famli we i stap ridim ol skripja

28 Disemba–3 Jenuware

Doktrin mo Ol Kavenan 1

“Lisin Gud, O Yufala Ol Pipol”

Taem yu stap ridim Doktrin mo Ol Kavenan 1, tingting long ol ves we bae yu wantem lukluk moa long hem insaed long klas, mo olsem wanem nao bae yu save helpem ol memba blong klas blong lanem samting aot long ol ves ia.

Raetemdaon Ol Filing mo Tingting blong Yu

serem pikja bokis

Invaetem Ol Man blong Serem Wanem Oli Gat

Blong statem klas stadi blong yufala long Doktrin mo Ol Kavenan, yu save askem ol memba blong klas olsem wanem nao oli filim blong stap stadi long buk ia long yia ia. ?Wanem ves long seksen 1 nao i bin helpem olgeta blong laekem tumas blong rid long Doktrin mo Ol Kavenan? Maet yu save askem olgeta blong luklukgud insaed long seksen 1 blong faenem wan ves we bae oli serem sapos oli stap traem blong winim tingting blong wan blong ridim tabu buk ia.

tijing pikja bokis

Stap Tijim Doktrin

Doktrin mo Ol Kavenan 1

Lod i stap invaetem yumi blong “luklukgud long ol komanmen ia.”

• Taem yufala i stap toktok raon long “fas toktok” blong Lod long buk blong Doktrin mo Ol Kavenan (ves 6), maet bae i gud blong wan insaed long klas i eksplenem se wanem nao hem i wan fas toktok, mo wanem nao stamba tingting blong gat wan fas toktok insaed long wan buk. Afta, klas i save toktok raon long, olsem wanem nao seksen 1 i mekem stamba tingting ia long buk blong Doktrin mo Ol Kavenan. Eksampol. ?Wanem nao ol stamba toktok blong buk ia we seksen 1 i stap presentem? ?Wanem nao oli ol stamba tingting biaen long buk ia? ?Wanem nao yumi faenem insaed long seksen ia we i save jenisim mo lidim wei we bae yumi ridim Doktrin mo Ol Kavenan long yia ia?

• Aotlaen blong wik ia, insaed long Kam Folem Mi—Blong Wanwan Man, Woman mo Famli i invaetem yumi blong tingting long wei we yumi stap tekem aksen folem oda blong Lod blong “lukluk gud long ol komanmen ia” (ves 37). Maet ol memba blong klas oli save serem wanem nao oli plan blong mekem long yia ia blong mekem se stadi blong olgeta long Doktrin mo Ol Kavenan i gat mining. ?Wanem nao bae oli lukaotem insaed long buk? ?Olsem wanem nao blong stap lukluk gud insaed, o lukaotem insaed, i defren long hemia blong stap ridim nomo? ?Wanem wei blong stadi nao we oli faenem se i helpem olgeta moa?

Doktrin mo Ol Kavenan 1:1–6, 23–24, 37–39

God i toktok tru long ol wokman blong Hem, mo ol toktok blong Hem bae oli kamtru.

• Plante long yumi i gat ol memba blong famli, ol fren, ol pipol we yumi save olgeta we oli no gat ol semfala bilif abaot ol profet we oli stap laef. Maet ol memba blong klas oli save serem ol trutok we oli faenem insaed long seksen 1 we oli save yusum blong ansarem wan we i gat kwestin abaot bilif blong olgeta long saed blong ol profet. Yu save givim tingting blong oli luklukgud insaed long ol ves 1–6 mo 37–39. ?Wanem nao ol ves ia oli stap tij abaot Lod mo ol profet blong Hem?

• Ol memba blong klas oli save gat intres blong lanem se taem wan kaonsel, we Josef Smit i stap singaotem, i toktok raon blong pablisim ol revelesen blong Profet, samfala memba blong kaonsel oli agensem tingting ia. Oli bin sem from se Josef i no save raet gud, mo oli bin wari se sapos oli pablisim ol revelesen bae i mekem problem long olgeta Sent (luk long Ol Sent 1:140–43). ?Olsem wanem seksen 1 i lukluk long ol wari ia? (eksampol, luk long ol ves 6, 24, 38).

• Ol toktok blong hym ia, “Come, Listen to a Prophet’s Voice” (Hymns, no. 21) i tijim sam long olgeta prinsipol ia we oli tijim insaed long seksen 1. Maet yu save singsing o ridim hym ia tugeta, mo afta, invaetem ol memba blong faenem ol laen ia insaed long hym mo insaed long ol ves insaed long seksen 1 we oli tijim ol semfala prinsipol ia.

  jeneral konfrens sesen

  God i toktok long yumi tru long ol wokman blong Hem.

Doktrin mo Ol Kavenan 1:12–30, 35–36

Lod i putumbak gospel blong Hem blong helpem yumi fesem olgeta jalenj blong ol lata dei.

• ?Wanem tingting nao ol memba blong klas oli bin gat taem oli bin stap ridim ol ves we i tokbaot ol lata dei insaed long ol ves 113–16? ?Wanem i stap hapen long wol tedei we i soem se ol profesi we oli tokbaot ia, oli stap kamtru? Leftemap tingting blong ol memba blong klas blong oli save serem eni samting we oli faenem insaed long seksen 1 we i bin helpem olgeta blong filim pis mo tras ia, nomata long ol jalenj blong taem blong yumi.

• Blong helpem ol memba blong klas blong oli tingting hevi long olgeta blesing we yumi gat from oli putumbak gospel, yu save raetem long bod: ?Wanem nao ol ves 17–23 oli tijim yumi abaot risen from wanem Lod i bin putumbak gospel blong Hem? Maet ol memba blong klas oli save luklukgud long ol ves ia mo serem wanem we oli filim se sentens ia i minim long olgeta. Eksampol. ?Olsem wanem nao ol trutok we Lod i bin putumbak tru long Josef Smit i bin helpem yumi blong mekem fet blong yumi i kam antap? (luk long ves 21).

Doktrin mo Ol Kavenan 1:19–28

Lod i yusum “olgeta we oli no strong mo oli simpol” blong oli save mekem wok blong Hem i kamtru.

• Wan impoten stamba toktok blong Doktrin mo Ol Kavenan 1 hem i rol blong “olgeta we oli no strong mo oli simpol” insaed long bigfala lata-dei wok blong Lod (ves 23). Invaetem ol memba blong klas blong luklukgud insaed long ol ves 19–28 blong lanem olsem wanem ol toktok ia, “we oli no strong” mo “simpol,” yumi save putum i kambak long yumi, olsem ol wokman blong Lod. Taem we oli stap serem wanem we oli faenem, yufala i save toktok raon long ol kwestin olsem olgeta kwestin ia: ?Wanem nao ol fasin we Lod i wantem ol wokman blong Hem oli gat? ?Wanem nao bae Lod i mekem i kamtru tru long ol wokman blong Hem long ol lata-dei ia? ?Olsem wanem nao ol profesi insaed long ol ves ia oli stap kamtru raon long wol mo insaed long laef blong yumi wanwan?

Stap Kam Antap long Fasin blong Yumi blong Stap Tij

Helpem olgeta we oli stap lan blong putum ol skripja oli kambak long olgetawan bakegen. Olgeta semfala trutok ia, we oli bin givim insperesen long ol fasfala Sent, oli save helpem yumi blong fesem olgeta jalenj blong tedei. Taem yu stap tijim Doktrin mo Ol Kavenan, helpem ol memba blong klas blong joenem ol mesej we oli go long Josef Smit wetem wanem Lod i stap talem long wanwan long olgeta. (Luk long Teaching in the Savior’s Way,21