« ថ្ងៃទី ២២–២៨ ខែ មីនា ។ គោលលទ្ធិ និង សេចក្តីសញ្ញា ២៩ ៖ ‹ ព្រះយេស៊ូវគ្រីស្ទនឹងប្រមូលរាស្ត្ររបស់ទ្រង់ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ២២–២៨ ខែ មីនា ។ គោលលទ្ធិ និង សេចក្តីសញ្ញា ២៩ » ចូរមកតាមខ្ញុំ—សម្រាប់សាលាថ្ងៃអាទិត្យ

គ្រប់ទាំងជង្គង់ត្រូវលុតចុះ ដោយ ជេ ឃើក រីឆាដ

ថ្ងៃទី ២២–២៨ ខែ មីនា

គោលលទ្ធិ និង សេចក្តីសញ្ញា ២៩

ព្រះយេស៊ូវគ្រីស្ទនឹងប្រមូលរាស្ត្ររបស់ទ្រង់

វិធីដ៏សំខាន់បំផុតដើម្បីរៀបចំខ្លួនបង្រៀន គោលលទ្ធិ និង សេចក្តីសញ្ញា ២៩ គឺការសិក្សាវាប្រកបដោយការអធិស្ឋាន ហើយស្វែងរកការដឹកនាំពីព្រះវិញ្ញាណ ។ សូមពិចារណាពីវិធីផ្សេងៗដើម្បីយាងអញ្ជើញព្រះវិញ្ញាណឲ្យចូលមកក្នុងជីវិតរបស់អ្នក ដូចជាការតមអាហារ ការចូលរួមក្នុងព្រះវិហារបរិសុទ្ធ ឬការបម្រើមនុស្សដទៃ ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

នៅក្នុង គោលលទ្ធិ និង សេចក្តីសញ្ញា ២៩:៥ ព្រះអម្ចាស់បានមានបន្ទូលទៅកាន់ពួកបរិសុទ្ធថា « ចូរលើកចិត្តអ្នកឡើង ហើយអរសប្បាយចុះ » ។ អ្នកអាចអញ្ជើញសិស្សឲ្យចែកចាយអ្វីមួយដែលពួកគេបានរៀននៅក្នុងការសិក្សារបស់ពួកគេផ្ទាល់ ឬជាគ្រួសារដែលធ្វើឲ្យពួកគេ « លើកចិត្ត[របស់ពួកគេ] ឡើង ហើយអរសប្បាយចុះ » ។

បង្រៀនគោលលទ្ធិ

គោលលទ្ធិ និង សេចក្តីសញ្ញា ២៩

ព្រះវរបិតាសួគ៌មានផែនការមួយសម្រាប់ភាពតម្កើងឡើងរបស់យើង ។

វិធីមួយដើម្បីលើកទឹកចិត្តឲ្យមានការរៀនសូត្រនៅឯគេហដ្ឋានគឺការអាស្រ័យទៅលើសកម្មភាពដែលមាននៅក្នុង គម្រោងមេរៀនសម្រាប់សប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។ ឧទាហរណ៍ អ្នកអាចសរសេរនៅលើក្ដារខៀនអំពីផែនការនៃសេចក្ដីសង្គ្រោះ ដូចជា ជីវិតមុនឆាកជីវិតនេះ, ការបង្កបង្កើត, ដង្វាយធួនរបស់ព្រះយេស៊ូវគ្រីស្ទ ។ល ។ សិស្សអាចចែកចាយពីអ្វីដែលពួកគេរៀននៅក្នុង គោលលទ្ធិ និង សេចក្តីសញ្ញា ២៩ អំពីផ្នែកទាំងនេះនៅក្នុងផែនការនោះ ។ អ្នកថែមទាំងអាចសុំឲ្យពួកគេចែកចាយពីអ្វីដែលពួកគេនឹងបង្រៀនចេញពីកណ្ឌនេះទៅដល់មនុស្សម្នាក់ដែលពុំស្គាល់អំពីផែនការរបស់ព្រះផងដែរ។

