« ថ្ងៃទី ២៩ ខែ មីនា–ថ្ងៃទី ៤ ខែ មេសា ។ បុណ្យអ៊ីស្ទើរ ៖ ‹ យើងជាអង្គដែលមានព្រះជន្មរស់នៅ យើងជាអង្គដែលត្រូវបានស្លាប់ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ២៩ ខែ មីនា–ថ្ងៃទី ៤ ខែ មេសា ។ បុណ្យអ៊ីស្ទើរ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

ថ្ងៃទី ២៩ ខែ មីនា–ថ្ងៃទី ៤ ខែ មេសា

បុណ្យអ៊ីស្ទើរ

« យើងជាអង្គដែលមានព្រះជន្មរស់នៅ យើងជាអង្គដែលត្រូវបានស្លាប់ »

គ្មានអ្វីមួយដែលសំខាន់សម្រាប់យើងដើម្បីយល់ជាងដង្វាយធួនរបស់ព្រះយេស៊ូវគ្រីស្ទឡើយ ។ សូមគិតពីសិស្សរបស់អ្នក តើអ្វីទៅនឹងជួយពួកគេឲ្យពង្រឹងសេចក្ដីជំនឿរបស់ពួកគេលើព្រះយេស៊ូវគ្រីស្ទកាន់តែខ្លាំងឡើង ?

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

នៅពេលសិស្សរបស់អ្នកបានសិក្សាគោលលទ្ធិ និង សេចក្តីសញ្ញានៅឆ្នាំនេះ ពួកគេអាចនឹងរកឃើញបទគម្ពីរអំពីព្រះអង្គសង្គ្រោះដែលមានន័យចំពោះពួកគេ ។ សូមចាប់ផ្ដើមថ្នាក់ដោយទុកពេលឲ្យពួកគេចែកចាយបទគម្ពីរទាំងនេះ ។ តើការសិក្សារបស់យើងអំពីគោលលទ្ធិ និង សេចក្តីសញ្ញាកន្លងមកបានជួយពង្រឹងសេចក្ដីជំនឿរបស់យើងលើព្រះយេស៊ូវគ្រីស្ទឲ្យកាន់តែខ្លាំងតាមរបៀបណា ?

បង្រៀនគោលលទ្ធិ

ព្រះយេស៊ូវ គ្រីស្ទបានសម្រេចនូវ « ដង្វាយធួនដ៏ល្អឥតខ្ចោះ » ។

ដោយសារដង្វាយធួនរបស់ព្រះយេស៊ូវគ្រីស្ទគឺជាគោលលទ្ធិដ៏សំខាន់មួយ សូមពិចារណាចំណាយពេលឲ្យគ្រប់គ្រាន់ដើម្បីធ្វើឲ្យប្រាកដថា សិស្សយល់ពីគោលលទ្ធិនេះ ។ ដើម្បីធ្វើកិច្ចការនេះ អ្នកអាចសរសេរសំណួរដូចតទៅនេះនៅលើក្ដារខៀន ៖ តើដង្វាយធួនរបស់ព្រះយេស៊ូវគ្រីស្ទគឺជាអ្វី ? តើវាជះឥទ្ធិពលដល់ជីវិតប្រចាំថ្ងៃរបស់ខ្ញុំយ៉ាងដូចម្ដេច ? តើវាជះឥទ្ធិពលដល់ជីវិតដ៏អស់កល្បជានិច្ចរបស់ខ្ញុំយ៉ាងដូចម្ដេច ? តើខ្ញុំទទួលបានព្រះចេស្ដាដ៏ប្រោសលោះរបស់ព្រះអង្គសង្គ្រោះនៅក្នុងជីវិតរបស់ខ្ញុំតាមរបៀបណា ? សូមទុកពេលពីរបីនាទីឲ្យសិស្សពិចារណាពីសំណួរទាំងនេះ ហើយរកមើលបទគម្ពីរដែលជួយពួកគេឲ្យឆ្លើយសំណួរទាំងនេះ ។ សិស្សអាចសរសេរសេចក្ដីយោងបទគម្ពីររបស់ពួកគេនៅលើក្ដារខៀន ហើយអ្នកអាចពិភាក្សាសេចក្ដីយោងមួយចំនួនជាមួយនឹងសិស្ស ។ នេះគឺជាឧទាហរណ៍មួយចំនួន ៖ លូកា ២២:៣៩–៤៤, យ៉ូហានទី ១ ១:៧, នីហ្វៃទី ២ ២:៦–៩, ម៉ូសាយ ៣:៥–១៣, ១៧–១៨, អាលម៉ា ៧:១១–១៤, មរ៉ូណៃ ១០:៣២–៣៣, គោលលទ្ធិ និង សេចក្ដីសញ្ញា ១៩:១៦–១៩, ៤៥:៣–៥ ។
អ្នកគួរអញ្ជើញសិស្សឲ្យអានបន្ទូលរបស់ព្រះអង្គសង្គ្រោះអំពីការរងទុក្ខរបស់ទ្រង់នៅក្នុង គោលលទ្ធិ និង សេចក្ដីសញ្ញា ១៩:១៦-១៩ ។ តើខគម្ពីរទាំងនេះធ្វើឲ្យយើងមានការដឹងគុណកាន់តែខ្លាំងចំពោះពលិកម្មរបស់ព្រះយេស៊ូវគ្រីស្ទយ៉ាងដូចម្ដេច ?

