« ថ្ងៃទី ២៣–២៩ ខែ ឧសភា ។ យ៉ូស្វេ ១–៨; ២៣–២៤ ៖ ‹ ចូរឲ្យមានកម្លាំង និងចិត្តក្លាហានចុះ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ២៣–២៩ ខែ ឧសភា ។ យ៉ូស្វេ ១–៨; ២៣–២៤ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
រចនារូបភាពម៉ូសេតែងតាំង យ៉ូស្វេ ដោយ ដារ៉ែល ថូម៉ាស
ថ្ងៃទី ២៣–២៩ ខែ ឧសភា
យ៉ូស្វេ ១–៨; ២៣–២៤
« ចូរឲ្យមានកម្លាំង និងចិត្តក្លាហានចុះ »
នៅពេលបងប្អូនអាន យ៉ូស្វេ ១–៨ និង ២៣–២៤សូមកត់ត្រាចំណាប់អារម្មណ៍ដែលបងប្អូនទទួលបាន ។ តើបងប្អូននឹងធ្វើអ្វី ដើម្បីរកឃើញនូវអ្វីដែលកុមារដែលបងប្អូនបង្រៀនត្រូវរៀននៅក្នុងជំពូកទាំងនេះ ?
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
សូមគូររូបភាពនៅលើក្តារខៀនអំពីអ្វីមួយចេញពីរឿងរ៉ាវមួយនៅក្នុង យ៉ូស្វេ ១–៨; ២៣–២៤ហើយមើលថាតើកុមារអាចទាយថា រឿងនោះបានមកពីណា ។ ជាឧទាហរណ៍បងប្អូនអាចគូរទន្លេមួយ ឬជញ្ជាំងទីក្រុងមួយ ។
បង្រៀនគោលលទ្ធិ ៖ កុមារតូចៗ
ខ្ញុំអាចគិតអំពីព្រះគម្ពីរទាំងយប់ទាំងថ្ងៃ ។
ព្រះអម្ចាស់បានប្រាប់យ៉ូស្វេថា ប្រសិនបើគាត់នឹកជញ្ជឹងពីព្រះគម្ពីរ និងធ្វើតាមដំបូន្មាននៅក្នុងព្រះគម្ពីរ នោះគាត់នឹងទទួលបានជោគជ័យនៅក្នុងការដឹកនាំសាសន៍អ៊ីស្រាអែលចូលទៅក្នុងដែនដីសន្យា ។ តើបងប្អូនអាចធ្វើអ្វីខ្លះ ដើម្បីបង្រៀនកុមារពីពរជ័យដ៏អស្ចារ្យដែលបានមកពីព្រះគម្ពីរ ?
សកម្មភាពដែលអាចជ្រើសរើស
-
សូមឲ្យកុមារម្នាក់ៗនូវរូបភាពមួយ ឬគំនូរអំពីព្រះអាទិត្យ និងព្រះច័ន្ទ ។ សូមអានឲ្យពួកគេស្តាប់ចេញពី យ៉ូស្វេ ១:៨ ៖ « គឺត្រូវឲ្យនឹកជញ្ជឹង [ អំពីព្រះគម្ពីរ ] ទាំងយប់ទាំងថ្ងៃវិញ » ។ សូមពន្យល់ថា នឹកជញ្ជឹង មានន័យថាគិតអំពីអ្វីមួយឲ្យស៊ីជម្រៅ ។ សូមថាតាមឃ្លាទាំងនោះឲ្យបានច្រើនដង ហើយអញ្ជើញកុមារលើករូបភាពព្រះអាទិត្យឡើងនៅពេលបងប្អូននិយាយថា « ថ្ងៃ » និងព្រះចន្ទ នៅពេលបងប្អូននិយាយថា « យប់ » ។ សូមជួយកុមារថាតាមឃ្លាទាំងនោះជាមួយបងប្អូន ។
-
សុំឲ្យកុមាររៀបរាប់នូវសកម្មភាពអ្វី ដែលពួកគេធ្វើនៅពេលថ្ងៃ និងសកម្មភាពអ្វីដែលពួកគេធ្វើនៅពេលយប់ ។ សូមប្រាប់ពួកគេថា យ៉ូស្វេត្រូវបានប្រាប់ឲ្យគិតអំពីព្រះគម្ពីរទាំងថ្ងៃ និង ទាំងយប់ ។ សូមជួយពួកគេគិតអំពីរឿងរ៉ាវ ឬការបង្រៀននានាចេញពីព្រះគម្ពីរដែលពួកគេអាចគិតទាំងពេលថ្ងៃ និងពេលយប់ ។ សូមអញ្ជើញពួកគេឲ្យគូររូបខ្លួនពួកគេ ឬគ្រួសាររបស់ពួកគេដែលកំពុងសិក្សាព្រះគម្ពីរ ។ ហេតុអ្វីពួកគេចូលចិត្តសិក្សាព្រះគម្ពីរ ? តើពួកគេមានពរជ័យយ៉ាងណា នៅពេលពួកគេធ្វើដូច្នេះ ?
