Sa vakani ira na lewevuqa na Karisito

Feed Them, maivei Jorge Cocco

25–31ni Maji.

Maciu 14–15; Marika 6–7; Joni 5–6

“Kakua ni Rere.”

Ni ko vakavakarau mo veivakavulici mai na Maciu 14–15; Marika 6–7; kei na Joni 5–6, vakasaqara na itukutuku e ganita na kalasi. Ni ko cakava, sa rawa mo vakayagataki ira na kalasi ena veika vakaibalebale cake ena ivolanikalou.

Vola na Nomu Nanuma

ivakatakilakila ni veiwasei

Sureta na Veiwasei

Dua na sala ni tekivutaki na veivosakitaki na wase oqo o ya mera sureti e vica na lewe ni kalasi mera digitaka e dua na wase mai na wiliwili ka vakavakarau mera mai wasea e dua na itukutuku mai na wase o ya e vakaibalebale cake vei ira. Ni ra sa veiwasei tiko, mera taro na vo ni kalasi se kuria ena veivakarararamataki.

ivakatakilakila ni veivakavulici

Vakavulica na iVunau

Joni 5:16–47

Sai Jisu Karisito na Luvena Daulomani na Tamada Vakalomalagi.

• Ena Joni 5, a vakarautaka o Jisu e vica na veivakararamataki me baleti Koya, na Tamana, kei na na veimaliwai kei na Tamana. Ni gadrevi mera kunea na kalasi na veivakararamataki oqo, mo wasei ira vakailawalawa ka solia e vica na miniti mera vola na dina taucoko era kunea rawa ena tikina e 16–47 me baleta na ivakarau ni Kalou, o Jisu Karisito, kei na Nodrau veimaliwai. Sureti ira na ilawalawa mera veitarataravi ena wilika na dina era sa vola tu me yacova ni sa wasei taucoko. Ena vukei keda vakacava na dina oqo meda kila vinaka cake na Tamada Vakalomalagi kei na Luvena? Eda na muria vakacava na ivakaraitaki ni talairawarawa i Jisu Karisito vei Tamana?

• Na itaviqaravi ena ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale sa sureti ira tu na vuli mera kila na veigauna kece e vakayagataka kina o Jisu na vosa Tamaqu ena Joni 5. Sureta e vica na lewe ni kalasi mera wasea na veika era sa vulica ni ra sa vakacavara na itaviqaravi. Na veivakararamataki cava era sa rawata baleta na Tamada Vakalomalagi kei na Luvena Daulomani? Na cava e vakavulica na kosipeli vakalesuimai e vukei keda meda kila vinaka o cei o Tamada kei na vuna eda sokalou kina Vua? E rawa ni kune eso na vakasama ena Bible Dictionary ena vosa na “Kalou” kei na vosa “Kalou na Tamada” ena Tudei ena Vakabauta, 74–76. Me tiki ni veivosaki oqo, sa rawa na lagata, rogoca, se wilika vakalasi na “O My Father,” Serenilotu, naba 292.

Maciu 14: 16-21; Marika 6: 33-44; Joni 6: 5-14

Sa rawa vua na iVakabula me vakarabailevutaka na noda isolisoli me vakayacori kina na Nona inaki.

• Na cava ena vukea na kalasi me kunei na inaki vakatamata yadua ki na cakamana i Jisu ni vakania e lima na udolu? Sa rawa mo taroga ni nodra wilika na cakamana sa vakalevutaka vakacava na nodra vakabauta ni sa rawa vua na iVakabula me vakalougatataki ira yadua. Era sa vakila mada ni takiveiyaga nodra sala se igu mera cakava kina e dua na lalawa se ivakaro mai vua na Kalou? Era sa bau vakila mada ni sa vakalevutaka se vakavuqataka na iVakabula na nodra sasaga me vukea nodra rawata e dua na ka dredre?

  buli madrai kei na ika

  E cakamana o Jisu ni a vakania e 5,000 na tamata ena lima na ibuli madrai kei na rua na ika.

• E rawa ni veivuke na vidio “The Feeding of the 5,000” (LDS.org) ki na kalasi mera vakasamataka vakatitobu na cakamana e tukuni tiko eke. Na ivakaraitaki cava eda na raica ena itukutuku oqo e vakalevutaka na noda vakabauta na iVakabula? Ena sala cava ena vakani keda kina vakayalo na iVakabula? Ena gauna cava eda a vakani ka tokoni kina maivei Jisu Karisito? Me vakataka e dua na cakamana nikua e tautauvata ki na cakamana ni buli madrai kei na ika, raica na vidio “Pure and Simple Faith” (LDS.org) or Paul VanDenBerghe, “Power in Prayer,” New Era, July 2012, 34–36.

Maciu 14: 22–23

Sa sureti keda tiko o Jisu meda tagutuva noda rere kei na vakatitiqa me rawa ni taucoko noda lako Vua.

• Na itukutuku e tiko ena Maciu 14:22–33 ena vukea na kalasi me vakalevutaka nodra vakabauta na iVakabula ka gadreva mera muri Koya. Sureta na kalasi mera wilika na itukutuku oqo, ka rogoca matua na vosa i Karisito, Pita, kei ira na Apositolo eso. A vukei Pita vakacava na vosa i Karisito me vakabauta me biuta na waqa ka taubale e dela ni wai? Ena yaga vakacava na kerekere i Jisu “dou vakacegu” ka “dou kakua ni rere” (tikina e 27) kivei keda nikua? Na cava eda vulica maivei Pita baleta na ibalebale ni da sa tisaipeli i Jisu Karisito ka nuitaki Koya ga?