គោលលទ្ធិ និង សេចក្តីសញ្ញា ២៩:១-៨, ១៤-២១

ព្រះយេស៊ូវគ្រីស្ទនឹងប្រមូលរាស្ត្ររបស់ទ្រង់ពីមុនការយាងមកជាលើកទីពីររបស់ទ្រង់ ។

ដើម្បីជួយសិស្សឲ្យយល់ពីហេតុផលដែលព្រះយេស៊ូវគ្រីស្ទប្រមូលរាស្ត្ររបស់ទ្រង់ អ្នកអាចអញ្ជើញពួកគេឲ្យអាន ខទី ១-៨ ហើយពិភាក្សានូវសំណួរអំពីការប្រមូលផ្ដុំនោះ ដូចជា ៖ តើយើងធ្លាប់ដកពិសោធន៍ថាព្រះគ្រីស្ទកំពុងប្រមូល ហើយការពារយើង ដូចជាមេមាន់ប្រមូល ហើយការពារកូនរបស់វាតាមរបៀបណា ? តើយើងប្រមូលផ្ដុំគ្នាទៅរកព្រះអង្គសង្គ្រោះតាមរបៀបណា ? ( ឧទាហរណ៍ សូមមើល ខទី ២ ) ។ សិស្សអាចចែកចាយពីរបៀបដែលពួកគេមានពរដោយសារតែការប្រមូលផ្ដុំ និងការថ្វាយបង្គំជាមួយនឹងសមាជិកផ្សេងទៀតក្នុងសាសនាចក្រ ។

ប៉ុន្មានដង ដោយ លីស លេម៉ុន ស្វិនដល
ដើម្បីជួយសិស្សឲ្យគិតពីការទទួលខុសត្រូវរបស់ពួកគេដើម្បីជួយព្រះវរបិតាសួគ៌ឲ្យប្រមូលផ្ដុំបុត្រាបុត្រីរបស់ទ្រង់ អ្នកអាចចែកចាយនូវប្រសាសន៍របស់ប្រធាន រ័សុល អិម ណិលសុន នៅក្នុង « ធនធានបន្ថែមទាំងឡាយ » ។ តើយើងរៀនអ្វីខ្លះ អំពីការប្រមូលផ្ដុំមកពីសារលិខិតទាំងនេះ ? តើសារលិខិតទាំងនេះពង្រឹងនូវអ្វីដែលព្រះអម្ចាស់បានមានបន្ទូលនៅក្នុង គោលលទ្ធិ និង សេចក្ដីសញ្ញា ២៩:១-៨ តាមរបៀបណា ?
ព្រឹត្តិការណ៍មួយចំនួននៅថ្ងៃចុងក្រោយដែលបានរៀបរាប់នៅក្នុង គោលលទ្ធិ និង សេចក្ដីសញ្ញា ២៩:១៤-២១ អាចធ្វើឲ្យសិស្សមានចិត្តព្រួយបារម្ភ ។ ចូរឲ្យពួកគេចែកចាយពីអារម្មណ៍របស់ខ្លួន ។ ហេតុអ្វីព្រះអម្ចាស់ព្រមានយើងអំពីព្រឹត្តិការណ៍ទាំងនេះ ? តើសេចក្ដីពិតដ៏មានទំនុកចិត្តអ្វីខ្លះដែលយើងរៀនអំពីព្រះអង្គសង្គ្រោះ និងការប្រមូលផ្ដុំនៅក្នុង ខទី ១-៨ ? តើការប្រមូលផ្ដុំជួយយើងឲ្យសម្លឹងមើលឆ្ពោះទៅរកព្រឹត្តិការណ៍ទាំងនេះដោយសេចក្ដីជំនឿ ជាជាងការភ័យខ្លាចតាមរបៀបណា ? ជាផ្នែកមួយនៃការពិភាក្សារបស់អ្នក អ្នកអាចច្រៀងទំនុកតម្កើងមួយអំពីការប្រមូលផ្ដុំ ដូចជា « អ៊ីស្រាអែលអើយព្រះកំពុងហៅ » ( ទំនុកតម្កើង ល.រ ៧ ) ហើយពិភាក្សាពីអ្វីដែលទំនុកតម្កើងនេះបង្រៀនអំពីការប្រមូលផ្ដុំអ៊ីស្រាអែល ។