ខ្ញុំត្រូវតែទទួលបុណ្យជ្រមុជទឹកដើម្បីចូលទៅក្នុងនគរស្ថានសួគ៌ ។
រឿងរបស់យ៉ូស្វេដឹកនាំសាសន៍អ៊ីស្រាអែលឆ្លងទន្លេយ័រដាន់ចូលទៅដែនដីសន្យា ផ្ដល់ឱកាសដើម្បីបង្រៀនកុមារថា យើងត្រូវតែទទួលបុណ្យជ្រមុជទឹកដើម្បីចូលទៅក្នុងនគរស្ថានសួគ៌ ។
សកម្មភាពដែលអាចជ្រើសរើស
-
សូមពិនិត្យឡើងវិញនូវព័ត៌មានលម្អិតខ្លះៗនៃរឿងរបស់កូនចៅអ៊ីស្រាអែលឆ្លងទន្លេយ័រដាន់ ដើម្បីចូលទៅក្នុងដែនដីសន្យា ( សូមមើល « ព្យាការីយ៉ូស្វេ » នៅក្នុង ដំណើររឿងព្រះគម្ពីរសញ្ញាចាស់ ) ។ បន្ទាប់មកបង្ហាញរូបភាពអំពីព្រះយេស៊ូវកំពុងទទួលបុណ្យជ្រមុជទឹក ហើយប្រាប់កុមារថា ព្រះយេស៊ូវក៏បានទទួលបុណ្យជ្រមុជទឹកនៅក្នុងទន្លេនោះដែរ ។ សូមឲ្យកុមារចែកចាយអ្វីដែលពួកគេដឹងអំពីពីធីបុណ្យជ្រមុជទឹករបស់ព្រះយេស៊ូវ ។
-
សូមច្រៀងចម្រៀងមួយបទអំពីបុណ្យជ្រមុជទឹកជាមួយកុមារដូចជាបទ « ពិធីបុណ្យជ្រមុជទឹក » ( សៀវភៅចម្រៀងកុមារ ទំព័រ ៥៤ ) ។ សូមជួយពួកគេឲ្យស្គាល់ថា ចម្រៀងនេះបង្រៀនយើងអំពីមូលហេតុអ្វីបានជាព្រះយេស៊ូវទទួលបុណ្យជ្រមុជទឹក និងមូលហេតុអ្វីយើងគួរតែធ្វើតាមគំរូរបស់ទ្រង់ ។ សូមកុមារឲ្យចែកចាយនូវអារម្មណ៍របស់ពួកគេអំពីការទទួលបុណ្យជ្រមុជទឹក ។ សូមនិយាយអំពីអ្វីដែលកុមារអាចធ្វើបានឥឡូវនេះ ដើម្បីរៀបចំខ្លួនទទួលបុណ្យជ្រមុជទឹកនៅពេលពួកគេមានអាយុប្រាំបីឆ្នាំ ។
យើងត្រូវតែទទួលបុណ្យជ្រមុជទឹកដើម្បីចូលទៅក្នុងនគរស្ថានសួគ៌ ។
ខ្ញុំអាចជ្រើសរើសបម្រើព្រះយេស៊ូវគ្រីស្ទ ។
