“23–29 octubre. 1 ut 2 Timoteo; Tito; Filemon: “Chayal aaq’e chixk’amb’al xb’eheb’ laj paab’anel,” ” Kim, Taaqehin—Choq’ re li Dominkil Tzoleb’aal: Li Ak’ Chaq’rab’ 2023 (2022)
“23–29 octubre. 1 ut 2 Timoteo; Tito, Filemon,” Kim, Taaqehin—Choq’ re li Dominkil Tzoleb’aal: 2023
23–29 octubre
1 ut 2 Timoteo; Tito; Filemon
“Chayal aaq’e chixk’amb’al xb’eheb’ laj paab’anel”
Il 1 ut 2 Timoteo; Tito; ut Filemon rik’in xk’oxlankileb’ li komon sa’ laa tzoleb’aal. Li k’oxlahom ut eek’ahom li te’chalq aawik’in tate’xtenq’a chixk’utb’aleb’ li raqal reheb’ li loq’laj hu li aajeleb’ ru, ut chixb’oqb’al chaq li Musiq’ej sa’ laa tzoleb’aal.
Xkanab’ankileb’ chi wotzok
Wan naq us choq’ reheb’ li komon sa’ li tzoleb’aal rab’inkil rib’eb’ chi aatinak chirix chan ru naq xe’usa malaj naq xcha’a’jkilo’ chiruheb’ xtzolb’aleb’ li loq’laj hu, xjuneseb’ ut sa’ junkab’al. K’oxla xtikib’ankil li tzolok rik’in xb’oqb’aleb’ li komon chi aatinak chirix chan ru naq yookeb’ chi usaak sa’ xtzolb’aleb’ li loq’laj hu.
Xk’utb’al li tzolʼlebʼ
Rik’in xtawb’al ru li yaalil tzol’leb’, naru naqakol qib’ chiru li b’alaq’iik.
-
Eb’ li komon wankeb’ sa’ jun hoonal b’ar wi’ wan naq ch’a’aj xk’eeb’al reetal k’a’ru li yaal ut k’a’ru li tik’ti’. Jo’kan ajwi’ laj Timoteo ut laj Tito ke’wan sa’ jun kutan chanchan a’an, ut maare li na’leb’ kixk’e laj Pablo reheb’ tixtenq’aheb’ li komon. Sa’eb’ li raqal a’in wankeb’ lix na’leb’ laj Pablo: 1 Timoteo 1:1–7; 4:1–2, 6; 6:3–5, 20–21; 2 Timoteo 3:13–17; 4:2–4; Titus 1:7–9; 2:1, 7–8. Naru taapatz’ re li junjunq komon sa’ li tzoleb’aal naq taaril ru jun reheb’ li raqal a’in ut tixwotz li k’a’ru xtzol chirix lix aajelil ru li yaalil tzol’leb’ (chi’ilmanq ajwi’ Alma 31:5 Chan ru naq lix tzol’leb’ li Kolonel nokoxtenq’a chixq’axb’al ru li b’alaq’? Eb’ li komon naru neke’xwotz xnumsihomeb’ b’ar wi’ xe’osob’tesiik xb’aan xwankil li tzol’leb’.
“Maa’ani chitz’eqtaananq aawe sa’ xk’ab’a’ laa saajilal, chayal b’an aaq’e chixk’amb’al xb’eheb’ laj paab’anel” (1 Timoteo 4:12).
“Chayal aaq’e chixk’amb’al xb’eheb’ laj paab’anel.”
-
Naru naq eb’ li komon sa’ laa tzoleb’aal ink’a’ neke’xtaw ru chan ru xnimal xwankil lix chaab’il b’aanuhomeb’. Naru nakab’oqeb’ chi aatinak chirix chan ru naq anihaq li nawb’il ru xb’aaneb’, maare junaq rech komonil sa’ li tzoleb’aal, wanjenaqeb’ chixk’utb’al rik’in xb’aanuhom naq a’aneb’ xtzolom li Kristo. Naru naq taachaab’ilo’q li aatinak wi nakatz’iib’a chiru li pizarron eb’ li aatin sa’ li raqal 12 li neke’xye chan ru naq naru toowanq chi k’amok b’e—rik’in aatinak, rik’in laa yu’am (a’an naraj naxye rik’in laa b’aanuhom), sa’ rahok, sa’ laa paab’aal, ut sa’ xsaqal ru aach’ool. Eb’ li komon te’ruuq chi aatinak chirix chan ru naq nokoru chixk’amb’al xb’eheb’ laj paab’anel rik’in li junjunq chi chaab’ilal a’in.
“Moko li xiwak ta xqamaatani chaq rik’in li Dios, a’b’an lix kawub’ qach’ool, li rahok ut kuyuk-ib’.”
