Ua vaai Setefano i le Atua ma Iesu Keriso

Ua Ou Vaai i le Atalii o le Tagata O Tu i le Itu Taumatau o le Atua, saunia e Walter Rane

23–29 Aokuso

Mataupu Faavae ma Feagaiga 93

“Maua foi Lona Atoatoaga”

O tagata e te aoaoina o atalii ma afafine agaga faapelepele a ni Matua Faalelagi, ma e i ai gafatia paia. A uma ona suesue le Mataupu Faavae ma Feagaiga 93, o le a lou lagona i le mea e fai ua musuia ai oe e fesoasoani ai ia i latou ia tuputupu ae i le “malamalama ma le upumoni”? (fuaiupu 36).

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Tusi i le laupapa I le Mataupu Faavae ma Feagaiga 93, ua valaaulia i tatou e Iesu Keriso ia … Valaaulia tagata o le vasega e fautua mai ni auala latou te faauma ai le fuaiupu.

aikona o le aoao atu

Aoao Atu le Aoaoga Faavae

Mataupu Faavae ma Feagaiga 93

Tatou te tapuai i le Atua le Tama ma Lona Alo, o Iesu Keriso.

• I la latou suesueina o le Mataupu Faavae ma Feagaiga 93, atonu na maua e tagata o le vasega le tele o upumoni e uiga i le Tama Faalelagi ma Iesu Keriso. Valaaulia tagata o le vasega e faasoa mai ni mea sa latou mauaina. E mafai foi ona e vaevaeina le vasega i ni vaega ma avatu i vaega taitasi ni nai fuaiupu e suesue faatasi i ai. Ona mafai lea e vaega taitasi ona faasoa mai i le vasega mea na latou aoaoina e uiga i “le ala e tapuai ai, ma … le mea [tatou] te tapuai i ai”(fuaiupu 19).

Mataupu Faavae ma Feagaiga 93:1–39

E mafai ona tatou “maua le atoatoaga o le [Atua], ma faamamaluina.”

faamalama tioata

Tatou te maua le malamalama o le Atua pe a tatou tausia Ana poloaiga ma aoao mai ia te Ia.

• Mataupu Faavae ma Feagaiga 93 o loo i ai le tele o upumoni e uiga i lo tatou natura faavavau ma le gafatia o ni fanau a le Atua. Atonu na iloa e ni tagata o le vasega nei upumoni i la latou suesueina o le vaega 93 i le fale (tagai otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga). Atonu e mafai e i latou na mauaina ni upumoni ona faasoa mai mea na latou maua, ma e mafai ona outou iloaina ai nisi upumoni o se vasega. E faapefea e nei upumoni ona aafia ai le ala tatou te faia ai i latou o siomia i tatou—po o tatou lava?

• O le isi ala lenei e aoao ai e uiga i lo tatou natura ma gafatia faavavau: e mafai e tagata o le vasega ona faitau faatasi le fuaiupu 24 ma tusi i le laupapa autu e tolu E pei ona tatou i ai, E pei ona sa tatou i ai, ma E pei ona o le a tatou i ai. Ona mafai lea ona e vaevaeina le vasega i ni vaega se tolu ma fai atu i vaega taitasi e suesue le Mataupu Faavae ma Feagaiga 93:6–39), ma vaavaai mo upumoni e uiga i lo tatou taimi nei, tuanai, po o le faasinomaga e faavavau mo le lumanai. E mafai e vaega taitasi ona tusi i lalo o autu mea na latou maua. E mafai faapefea e nei upumoni ona faatosina ai filifiliga tatou te faia?

Mataupu Faavae ma Feagaiga 93:40–50

Ua poloaiina i tatou ia “faatulaga o [tatou] lava fale.”

• O le poloaiga e “faatulaga lou lava fale” (fuaiupu 43) e le faatatau i le faatulagaina o kapoti ma pusatu ae faatatau i le aoaoina atu—ma le aoaoina mai— “malamalama ma le upumoni” ((fuaiupu 42). Atonu e mafai e tagata o le vasega ona fefaasoaai pe o faapefea ona latou taumafai e mulimuli i lenei fautuaga. O a ni luitau o feagai ma i latou? O a upumoni po o mataupu faavae i le Mataupu Faavae ma Feagaiga 93 e mafai ona fesoasoani?

• O se vaega o la outou talanoaga o nei fuaiupu, e mafai e tagata o le vasega ona faitau vaega o le savali a Peresitene Henry B. Eyring “O se Aiga e Afio ai le Agaga o le Alii” (Ensign po o le Liahona, Me 2019, 22–25) ma faasoa mai ni manatu e fesootai i upumoni i le Mataupu Faavae ma Feagaiga 93:40–50. (tagai foi i le fuaitau i le “Punaoa Faaopoopo”).

aikona o punaoa faaopoopo

Punaoa Faaopoopo

“E mafai faapefea ona e filiga atili ma popole i le aiga?

Sa aoao mai Elder David A. Bednar:

“I lou ofisa o loo i ai se atavali matagofie o se toga saito. O le ata o se aofaiga tele o tosi taitasi o pulumu—e leai se tasi pe a tuueseese e manaia pe matagofie. O le mea moni, afai e te tu latalata i le ata, pau le mea e te vaaia o se gasu e foliga mai e le fesootai ma ni tosi mataga o vali lanu samasama ma lanu auro ma lanu enaena. E ui i lea, ao e agai ese atu lemu mai le ata, o na tosi o le pulumu taitasi e tuua faatasi ma maua ai se laufanua matagofie o se toga saito. E tele tosi o le pulumu masani, ma taitasi e galulue faatasi e fatu ai se atavali ofoofogia ma matagofie.

“O tatalo faaleaiga taitasi, o mataupu taitasi o suesuega o tusitusiga paia, ma afiafi faaleaiga taitasi e tofu ma se tosi po o se aafiaga i o tatou agaga. E le mafai ona foliga faatosinaloto tele pe manatua pea se mea e tasi. Ae pei ona galulue faatasi tosi o le vali lanu samasama ma le auro ma le lanu enaena ma maua mai ai se galuega taulima mata’ina, e faapena foi i lo tatou faia pea lava pea o mea iti, e mafai ai ona tau atu i taunuuga maoae faaleagaga. “O le mea lea, aua le faavaivai i le faia o mea lelei, ona o lo o oulua faataatiaina le faavae o se galuega tele. Ma o mea iti e tutupu mai ai mea tetele’ (M&F 64:33). O le faia e le aunoa o se mataupu faavae autu pe a tatou faataatia se faavae o se galuega tele i o tatou olaga taitoatasi, ma tatou matua maelega ai ma mafaufau i o tatou lava aiga” (“Ia Matua Maelega ma Mafaufau i le Aiga,” Ensign po o le Liahona, Nov. 2009, 17–20).

Faaleleia o Lo Tatou Aoao Atu

Faaali atu le alofa. “E faalagolago i ou tulaga, o le faaali atu o le alofa ia i latou e te aoaoina e ono faauigaina o le tuuina atu o ni upu faamalosiau faamaoni, fiafia i o latou olaga, faalogo lelei ia i latou, faaaofia i latou i le lesona, faatinoina se auaunaga mo i latou, pe tau lava o le faafeiloai atu ma le faaaloalo ia i latou pe a e vaai ia i latou” (Aoao Atu i le Ala a le Faaola, 6).