សារចុងក្រោយរបស់យ៉ូស្វេទៅកាន់ប្រជាជនរបស់គាត់គឺថាពួកគេមានជម្រើសដើម្បីបន្តបម្រើព្រះអម្ចាស់ ឬបោះបង់ចោលទ្រង់ ។ ដោយសេចក្ដីស្រឡាញ់ដូចដែលយ៉ូស្វេបានមានចំពោះប្រជាជនរបស់គាត់ បងប្អូនអាចលើកទឹកចិត្តដល់កុមារដែលបងប្អូនបង្រៀនឲ្យជ្រើសរើសបម្រើព្រះអម្ចាស់នៅ « ថ្ងៃនេះ » ។
សកម្មភាពដែលអាចជ្រើសរើស
-
សុំឲ្យកុមារនិយាយអំពីជម្រើសមួយចំនួនដែលពួកគេបានធ្វើនៅថ្ងៃនេះ ។ សូមអានឲ្យកុមារស្តាប់ចេញមកពី យ៉ូស្វេ ២៤:១៥« ចូររើសយកព្រះណា ដែលឯងចង់គោរពប្រតិបត្តិតាមនៅថ្ងៃនេះចុះ … តែឯអញ និងពួកគ្រួអញ យើងទាំងអស់គ្នានឹងគោរពប្រតិបត្តិដល់ព្រះយេហូវ៉ាតែមួយប៉ុណ្ណោះ » ។ តើកុមារបានជ្រើសរើសបម្រើព្រះអម្ចាស់នៅថ្ងៃនេះយ៉ាងដូចម្តេច ? តើមានវិធីណាខ្លះដែលយើងអាចជ្រើសរើសដើម្បីបម្រើទ្រង់រាល់ថ្ងៃ ?
-
សូមច្រៀងចម្រៀងមួយបទអំពីជម្រើសល្អ ដូចជាបទ « ជ្រើសរើសផ្លូវត្រូវ » ( សៀវភៅចម្រៀងកុមារ ទំព័រ ៨២ ) ។ តើយើងមានអារម្មណ៍យ៉ាងណា នៅពេលជ្រើសរើសបម្រើព្រះយេស៊ូវគ្រីស្ទ ? សូមអញ្ជើញកុមារឲ្យគូររូបខ្លួនពួកគេកំពុងធ្វើអ្វីមួយដើម្បីបម្រើព្រះអម្ចាស់ ។ សូមចែកចាយរឿងរ៉ាវអំពីជីវិតរបស់បងប្អូន ឬមកពីទស្សនាវដ្តីសាសនាចក្រអំពីការជ្រើសរើសដើម្បីបម្រើព្រះអម្ចាស់ ។
បង្រៀនគោលលទ្ធិ ៖ កុមារធំៗ
« ចូរឲ្យមានកម្លាំង និងចិត្តក្លាហានចុះ » ។
ក្រោយពីយ៉ូស្វេក្លាយជាអ្នកដឹកនាំសាសន៍អ៊ីស្រាអែល ព្រះអម្ចាស់បានលើកទឹកចិត្តគាត់ដោយមានប្រសាសន៍ថា ៖ « ចូរឲ្យមានកម្លាំង និងចិត្តក្លាហានចុះ » ( យ៉ូស្វេ ១:៦ ) ។ តើកុមារអាចរៀនអ្វីខ្លះពីយ៉ូស្វេអំពីរបៀបដើម្បីឲ្យមានកម្លាំង និងចិត្តក្លាហានសម្រាប់ព្រះគ្រីស្ទ ?
