nga agtungpalak iti propetana.

TiNumeros 12 ket naglaon iti sumagmamano a napapateg nga adalen a makatulong kadagiti ubbing no mangngeganda dagiti tao nga agsasao kadagiti nasayaat a banag maipapan iti propeta ti Apo wenno dadduma pay a lider ti Simbaan.

Dagiti Mabalin nga Aktibidad

• Isaritam kadagiti ubbing nga iti maysa a gundaway, saan a naragsakan ti Apo kada Aaron ken Miriam, a kakabsat ni Moises. Awisem ida a mangbasa iti Numeros 12:1–2 tapno ammuen no apay. Segun kadagiti bersikulo 5–8, kasano ti narikna ti Apo maipapan kada Aaron ken Miriam nga agsasao a maibusor iti propetana?

• Tulongam dagiti ubbing nga agpanunot kadagiti pagarigan dagiti tao iti nasantuan a kasuratan a nangsurot iti propeta ket nabendisionan (kas pagarigan, kitaen iti Genesis 7:7; 1 Nephi 3:7). Ania dagiti sumagmamano kadagiti banag nga insuro kadatayo ti sibibiag a propetatayo? Kasano a mabendisionantayo no tungpalentayo dagiti pannursurona?

Numeros 21:4–9

Adda bileg ni Jesuscristo a mangagas kaniak a naespirituan.

Adu dagiti Israelita ti natay gapu ta awan ti pammatida nga agasan ida iti Apo no kumitada iti gambang nga uleg (kitaen iti Alma 33:18–20). Kasano a matulongam dagiti ubbing a sursuruam a maaddaan iti pammati iti pangisalakan a bileg ni Jesucristo?

Dagiti Mabalin nga Aktibidad

• Awisem dagiti ubbing a mangidrowing kadagiti ladawan ti no ania ti nabasada iti Numeros 21:4–9. Pausarmo kadakuada dagiti ladawan a mangisarita iti estoria. Kiddawem iti tunggal ubing a pumili iti maysa kadagiti sumaganad a nasantuan a kasuratan ket ibinglay no ania ti mangnayon iti pannakaawattayo iti estoria: Juan 3:14–15; 1 Nephi 17:41; Alma 33:18–20; Helaman 8:13–15; Doktrina ken Katulagan 6:36.

• Isurat iti pisarra ti maysa a saludsod kas Ania ti maaramidtayo tapno “kumita iti Anak ti Dios nga addaan pammati”? (Helaman 8:15). Mangted iti tunggal maysa kadagiti ubbing iti maysa a papel, ket awisem ida a mangisurat iti adu a sungbat iti saludsod agingga a kabaelanda a panunoten. Kolektaem dagiti papel, basaem ti sumagmamano a sungbat iti napigsa, ket awisem dagiti ubbing nga agsarita maipapan iti no kasano panangaramidmo kadagitoy a banag ket makatulong kadatayo no kasapulantayo ti pangagas a bileg ti Mangisalakan.

Numeros 22–24

Masurotko ti pagayatan ti Dios, uray pay no padasendak nga allukoyen dagiti dadduma a diak aramiden.

Pinadas ni Balak nga allukoyen ni Balaam a mangilunod kadagiti Israelita, ngem ammo ni Balaam a maibusor daytoy iti pagayatan ti Dios. Ti pagwadan ni Balaam ket makatulong kadagiti ubbing no maipasangoda iti pammilit nga agsukir ti Dios.

Dagiti Mabalin nga Aktibidad

• Gupgopem ti Numeros a 22:1–18 para kadagiti ubbing, a mangyunay-unay iti no kasano a nagkedked ni Balaam a mangilunod kadagiti tao ti Dios, nupay ni Balak, ti ari ti Moab, indiayana kenkuana ti dayaw ken kinabaknang. Kiddawen kadagiti ubbing a mangsukisok kadagiti sumaganad a bersikulo para iti ragup ti balikas a mariknada a mangipakita iti determinasion ni Balaam a mangsurot iti Dios: Numeros 22:18; 23:26; 24:13. Awisem dagiti ubbing a pumidut iti maysa a ragup ti balikas a magustuanda ket isurat daytoy iti maysa a kard a mangtulong kadakuada a manglagip nga agtungpal iti Apo.

• Isaritam kadagiti ubbing maipapan kadagiti kasasaad no mabalin a padasen wenno allukoyen ida dagiti gagayyem wenno dadduma nga agaramid iti maysa a banag a biddut, kas iti inaramid ni Balak ken ni Balaam. Kasano a nakatulong ken ni Balaam ti panagkumitna iti Apo tapno mapagkedkedanna ti pammilit manipud ken ni Balak? Awisem dagiti ubbing a mangsanay iti panangsungbat kadagitoy a kasasaad nga us-usarenda dagiti balikas kas iti balikas ni Balaam.

icon iti panagsursuro

Yallukoy ti Panagsursuro iti Pagtaengan

Awisem dagiti ubbing a mangibinglay iti maysa a banag kadagiti pamiliada, a kas iti maysa a ladawan, maysa a nasantuan a kasuratan, wenno maysa a kanta, a mangipakita no ania ti nasursuroda iti Primary.

Panangpadur-as iti Panangisurotayo

Agbalinka a nakasagana nga umawat kadagiti parikna manipud iti Espiritu. “Masansan a saan a ninamnama dagiti kapintasan a kanito iti panangisuro—kas pagarigan, no mangibinglay ti maysa a tao iti maysa a padas wenno agdamag iti maysa a saludsod a mangiturong iti napnuan kaipapanan a panaglilinnawag. … Agtallugodka a mangbalbaliw kadagiti planom no kasapulan a mangsurot kadagiti parikna a maawatmo” (iPanangisuro iti Wagas ti Mangisalakan, 10).

panid ti aktibidad: Mabalinko a kitaen ni Jesucristo