taʼata e ʼamu ra i te hotu o te tumu rāʼau nō te ora

Monamona rahi aʼe i te mau monamona atoʼa, nā Miguel Ángel González Romero

20–26 nō Tēnuare.

1 Nephi 11–15

« Te parau ti’a ’e te mana o te Atua, ’o tā rātou ïa mauiha’a »

Haʼamata i tā ʼoutou faʼaineineraʼa nō te haʼapiʼi nā roto i te taiʼoraʼa i te 1 Nephi 11–15. Pāpaʼi i tō ʼoutou mau manaʼo ʼe tō ʼoutou mau faʼaʼiteraʼa nō niʼa i te mau tuhaʼa ʼe te mau parau tumu tā ʼoutou e faʼaitoito i te mau pīahi ʼia tuatāpapa. E tauturu te mau manaʼo i muri nei.

Pāpa’i i te mau mana’o e tae mai

ītona fa’a’itera’a

Fa’a’ite mai i te mana’o

Tei roto i teie mau pene te mau parau tumu e hinaʼaro paha te mau pīahi ʼia feruri ’a faʼaʼite ai rātou i te ʼevanelia ia vetahi ʼē. ʼA feruri e pāpaʼi i teie mau huru uiraʼa i niʼa i te tāpura ’ere’ere ma te ani i te mau pīahi ’ia faʼaʼite mai i te mau mea tā rātou i ʼite i roto i tā rātou taiʼoraʼa i teie hepetoma o te nehenehe e tauturu ʼia pāhono i teie mau uiraʼa :

• E aha te tāivara’a ’e te fa’aho’i-fa’ahou-ra’a mai ?

• Nō te aha te Buka a Moromona i hinaʼarohia ai ?« 

• Nāhea vau e nehenehe ai e ’ite nōʼu iho i te mau parau mau a te Atua ?

ītona ha’api’ira’a

Ha’api’i i te ha’api’ira’a tumu

1 Nephi 11:1–5, 13–33

ʼUa tono mai te Atua ia Iesu Mesia ʼei tāpaʼo faʼaʼite nō tōna ra here.

• ʼUa faʼaʼite te hōʼē melahi ia Nephi i te mau tāpaʼo ʼe te mau ʼohipa i tupu i roto i te oraraʼa o te Faʼaora tei faʼaʼite mai i te here o te Atua. E riro paha ’ei tautururaʼa ʼia hiʼopoʼa i teie mau tāpaʼo ʼe teie mau ʼohipa i tupu ʼei piha haʼapiʼiraʼa ʼe ʼia tuatāpapa nāhea te reira mau mea e faʼaʼite mai ai i te here o te Atua nō tātou. Tē vai ra ānei te mau hōhoʼa, te mau videos, ʼaore rā te tahi atu mau tauturu hi’o ’o tā ’outou e nehenehe e faʼaʼite atu ’o tē faʼata’a nei i te tahi o te mau ʼohipa i tupu i roto i teie mau ʼīrava ? (hi’o, ’ei hi’ora’a, biblevideos.ChurchofJesusChrist.org). Nāhea te oraraʼa ʼe te tāraʼehara a te Faʼaora e tauturu ai ia ʼoutou ’ia hāro’aro’a i te here o te Atua nō ʼoutou ?

1 Nephi 12–15

E tauturu te Atua ia tātou ’ia pātoʼi i te mana o Sātane.

• E riro paha tā ʼoutou mau pīahi i te tahi taime mai te mau taʼata i roto i te ʼōrama a Nephi tei moʼe i roto i te mau māhu pōuri ʼaore rā o te faʼaruru ra i te tāhitohitoraʼa a te feiā i roto i te fare rahi ʼe te ʼāʼano. E nehenehe ʼoutou e ani i te mau pīahi nō te aha te mau māhu pōuri i riro ai ʼei hōʼē tāpaʼo maitaʼi nō te faʼahemaraʼa (hiʼo 1 Nephi 12:17) ʼe nō te aha te fare rahi ʼe te ʼāʼano i riro ai ʼei hōʼē tāpaʼo maitaʼi nō te mau manaʼo faufaʼa ʼore ʼe te teʼoteʼo o te ao nei (hiʼo 1 Nephi 12:18). E vāhi ’outou i muri iho i te mau pene 12–15 nā niʼa i te mau pīahi ʼe e ani ia rātou ia māʼimi i te mau ʼīrava o te haʼapiʼi nei e nāhea te Atua e tauturu ai ia tātou ʼia haʼavī i te faʼahemaraʼa, te hipa ʼe te teʼoteʼo (hiʼo ʼei hiʼoraʼa i te, 1 Nephi 13:34–40 ; 14:14).

