Tuun 8-14. Aramwa 8-12: E na roko Iesu Kristo ni Kabooia Ana Aomata,” Nakomai Iriirai—Ibukin te Reirei n Tabati: Ana Boki Moomon 2020 (2020)
“Tuun 8–14. Aramwa 8-12,” Nakomai, Iriirai—Ibukin te Reirei n Tabati: 2020
Anga reirei iaon Reirei aika Koaua, iroun Michael T. Malm
Tuun 8-14
Aramwa 8–12
E na Roko Iesu Kristo ni Kabooia Ana Aomata
Waakina am katauraoi ibukin am anga reirei man kamatebwaian Aramwa 8–12. Ngkanne rinanoa te kabwarabwara aei ibukin iango riki tabeua ake a na kaungaia kaain te kiraati n tibwauai baike a reiakin n aia kamatebwai.
Korei Am Namakin
Kaungaa te Tibwatibwa
Anganiia kaain te kiraati tabeua te miniti bwa a na tarai aia kamatebwai ni booki aika tabu n aia utu ao i bon irouia n te wiiki aei. E kanga aia kamatebwai n roota aia rinerine are a karaoi inanon te wiiki? Kaoiia tabeman kaain te kiraati bwa a na tibwaua aia iango.
Reirei te Reirei
Ara kekeiaki n tibwaua te euangkerio e na kainnanoa te nanomatoa ao te taotaonaki n nano.
-
E mwaiti aomata ae e rangi ni kaangaanga irouia tibwauan te euangkerio—-riki ngkana aki butimwaeaki n ai aron Aramwa are ngkoa. E kona Ana katooto Aramwa ni buokiia n onimakina te Atua ao ni karekea te unga n nano n reitinako n tibwaua aia kakoaua ma tabeman. Iangoi titiraki ni marooro aikai: Tera ae ti reiakinna man ana rongorongo te anera nakon Aramwa n Aramwa 8:15? Tera ana kaeka Aramwa nakon te rongorongo are kuneaki n Aramwa 8:14-32, kaungaira n teimatoa n tibwaua te euangkerio n te tai are ti rinanon te aki butimwaeaki? Tera te reirei ae ko kona n anga nakon temanna ae e a tia ni kataia n tibwaua te euangkerio ma e aki butimwaeaki? Ana reirei Unimwaane Jeffrey R. Holland inanon “Bwaai n Ibuobuoki Riki Tabeua” e kona n ibuobuoki n te marooro aei.
-
Karakinan Aramwa ao Amureka e kaota kakawakin aia ibuobuoki kaain te aro nakon te mwakuri ni mitinare. Tera ae a reiakinna kaain te kiraati man Aramwa 8:19-30 n te iraorao imarenaia kaain te aro n te tabo ao mitinare aika bwanin aia tai? (taraa naba Aramwa 10:1–12).
Tamneimaroroia utu aika uouaE kona n riki tibwauan te euangkerio ma naake ti tangiriia bwa bwa te taneiai ae kakukurei.
E motikii taekaia Natina te Atua nakon te oota ao te ataibwai are irouia.
-
Iai te kauring ae matoatoa ni kiibu aikai nakoia ni kabane kaain te Ekaretia—n te tai are ti karekea iai te oota ao te ataibwai, ti kantaningaaki bwa ti na kawakinna, ti na karikirakea, ti na maiuakinna ao ti na kabongana ni kakabwaiaia tabeman. Ni buokiia kaain te kiraati ni ukera te tabe aei, ko kona n tuangiia bwa a na wareka ana anga reirei Aramwa 9:18-30 ao n tibwauai rongorongo ake a kunei ibukin te tabe are e reke irouia ibukin te bwai are a ataia. E na kanga n reke te kabuakakaaki ae korakora riki ngkana ti bure ni kaitaraa te oota ae korakora riki? Anganiia kaain te kiraati te tai bwa a na iangoi raoi baike a kona ni karaoi n kokoaua riki nakon te oota ao te ataibwai are a tia ni karekea. Ko kona ni kaungaia bwa a na wareka Reirei ao Berita aika Tabu 50:24 n aia tai n iango.
