“Oktubre 23–29. 1 ken 2 Timoteo; Tito; Filemon: ‘Sika Koma ti Ulidan kadagiti Mamati’” Umaykayo, Sumurot Kaniak—Para iti Sunday School: Baro a Tulag 2023 (2021)
“Oktubre 23–29. 1 and 2 Timoteo; Tito; Filemon,” Umaykayo, Sumurot Kaniak—Para iti Sunday School: 2023
Oktubre 23–29
1 ken 2 Timoteo; Tito; Filemon
“Sika koma ti Ulidan kadagiti Mamati”
Basaen ti 1 ken 2 Timoteo; Tito; ken Filemon a pampanunotem dagiti miembro ti klasem. Dagiti kapanunotan ken impresion nga umay ket makatulongto a mangiturong kadagiti miembro ti klasem kadagiti napapateg a binatog iti nasantuan a kasuratan ken mangyeg iti Espiritu iti siled ti klasem.
Yawis ti Panagbibinninglay
Mabalin a makatulong kadagiti miembro ti klase a dumngeg iti tunggal sabali pay a mensahe maipapan kadagiti balligi ken karitda iti panagadal kadagiti nasantuan a kasuratan, agpada a kas indibidual ken kas pamilia. Ibilang ti panangirugi iti klase babaen ti panangawis kadagiti miembro ti klase a mangisarita no kumustan ti panagadalda iti nasantuan a kasuratan.
Isuro ti Doktrina
Ti panangawat kadagiti pudno a doktrina ket makatulongto kadatayo a mangliklik iti pannakaallilaw.
-
Agbibiag dagiti miembro ti klasem iti panawen a di masinunuo no ania ti pudno ken ania ti palso. Nagbiag da Timoteo ken Tito iti kasta a panawen, isu a nalabit a ti balakad ni Pablo kadakuada ket mabalin a napateg ita. Adtoy ti sumagmamano kadagiti binatog a naglaon kadagiti balakad ni Pablo: 1 Timoteo 1:1–7; 4:1–2, 6; 6:3–5, 20–21; 2 Timoteo 3:13–17; 4:2–4; Tito 1:7–9; 2:1, 7–8. Mabalinmo a dutokan ti tunggal miembro ti klase a mangbasa iti maysa kadagitoy a binatog ket ibinglayna no ania ti masursurona maipapan iti kinapateg ti pudno a doktrina (kitaen met iti Alma 31:5). Kasano a matulongannatayo ti doktrina ti Mangisalakan a mangliklik iti pannakaallilaw? Mabalin pay nga iburay dagiti miembro ti klase dagiti padasda no kaano a nabendisionanda iti bileg ti pudno a doktrina.
“Awan koma ti pakaumsian iti kinaubingmo; no di ket, sika koma ti ulidan kadagiti namati” (1 Timoteo 4:12).
“Sika koma ti ulidan kadagiti namati”
-
Posible a saan a maamiris dagiti miembro ti klase ti bileg ti nasayaat a pagwadan nga ipakpakitada. Ibilang ti panangawis kadakuada a mangisarita maipapan no kasano a nagbalin a pagwadan a kas disipulo ni Cristo dagiti tao nga am-ammoda, agraman dagiti padada a miembro ti klase. Mabalin a makatulong iti panaglilinnawag no ilistam iti pisarra dagiti balikas iti bersikulo 12 a mangiladawan no kasano a nasken nga agbalintayo a pagwadan—balikas, pannakisasao (a mabalin a kaipapananna pay ti ugali wenno tignay), asi, espiritu, pammati, ken kinatarnaw. Mabalin nga ilawlawag dagiti miembro ti klase no kasano nga agbalintayo nga ulidan kadagiti mamati iti tunggal maysa kadagitoy a wagas.
“Ta saannatay nga inikkan ti Dios ti espiritu ti kinatakrot; no di ti kinatibker, ken ti ayat ken ti naimbag a nakem.”