• Nāhea ʼoutou ʼia tauturu i tā ʼoutou mau pīahi ’ia taʼa maitaʼi aʼe i te mana e tae mai nā roto i te parau a te Atua ? (hi’o 1 Nephi 15:24). E ani atu ia rātou ʼia tuatāpapa i teie mau huru uiraʼa : E aha tā Nephi i haʼapiʼi mai nō niʼa i te mana o te parau a te Atua ? Nāhea Sātane i te tāmata e vāvāhi i te parau a te Atua ? (hi’o 1 Nephi 13:26–29). E aha tā te Fatu ʼe tā tāna mau peropheta i rave nō te pāruru i tāna parau ? ʼEi tuhaʼa nō tā ʼoutou ’āparaura’a, e nehenehe ʼoutou e ani i te tahi nau pīahi ’ia faʼaʼite mai, nāhea rātou i te tuātapapa i te mau pāpaʼiraʼa moʼa ʼe e aha tā rātou e rave nō te faʼariro i te parau a te Atua ʼei tuhaʼa nō tō rātou oraraʼa i te mau mahana atoʼa.

1 Nephi 13

ʼUa faʼaineine te Fatu i te rāve’a nō te faʼahoʼi faʼahou mai i tāna ʼĒkālesia.

• Penei a’e e tauturu te hōʼē tārena i te mau pīahi ʼia hāro’aro’a i te ʼōrama a Nephi nō niʼa i te mau ʼohipa i tupu nō te faʼaho’i-fa’ahou-raʼa mai. E ani i te mau pīahi ʼia hāmani i te hōʼē tārena i niʼa i te tāpura ’ere’ere, ma te mau ʼohipa i tupu e ʼitehia i roto i te 1 Nephi 13. Tehea o teie mau ʼohipa tei tupu aʼena ? E aha te tupu ra i teienei ? ʼA feruri i te faʼaʼite i te faʼahitiraʼa parau a George Washington, te peresideni mātāmua o te hau Marite, i roto i « Te tahi atu mau mātēria tauturu », ’o tē faʼaʼite nei ʼua ʼite ʼoia i te mana o te Atua i roto i te ʼōrureraʼa hau Marite, te hōʼē ʼohipa i tupu tei faʼaineine i te ʼēʼa nō te faʼahoʼi-fa’ahou-raʼa mai.

• Nāhea te mau pīahi i te faʼaʼohipa i te 1 Nephi 13 nō te haʼamāramarama i te tahi taʼata nō te tahi atu faʼaroʼo, nō te aha e tītauhia te faʼaho’i-faʼahou-raʼa mai ? (’ei hi’ora’a, hi’o 1 Nephi 13:26–29, 35–42). E aha te tahi atu mau pāpaʼiraʼa moʼa e ti’a i te mau pīahi e faʼaʼohipa nō te tauturu ia vetahi ʼē ʼia māramarama nō te aha e tītauhia te faʼaho’i-faʼahou-raʼa mai ? (nō te tahi mau hi’ora’a, hi’o Topical Guide, « Restoration of the Gospel »). E fana’o te mau pīahi nā roto i te haʼuti taʼata ora e nāhea rātou e fa’ata’a i te tahi taʼata te hinaʼaro nō te faʼahoʼi-faʼahou-raʼa mai ʼe nāhea te reira i te haʼamaitaʼi ia rātou.

1 Nephi 13:20–41

Tē haʼapiʼi nei te Buka a Moromona i te mau parau mau māramarama ʼe te faufaʼa rahi.