Ana babaire te Atua bon te babaire ibukin te kaboomwi.
-
Ko kona ni waakina te marooro n te koaua aei ma ni kaoan temana kaain te kiraati bwa e na korea te tamnei ibukin te babaire ibukin te kaboomwi iaon te burakibooti. Ngkanne ko kona ni kamaeinakoi mwakoro man Aramwa 11-12 irouia kaain te kiraati ao kaoiia bwa a na kakaei koaua ake a na karinii n te tamnei aei. Te katooto, tera ae e kabooira mai iai ana babaire te Atua? (taraa Aramwa 11:38–45). E kanga ataakin koaua aikai ake ibukin te babaire ni kaboomwi ni kakabwaiai maiura?
-
Ni buokiia kaain te kiraati n tibwauaia bwa tera ae e reiakiniia Aramwa 11-12 ibukin te babaire ni kaboomwi, ko kona ni korei boto n iango aikai iaon te burakibooti: Te Bwaka, Te Tia Kamaiu, Rairannano, Te Mate, Te Mangauti, ao Te Motikitaeka. A kona kaain te kiraati n rinea teuana mai ibuakon boto ni iango aikai ao ni kamatebwai Aramwa 11-12 ibukin koaua ake a reiakin mai iai. Kaoiia kaain te kiraati bwa a na korei koaua ake a kunei, ma tabeua riki kiibu man booki aika tabu, ake a mena iaan boto ni iango ake iaon te burakibooti. N te kiraati, marooroakinna bwa e kanga ataakin koaua aikai n roota maiura ao taian rinerine ake ti karaoi.
-
A kona kaain am kiraati ni buokaki man te marooro ae boboto iaon Aramwa 12:31-32, are e reirei Aramwa bwa imwiin te Bwaka, Te Atua e angan Atam ao Ewa tuua—ma karaoa aei imwin are ko reireiniia Ana baibaire. E kanga ataakin ana babaire n roota te aro are ti tarai ke ti namakin ibukin taian tua? Tao ko kona ni marooroakin tabeua tuua aika a onoti; te katooto, e kanga ataakin ana babaire te Atua ni buokiira ni kawakinan te bong ae te Tabati ke n ongotaeka nakon tuan te itiaki?
-
E na kona n iai aia titiraki tabeman kaain te kiraati ibukin Aramwa 11:26-39, are e taekinna Amureki bwa tii temanna te Atua. Kiibu aikai a kamataata bwa a kanga membwa n te utu n Atua n riki bwa “temanna te Atua” irarikin are bon ngaia aomata aika a maenako: Ioane 17:20–23; 2 Nibwaai 31:21; ao 3 Nibwaai 19:29. Te rongorongo aei mai iroun Unimwaane Jeffrey R. Holland e na kona naba n ibuobuoki: “Ti kakoaua bwa teuana Ngaiia ni kawai nako aika a kakawaki ao n akea tokiia ma ti tii kakoaua bwa teniman ngaia aomata aika ikotaki n teuana te bwai” (“Te Atua ae Koaua n Tii Ngaia ao Iesu Kristo are Ko Kanakomaia,” Ensign ke Riaona, Nobembwa 2007, 40).
Ngkana ti aki kamatoatoai nanora, ti kona n karekea riki ae mwaiti man ana taeka te Atua.
-
Teuana te rongorongo are e reirei Aramwa ao Amureki tabeua te tai bwa e kanga nanora n irekereke ma mwaitin te koaua are ti kona ni karekea mai iroun te Uea. Ni buokiia kaain te kiraati ni kunea koaun te reirei aei, ko kona ni kaoiia bwa a na wareka Aramwa 12:9-14 ni kakauoman ke inanon kurubu aika a uarereke ao n marooroakin baika a na riki man kamatoatoan te nano. (Ko kona naba n tuangiia bwa a na wareka Aramwa 8:9–11; 9:5, 30–31; ao 10:6, 25.) Tera ae nanonaki ni karekea te nano ae marau? (taraa Ieremia 24:7; Aramwa 16:16; Ereman 3:35). E na kanga ni buokiira te nano ae marau bwa ti na mataata riki n ana taeka te Atua?
