Ua maua e Iosefa Samita le Perisitua Mekisateko

Toefuataiga, saunia e Liz Lemon Swindle

26 Iulai–1 Aokuso

Mataupu Faavae ma Feagaiga 84

“O Le Mana o le FaaleAtua”

O le a se mea o le a e faia e valaaulia ai tagata o le vasega e faasoa mai mea na latou aoaoina ao latou suesue i le Mataupu Faavae ma Feagaiga 84?

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Valaaulia tagata o le vasega e faasoa i se tagata o le vasega se upumoni sa latou maua i le vaega 84 sa uunaia i latou pe na fesoasoani ia i latou ia malamalama atili ai i le perisitua a le Atua. Ona valaaulia lea o nisi e faasoa mai i le vasega.

aikona o le aoao atu

Aoao Atu le Aoaoga Faavae

Mataupu Faavae ma Feagaiga 84:1–5, 17–28, 31–42

E mafai ona tatou maua uma lava le mana o le perisitua a le Atua ma faamanuiaga.

• E amata e le Atua lenei “faaaliga i le perisitua”(Mataupu Faavae ma Feagaiga 84, ulutala o le vaega) e ala i le aoaoina mai o le a fausia se malumalu i Siona (tagai fuaiupu 1-5). E mafai faapefea ona e fesoasoani i tagata o le vasega ia malamalama i le sootaga i le va o faamoemoega paia o malumalu ma le perisitua? E mafai ona e amata i le tusia o se fesili i le laupapa e pei o O a faamoemoega o le perisitua? Ona valaaulia lea o tagata o le vasega e vaai mo ni tali i le Mataupu Faavae ma Feagaiga 84: 17–28, 31–42. E faapefea ona fesoasoani malumalu ma sauniga o le malumalu e faataunuu nei faamoemoega?

• Ina ia fesoasoani i tagata o le vasega e malamalama o le mana o le perisitua e mafai ona i ai i o tatou olaga, e mafai ona e valaaulia i latou e faitau le Mataupu Faavae ma Feagaiga 84:17-28 ma mafaufau pe o le a faapei o latou olaga e aunoa ma le perisitua a le Atua. Uunaia i latou e faasoa mai pe aisea ua latou faafetai ai mo le perisitua, faatasi ma aafiaga ua latou maua i le mana o le perisitua—i o latou aiga, valaauga, po o olaga patino. E mafai faapefea ona tatou maua le mana o le perisitua?

• O le tautinoga ma le feagaiga o le perisitua (tagai Mataupu Faavae ma Feagaiga 84:31-42) o i ai se aoga faapitoa mo e ua faauuina i se tofi o le perisitua. Ae o le tele o faamanuiaga folafolaina i nei fuaiupu e avanoa i tagata uma. Ina ia fesoasoani i tagata o le vasega e vaai i le ala e aoga ai nei folafolaga ia i latou, e mafai ona e valaaulia i latou e faitau fuaiupu 33-42 ma talanoa i auala e mafai ai ona tatou “maua” le perisitua(fuaiupu 35), o auauna a le Alii, ma le Alii. E mafai foi ona latou faitau fuaitau i le “Punaoa Faaopoopo” e iloa ai mea e ao ona tatou faia e maua ai faamanuiaga o le perisitua. E mafai ona e fesoasoani i tagata o le vasega e mafaufau i mea e mafai ona aofia i “mea uma ua i ai i [le] Tama” (fuaiupu 38).e pei o Ona uiga auaumama ma le ituaiga o olaga e olioli ai o Ia. O a nisi mea na faagaeetia ai i tatou e uiga i nei fuaiupu ma fuaitau?

  tamaitai o loo tagofia le faamanatuga

  O sauniga o le perisitua e faamanuiaina ai fanau uma a le Atua.

Mataupu Faavae ma Feagaiga 84:61--88

O le Alii o le a lagolagoina i latou e auauna atu ia te Ia.

• Ao faatatau tonu nei fuaiupu ia i latou o e “alu atu ma talai atu lenei talalelei o le malo” (fuaiupu 80), o le tele o mataupu faavae o loo i ai e mafai ona faatatau i soo se tasi e auauna atu i le Atua. E mafai ona e tuu atu i tagata taitasi o le vasega se vaega o le Mataupu Faavae ma Feagaiga 84:61-88 e faitau ma fai atu ia i latou e faasoa i se tasi o le vasega mea na latou aoaoina lena e faatatau i soo se tasi e auauna atu i le Alii. E mafai e tagata o le vasega ona filifili se fuaiupu po o se vaega o fuaiupu e tauloto pe faapipii i se mea latou te vaai i ai i aso uma. O a folafolaga e sili ona latou fiafia i ai? O a ni mea o le a latou faasoa mai nei fuaiupu e uunaia ai faifeautalai o loo talai nei po o i latou o loo sauni e auauna atu?

aikona o punaoa faaopoopo

Punaoa Faaopoopo

E mafai e tagata uma ona maua mea uma o loo i le Tama.

Na aoao mai Peresitene M. Russell Ballard: “O i latou uma o e osia feagaiga paia ma le Alii ma e faamamaluina na feagaiga o le a agavaa e maua faaaliga faaletagata lava ia, ia faamanuiaina e ala i auaunaga a agelu, e fagatua ma le Atua, e maua le atoaga o le talalelei, ma mulimuli ane, ia avea ma suli faatasi ma Iesu Keriso i mea uma o i ai a lo tatou Tama” (“O Alii ma Tamaitai ma le Mana o le Perisitua,” Liahona, Set. 2014, 32).

Na tusia e le au peresitene o le Aualofa muamua o le Siteki o Sate Leki i le 1878: “Matou te lagona moni lava le faafetai faapea e ala atu i le faamanuiaga a lo tatou Tama Faalelagi, o i tatou, o Ana auauna tamaitai ua valaauina e avea ma tagata faigaluega faatasi ma o tatou tuagane i le fausia o le malo o le Atua i luga o le fogaeleele, i le fesoasoani e fausia Malumalu, lea e mafai ona tatou maua ai i totonu faamanuiaga mo le taimi nei ma le faavavau. I sauniga uma lava e maua i totonu o le Maota o le Alii, e tu le tamaitai i autafa o le alii, e faapea mo e soifua ma e ua maliliu, e faaalia ai e le mafai ona i ai le alii e aunoa ma le tamaitai e faapena foi le tamaitai e aunoa ma le alii i le Alii” (Mary Isabella Horne, Elmina S. Taylor, ma Serepta M. Heywood, “To the Presidents and Members of the Relief Society of Salt Lake Stake of Zion, Greeting!” Woman’s Exponent, Jan. 15, 1878, 123).

Faaleleia o Lo Tatou Aoao Atu

Faatotonugalemu lou aoao atu i le aoaoga faavae. Ia mautinoa e taulai le talanoaga a lau vasega i le aoaoga faavae autu i mau. E mafai ona e faia lenei mea i le fai i tagata o le vasega e faitau ia mau ona faasoa mai lea o upumoni latou te maua, faapea foi o latou aafiaga i le ola ai i na upumoni. (Tagai Aoao Atu i le Ala a le Faaola, 20–21.)