គោលលទ្ធិ និង សេចក្តីសញ្ញា ២៩:៣៤-៣៥

រាល់បទបញ្ញត្តិរបស់ព្រះអម្ចាស់គឺជារឿងខាងវិញ្ញាណ ។

ទោះជាបទបញ្ញត្តិមួយចំនួនទំនងជារឿងខាងសាច់ឈាមក្ដី ក៏រាល់បទបញ្ញត្តិទាំងអស់គឺជារឿងខាងវិញ្ញាណចំពោះព្រះអម្ចាស់ដែរ ។ ដើម្បីយល់ពីសេចក្ដីពិតនេះ សិស្សអាចអានរួមគ្នានៅក្នុងខទី ៣៤-៣៥ហើយសរសេរពីបទបញ្ញត្តិមួយចំនួននៅលើក្ដារខៀន រួមជាមួយនឹងគោលការណ៍ និងពរជ័យខាងវិញ្ញាណដែលទាក់ទងនឹងបទបញ្ញត្តិនីមួយៗ ។ ពួកគេអាចចែកចាយឧទាហរណ៍នៅក្នុងជីវិតរបស់ពួកគេ ឬមកពីបទគម្ពីរដែលបានជួយពួកគេមើលឃើញពីលក្ខណៈខាងវិញ្ញាណនៃបទបញ្ញត្តិរបស់ព្រះ ។ តើសកម្មភាពនេះជះឥទ្ធិពលដល់វិធីដែលយើងមើលឃើញពីបទបញ្ញត្តិតាមរបៀបណា ?

ធនធានបន្ថែមទាំងឡាយ

គោលលទ្ធិ និង សេចក្តីសញ្ញា ២៩

ការចូលរួមនៅក្នុងការប្រមូលផ្ដុំអ៊ីស្រាអែល ។

ប្រធាន រ័សុល អិម ណិលសុន បានបង្រៀនថា

« នេះ គឺជា ថ្ងៃចុងក្រោយ ហើយព្រះអម្ចាស់កំពុងពន្លឿនកិច្ចការរបស់ទ្រង់ដើម្បីប្រមូលផ្ដុំវង្សអ៊ីស្រាអែល ។ ការប្រមូលផ្ដុំនោះគឺជាកិច្ចការដ៏សំខាន់បំផុតនៅលើផែនដីសព្វថ្ងៃនេះ ។ ពុំមានអ្វីផ្សេងទៀតអាចសម្បើមជាង មានសារៈសំខាន់ជាង និងមានឫទ្ធិជាងកិច្ចការនេះនោះទេ ។ ហើយបើប្អូនៗជ្រើសរើស បើប្អូនៗចង់ធ្វើ ប្អូនៗអាចធ្វើជាចំណែកដ៏សំខាន់ក្នុងកិច្ចការនេះ ។ ប្អូនៗអាចមានចំណែកដ៏ធំនៅក្នុងកិច្ចការដ៏ធំ ដ៏មហិមា ដ៏មហស្ចារ្យ !

« នៅពេលយើងនិយាយអំពី ការប្រមូលផ្ដុំ យើងនិយាយសាមញ្ញអំពីសេចក្ដីពិតជាមូលដ្ឋានគ្រឹះនេះ ៖ គ្រប់បុត្រាបុត្រីរបស់ព្រះវរបិតាសួគ៌យើង នៅទាំងសងខាងនៃវាំងនន ស័ក្ដិសមនឹងស្ដាប់ឮសារលិខិតនៃដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ។ ពួកគេសម្រេចចិត្តដោយខ្លួនឯង បើពួកគេចង់ដឹងបន្ថែម ។…

« ព្រះវរបិតាសួគ៌របស់យើងបានរក្សាទុកវិញ្ញាណដ៏អស្ចារ្យៗបំផុតជាច្រើន—ប្រហែលជាខ្ញុំអាចនិយាយថាជាក្រុមដ៏ល្អបំផុតរបស់ទ្រង់—សម្រាប់ដំណាក់កាលចុងក្រោយនេះ ។ ពួកវិញ្ញាណដ៏អស្ចារ្យៗ ជាវិរៈបុរសទាំងនោះ—អ្នកដែលសំខាន់បំផុតទាំងនោះ—គឺជា ប្អូនៗ ! ( « ក្តីសង្ឃឹមនៃអ៊ីស្រាអែល » [ ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី ៣ ខែ មិថុនា ឆ្នាំ ២០១៨ ], ChurchofJesusChrist.org ) ។

ការកែលម្អការបង្រៀនរបស់យើង

បង្រៀនឲ្យច្បាស់ ហើយសាមញ្ញ ។ ជាជាងព្យាយាមធ្វើឲ្យសិស្សសប្បាយ សូមបង្រៀនគោលលទ្ធិឲ្យច្បាស់ ហើយសាមញ្ញ ។ អ្នកអាចទុកចិត្តថា « គុណធម៌នៃព្រះបន្ទូលនៃព្រះ » នឹងមាន « ប្រសិទ្ធភាពទៅលើគំនិតមនុស្សច្រើនជាង …អ្វីផ្សេងទៀត »( អាលម៉ា ៣១:៥ ) ។