E bwabwakoa te tiibu Iesu

Ko Aki Mwanuokinaki, iroun Jon McNaughton

Tuun 1-7

Aramwa 5-7

“Kam A Tia n Rinanon Te Bitaki ae Korakora Aio Inanomi?”

N am tai ni wareka Aramwa Aramwa 5–7, iangoia kaain am kiraati ake a kaota te anga reirei ni mwakoro aikai. Iangoi kawai ake ko kona ni buokia bwa a na ira te marooro n te Tabati.

Korei Am Namakin

te aikaon ibukin te tibwatibwa

Kaungaa te Tibwatibwa

Anga tabeua te miniti nakoia kaain te kiraati bwa a na uringi baike a wareki n Aramwa 5-7 ao ni kakaea te koaua ae a tangiria n tibwauaia nakon te kiraati. Ngkanne, tuangiia bwa a na tibwauaia ma temanna ae tekateka irarikiia.

te aikaon ibukin te anga reirei

Reirei te Reirei

Aramwa 5:14-33

Ti riai n rinanon—-ao n reitinako n namakina—te bitaki nano ae korakora.

• A kaoaki kaain te kiraati bwa a na manga tarai titiraki ake n Aramwa 5:14-33 n te kabwarabwara n te wiiki aei n Nakomai, Iriirai—Ibukiia Aomata n Tatabemaniia ao Utu. Ko kona ni waakina te marooro iaon kiibu aikai man tuangiia kaain te kiraati bwa a na tibwauaia bwa tera titiraki man kiibu aikai aika a kaineti nakoia. Ko kona ngkanne ni kaoiia kaain te kiraati ni mwakuri n te kurubu ni manga rinanon Aramwa 5:14–33 ao ni kakaea bwa tera ae nanonaki n te bitaki n nano rinanon te Tia Kamaiu ao Ana Mwakuri ni Kamaiu. A kona naba n kakaei kakabwaia ake a roko man te bitaki n nano. Tera riki katooto ake a tia ni kabonganaaki ni kabwarabwaraa te bitaki are e kabwarabwaraa Aramwa? (Te katooto, taraa Ioane 3:1–7; 2 I-Korinto 5:17; Dale G. Renlund, “Preserving the Heart’s Mighty Change,” Ensign ke Riaona, Nob. 2009, 97–99.) Ti na kanga ni kateimatoa te bitaki n nano rinanon maiura? (taraa Aramwa 5:26).

  e tataro te ataeinnaine irarikin ana kainiwene

  N rairakira nakon te Atua, ti kona n rinanon “te bitaki n nano.”

Aramwa 5:44-51

Ti kona ni karekea oin ara kakoaua iroun te Tia Kamaiu ma Ana euangkerio rinanon te Tamnei ae Raoiroi.

• N ai aron Aramwa, a kona kaain am kiraati ni karekea oin aia kakoaua iroun te Tia Kamaiu ao Ana euangkerio. Ni buokiia n reiakina are e karaoia Aramwa ibukin karekean ana kakoaua rinanon te Tamnei, ko kona n anga mwakoro ni beebwa ma te taeka ae Kakoaua ae koreaki mai eta. A kona kaain te Kiraati ni mwakuri n kaka-uoman ni manga taraa Aramwa 5:44–51 ao ni kabonganai baike a reiakin ni kiibu aikai ni korea te “kairi” ibukin te kakoaua. Te katooto, “Kanoan” te kairi boni koaua aika a karekea ara kakoaua. “Te kamataata” ibukin te kairi bon bwaai aika ti kainnanoi bwa ti na karaoi ibukin karekean te kakoaua. (Taraa te rongorongo mairoun Unimwaane Dieter F. Uchtdorf inanon “Bwaai n Ibuobuoki Riki Tabeua” ibukin iango riki tabeua.) Tera “kanoana” ao “kamataata” aika a kona ni karinii nakon aia kairi man oin aia taneiai ao taneiai riki tabeua inanon booki aika tabu? Kaoiia naake kaka uoman bwa a na tibwaua are a reiakinna ao tera ae a karaoia ni kaoa te Tamnei ae Raoiroi bwa e na kaoti koaua nakoia.

