E veivakavulici o Jisu e baravi

E Vakavulici Ira na Tamata o Jisu e Baravi, maivei James Tissot

25 ni Feperueri–3 ni Maji

Maciu 6-7

“Sa Vakatavulici Ira me Vaka e Dua sa Tu Ga Vua na Lewa”

Ni vakarau veivakavulici, mo vakarautaki iko mada. Vulica na Maciu 6–7, ka vola na nomu vakauqeti vakayalo. Oqo ena vukea mo ciqoma na ivakatakila mo sotava vinaka kina na nodra gagadre na nomu kalasi. Mo qai vakasaqara ena ituvatuva oqo na vakasama ni veivakavulici.

Vola na Nomu Nanuma

ivakatakilakila ni veiwasei

Sureta na Veiwasei

Sureta na lewe ni kalasi mera wasea na itukutuku cava ena Vunau ena Ulunivanua era nanuma e gadrevi vakalevu nikua. Vakayaloqaqataka ira na lewe ni kalasi mera kuria ki na nodra veiwasei vakai ira.

ivakatakilakila ni veivakavulici

Vakavulica na iVunau

Maciu 6-7

Ni da rogoca ka cakava na veivakavulici ni Turaga, ena tarai cake na noda bula ena yavu tudei.

• Na veivakavulici cava mai na Maciu 6–7 ena yaga duadua cake vei ira o vakavulica? Sa rawa mo vola ena vava ni volavola e vica na tikina mai na Maciu 6–7 e tiko kina na veivakavulici oqo. Me ra digitaka na lewe ni kalasi e dua na tikina me vulica vakanomodi ka vola ena vava ni volavola e dua na dina vakayalo sa vulica. Sa vakauqeta vakacava na noda bula na veivakavulici oqo?

• A tinia na iVakabula na Nona vunau ena dua na vosa vakatautauvata ena vukea na kalasi mera kila vinaka na bibi ni bulataki na veivakavulici ni iVakabula (raica na Maciu 7:24–27; raica talega na Ilamani 5:12). Ni vakasamataki na vosa vakatautauvata oqo, mera cakacaka vata na kalasi me tarai cake e dua na yavu kaukauwa ena kena vakayagataki na buloko, bilo, se iyaya tale eso ka vakatovolea na kaukauwa ni nodra yavu. Sa rawa talega mera vola na yaca ni nodra iyaya ni tara vale ena veika e rawa ni cakava me bulataki na veivakavulici ni iVakabula. Ena veivuke vakacava na veika oqo meda vorata rawa kina na cagilaba ni bula oqo?

Maciu 6: 5–13

E vakavulica vei keda na iVakabula na ivakarau ni masu.

• Ena veivuke ki na lewe ni kalasi na masu ni iVakabula mera kila nodra rawa ni tara cake nodra dui masu ena vakamuri na ivakaraitaki ni iVakabula. Mo sureti ira mera vola ena vava ni volavola na veimalanivosa mai na Maciu 6:9–13 (se ena Luke 11:1–4) e vakauqeti ira. Ni da tugana na vosa ni iVakabula, na cava eda sa vulica me baleta na ivakarau ni noda masu? Na cava eda sa vulica baleta na veika meda na masulaka? E rawa mera vakasalataki na lewe ni kalasi mera moica na malanivosa ni iVakabula ki na veika mera kaya ena nodra masu. Me vakataka, “Solia mai vei keimami ena siga oqo na kakana e yaga vei keimami” ka rawa me moici me “Kerea ni vukea na noqu sasaga meu qarava noqu matavuvale.”

• E rawa ni yaga vei ira o vakavulica na nodra vulica na ivakaraitaki tale eso ni iVakabula ni a masu vei Tamana, me vaka ena Maciu 26:36–42 kei na Joni 17. Mo sureta na lewe ni kalasi mera vulica eso na malanivosa oqo, mera vakasaqara na isau ni taro oqo “Na cava eda vulica mai na ivakarau ni masu ni iVakabula?” ka “Meda cakava vakacava meda masu vaka na iVakabula?” Eso tale na ivakaraitaki ni masu, raica na Inosi 1:3–17; Alama 31:26–35; 33:3–11.

• E tiko beka eso na gauna ni nomu masu o rawa ni wasea? Nomu wasea na ka o sotava ena rawa ni vakayaloqaqataki na lewe ni kalasi mera cakava talega. A wasea o Peresitedi Thomas S. Monson na gauna eso ni nona masu ena nona vosa “Vakasamataka na Veivakalougatataki” (Ensign se Liaona, Nove. 2012, 86–89). Sa rawa me veivosakitaki na ivakavuvuli oqo mai na itukutuku kei na veivosa ena “iKuri ni iVurevure.” Na ibalebale ni “Masu” ena Bible Dictionary ena veivuke tale.

Maciu 7: 7–11

Sa dau sauma na Tamada Vakalomalagi na masu.

• Me vukei na lewe ni kalasi me vaqaqacotaki nodra vakabauta na Kalou ni rogoca ka sauma na nodra masu, mo vola kerekere, vakasaqara, kei na tukituki ena vava ni volavola. Mo qai sureta ira na lewe ni kalasi mera vakasaqara ena ivolanikalou na nodra ivakaraitaki na tamata era a “kerekere,” “vakasaqara,” ka “tukituki (na ivakaraitaki, raica na 1 Nifai 11:1; Ica 2:18–3:6; Josefa Simic—Ai Tukutuku 1:11–17). Na cava eda vulica mai na ivakaraitaki oqo me baleta na saumi mai ni noda masu?

