« ថ្ងៃទី ២–៨ ខែ ឧសភា ។ និក្ខមនំ ៣៥–៤០; លេវីវិន័យ ១; ១៦; ១៩ ៖ ‹ បរិសុទ្ធដល់ព្រះយេហូវ៉ា › » ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )

« ថ្ងៃទី ២–៨ ខែ ឧសភា ។ និក្ខមនំ ៣៥–៤០; លេវីវិន័យ ១; ១៦; ១៩ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២

ថ្ងៃទី ២–៨ ខែ ឧសភា

និក្ខមនំ ៣៥–៤០; លេវីវិន័យ ១; ១៦; ១៩

« បរិសុទ្ធដល់ព្រះយេហូវ៉ា »

នៅពេលបងប្អូនសិក្សាបទគម្ពីរប្រកបដោយការអធិស្ថាននៅក្នុងសបា្តហ៏នេះ សូមគិតអំពីកុមារដែលបងប្អូនបង្រៀន ។ ព្រះវិញ្ញាណបរិសុទ្ធអាច ជួយបងប្អូន ឲ្យដឹងថា តើសេចក្ដីពិតអ្វីខ្លះដែលពួកគេត្រូវ រៀន និងរបៀបដែល បងប្អូនអាច បង្រៀនសេចក្ដីពិតទាំងនោះទៅដល់ពួកគេ ។

កត់ត្រាចំណាប់អារម្មណ៍របស់បងប្អូន

អញ្ជើញឲ្យចែកចាយ

សូមដាក់ឈ្មោះកុមារម្នាក់ៗទៅក្នុងប្រអប់មួយ ។ សុំឲ្យកុមារជ្រើសរើសឈ្មោះមួយ ហើយអញ្ជើញកុមារដែលឈ្មោះរបស់គាត់ត្រូវបានចាប់ត្រូវ នោះឲ្យចែកចាយអ្វីមួយ ដែលគាត់បានរៀនពីព្រះគម្ពីរ សញ្ញាចាស់ ។ សូមនិយាយជាមួយកុមារអំពី របៀបដែល អ្វីៗដែល ពួកគេកំពុងរៀន ជួយពួកគេឲ្យខិតកាន់តែជិតព្រះយេស៊ូវគ្រីស្ទ ។ សូមបន្តធ្វើរហូតទាល់តែកុមារគ្រប់រូបមានឱកាសដើម្បីចែកចាយ ។

បង្រៀនគោលលទ្ធិ ៖ កុមារតូចៗ

និក្ខមនំ ៣៦:១

ខ្ញុំអាចជួយធ្វើកិច្ចការរបស់ព្រះអម្ចាស់ ។

កុមារតូចៗមានអំណោយទានដែល ពួកគេអាច ប្រើដើម្បីចូលរួមចំណែកនៅក្នុងកិច្ចការរបស់ព្រះអម្ចាស់នៅលើផែនដី ។ តើបងប្អូនអាចជួយកុមារឲ្យមានអារម្មណ៏ចង់ចែកចាយនូវអ្វីដែលព្រះអម្ចាស់បានប្រទានដល់ពួកគេដោយរបៀបណា ?