ការអធិស្ឋានរបស់ព្រះអម្ចាស់ដោយ យ៉ុងស៊ុន គីម

គោលលទ្ធិ និង សេចក្តីសញ្ញា ៧៦:១១-១៤, ២០-២៤, ១១០:១-១០

ព្យាការី យ៉ូសែប ស៊្មីធបានថ្លែងទីបន្ទាល់ថា ព្រះយេស៊ូវគ្រីស្ទមានព្រះជន្មរស់ ។

យ៉ូសែប ស៊្មីធ បានឃើញព្រះអង្គសង្គ្រោះដែលមានព្រះជន្មរស់ ហើយបានថ្លែងជាសាក្សីដ៏មានអនុភាពថា ព្រះយេស៊ូវគ្រីស្ទមានព្រះជន្មរស់ ។ ដើម្បីជួយសិស្សឲ្យសិក្សាទីបន្ទាល់របស់យ៉ូសែប ស្ម៊ីធ អ្នកអាចបំបែកសិស្សជាពីរក្រុម ហើយចាត់ក្រុមនីមួយៗឲ្យអាន គោលលទ្ធិ និង សេចក្តីសញ្ញា ៧៦:១១-១៤, ២០-២៤ ឬ ១១០:១-១០ ។ សូមអញ្ជើញសិស្សម្នាក់ៗឲ្យរកយ៉ាងហោចណាស់ពាក្យមួយនៅក្នុងខគម្ពីរទាំងនេះដែលពិពណ៌នាពីព្រះអង្គសង្គ្រោះ ។ សិស្សអាចប្ដូរវេនគ្នាសរសេរពាក្យដែលពួកគេបានរកឃើញនៅលើក្ដារខៀន ហើយអ្នកអាចប្រើពាក្យទាំងនេះដើម្បីដឹកនាំការពិភាក្សាមួយអំពីឥវិយាបថ និងព្រះចេស្ដារបស់ព្រះអង្គសង្គ្រោះ ។ តើទីបន្ទាល់របស់យ៉ូសែប ស្ម៊ីធពង្រឹងសេចក្ដីជំនឿរបស់យើងលើភាពជាព្រះ និងបេសកកម្មរបស់ព្រះយេស៊ូវគ្រីស្ទតាមរបៀបណា ?
សិស្សមួយចំនួនប្រហែលជាធ្លាប់ភ្ជាប់ការបង្រៀននៅក្នុងគោលលទ្ធិ និង សេចក្តីសញ្ញាទៅនឹងពាក្យ ហើយនិងគោលការណ៍នៅក្នុងទំនុកតម្កើង « ខ្ញុំដឹងថាព្រះប្រោសលោះខ្ញុំនៅរស់ » ( ទំនុកតម្កើង ល.រ. ៧៦ សូមមើលផងដែរ គម្រោងមេរៀនសម្រាប់សប្ដាហ៍នេះនៅក្នុងចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ។ ប្រហែលជាពួកគេនឹងព្រមចែកចាយអ្វីដែលពួកគេបានរកឃើញ ។ អ្នកក៏អាចអាន ឬច្រៀងទំនុកតម្កើងនេះរួមគ្នា ហើយរកមើលការជាប់ទាក់ទងទៅនឹងបទគម្ពីរដូចតទៅនេះ ៖ គោលលទ្ធិ និង សេចក្ដីសញ្ញា ៦:៣៤, ៤៥:៣–៥, ៨៤:៧៧, ៩៨:១៨, ១៣៨:២៣ ។ តើយើងបានដឹងថា ព្រះដ៏ប្រោសលោះរបស់យើងមានព្រះជន្មរស់តាមរបៀបណា ?