សកម្មភាពដែលអាចជ្រើសរើស
-
សូមអញ្ជើញកុមារឲ្យរកឃ្លាដដែលៗនៅក្នុង យ៉ូស្វេ ១:៦, ៩, និង ១៨និងសរសេរវានៅលើក្តារខៀន ( សូមមើលផងដែរ ខទី ៧ ) ។ សូមជួយកុមារឲ្យគិតអំពីហេតុផលដែលយើងអាចត្រូវការសារនេះដូចយ៉ូស្វេដែរ ។ សូមរំឭកឡើងវិញជាថ្នាក់រួមគ្នានូវរឿងមួយចំនួននៅក្នុង យ៉ូស្វេ ១–៤; ៦( សូមមើលផងដែរ « ព្យាការីយ៉ូស្វេ » និង « រ៉ាហាបអ្នកស៊ើបការសំងាត់ » នៅក្នុងដំណើររឿងព្រះគម្ពីរសញ្ញាចាស់ ) និងសុំឲ្យកុមារបង្ហាញពីរបៀបដែលមនុស្សនៅក្នុងរឿងទាំងនេះបានបង្ហាញភាពក្លាហាន និងភាពរឹងមាំ ។
-
សូមអញ្ជើញកុមារឲ្យនិយាយអំពីនរណាម្នាក់ដែលពួកគេស្គាល់ដែលមានភាពរឹងមាំ និងក្លាហានសម្រាប់ព្រះយេស៊ូវគ្រីស្ទ ។ សូមលើកទឹកចិត្តឲ្យពួកគេសរសេរអំពីអ្វីមួយដែលពួកគេចង់ធ្វើ ដើម្បីឲ្យមានភាពរឹងមាំ និងក្លាហានជាងមុនសម្រាប់ព្រះគ្រីស្ទ ។
ខ្ញុំអាចនឹកជញ្ជឹងអំពីព្រះគម្ពីរទាំងយប់ទាំងថ្ងៃ ។
វិធីមួយដែលព្រះអម្ចាស់បានជួយយ៉ូស្វេ ឲ្យត្រៀមខ្លួនសម្រាប់ឧបសគ្គទាំងឡាយដែលគាត់បានជួបគឺតាមរយៈការលើកទឹកចិត្តគាត់ ឲ្យ « នឹកជញ្ជឹង » លើព្រះគម្ពីរទាំងយប់ទាំងថ្ងៃ ។ តើដំបូន្មាននេះអាចផ្ដល់ពរជ័យដល់កុមារដែលបងប្អូនបង្រៀនយ៉ាងដូចម្តេច ?
សកម្មភាពដែលអាចជ្រើសរើស
-
សូមអញ្ជើញកុមារឲ្យសរសេរនូវចំនួនពេលវេលា ដែលពួកគេចំណាយនៅក្នុងមួយថ្ងៃជាមធ្យមទៅលើសកម្មភាពផ្សេងៗ ។ បន្ទាប់មកអញ្ជើញពួកគេអាន យ៉ូស្វេ ១:៨ស្វែងរកអ្វីមួយដែលយើងទាំងអស់គ្នាត្រូវធ្វើទាំងថ្ងៃទាំងយប់ ។ សុំឲ្យពួកគេរកពាក្យ និងឃ្លានៅក្នុងខនេះដែលបង្រៀនយើងអំពីពរជ័យនៃការសិក្សាព្រះគម្ពីរ ។ តើការនឹកជញ្ជឹងលើព្រះគម្ពីរអាចជួយយើងឲ្យទទួលបានជោគជ័យនៅក្នុងអ្វីផ្សេងទៀតដែលយើងធ្វើរាល់ថ្ងៃយ៉ាងដូចម្តេច ?