សកម្មភាពដែលអាចជ្រើសរើស

សូមអាន និក្ខមនំ ៣៦:១ ទៅកាន់ កុមារ ហើយសូមឲ្យពួកគេស្តាប់នូវអ្វីដែល ព្រះអម្ចាស់បានប្រទាន ដល់បេតសាលាល និងអូហូលីអាប់ដើម្បីជួយពួកគេសាងសង់ « ទីបរិសុទ្ធ » ( រោងឧបោសថ ) ។ សូមប្រាប់កុមារម្នាក់ៗអំពីអំណោយទានដែលគាត់ ឬនាងមាន ( វាអាចជួយដោយសួរឪពុកម្តាយរបស់ពួកគេ ) ។ សូមថ្លែងទីបន្ទាល់ថា ព្រះបាន « ប្រទានឲ្យ » អំណោយទានដល់កូនចៅគ្រប់រូបរបស់ទ្រង់ ។
សូមប្រាប់កុមារពី មូលហេតុដែល បងប្អូនចង់ជួយកិច្ចការរបស់ព្រះអម្ចាស់ ។ សូមជួយពួកគេគិតអំពីរបៀបដែលពួកគេអាចចូលរួមផងដែរ ( ដូចជាការរៀនអំពីជីដូនជីតា ការប្រាប់នរណាម្នាក់អំពីព្រះយេស៊ូវ ឬការបម្រើសមាជិកគ្រួសារ ) ។ សូមសរសេរគំនិតរបស់ពួកគេនៅលើបន្ទះក្រដាស ដាក់ក្រដាសទាំងនោះនៅក្នុងប្រអប់មួយ ហើយអញ្ជើញកុមារម្តងម្នាក់ៗឲ្យជ្រើសរើសយកក្រដាសមួយ ហើយធ្វើសកម្មភាពទៅតាម អ្វីដែល នៅលើបន្ទះក្រដាសនោះ ។

និក្ខមនំ ៤០:១៧–៣៤

ខ្ញុំអាចមានអារម្មណ៏នៃ វត្តមានរបស់ ព្រះនៅទីបរិសុទ្ធ ។

ព្រះអម្ចាស់បានបញ្ជាដល់ កូនចៅអ៊ីស្រាអែលឲ្យសាងសង់រោងឧបោសថ ដើម្បីទ្រង់អាច « បាននៅកណ្តាលគេ » ( និក្ខមនំ ២៥:៨ ) ។ បងប្អូនអាចជួយកុមាររៀនអំពីទីបរិសុទ្ធដែលព្រះបានប្រទានដល់ យើងនៅថ្ងៃនេះ ដើម្បីជួយឲ្យយើងមានអារម្មណ៍ នៃវត្តមានរបស់ ទ្រង់ ។

សកម្មភាពដែលអាចជ្រើសរើស

សូមបង្ហាញរូបភាពនៃរោងឧបោសថបុរាណ ( សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និង ក្រុមគ្រួសារ ) ។ ឲ្យកុមារស្វែងរកផ្នែក ផ្សេងៗនៃរោងឧបោសថនៅក្នុងរូបភាព ដូចជាជើងចង្កៀង ឬអាសនៈ ហើយពន្យល់ ថា វត្ថុ ទាំងនេះមានគោលបំណងជួយ ដល់សាសន៍អ៊ីស្រាអែលឲ្យគិតអំពីព្រះអម្ចាស់ ( សម្រាប់ព័ត៌មានបន្ថែមអំពីរោងឧបោសថ សូមមើល និក្ខមនំ ៤០:១៧–៣៤ ) ។ តើយើងមានទីបរិសុទ្ធណាខ្លះនៅសព្វថ្ងៃនេះដែលជួយ យើងឲ្យគិតអំពីព្រះអម្ចាស់ ?
សូមបង្ហាញរូបភាពព្រះវិហារបរិសុទ្ធមួយ ហើយអាន និក្ខមនំ ២៥:៨ ទៅដល់កុមារ ។ សូមពន្យល់ថា នៅ ជំនាន់របស់ យើង ព្រះបាន ប្រទានទីបរិសុទ្ធដល់ យើងដែល យើងអាច នៅជិត ទ្រង់ បាន ។ សូមជួយកុមារ ឲ្យរាយ បញ្ជីមួយចំនួននៃកន្លែងទាំងនេះ ។ សូមសួរកុមារតើពួកគេមានអារម្មណ៍យ៉ាងណា នៅពេលពួកគេគិតអំពីទីបរិសុទ្ធទាំងនេះ ។ សូមចែកចាយជាមួយពួកគេ ថា យើងក៏អាច មានអារម្មណ៍ជិតស្និទ្ធនឹងព្រះដែរ នៅពេលយើង អធិស្ឋាន មិនថាយើងនៅ ទីណាក៏ដោយ ។
សូមបំពេញទំព័រសកម្មភាពជាមួយនឹងកុមារ ។ នៅពេលបងប្អូនធ្វើដូច្នោះ សូមច្រៀងចម្រៀងមួយបទជាមួយពួកគេអំពីព្រះវិហារបរិសុទ្ធ ដូចជា « ខ្ញុំចូលចិត្តមើលព្រះវិហារបរិសុទ្ធ » ( សៀវភៅចម្រៀងកុមារទំព័រ ៩៩ ) ។