Aramwa 6

Ti ikotaki bwa Aomata aika Itiaki n ongora ana taeka te Atua ao ni karaoa Ana mwakuri.

• N kauringiia kaain te kiraati aron kakawakin te ikoikotaki bwa rabwataia Aomata aika a Itiaki, ko kona ni kaoiia bwa a na katamneia n aia iango bwa ia temanna ae a kinaa ae namakinna ae aron kainakin te ekaretia e aki kainnanoaki. Tera ae a kona n tibwauaia man Aramwa 6 n reireia te aomata anne tabeua kakabwaia ibukin kainakin te ekaretia? Ti na kanga ni karaoa riki nanon te kaantaninga ibukin te Ikotaki are e kabwarabwaraa Aramwa?

Aramwa 7:7-16

Te Tia Kamaiu E katoka iaona ara bure, marakira ao karawawatakira.

• Tao iai aomata n am kiraati ae a rangi ni kan ataia bwa tera ae reireia Aramwa 7:7–16 —bwa te Tia Kamaiu e katoka iaona tiaki tii ara bure ma ngaia naba marakira, karawawatakira, aorakira ao mamaarara. Ko na kanga ni buokiia bwa a na kunea aei? Tao ko kona ni karaoa te tiaata iaon te burakibooti atuu aika Tera ae e korakai iai te Tia Kamaiu ao Bukin tera E korakai. E kona te kiraati ni kabwanina te tiaata imwin warekan Aramwa 7:7–16. E na ibuobuoki naba iangoakin tabeua bwaai ake e maraki iai te Tia Kamaiu inanon Maiuna (tarai katooto ni “Bwaai n Ibuobuoki Riki Tabeua”).

• Imwiin marooroakinan are e reireia Aramwa Aramwa 7:7–16, tao a kona kaain te kiraati n tibwauai taneiai are e kabebeteia iai te Tia Kamaiu, are nanona e buokiia (taraa “Bwaai n Ibuobuoki Riki Tabeua” ibukin katooto ni kawai are e kabebeteira iai te Tia Kamaiu). Ko kona naba n tibwauai taeka aika imwiina mairoun Beretitenti Dallin H aikai. E a tia ara Tia Kamaiu ni kaotia ae E a tia ni karinanoa iaan bwaai ni kabane’ (R&B 88:6). … Ti kona n taekinna bwa ibukin ae karinanoa riaan bwaai ni kabane, Boni ngaia raoi ae e kona ni tabekiira rake ao n anganiira te korakora are ti kainnanoia bwa ti na teimatoa inanon karawawatakira. Ae ti kona ni bubuti” (“Ni Kakorakoraaki n ana Mwakuri ni Kamaiu Iesu Kristo,” Ensign ke Riaona, Nobembwa 2015, 64).

• E taekinna Aramwa bwa rokon te Tia Kamaiu “e na raka kakawakina nakon” bwaai ni kabane. Tao a kona ni katamneia kaain te kiraati n aia iango bwa a mena n te kiraati ibukin rongorongon ngkoa ao a marooroakin bwaai aika a riki aika tenaan kabanea ni kakawaki. Tera kiibu man Aramwa 7 ae a na tibwauaia ni boutoka ana koaua Aramwa are n te kibu 7? Tera te reirei ae e anga Aramwa nakoia ana botannaomata ae e kona ni buokiira ni katauraoi imwain rokon te Tia Kamaiu?

te aikaon ibukin te anga reirei

Kaungaa te Kamatebwai n te Mweenga

Kaungaia kaain te kiraati bwa a na wareka Aramwa 8–12, ko kona n tibwauaia ma ngaiia bwa mwakoro aikai a karakina rongorongoia uoman mwaane. Temanna akea tabeaiangan ana iango ma te Ekaretia ao temanna bon te tia bwainikirina te Ekaretia, ma ngaia ni kauoman a riki bwa taan katana te onimaki aika a ninikoria.

te aikaon ibukin bwaai n ibuobuoki

Bwaai n Ibuobuoki Riki Tabeua

Karekean oin ara kakoaua.