គោលលទ្ធិ និង សេចក្ដីសញ្ញា ២៩:២៦–២៧, ៤២:៤៥–៤៦, ៦៣:៤៩, ៨៨:១៤–១៧, ២៧–៣១, ៩៣:៣៣–៣៤

ដោយសារព្រះយេស៊ូវគ្រីស្ទ នោះយើងនឹងរស់ឡើងវិញ ។

ដើម្បីជួយសិស្សឲ្យពិភាក្សាពីអ្វីដែលគោលលទ្ធិ និង សេចក្តីសញ្ញាបង្រៀនអំពីការរស់ឡើងវិញ អ្នកអាចអញ្ជើញពួកគេឲ្យនឹកស្រមៃថា មានមិត្តម្នាក់ ឬសមាជិកគ្រួសារម្នាក់សួរពួកគេពីអត្ថន័យនៃការរស់ឡើងវិញ ។ តើយើងអាចជួយបុគ្គលនោះឲ្យយល់ពីអត្ថន័យនៃការរស់ឡើងវិញតាមរបៀបណា ? សូមលើកទឹកចិត្តសិស្សឲ្យស្រាវជ្រាវ គោលលទ្ធិ និង សេចក្តីសញ្ញា ៨៨:១៤-១៧, ២៧-៣១ រកមើលអ្វីមួយដែលអាចជួយ ។ សេចក្ដីយោងបទគម្ពីរជាជំនួយផ្សេងទៀត រួមមាន អាលម៉ា ១១:៤០-៤៥ និងអាលម៉ា ៤០:២១-២៣ ។ តើយើងនឹងចែកចាយអ្វីខ្លះដើម្បីជួយមិត្ត ឬសមាជិកគ្រួសាររបស់យើងឲ្យមានអំណរ និងសេចក្ដីសង្ឃឹមដែលកើតចេញពីគោលលទ្ធិនៃការរស់ឡើងវិញ ?
តើអ្នកអាចជួយសិស្សឲ្យសញ្ជឹងគិតពីអំណោយទាននៃការរស់ឡើងវិញរបស់ព្រះអង្គសង្គ្រោះតាមរបៀបណា ? ប្រហែលជាអ្នកអាចសរសេរនៅលើក្ដារខៀននូវឃ្លាថា ដោយសារព្រះយេស៊ូវគ្រីស្ទ… ហើយអញ្ជើញសិស្សឲ្យមើលនៅក្នុងបទគម្ពីរដូចតទៅនេះ ហើយរកពាក្យដែលអាចបំពេញឃ្លានេះ បាន ៖ គោលលទ្ធិ និង សេចក្ដីសញ្ញា ២៩:២៦–២៧, ៤២:៤៥–៤៦, ៦៣:៤៩, ៩៣:៣៣–៣៤ ។ តើសេចក្ដីពិតនៅក្នុងខគម្ពីរទាំងនេះជះឥទ្ធិពលដល់របៀបដែលយើងមើលទៅសេចក្ដីស្លាប់យ៉ាងដូចម្ដេច ? តើវាជះឥទ្ធិពលដល់ជីវិតប្រចាំថ្ងៃរបស់យើងតាមរបៀបណា ?

ធនធានបន្ថែមទាំងឡាយ

ការកែលម្អការបង្រៀនរបស់យើង

សូមជួយសិស្សស្រាវជ្រាវនៅក្នុងបទគម្ពីរ ។ « ចូរសួរសំណួរដែលតម្រូវឲ្យអ្នករៀនស្វែងរកចម្លើយនៅក្នុងបទគម្ពីរ ។… សូមជួយពួកគេឲ្យមើលឃើញថា ទោះជាបទគម្ពីរត្រូវបានសរសេរឡើងរាប់រយឆ្នាំកន្លងទៅក្ដី ក៏វាមាននូវចម្លើយរបស់ព្រះអម្ចាស់ចំពោះសំណួរ និងបញ្ហាដែលគ្រប់គ្នាជួបប្រទះដែរ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ៣០ ) ។