ដូចជារោងឧបោសថបុរាណដែរ ព្រះវិហារបរិសុទ្ធចង្អុលបង្ហាញយើងទៅកាន់ព្រះអង្គសង្រ្គោះ ។

បង្រៀនគោលលទ្ធិ ៖ កុមារធំៗ

និក្ខមនំ ៣៥:២០–២៩; ៣៦:១

ព្រះបានផ្ដល់ឲ្យខ្ញុំនូវអំណោយទាន ដើម្បីជួយនៅក្នុងកិច្ចការរបស់ទ្រង់ ។

បុត្រាបុត្រីរបស់ព្រះវរបិតាសួគ៌ម្នាក់ៗមានអ្វីមួយ ដើម្បីជួយ ដល់កិច្ចការរបស់ទ្រង់ ។ កុមារដែលបងប្អូនបង្រៀនប្រហែលជាត្រូវការជំនួយរបស់ បងប្អូន ដើម្បីដឹងពីរបៀបដែល ពួកគេអាច ប្រើអំណោយ ទានរបស់ពួកគេក្នុងការជួយនៅក្នុងកិច្ចការរបស់ព្រះ ។

សកម្មភាពដែលអាចជ្រើសរើស

សូមបង្ហាញរូបភាពនៃរោងឧបោសថ ( សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និង ក្រុមគ្រួសារ ) ។ សូមសួរកុមារ ថាតើត្រូវការសម្ភារៈអ្វីខ្លះដើម្បីសាងសង់រោងឧបោសថ ។ សូមអានជាមួយកុមារនៅក្នុង និក្ខមនំ ៣៥:២០–២៩ ហើយសូមឲ្យពួកគេរកមើលថាតើសម្ភារៈចាំបាច់ទាំងឡាយត្រូវបានផ្គត់ផ្គង់ដោយរបៀបណា ។ សូមថ្លែងទីបន្ទាល់ថា កុមារ ម្នាក់ៗមានអ្វីមួយដើម្បីចូលរួមចំណែកដល់ កិច្ចការរបស់ព្រះអម្ចាស់ ។
សូមឲ្យកុមារអាន និក្ខមនំ ៣៦:១ ដើម្បី រកឲ្យឃើញនូវអ្វីដែលព្រះអម្ចាស់បានប្រទានដល់អស់ អ្នកទាំងឡាយដែលត្រូវបានហៅឲ្យ ជួយសាងសង់រោងឧបោសថ ។ សូមអញ្ជើញឲ្យកុមារចែកចាយនូវអ្វីដែលពួកគេមានអារម្មណ៍ថា ព្រះអម្ចាស់បានប្រទានដល់ពួកគេ ដើម្បីជួយកសាងនគររបស់ទ្រង់ ( ផ្តល់ជាយោបល់ប្រសិនបើចាំបាច់ ) ។ តើយើងអាចប្រើអ្វីទាំងនេះ ដើម្បីប្រទានពរដល់អ្នកដទៃយ៉ាង ដូចម្តេច ?