• Eso na itukutuku bibi ena Maciu 7:7–11 e rawa ni kune ena iVakadewa i Josefa Simici ni Maciu 7:12–17 (ena Bible appendix). Ena veitikina oqo, era raica na tisaipeli i Jisu na nodra ulubale eso mera sega ni vakasaqara na dina mai vua na Tamada Vakalomalagi. Mo tarogi ira na lewe ni kalasi mera raitayalotaka e dua na itokani e dredre me vakasaqara na veidusimaki se veivakalougatataki ni Turaga. Na cava era na kaya na lewe ni kalasi me vakayaloqaqataki kina na itokani oqo? Era na vakayagataka vakacava na vosa ni iVakabula ena Maciu 7:7–11?

Maciu 7:15–20

Eda na kilai ira na parofita dina kei ira sa vakailasu ena vuadra.

• Era sa sotava beka na kalasi na filosofi vakailasu kei na lawaki nei vunimeca, ena initaneti se ivurevure tale eso. Era sa rogoca tale beka ga na nodra vakacacani na italai ni Turaga. O na vukei ira vakacava mera kilai ira vinaka na parofita vakailasu kei na nodra veivakavulici mai na ka dina? Sa rawa mo vakaraitaka eso na tiki ni vuata ka taroga na nodra nanuma baleta na vuanikau era beti mai kina. E vukei keda vakacava na cakacaka oqo meda kila vinaka na Maciu 7:15–20? Mo ni wilika vata talega eso na nodra itukutuku sa oti na parofita bula. Na “vuana” se macala cava ena solia mai na muria na nodra ivakasala?

  na vuana

  Eda na kilai ira na parofita dina kei ira sa vakailasu ena vuadra.

• Ena veivuke naMaciu 7:15–20 me tara cake na nodra vakabauta na lewe ni kalasi na ilesilesi vakalou i Parofita Josefa Simici. Na cava so na vua ni cakacaka sa rawata o Josefa Simici? Ena vakasama eso, raica na itukutuku i Elder Neil L. Andersen “Josefa Simici” (Ensign se Liaona, Nove. 2014, 28–31). Eda na vakayagataka vakacava na vakatautauvata ni vosa ni iVakabula ena Maciu 7:15–20 meda vakadinadinataka vei noda itokani kei na matavuvale baleti Parofita Josefa?

ivakatakilakila ni vuli

Vakayaloqaqataki na Vuli e na iTikotiko

Ena macawa oqo, ni ra vulica na lewe ni kalasi e vuqa na cakamana ni iVakabula, sureta mera vakasamataka vakatitobu na ivakaraitaki eso ni cakamana nikua—ka levu se ka lailai—era sa sotava se rogoca.

ivakatakilakila ni ivurevure

iKuri ni iVurevure

Maciu 6-7

Sere me lagati ena rumu ni kalasi.

• Na ivakavuvuli cava e sema ki na masu era vulica na lewe ni kalasi mai na qaqani sere “Prayer Is the Soul’s Sincere Desire”? (Serenilotu, naba 145).

• Na wilika, lagata, se rogoca na “Praise to the Man,” Serenilotu, naba 27, ena vukea na lewe ni kalasi mera nanuma kina eso na vua i Josefa Simici ni sa parofita ni Kalou (raica talega na V&V 135:3; “Joseph Smith,” Gospel Topics, topics.lds.org).

iTalanoa baleta na masu.

A talanoataka o Peresitedi Boyd K. Packer na nodratou masu vakamatavuvale ni bera ni biubiu me gole ki California. A tukuna o vuniwai ni manumanu ni sa na sega ni bula tiko na nodratou bulumakau me yakavi. “A masu sara o neitou cauravou lailai. Ni oti nona kerea na Tamada Vakalomalagi me ‘vakalougatataki Ta ena nona ilakolako ka vakalougatataki keitou kece,’ a qai tekivu me vakamamasu vakaidina. A kaya, ‘Tamaqu Vakalomalagi, yalovinaka vakalougatataki Bossy na bulumakau me na bula vinaka.’”

“Mai California, au a laki talanoataka ka kaya, ‘Me na kila tiko o koya ni da sega ni rawata vakarawarawa na ka kece eda masulaka.’

“E dua na lesoni me vulici kina, ia o au a vuli kina, sega ni o luvequ. Niu lesu ena bogi ni Siga Tabu, sa dodonu me ‘bula vinaka tiko’” o Bossy (“Prayer and Promptings,” Ensign se Liaona, Nov. 2009, 45).

A kaya o Brother Dan Dipty, e dua na lewe ni Lotu mai Idia: “Niu se gonelailai au a dau laki soqoni ena lotu ni German Lutheran. Keimami dau gole ki na ulunivanua ka masu vata e kea. Dua na siga a tau tiko na uca, keimami a suasua taucoko na masu tiko, ka dua vei ira na dauvunau a masu me kerea vua na Turaga me tarova na uca. Keimami a kurabui ni a mudu na uca. O ya na itekitekivu ni noqu vakabauta na Kalou kei na masu” (“My Journey as a Pioneer from India,” Ensign, July 2016, 67).

Na italanoa tale eso baleta na masu, raica na wase ni Domo ni Yalododonu Edaidai ena Ensign se Liaona.

Vakatorocaketaki ni Noda Veivakavulici

Kakua ni rerevaka na vagagalu. “Na taro vinaka ena taura toka na gauna me saumi mai. Era na gadreva na vakasama titobu, na vaqaqara, kei na veivakauqeti. Na gauna o waraka tiko kina na isaunitaro sa gauna tabu ni vakasama vakatitobu. Drovaka na veitemaki mo yalana na gauna ena nomu sauma ga na nomu taro se mo toso tale kina dua na ulutaga.” (Veivakavulici ena iVakarau ni iVakabula, 31).