-
Sa’ li tusleb’ aatin re li xamaan a’in sa’ Kim, Taaqehin—Choq’ reheb’ li komon ut li junkab’al naxye naq naru rilb’al 2 Timoteo re xsik’b’al li na’leb’ kixk’e laj Pablo re laj Timoteo re xwaklesinkil xch’ool sa’ lix k’anjel. Patz’ reheb’ li komon naq te’xwotz li na’leb’ neke’xtaw. Malaj ut naru taak’e xhoonaleb’ re te’xsik’ ut te’xwotz junjunq reheb’ lix na’leb’ laj Pablo (sa’ li ch’ol 1 wankeb’ naab’al). Naru ajwi’ te’xwotz junaq xk’ulum naq li Dios xtenq’aheb’ chixq’axb’al ru lix xiweb’, ut xk’e reheb’ “xkawub’ xch’ool, li rahok ut kuyuk-ib’ ” (2 Timoteo 1:7
Rik’in xtzolb’aleb’ li loq’laj hu naru naqaq’ax ru li rahilal re roso’jikeb’ li kutan.
-
Chirix xtijb’al laj Timoteo chirix li “hoonal q’axal ch’a’ajkaq xnumsinkil” li toj taachalq, laj Pablo kixch’olob’ xyaalal lix wankileb’ ut xnimaleb’ ru li loq’laj hu (chi’ilmanq 2 Timoteo 3:1, 14–17). Re xtz’ilb’al rix chan ru naq li loq’laj hu nokoxtenq’a sa’eb’ li kutan ch’a’aj, naru taapatz’ reheb’ li komon naq te’ril wi’chik li raatin laj Pablo chirix li ch’a’ajkilal taawanq sa’ roso’jikeb’ li kutan, li natawman sa’ 2 Timoteo 3:1–7. Chirix a’an, naru te’xsik’eb’ ut te’xwotzeb’ li raqal li xtenq’ank reheb’ chixkolb’al rib’ chiruheb’ li ch’a’ajkilal a’an (wan junjunq li tz’iib’anb’ileb’ sa’ “Xkomon chik li k’anjeleb’aal”). Chan ru naq xtzolb’aleb’ li loq’laj hu naxkol qix chiruheb’ li ch’a’ajkilal sa’ li ruchich’och’ anajwan?
-
Rik’in xtzolb’al li na’leb’ kixk’e laj Pablo chirix lix nimal xwankileb’ li loq’laj hu, eb’ li komon sa’ li tzoleb’aal te’ruuq chixwaklesinkil xch’ool chirib’ileb’ rib’ re te’xtzol li raatin li Dios. Maare eb’ li komon sa’ li tzoleb’aal te’ruuq chirilb’al ru 2 Timoteo 3:14–17 ut te’xk’e reetal k’a’ruheb’ li osob’tesink ut li kolok-ix li nachal rik’in xtzolb’aleb’ li loq’laj hu. Chirix a’an, naru neke’xwotz xnumsihomeb’ b’ar wi’ xe’xk’ul li osob’tesihom a’an sa’ xk’ab’a’ xtzolb’aleb’ li loq’laj hu. Naru ajwi’ taakanab’eb’ li komon sa’ li tzoleb’aal chixk’oxlankil chiru junpaat k’a’ru naru neke’xb’aanu re naq mas wi’chik te’usilaaq rik’in xtzolb’aleb’ li loq’laj hu, xjuneseb’ ut jo’ junkab’al.
Xkomon chik li k’anjeleb’aal
Eb’ li na’leb’ re li loq’laj hu li neke’xkol qix chiru li xiwxiw sa’ roso’jikeb’ li kutan (chi’ilmanq 2 Timoteo 3:2).
Eb’ li ch’a’ajkilal sa’ roso’jikeb’ li kutan |
Eb’ li na’leb’ li neke’kolok qix |
---|---|
Eb’ li ch’a’ajkilal sa’ roso’jikeb’ li kutan Junes reheb’ te’raj | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Te’xrahi ru li tumin | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Te’xnimob’resihatq xwankileb’ | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Te’xq’etq’eti rib’eb’ | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Aj majewanelaqeb’ | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Aj q’etolaqeb’ raatin xna’ xyuwa’ | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Maak’a’ chik te’xnaw xtioxinkil | Eb’ li na’leb’ li neke’kolok qix |
Eb’ li ch’a’ajkilal sa’ roso’jikeb’ li kutan Te’xtz’eqtaana li paab’ank | Eb’ li na’leb’ li neke’kolok qix |
Xchaab’ilob’resinkil li qak’utum
Li musiq’ejil k’iik na’uxman sa’ kab’l. Laa’at wankat rik’ineb’ li komon yal chiru junpaat wiib’ sut chiru jun po. Naab’al reheb’ a’an neke’xk’ul musiq’ejil na’leb’ li naru naxkawob’resiheb’ xkomoneb’ chik li komon sa’ li tzoleb’aal. Waklesi xch’ooleb’ re naq te’xwotz li yookeb’ chixtzolb’al sa’ li xtzolb’al li evangelio sa’ rochocheb’. (Chi’ilmanq Li k’utuk jo’ li Kolonel, 18.)