និក្ខមនំ ៤០:១៧–៣៣

ខ្ញុំអាចក្លាយដូចជាព្រះយេស៊ូវគ្រីស្ទ និងព្រះវរបិតាសួគ៌ ។

រោងឧបោសថមិន ត្រឹមតែអនុញ្ញាត ឲ្យកូនចៅអ៊ីស្រាអែលមានវត្ដមានរបស់ព្រះនៅជាមួយពួកគេប៉ុណ្ណោះ ទេ តែវាថែមទាំ ងបង្រៀនពួកគេនូវអ្វីដែលពួកគេអាចធ្វើបានដើម្បីប្រែក្លាយដូចជាព្រះដែរ ។

សកម្មភាពដែលអាចជ្រើសរើស

សូមអញ្ជើញកុមារឲ្យប្រើ និក្ខមនំ ៤០:១៧–៣៣ ដើម្បីកំណត់វត្ថុដែលជាផ្នែកនៃរោងឧបោសថ ហើយស្វែងរករបស់មួយចំនួននៅក្នុងរូបភាពនៃរោងឧបោសថពីបុរាណនោះ ( សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ។ សូមអញ្ជើញកុមារឲ្យគូររូបភាពរោងឧបោសថរបស់ពួកគេផ្ទាល់ខ្លួន ។ សូមនិយាយអំពីរបៀបដែល ផ្នែកនីមួយៗនៃរោងឧបោសថអាចបង្រៀនអំពីព្រះអង្គសង្គ្រោះ ឬព្រះវរបិតាសួគ៌ ។ ឧទាហរណ៍ ហិបនៃសេចក្តីបន្ទាល់អាចរំឭកយើងអំពីបទបញ្ញត្តិរបស់ព្រះ អាសនៈអាចរំឭកយើង អំពីការពលិកម្មរបស់ព្រះយេស៊ូវគ្រីស្ទ ជើងចង្កៀងអាច រំឭកយើងថា ព្រះអង្គសង្គ្រោះគឺជាពន្លឺ នៃពិភពលោក ។ល ។
សូមឲ្យកុមារអាន និក្ខមនំ ២៥:៨ ដើម្បី រកឲ្យ ឃើញនូវមូលហេតុដែលព្រះអម្ចាស់ចង់ ឲ្យកូនចៅនៃអ៊ីស្រាអែលសាងសង់ « ទីបរិសុទ្ធ » ( ឬរោងឧបោសថ ) ។ សូមជួយកុមារឲ្យធ្វើ បញ្ជីអំពីកន្លែង និងស្ថានភាពដែល យើងអាច មានអារម្មណ៍ ថាមានវត្តមានរបស់ព្រះអម្ចាស់ ។ តើកន្លែងទាំងនេះជួយយើងឲ្យកាន់តែក្លាយដូចជាព្រះវរបិតាសួគ៌ និងព្រះយេស៊ូវគ្រីស្ទបានយ៉ាងដូចម្តេច ?

លេវីវិន័យ ១:១–៤

តាមរយៈដង្វាយធួនរបស់ព្រះយេស៊ូវគ្រីស្ទ ខ្ញុំអាចត្រូវបានអភ័យទោស ។

យញ្ញបូជាសត្វដែលបានធ្វើនៅក្នុងគម្ពីរសញ្ញាចាស់ មានគោលបំណងបង្រៀនកូនចៅសាសន៏អ៊ីស្រាអែល អំពីការអភ័យទោស ដែលអាចធ្វើ ទៅបាន តាមរយៈដង្វាយធួនរបស់ព្រះយេស៊ូវគ្រីស្ទ ។