• E riro ’ei tautururaʼa ʼia faʼaʼohipahia te 1 Nephi 13:20–41 nō te haʼamata i te hōʼē ’āparaura’a nō te aha tātou e hinaʼaro ai i te Buka a Moromona. E nehenehe te mau pīahi e tāpura i te tahi ʼo te « mau mea māramarama ʼe te faufaʼa rahi » tei moʼe i roto i te Bibilia ʼe tei faʼahoʼihia mai nā roto i te Buka a Moromona (nō te tahi mau hiʼoraʼa, hiʼo i te mau ’īrava 26 ʼe 39 ʼaore rā te mau tāpura i roto i « Te tahi atu mau mātēri’a tauturu »). E hinaʼaro atoʼa paha ʼoutou e ani i te mau pīahi ʼia faʼaʼite mai e nāhea teie « mau mea māramarama ʼe te faufaʼa rahi » tei faʼahoʼihia mai i te tauturu ia rātou ’ia ha’afātata atu i te Atua.

  e ’utuāfare e tai’o ra i te mau pāpa’ira’a mo’a

  E tauturu te Vārua ia tātou ’ia ʼite i te « mau mea māramarama ʼe te faufaʼa rahi » nō tātou iho.

• ʼA feruri i te fa’a’ite i te video « Te Buka a Moromona—hōʼē Buka nō ō mai i te Atua ra » (ChurchofJesusChrist.orgʼe e ani i te mau pīahi ’ia faʼaʼite mai e aha tā teie video e haʼapiʼi nei nō niʼa i te tumu e hinaʼaro mau ai tātou i te Buka a Moromona. ʼAore rā e ani i te hōʼē pīahi ʼia pāpaʼi hōho’a i niʼa i te tāpura ’ere’ere te faʼahōhoʼaraʼa tei faʼata’ahia i roto i te faʼahitiraʼa parau a Elder Tad R. Callister i roto i « Te tahi atu mau mātēria tauturu ». I muri iho e fa’a’ite mai te mau pīahi nāhea te Buka a Moromona i te tautururaʼa ia rātou ’ia taʼa maitaʼi aʼe i te ʼevanelia a Iesu Mesia.

ītona ’apora’a ha’api’ira’a

Faʼaitoito i te haʼapiʼiraʼa mai i te fare

Nō te faʼaitoito i te mau pīahi ’ia taiʼo i te 1 Nephi 16–22 i te hepetoma e haere mai nei, e parau ia rātou ē tei roto i teie mau pene te hōʼē ʼāʼamu ’o te faʼauru ʼe ’o te tauturu ia rātou ’ia tītau-anaʼe-hia rātou ʼia rave i te tahi mea e ʼore e maraʼa ia rātou.

ītona mātēria tauturu

Te tahi atu mau mātēria tauturu

Mau video nō te Buka a Moromona.

’Imi i te mau video ʼo te faʼaʼite mai i te mau ʼohipa i tupu i roto i te 1 Nephi 11-15 i roto i te mau ha’aputura’a video nō te Buka a Moromona i niʼa i te ChurchofJesusChrist.org ʼaore rā te Faʼanahoraʼa Vairaʼa Buka ʼEvanelia.

Te rima o te Atua i roto i te ʼōrurehauraʼa Marite

ʼUa parau George Washington : « E mea ’ino mau te taʼata o te nehenehe e hiʼo i te mau ʼohipa i tupu i roto i te ʼōrurehauraʼa Marite ma te ’ite ’ore i te māuruuru rahi i te Tumu Rahi o te Ao nei ’o tei tauturu pinepine hoʼi ia tātou » (Rata ia Samuel Langdon, 28 nō Setepa 1789, founders.archives.gov/documents/Washington/05-04-02-0070).

Te mau tāpura Buka a Moromona a te peresideni Russell M. Nelson

Nō roto mai i « Te Buka a Moromona : E aha te huru o tō ’outou orara’a ’āhani ’aita te reira ? »Ensign ’aore rā Liahona, Novema 2017, 60–63.

Tē pāto’i nei te Buka a Moromona i te mau mana’o ē :

• I te Bibilia i hope ai te heheura’a.

• Tītauhia ’ia bāpetizo i te mau tamari’i ri’i.