Unimwaane Dieter F. E anga te waaki ae okioki Uchtdorf ibukin “karekean te kakoaua ae onoti ae reke man ana kakoaua te Tamnei ae Raoiroi”:

Te Moan: Te nano ni kan kakoaua. E kaungaira Ana Boki Moomon bwa: ‘Ngkana [kam] kauti matami ma ni kamwakuri ami konabwai, ma ni kakatai iaon au taeka, ma ni kamwakura teutana te onimaki, … e ngae [ngke] akea te bwai ae kam tangiria bwa kam ti kan kakoaua’ (Aramwa 32:27). … E berita nakoira te Atua te ibuobuoki ae tabu e ngae ngke ti tii kan kakoaua, ma e riai ni koaua ao tiaki te nano ae koaua.

“Te kauoua: Kamatebwai booki aika tabu. Karekei am titiraki; kamatebwai; kakaei ni booki aika tabu. N taekinna riki, iai reirei aika a raraoi man ana Boki Moomon ibukira: ‘Ngkana [ko] angan te koraa nnena bwa e na unikaki inanom rinanon te kamatebwai ae korakora n ana taeka te Atua, te koraa ae raoiroi ‘e na bon rikirake inanom’ ngkana ko aki kaitaraa ma te kakewekewe. Te koraa ae raoiroi e na ‘kabubura tamnei[m] ao e ‘kaota riki oota[m]’ (Aramwa 32:28).

“Te kateniua: Karaoa nanon te Atua; kaawakin tua. … Ti riai n nakon Kristo ao n irii Ana reirei. E reirei te Tia Kamaiu: ‘Au reirei tiaki au bwai, ma bon ana reirei Teuare e kanakomaiai. Ngkana e kan toua mwin ana taeka teuarei te aomata, e na ata te reirei’ [Ioane 7:16–17; italics added]. …

“Te kaaua: Iangoia raoi, aki mamatam ao tataro. Ni karekean te ataibwai mai iroun te Tamnei ae Raoiro, ti riai ni butiia Tamara are i karawa ibukin aei [taraa Aramwa 5:45–46; Moronaai 10:3–4]” (“The Power of a Personal Testimony,” Ensign ke Riaona, Nobembwa 2006, 38–39).

Tera ae e maraki iai te Tia Kamaiu?

• Te kariri (taara Mataio 4:1–10)

• Te baki ao te taka (taara Mataio 4:2; Ioane 19:28)

• Maten temanna ae e tangiraki (taraa Mataio 14:10–13)

• Te Kitanaki (taraa Mataio 26:55–56)

• Te Bwainikirinaki (taraa Mataio 27:29–31, 39–44)

• Te Kainnano (taraa Ruka 9:58)

• Kamwaneaki (taraa Mareko 14:43–46)

• Maraki ae raka riki nakon ae kona ni karawawataaki iai temanna (taraa Ruka 22:39–44; Motiaea 3:7; R&B 19:16–19)

Tera riki korakai aika e rinanona te Tia Kamaiu?

E kanga ni buokiira te Tia Kamaiu?

• E kabwarai ara bure ao e kamaunaai kairua (taraa Enoti 1:5-6)

• E kabebetei nanoia tabeman (taraa Motiaea 21:15)

• E kakorakoraira bwa ti na kona n uota rawawatara (taraa Motiaea 24:14-15)

• E kamaiura man mamaarara (taraa 3 Nibwaai 17:6–7)

• Karaoi baika mamaara bwa a na riki ni korakora ao ni karau nanora (taraa Ita 12:27–29)

• E buokiira n noori aron taraakin rawawata (Taraa R&B 121:7–10)

Tera kawai aika e buokiira iai Iesu?

Kanakoraoan Ara Anga reirei

Kanakoraoa arom n riki bwa te tia reirei ae aekakin Kristo. Ngkai te tia reirei ngkoe, e kakawaki iangoan raoi kawai ake a na buokiia taan reiakinaki ni karikirakea aia onimaki iroun Tamara are i Karawa ao Iesu Kristo. Iangoa kabonganaan titiraki ibukin taraam i bon iroum iaon te iteraniba 37 n Reirei n ana Kawai te Tia Kamaiu ni kaungaa nanom.