-
E reirei Aramwa bwa n te tai are ti kamatoatoai iai nanora, ti karekea “are e uarereke riki”man ana taeka te Atua (Aramwa 12:10). Tao a kona kaain te kiraati n tibwauai taneiai man booki aika tabu aika a na kaota te reirei aei. E kanga ni kamaraua nanora te Uea bwa ti aonga ni reitinako n reirei mai Irouna? Tera baika ti rinanona n oin maiura ae ti kona n tibwauaia?
-
Ni buokiia kaain te kiraati ni kamataataia bwa tera ae nanonaki ni karekean te nano ae marau, ko kona n tibwai tabeua katooto ake a karinanaki ni “Bwaai n Ibuobuoki Riki Tabeua.”
Kaungaa te Kamatebwai n te Mweenga
Ni kaungaia kaain te kiraati bwa a na wareka Aramwa 13-16 n te wiiki aei, ko kona n tuangiia bwa a na kunea bwa e kanga ni kakoroaki bukin ana taeka Aramwa ni maiuia Teeterom ao ana aomata Amonia.
Bwaai n Ibuobuoki Riki Tabeua
Ninikoria Kamanoa te Koaua.
Unimwaane Jeffrey R. E anga te kaunganano Holland ae i nano nakoia naake a bwainikirinaki ibukin tibwauan ke kamanoan te euangkerio:
“Ngkana ko tuai, teuana te bong e na roko weteam bwa ko na kamanoa am onimaki ke tao ni kekeiaki ma bwainikirinakim ake a roko ibukina bwa ngkoe kaain ana Ekaretia Iesu Kristo ibukiia Aika Itiaki ni Boong aika Kaitira. Taai aikai a kainnanoa te ninikoria ao te karinerine n am itera.
“… Tao ko na bae n tabeaianga ngkana arona bwa e materaoi te tei n ninikoria ni kamanoa te koaua n te reirei ni kauarinan ke nakom n am mition ao ko kunea bwa am koaua ake ko taui inanom a kauntabaaki ke ni kabanea am kona n tei ni matoa tao n tabetai ao a bwainingarea te maiu n tauakin te aro. Eang, e boni materaoi. …
“Raao, riki raoraou aika kam uarereke, kaninikoriai riki ngkami. N aron ana tangira Kristo ae e Itiaki ae e raanga man te raoiroi ae koaua e kona ni bita te aonaaba. …
“Kakorakorako. Maiuakina te euangkerio ma te nanomatoa e ngae ngke tabeman ake i rarikim a aki maiukinna. Kamanoa am koaua ma te karinerine ao te nanoanga, ma kamanoi” (“The Cost—and Blessings—of Discipleship,” Ensign ke Riaona, Meei 2014, 6–9).
A kamarauaki Nanoia.
Marooro aikai man te maungatabu ni kabuta a anga te katooto irouia aomata ake a kamarauaki nanoia iroun te Uea:
-
Karakinaia ana utu Hatfield inanon Beretitenti Russell M. Ana rongorongo Nelson “Boon te Mwaaka n te Nakoanibonga” (Ensign ke Riaona, Meei 2016, 66–67).
-
The story of Harold Gallacher in President Thomas S. Ana rongorongo Monson “The Sacred Call of Service” (Ensign ke Riaona, Meei 2005, 55).
-
Karakinan Tawita inanon Beretitenti Dieter F. Ana rongorongo Uchtdorf “Learn from Alma and Amulek” (Ensign ke Liahona, Nob. 2016, 73–74).
Kanakoraoan Ara Anga reirei
Taratara n ana taratara te Atua. Taraia raoi bwa ko taraia kaain am kiraati n ai aron ae e nooria iai te Atua, ao te Tamnei e na kaota nakoim kakawakiia ao aia konabwai. N te tai are ko karaoa aei, ko na kairaki n am kekeiaki ni buokiia (taara Reirei n Ana Kawai te Tia Kamaiu, 6).