“23–29 Oketopa. 1 ma le 2 Timoteo; Tito; Filemoni: ‘Ia Fai Oe ma Faaaoao i e ua Faatuatua,’” Sau, Mulimuli Mai ia te Au—Mo le Aoga Sa: Feagaiga Fou 2023 (2021)
23–29 Oketopa. 1 ma le 2 Timoteo; Tito; Filemoni,” Sau, Mulimuli Mai ia te Au—Mo le Aoga Sa: 2023
23–29 Oketopa
1ma le 2 Timoteo; Tito; Filemoni
“Ia Fai Oe ma Faaaoao i e ua Faatuatua”
Faitau le 1ma le 2 Timoteo; Tito; Filemoni ma mafaufau i tagata o lau vasega. O manatu ma lagona e oo atu o le a fesoasoani e taitai atu ai tagata o le vasega i fuaitau o mau talafeagai ma aumai ai le Agaga i lou potuaoga.
Valaaulia le Fefaasoaai
E mafai ona aoga mo tagata o le vasega le faalogo atu i le tasi ma le isi o talanoa e uiga i mea ua latou manuia ai faapea luitau i le suesueina o tusitusiga paia, i le faaletagata lava ia ma o ni aiga. Mafaufau e amata le vasega i le valaaulia o tagata o le vasega e talanoa e uiga i mea o loo sologa lelei i a latou suesuega o tusitusiga paia.
Aoao Atu le Aoaoga Faavae
O le malamalama i aoaoga faavae moni o le a fesoasoani tatou te aloese ai mai le faaseseina.
-
O loo ola tagata o lau vasega i se taimi e mafai ona faigata ai ona fuafua po o le a le mea moni ma pe o le a le mea e sese. Sa ola foi Timoteo ma Tito i se vaitaimi faapena, o lea atonu o le a aoga ai fautuaga a Paulo ia i latou i neionapo. O nisi nei o fuaitau o loo i ai le fautuaga a Paulo: 1 Timoteo 1:1–7; 4:1–2, 6; 6:3–5, 20–21; 2 Timoteo 3:13–17; 4:2–4; Tito 1:7–9; 2:1, 7–8. E mafai ona e tofia tagata taitoatasi o le vasega e faitau se tasi o fuaitau nei ma faasoa mai se mea ua ia aoaoina e uiga i le taua o aoaoga faavae moni (tagai foi Alema 31:5). E faapefea ona fesoasoani le aoaoga faavae a le Faaola ia i tatou e aloese ai mai le taufaasese? E mafai foi e tagata o le vasega ona faasoa mai ni aafiaga na faamanuiaina ai i latou i le mana o aoaoga faavae moni.
“Aua ne’i ‘ino’ino se tasi i lou taulealea; a ia fai oe ma faaa’oa’o i e ua faatuatua” (1 Timoteo 4:12).
“Ia fai oe ma faaa’oa’o i e ua faatuatua.”
-
Atonu e le o iloa e tagata o lau vasega le mana o faataitaiga lelei o loo latou faia. Mafaufau e valaaulia i latou e talanoa e uiga i auala o loo avea ai tagata latou te iloa, e aofia ai tagata o le vasega, o ni faataitaiga o ni soo o Keriso. Atonu o le a aoga i le talanoaga pe a e lisia i luga o le laupapa upu o loo i le fuaiupu e 12 o loo faamatala ai le ala e tatau ona avea ai i tatou ma se faataitaiga i le—upu, talanoaga (lea e mafai foi ona faauigaina o le amio po o uiga), alofa mama, loto, faatuatua, ma le le gaoia. E mafai ona talanoaina e tagata o le vasega auala e mafai ona avea ai i tatou ma faaaoao i e ua faatuatua i nei auala taitasi.
“Aua ua le foaiina mai e le Atua ia te i tatou le Agaga e mata’u ai, a o le Agaga e faamalosi ai, ma alofa ai, ma mafaufau tonu ai.”