• E nehenehe e ’itehia te ’oa’oa i roto i te parau ’ino.

• E mea tano te maita’i o te ta’ata nō te fa’ateiteira’a (tītauhia te mau ’ōro’a ’e te mau fafaura’a).

• ’Ua ha’atāfetafetahia te hi’ara’a o Adamu i te ta’ata i te « hara mātāmua ».

Tē ha’amāramarama nei te Buka a Moromona i te parau nō ni’a i :

• Tō tātou orara’a hou te tāhuti nei.

• Te pohe. E tuha’a e tītauhia nō te fa’anahora’a rahi ’oa’oa a te Atua.

• Te vaira’a i muri mai i te pohe, ’o te ha’amata i roto i te paradaiso.

• Nāhea te ti’afa’ahoura’a o te tino, e tāhō’ēhia ’e tōna vārua, e riro mai ai ’ei ta’ata tāhuti ’ore.

• Nāhea te ha’avāra’a a te Fatu ia tātou e riro mai te au i tā tātou mau ’ohipa i rave ’e te mau hia’ai o tō tātou ’ā’au.

• Nāhea ’ia rave maita’i i te mau ’ōro’a : ’ei hi’ora’a, te bāpetizora’a, te ’ōro’a mo’a, te hōro’ara’a i te Vārua Maita’i.

• Te tāra’ehara a Iesu Mesia.

• Te ti’afa’ahoura’a.

• Te ti’ara’a faufa’a rahi o te mau melahi.

• Te nātura mure ’ore o te autahu’ara’a.

• Nāhea te huru o te ta’ata i te ’ume-rahi-hia e te mana o te parau i te mana o te ’o’e.

Tō tātou hinaʼaro i te Buka a Moromona.

’Ua ha’api’i mai Elder Tad R. Callister :

« Te Bibilia o te hōʼē ïa ʼite nō Iesu Mesia, ʼe te Buka a Moromona o te tahi ïa fa’ahou ʼite. Nō te aha e mea faufa’a roa te piti o te ʼite ? Teie te tahi faʼahōho’araʼa ’ei tautura’a : I ni’a i te hōʼē ʼapi parau, e hea rahira’a rēni ’āfaro e nehenehe tā ’outou e huti mai roto mai i te hōʼē noa periota ? Te pāhonoraʼa e mea rahi roa ïa. ’A feruri nā nō te hōʼē noa taime ē, teie periota o te Bibilia ïa, ʼe te mau hānere rēni ’āfaro te hutihia nā roto mai i taua periota ra o te mau tātararaʼa huru ʼē nō te Bibilia, ʼe te tātararaʼa tāta’itahi o taua mau tātararaʼa ra o te hōʼē ïa ʼēkālesia taʼa ʼē.

« E aha te tupu, mai te mea tē vai ra i ni’a i taua ʼapi parau ra hōʼē faʼahou ā periota o te faʼahōho’ahia i te Buka a Moromona ? E hea rahiraʼa rēni ʼāfaro e nehenehe tā ʼoutou e huti i rotopū i nā pereota e piti—te Bibilia ʼe te Buka a Moromona ? Hōʼē ana’e. Hōʼē ana’e tātararaʼa nō te mau haʼapiʼiraʼa tumu a te Mesia ’o te matara mai nā roto i te ʼiteraʼa o teie nā ʼite toʼopiti ». (« Te Buka a Moromona—e Buka nō ō mai i te Atua ra », Ensign ʼaore rā Liahona, Novema 2011, 75).

Ha’amaita’ira’a i tā tātou ha’api’ira’a

Arata’i i te mau tāu’ara’a parau fa’auruhia. E ’ohipa tā te mau ta’ata ato’a e hōro’a i roto i te tāu’ara’a parau i roto i te piha, i te tahi rā taime e ’ere te tā’āto’ara’a tē fāna’o nei. ’A ’imi i te mau rāve’a nō te fa’arahi i te mau taime tano ’ia fa’a’ite mai te mau pīahi i tō rātou ’itera’a pāpū. (Hi’o i te Ha’api’ira’a mai tā te Fa’aora, 33