• E tiko enaMaciu 14:22–33 na vosa kei na malanivosa ena vakauqeta na kalasi mera na vakalevutaka nodra vakabauta na iVakabula. Kerea mera vakasaqara na vosa kei na malanivosa veivakauqeti, vola ena vava ni volavola, ka veivosakitaka. E rawa beka mera vakamacalataki Pita na kalasi? Mo vakayaloqaqataki ira mera vakasamataka ka wasea na gauna, me vakataki Pita, era a muria kina na iVakabula, ni sega tu ni kilai na cava ena yaco. Na cava era vulica mai na ka sa yaco oqo? A vueti ira kina vakacava na Karisito ni ra a rere se vakatitiqa tu kina?

Joni 6:22–71

Ni da sa tisaipeli i Karisito, me sa lomada dina meda vakadinata ka ciqoma na dina ni dredre mada ga meda cakava.

• Na veika a yaco ena Joni 6 ena vakarautaka e dua na rai ena gauna era taroga kina na tamata na ivunau, itukutuku makawa, se lawa ni Lotu i Karisito. Ena wase oqo, eso era muri Jisu era besetaka na Nona veivakavulici ni o Koya na Madrai ni Bula ka rawa mera vakabulai duadua ga ena solibula ni yagona kei na dra. Ni gadrevi na kalasi mera bulataka na itukutuku oqo, mo vola na taro vakaoqo ena vava ni volavola ka kerea na kalasi mera raica na kena isau ena tikina e 22–71: Na cava beka era a namaka tiko na tamata? (raica na tikina e 26). Na cava e a qai solia vei ira na Karisito? (raica na tikina e 51). Na cava era a sega ni kila vinaka na tamata? (raica na tikina e 41–42, 52). Na cava eso na sala meda digitaka meda lako vata kina kei Karisito ni da lomatarotaro voli? Sureti ira mera vakasamataka vakatitobu na taro ni iVakabula kei na ka e sauma mai o Pita ena tikina e 67–69. Na cava eso na vunau, cakacaka vakalotu, se so tale na “vosa ni bula tawamudu” e rawa ni kune duadua ga ena Lotu vakalesuimai i Karisito? Sureta na kalasi mera wasea na kena sa vakalougatataka nodra bula kei na matavuvale na vunau kei na cakacaka vakalotu oqo. Me baleta na veivakararamataki ni dua na Apositolo nikua, sureta e dua na lewe ni kalasi me wilika na itukutuku nei Elder M. Russell Ballard ena “iKuri ni iVurevure.”

ivakatakilakila ni vuli

Vakayaloqaqataki na Vuli ena iTikotiko

Ena veivakauqeti mera na wilika na kalasi na itukutuku ni kalasi ena macawa mai oqo ke o vakamacalataka ni ka era sa wilika ena rawa me vakabulabulataka nodra rogoca na koniferedi raraba. Vakayaloqaqataki ira mera lako mai ki na kalasi e tarava mera mai veivakararamataki.

ivakatakilakila ni ivurevure

iKuri ni iVurevure

Maciu 14–15; Marika 6–7; Joni 5–6

“Dou sa via lako tani talega koi kemudou?”

Ni sa wilika oti na Joni 6:68–69, a vakavulica o Elder M. Russell Ballard:

“Kivei ira eso, na veisureti i Karisito mera vakadinata ka tiko ga kina e se dredre tiko ga—se dredre me ciqomi. Eso na tisaipeli a dredre mera kila vinaka e dua na lawa se ivakavuvuli ni Lotu. Eso era vakalewa na keda itukutuku makawa se nodra malumalumu eso na lewenilotu kei na iliuliu, ena gauna sa oti kei na gauna oqo. Se tiko eso era raica ni sa ka dredre mera tiko ena dua na lotu e sa rui levu na ka e vinakati kina. Kena iotioti, eso era sa ‘oca ena cakacaka vinaka’ [V&V 64:33]. Ena vuku ni kena oqo kei na so tale, eso na lewe ni Lotu sa veilecayaki tiko na nodra vakabauta, ka ra vakataroga tiko mera na muri ira beka era sa “suka tani ka sega tale ni lako vata kaya ” kei Jisu.

“Ke dua vei kemuni sa luluqa tiko na nona vakabauta, au na taroga vei iko na taro nei Pita: ‘Mo na lako vei cei?’ …

“… Bera ni ko vakarau digidigi rerevaki vakayalo mo sa suka tani, au sa vakauqeti iko mo tu mada vakadua ka vakasama sara vakavinaka ni bera ni ko vakasuka na veika a vakavuna na nomu ivakadinadina baleta na Lotu vakalesuimai i Jisu Karisito ena imatai ni gauna. Tu vakadua ka vakasamataka na veika o sa mai vakila eke kei na vuna o a vakila kina. Vakasamataka na gauna a vakadinadinataka kina vei iko na Yalo Tabu na dina tawamudu” (“Keitou na Lako Vei Cei?” Ensign se Liaona, Nove. 2016, 90–91).

Vakatorocaketaki ni Noda Veivakavulici

Vakarorogo. “Na vakarorogo sa ivakaraitaki ni loloma. … Kerea na Tamada Vakalomalagi me vukei iko mo kila na cava era kaya tiko na nomu lewe ni kalasi. Ni ko sa wanonova matua na veika era kaya tiko kei na veika era na sega beka ni kaya ko na qai kila vinaka cake na ka era vinakata, na nodra vakatataro, kei na nodra gagadre” (Veivakavulici ena Sala ni Turaga, 34).