-
Ti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia ket mangisingasing a basaen iti 2 Timoteo para iti balakad nga impaay ni Pablo ken ni Timoteo tapno mapatibker iti panagministrona. Paibinglay kadagiti miembro ti klase iti aniaman kadagiti nalawag a pannakaammo ken pannakaawat a nasarakanda [insights]. Wenno mabalin nga ikkam ida iti sumagmamano a minuto tapno mangsapul ken mangibinglay iti sumagmamano a balakad ni Pablo (addaan tichapter 1 iti sumagmamano a pagarigan). Mabalinmo pay nga isalaysay ti padas idi nakatulong kadakuada ti Dios a mangparmek iti butengda ken nangted kadakuada iti “espiritu ti … kinatibker, ken ti ayat, ken ti naimbag a nakem” (2 Timoteo 1:7
Ti panagadal kadagiti nasantuan a kasuratan ket makatulong kadatayo a mangparmek kadagiti peggad dagiti maudi nga aldaw.
-
Kalpasan ti panangballaag ken ni Timoteo maipapan kadagiti “napeggad a panawen” nga umay, impaneknek ni Pablo maipapan iti bileg ken kinapateg dagiti nasantuan a kasuratan (kitaen iti 2 Timoteo 3:1, 14–17). Iti panangrugi ti panaglilinnawag maipapan iti kinapateg dagiti nasantuan a kasuratan iti no kasano a mapatibkernatayo kadagiti naririgat a panawen, mabalinmo nga awisen dagiti miembro ti klase a mangrebyu iti panangiladawan ni Pablo iti baet ti panagrigat iti maudi nga al-aldaw a masarakan iti 2 Timoteo 3:1–7. Kalpasanna mabalinda a sukisoken ken ibinglay dagiti nasantuan a kasuratan a nakatulong kadakuada maibusor kadagiti peggad a kas kadagitoy (sumagmamano a pagarigan dagiti nakalista iti “Dagiti Nainayon a Resources”). Kasano a nasalaknibannatayo ti panagadaltayo kadagiti nasantuan a kasuratan manipud kadagiti riribuk iti agdama a lubong?
-
Ti panagadal iti balakad ni Pablo maipapan ti bileg dagiti nasantuan a kasuratan ket mabalin a gundaway nga agpipinnaregta dagiti miembro ti klase iti tunggal maysa kadagiti panagkagumaanda nga agadal iti balikas ti Dios. Nalabit a mabalin a basaen dagiti miembro ti klase ti 2 Timoteo 3:14–17 ket ilasinda dagiti bendision ken proteksion a sumangbay manipud iti panagadal kadagiti nasantuan a kasuratan. Kalpasanna mabalinda nga ibinglay dagiti padasda idi naawatda dagitoy a bendision gapu iti panagadalda iti nasantuan a kasuratan. Mabalin met a mangtedka kadagiti miembro ti klase iti sumagmamano a kanito nga agutob maipanggep iti no ania ti maaramidda tapno maaddaanda kadagiti napatpateg a padas kadagiti nasantuan a kasuratan, agpada a kas indibidual ken kas pamilia.
Dagiti Nainayon a Resources
Dagiti nasantuan a kasuratan a mangsalaknib kadatayo a maibusor kadagiti peggad dagiti maudi nga al-aldaw (kitaen iti 2 Timoteo 3:2).
|
Peggad kadagiti Maudi nga Aldaw |
Dagiti Kinapudno a Mangsalaknib Kadatayo |
|---|---|
Peggad kadagiti Maudi nga Aldaw Dagiti agayat iti bukodda a bagi | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Kinaagum | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Manangpannakkel | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Napalangguad | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Dagiti managtabbaaw | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Nasukir kadagiti nagannak | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Saan a managyaman | Dagiti Kinapudno a Mangsalaknib Kadatayo |
Peggad kadagiti Maudi nga Aldaw Saan a nasantuan | Dagiti Kinapudno a Mangsalaknib Kadatayo |
Panangpadur-as iti Panangisurotayo
Mapasamak iti pagtaengan ti naespirituan a panagdur-as. Kaduam dagiti miembro ti klasem iti ababa laeng nga oras iti mamindua iti kada bulan. Kaadduan kadakuada ti makapadpadas kadagiti napnuan pateg a naespirituan a padas iti ruar ti klase, ken dagitoy a padas ket mabalin a mangpapigsa kadagiti dadduma a miembro ti klase. Agdamag kadagiti saludsod a mangallukoy kadagiti miembro ti klase a mangibinglay no ania ti nasursuroda bayat ti panagadalda iti ebanghelio iti pagtaengan. (Kitaen iti Panangisuro iti Wagas ti Mangisalakan, 18.)