សកម្មភាពដែលអាចជ្រើសរើស

សូមបង្ហាញរូបភាពព្រះយេស៊ូវគ្រីស្ទនៅក្នុងសួនច្បារគែតសេម៉ានី និងនៅលើឈើឆ្កាង ( សូមមើល សៀវភៅរូបភាពដំណឹងល្អ លេខ ៥៦ ៥៧ ) ។ សូមពន្យល់ថា ព្រះអម្ចាស់បាន បញ្ជាកូនចៅសាសន៏អ៊ីស្រាអែលឲ្យធ្វើការលះបង់ ដើម្បីបង្រៀនពួកគេ ថា ពួកគេអាចត្រូវបានអត់ទោស ពីអំពើ បាបរបស់ ពួកគេ តាមរយៈដង្វាយធួនរបស់ព្រះយេស៊ូវគ្រីស្ទ ។ សូមអានជាមួយកុមារនៅក្នុង លេវីវិន័យ ១:១–៤ ហើយសូមអញ្ជើញពួកគេឲ្យរកមើល ពាក្យ ឬ ឃ្លាដែល រំឭកពួកគេអំពីការពលិកម្មរបស់ព្រះយេស៊ូវគ្រីស្ទ ។
សូមបង្ហាញរូបភាពព្រះយេស៊ូវគ្រីស្ទមកសួរ សុខទុក្ខប្រជាជននៅក្នុងទ្វីបអាមេរិក ( ដូចជា សៀវភៅរូបភាពដំណឹងល្អ លេខ ៨២ ) ។ សូមពន្យល់ថា បន្ទាប់ពីព្រះយេស៊ូវគ្រីស្ទត្រូវបានគេឆ្កាង ហើយបានមានព្រះជន្មរស់ឡើងវិញ ទ្រង់បានបង្រៀនប្រជាជននៅអាមេរិកអំពីមូលហេតុដែលពួកគេលែងត្រូវការយញ្ញបូជាសត្វទៀតហើយ ។ សូមអានជាមួយគ្នា នីហ្វៃទី៣ ៩:១៩–២០ហើយសូមសួរកុមារនូវអ្វីដែលយើង ត្រូវបានបញ្ជាឲ្យធ្វើការលះបង់ជំនួស វិញ ។ តើ ការថ្វាយនូវចិត្តសង្រេង និង វិញ្ញាណទន់ទាប មានន័យយ៉ាងដូចម្តេច ? សូមណែនាំឲ្យពួកគេស្វែងរកអានពាក្យ « ចិត្តសង្រេង » នៅក្នុងសេចក្ដីណែនាំដល់បទគម្ពីរទាំងឡាយ ( scriptures.ChurchofJesusChrist.org ) សម្រាប់ជួយឆ្លើយនូវសំណួរនេះ ។ សូមអញ្ជើញពួកគេឲ្យសញ្ជឹងគិតអំពី របៀបដែល ពួកគេអាចថ្វាយចិត្តសង្រេង និងវិញ្ញាណទន់ទាបចំពោះព្រះអម្ចាស់ ។

សូមលើកទឹកចិត្តឲ្យមានការរៀនសូត្រនៅឯគេហដ្ឋាន

សូមអញ្ជើញកុមារឲ្យទូលសួរព្រះវរបិតាសួគ៌នៅ សប្តាហ៍នេះ អំពី របៀបដែល ទ្រង់ចង់ឲ្យ ពួកគេចូលរួមចំណែក ក្នុងកិច្ចការរបស់ ទ្រង់នៅក្នុង គ្រួសាររបស់ ពួកគេ ។

ការកែលម្អការបង្រៀនរបស់យើង

ចង្អុលបង្ហាញកុមារទៅកាន់ព្រះវរបិតាសួគ៌ និងព្រះយេស៊ូវគ្រីស្ទ ។ គោលបំណងចម្បងរបស់បងប្អូនគឺដើម្បីជួយកុមារដែលបងប្អូនបង្រៀន ពង្រឹងនូវសេចក្តីជំនឿរបស់ពួកគេទៅលើព្រះវរបិតាសួគ៌ និងព្រះយេស៊ូវគ្រីស្ទ ។ តើបងប្អូនអាចធ្វើអ្វីខ្លះដើម្បីជួយពួកគេឲ្យយល់អំពីរបៀបដែលការរស់នៅតាមសេចក្ដីពិតនៃដំណឹងល្អនឹង ជួយពួកគេឲ្យប្រែក្លាយកាន់តែដូចជាព្រះវរបិតា និងព្រះរាជបុត្រា ?

ទំព័រសកម្មភាព ៖ ខ្ញុំអាចមានអារម្មណ៏នៃ វត្តមានរបស់ ព្រះនៅក្នុងទីបរិសុទ្ធទាំងឡាយ