-
សូមអញ្ជើញកុមារឲ្យអានជាមួយគ្នានូវខគម្ពីរដូចតទៅនេះ ៖ យ៉ូស្វេ ១:៨; នីហ្វៃទី១ ១៥:២៣–២៤; នីហ្វៃទី២ ៣១:២០; ៣២:៣; យ៉ាកុប ៤:៦; ហេលេមិន ៣:២៩–៣០ ។ សុំឲ្យកុមាររកពាក្យ ឬឃ្លានៅក្នុងវគ្គនីមួយៗដែលបង្រៀនពួកគេអំពីអំណាចនៃការសិក្សាព្រះគម្ពីរ ។ តើពួកគេអាចដាក់គោលដៅអ្វីខ្លះសម្រាប់ការសិក្សាព្រះគម្ពីរផ្ទាល់ខ្លួន ?
ខ្ញុំអាចជ្រើសរើសបម្រើព្រះយេស៊ូវគ្រីស្ទ ។
នៅក្នុងចំណោមពាក្យចុងក្រោយរបស់យ៉ូស្វេទៅកាន់សាសន៍អ៊ីស្រាអែលគឺជាការអង្វរ « ចូររើសយក … ព្រះណា ដែលឯងចង់គោរពប្រតិបត្តិតាមនៅថ្ងៃនេះចុះ » ។ សូមពិចារណាពីរបៀបដែលដំបូន្មាននេះអាចផ្ដល់ពរដល់កុមារដែលបងប្អូនបង្រៀន ។
សកម្មភាពដែលអាចជ្រើសរើស
-
សូមអញ្ជើញកុមារឲ្យធ្វើផ្ទាំងបដាដោយប្រើពាក្យគន្លឹះ និងឃ្លាសំខាន់ៗមួយចំនួននៅក្នុង យ៉ូស្វេ ២៤:១៥ ។ សូមឲ្យពួកគេចែកចាយផ្ទាំងបដារបស់ពួកគេ ហើយពន្យល់ពីមូលហេតុដែលពួកគេជ្រើសរើសពាក្យទាំងនោះ ។ តើយើងអាចបង្ហាញព្រះថា យើងបានជ្រើសរើសដើម្បីបម្រើទ្រង់យ៉ាងដូចម្តេច ?
-
សូមអញ្ជើញកុមារឲ្យផ្តល់យោបល់អំពីស្ថានភាពដែលពួកគេអាចត្រូវសម្រេចចិត្តជ្រើសរើសព្រះជាជាងអ្វីផ្សេងទៀត ។ សុំឲ្យពួកគេពិចារណាអំពីអ្វីដែលពួកគេនឹងធ្វើ ។ ហេតុអ្វីបានជាវាសំខាន់នៅក្នុងការ « រើស … នៅថ្ងៃនេះ »ជាជាងការរង់ចាំឲ្យហេតុការណ៍នោះកើតឡើង ? តើយើងនឹងទទួលបានពរជ័យអ្វីខ្លះនៅពេលយើងធ្វើការជ្រើសរើសត្រឹមត្រូវ ?
សូមលើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យជ្រើសរើសអ្វីមួយដែលបងប្អូនបាននិយាយដែលពួកគេចង់ចែកចាយជាមួយគ្រួសាររបស់ពួកគេ ។ សូមលើកទឹកចិត្តពួកគេឲ្យគិតអំពីវិធីដែលពួកគេអាចចែកចាយវានៅសប្តាហ៍ខាងមុខនេះ ។
ការកែលម្អការបង្រៀនរបស់យើង
សូមជួយកុមារឲ្យក្លាយជាអ្នករៀនកាន់តែពូកែ ។ គោលបំណងរបស់បងប្អូននៅក្នុងការបង្រៀនកុមារ គឺពុំគ្រាន់តែផ្ទេរសេចក្ដីពិតទៅឲ្យពួកគេនោះទេ ។ បងប្អូនក៏អាចជួយពួកគេឲ្យរីកចម្រើនក្លាយជាអ្នកស្វែងរកសេចក្តីពិតដែលមានភាពខ្លួនទីពឹងខ្លួនផងដែរ ។