« ការប្រើសៀវភៅ ចូរមកតាមខ្ញុំ—សម្រាប់អង្គការបឋមសិក្សា » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )

« ការប្រើសៀវភៅ ចូរមកតាមខ្ញុំ—សម្រាប់អង្គការបឋមសិក្សា » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២២

ការប្រើសៀវភៅ ចូរមកតាមខ្ញុំ—សម្រាប់អង្គការបឋមសិក្សា

ការរៀបចំបង្រៀននៅក្នុងអង្គការបឋមសិក្សា

ការសិក្សាផ្ទាល់ខ្លួន និងការសិក្សាជាគ្រួសារនៅគេហដ្ឋានគួរតែជាចំណុចកណ្ដាលនៃការរៀនសូត្រដំណឹងល្អ ។ ការណ៍នេះពិតចំពោះបងប្អូន និងចំពោះកុមារដែលបងប្អូនបង្រៀន ។ នៅពេលបងប្អូនរៀបចំខ្លួនបង្រៀន សូមចាប់ផ្ដើមដោយការមានបទពិសោធន៍ផ្ទាល់ខ្លួននៅក្នុងបទគម្ពីរ ។ ការរៀបចំខ្លួនដ៏សំខាន់បំផុតរបស់បងប្អូននឹងកើតឡើង នៅពេលបងប្អូនស្រាវជ្រាវបទគម្ពីរ និងស្វែងរកការបំផុសគំនិតមកពីព្រះវិញ្ញាណបរិសុទ្ធ ។

ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ក៏ជាផ្នែកមួយដ៏សំខាន់ទាំងសម្រាប់ការសិក្សាផ្ទាល់ខ្លួនរបស់បងប្អូន និងការរៀបចំខ្លួនរបស់បងប្អូនដើម្បីបង្រៀនផងដែរ ។ វានឹងជួយបងប្អូនឲ្យទទួលបានការយល់ដឹងដ៏ស៊ីជម្រៅមួយ អំពីគោលការណ៍ខាងគោលលទ្ធិទាំងឡាយដែលមាននៅក្នុងបទគម្ពីរ ។

អំឡុងពេលបងប្អូនរៀបចំមេរៀន នោះគំនិត និងចំណាប់អារម្មណ៍ផ្សេងៗនឹងកើតឡើងដល់បងប្អូនអំពីកុមារដែលបងប្អូនបង្រៀន ។ បងប្អូននឹងទទួលបានការយល់ដឹងអំពីរបៀបដែលគោលការណ៍នៅក្នុងព្រះគម្ពីរទាំងនេះនឹងប្រទានពរជ័យដល់ជីវិតរបស់ពួកគេ ។ បងប្អូននឹងត្រូវបានដឹកនាំដើម្បីបំផុសគំនិតពួកគេឲ្យរកឃើញនូវគោលការណ៍ទាំងនោះ កាលពួកគេរៀនចេញពីព្រះគម្ពីរដោយខ្លួនឯង និងជាមួយក្រុមគ្រួសាររបស់ពួកគេ ។

គំនិតសម្រាប់ការបង្រៀន

ពេលបងប្អូនរៀបចំខ្លួនដើម្បីបង្រៀន បងប្អូនអាចទទួលបានការបំផុសគំនិតបន្ថែម តាមរយៈការមើលក្នុងគម្រោងមេរៀនបង្រៀននៅក្នុងធនធាននេះ ។ សូមកុំចាត់ទុកថា គំនិតទាំងនេះគឺជាសេចក្ដីណែនាំមួយជំហានម្តងៗឡើយ ប៉ុន្តែផ្ទុយទៅវិញ សូមចាត់ទុកវាជាយោបល់ដើម្បីជួយបង្កើតការបំផុសគំនិតផ្ទាល់របស់បងប្អូនវិញ ។ បងប្អូនស្គាល់កុមារទាំងនេះ—ហើយបងប្អូននឹងស្គាល់ពួកគេកាន់តែច្បាស់ថែមទៀត ពេលបងប្អូនប្រាស្រ័យទាក់ទងជាមួយពួកគេនៅក្នុងថ្នាក់ ។ ព្រះអម្ចាស់ស្គាល់ពួកគេផងដែរ ទ្រង់នឹងបំផុសគំនិតដល់បងប្អូនតាមវិធីដ៏ល្អបំផុតដើម្បីបង្រៀន និងផ្ដល់ពរជ័យដល់ពួកគេ ។

មានធនធានជាច្រើនផ្សេងទៀតដែលបងប្អូនអាចប្រើបាន នៅពេលបងប្អូនរៀបចំខ្លួន រួមបញ្ចូលទាំងគំនិតនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ និង ទស្សនាវដ្ដីសាសនាចក្រ ។ សម្រាប់ព័ត៌មានបន្ថែមអំពីធនធានទាំងនេះ និងធនធានផ្សេងទៀត សូមមើល « ធនធានបន្ថែមសម្រាប់បង្រៀនកុមារ » នៅក្នុងធនធាននេះ ។