-
O le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga o loo fautuaina ai le vaavaai i le 2 Timoteo mo le fautuaga na tuuina atu e Paulo e faamalosiau ai ia Timoteo i lana galuega. Fai atu i tagata o le vasega e faasoa mai soo se malamalamaaga sa latou mauaina. Pe e mafai foi ona e tuuina atu ia i latou ni nai minute i le vasega e sue ai ma faasoa mai nisi o fautuaga a Paulo (mataupu 1 o loo i ai ni faataitaiga lelei). E mafai foi ona latou faasoa mai se aafiaga i se taimi sa fesoasoani ai le Atua ia i latou e faatoilalo o latou atugaluga ma tuu atu ia i latou “le agaga e … faamalosi ai, ma alofa ai, ma mafaufau tonu ai” (2 Timoteo 1:7).
O le suesueina o tusitusiga paia e mafai ona fesoasoani ia i tatou e faatoilalo ai faigata o aso e gata ai?
-
Ina ua uma ona lapataia Timoteo e uiga i “aso faigata” o le a oo mai, sa molimau atu Paulo e uiga i le mana ma le taua o tusitusiga paia (tagai 2 Timoteo 3:1, 14–17). Ina ia amata se talanoaga e uiga i le ala e fesoasoani ai tusitusiga paia i o tatou taimi faigata, e mafai ona e valaaulia tagata o le vasega e toe faamanatu le faamatalaina e Paulo o faigata i aso e gata ai o loo maua i le 2 Timoteo 3:1–7 Ona mafai lea ona latou sueina ma faasoa atu ni mau sa fesoasoani e puipuia ai i latou faasaga i faigata e pei o nei (o loo lisiina nisi o faataitaiga i le “Punaoa Faaopoopo”). Na faapefea e lo tatou suesueina o tusitusiga paia ona puipuia i tatou mai faalavelave o le lalolagi i aso nei?
-
O le suesueina o fautuaga a Paulo e uiga i le mana o tusitusiga paia, e mafai ona avea o se avanoa mo tagata o le vasega e faamalosiau atu ai le tasi i le isi i a latou taumafaiga e suesue i le upu a le Atua. Atonu e mafai ona faitau e tagata o le vasega le 2 Timoteo 3:14–17 ma faailoa mai faamanuiaga ma puipuiga ia e maua mai i le suesueina o tusitusiga paia. Ona mafai lea ona latou faasoa mai ni aafiaga i se taimi na latou maua ai nei faamanuiaga ona o a latou suesuega o tusitusiga paia. E mafai foi ona e tuu atu i tagata o le vasega ni nai minute e mafaufau loloto ai i mea e mafai ona latou faia ia maua ai ni aafiaga e sili atu ona anoa i tusitusiga paia, i le faaletagata lava ia ma o ni aiga.
Punaoa Faaopoopo
O upu moni mai tusitusiga paia lea e puipuia ai i tatou mai faigata o aso e gata ai o loo faamatalaina i le 2 Timoteo 3:2).
|
Faigata o Aso e Gata Ai |
Upu Moni o loo Puipuia i Tatou |
|---|---|
Faigata o Aso e Gata Ai O e alolofa latou ia te i latou | Upu Moni o loo Puipuia i Tatou |
Faigata o Aso e Gata Ai Matape’ape’a | Upu Moni o loo Puipuia i Tatou |
Faigata o Aso e Gata Ai Mimita | Upu Moni o loo Puipuia i Tatou |
Faigata o Aso e Gata Ai Faamaualuga | Upu Moni o loo Puipuia i Tatou |
Faigata o Aso e Gata Ai Upu leaga | Upu Moni o loo Puipuia i Tatou |
Faigata o Aso e Gata Ai Le usitai i matua | Upu Moni o loo Puipuia i Tatou |
Faigata o Aso e Gata Ai Le lotofaafetai | Upu Moni o loo Puipuia i Tatou |
Faigata o Aso e Gata Ai Le paia | Upu Moni o loo Puipuia i Tatou |
Faaleleia o Lo Tatou Aoao Atu
O le tuputupu ae faaleagaga e tupu i le aiga. E te i ai faatasi ma lou vasega mo sina taimi pu’upu’u faalua i le masina. O le toatele o i latou o loo i ai ni aafiaga anoa faaleagaga i fafo atu o le vasega, ma o nei aafiaga e mafai ona faamalosia ai isi tagata o le vasega. Fai fesili e uunaia ai tagata o le vasega e faasoa mai mea ua latou aoaoina a o latou suesue i le talalelei i le fale. (Tagai Aoao Atu i le Ala a le Faaola,18.)