រឿងមួយចំនួនដែលត្រូវចងចាំ

រាល់ពេលដែលបងប្អូនជួបជាមួយនឹងកុមារ សូមពិចារណាពីរបៀបនានា ដែលបងប្អូនអាចជួយពួកគេឲ្យទទួលអារម្មណ៍នៃសេចក្ដីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ហើយស្គាល់ពីព្រះចេស្ដានៃព្រះវិញ្ញាណបរិសុទ្ធ ។
ឪពុកម្តាយមានការទទួលខុសត្រូវជាចម្បងក្នុងការបង្រៀនដល់កូនៗរបស់ពួកគេ ។ ក្នុងនាមជាគ្រូបង្រៀនម្នាក់ បងប្អូនមានការទទួលខុសត្រូវដ៏សំខាន់មួយដើម្បីគាំទ្រ លើកទឹកចិត្ត ហើយស្ថាបនាលើការរៀនសូត្រដំណឹងល្អនៅក្នុងគេហដ្ឋាន ។ សូមប្រយ័ត្នជាមួយនឹងកុមារដែលមានឪពុកម្ដាយដែលមិនបង្រៀនដំណឹងល្អនៅឯគេហដ្ឋានរបស់ពួកគេ ។ សូមរួមបញ្ចូលកុមារទាំងអស់នៅក្នុងការពិភាក្សាអំពីដំណឹងល្អ ដោយមិនគិតអំពីកាលៈទេសៈដែលកើតឡើងនៅផ្ទះរបស់ពួកគេឡើយ ។
ការយល់ដឹងពីការបង្រៀននៅក្នុងព្រះគម្ពីរសញ្ញាចាស់ អាចកាន់តែងាយស្រួលសម្រាប់កុមារ នៅពេលពួកគេដឹងពីបរិបទខាងប្រវត្តិសាស្រ្តសម្រាប់ការបង្រៀនទាំងនោះ ។ បងប្អូនអាចស្វែងរកបរិបទខាងប្រវត្តិសាស្រ្តនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ និង ដំណើររឿងព្រះគម្ពីរសញ្ញាចាស់ ។
ការធ្វើសារឡើងវិញគឺល្អ ។ កុមាររៀនពីសេចក្ដីពិតនៃដំណឹងល្អកាន់តែមានប្រសិទ្ធភាពជាងមុន នៅពេលដែលសេចក្ដីពិតទាំងនេះត្រូវបានបង្រៀនម្ដងហើយម្ដងទៀតតាមរយៈសកម្មភាពផ្សេងៗគ្នា ។ ប្រសិនបើបងប្អូនរកឃើញថា សកម្មភាពរៀនសូត្រមួយមានប្រសិទ្ធភាពសម្រាប់កុមារ សូមពិចារណាធ្វើវាសារឡើងវិញ ជាពិសេសនៅពេលដែលបងប្អូនបង្រៀនដល់កុមារតូចៗ ។ បងប្អូនក៏អាចរំឭកសកម្មភាពមួយមកពីមេរៀនមុនផងដែរ ។
ព្រះវរបិតាសួគ៌សព្វព្រះទ័យចង់ឲ្យបងប្អូនទទួលបានជោគជ័យក្នុងនាមជាគ្រូបង្រៀនម្នាក់ ។ ទ្រង់បានប្រទានធនធានជាច្រើនដើម្បីជួយបងប្អូន រួមទាំងការប្រជុំក្រុមប្រឹក្សាគ្រូបង្រៀនផងដែរ ។ នៅក្នុងការប្រជុំទាំងនេះ បងប្អូនអាចប្រឹក្សាជាមួយនឹងគ្រូបង្រៀនផ្សេងៗទៀតអំពីឧបសគ្គនានាដែលបងប្អូនជួបប្រទះ ។ បងប្អូនក៏អាចពិភាក្សា ហើយអនុវត្តគោលការណ៍ទាំងឡាយនៃការបង្រៀនដូចជាព្រះគ្រីស្ទផងដែរ ។
ប្រសិនបើបងប្អូនបង្រៀនដល់កុមារតូចៗ ហើយត្រូវការជំនួយបន្ថែម សូមមើល « ការបំពេញតាមតម្រូវការរបស់កុមារតូចៗ » នៅក្នុងធនធាននេះ ។
ធនធាននេះរួមមាននូវគម្រោងមេរៀនរាល់សប្ដាហ៍សម្រាប់ឆ្នាំនេះ ។ នៅថ្ងៃអាទិត្យណាដែលមិនមានថ្នាក់បឋមសិក្សា ដោយសារតែមានសន្និសីទទូទៅ សន្និសីទស្ដេក ឬ ហេតុផលផ្សេងទៀតណាមួយ នោះក្រុមគ្រួសារគួរតែបន្ដអានព្រះគម្ពីរសញ្ញាចាស់នៅគេហដ្ឋាន ស្របតាមកាលវិភាគនៃគម្រោងមេរៀន ។ សូមកុំបារម្ភពីមេរៀនដែលបងប្អូនរំលងឡើយ សូមបង្រៀនមេរៀនដែលបានដាក់គម្រោងប្រចាំសប្តាហ៍ ។