« ថ្ងៃទី ១៨–២៤ ខែ ធ្នូ ។ បុណ្យគ្រីស្ទម៉ាស់ ៖ ‹ ដំណឹងល្អពីសេចក្ដីអំណរយ៉ាងអស្ចារ្យ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២១ )
« ថ្ងៃទី ១៨–២៤ ខែ ធ្នូ ។ បុណ្យគ្រីស្ទម៉ាស់ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២៣
កូនចៀមតូច ដោយ ជេនីឌី ផេច
ថ្ងៃទី ១៨–២៤ ខែ ធ្នូ
បុណ្យគ្រីស្ទម៉ាស់
« ដំណឹងល្អពីសេចក្ដីអំណរយ៉ាងអស្ចារ្យ »
ការពិភាក្សាអំពីដំណឹងល្អមានអានុភាពខាងវិញ្ញាណ នៅពេលវាផ្ដោតសំខាន់ទៅលើព្រះយេស៊ូវគ្រីស្ទ ។ នៅពេលបងប្អូនសិក្សាអំពីការប្រសូត និងបេសកកម្មរបស់ព្រះយេស៊ូវគ្រីស្ទនៅសប្ដាហ៍នេះ សូមស្វែងរកការបំផុសគំនិតមកពីព្រះវិញ្ញាណបរិសុទ្ធ ដើម្បីដឹងរបៀបដែលបងប្អូនអាចផ្ដោតការពិភាក្សាក្នុងថ្នាក់របស់បងប្អូនលើព្រះអង្គសង្គ្រោះបានយ៉ាងល្អបំផុត ។
អញ្ជើញឲ្យចែកចាយ
សូមអញ្ជើញសមាជិកក្នុងថ្នាក់ឲ្យចែកចាយអ្វីដែលពួកគេកំពុងធ្វើ ឬបានធ្វើកាលពីមុនតែម្នាក់ឯង ឬជាគ្រួសារ ដើម្បីអបអរសាទរចំពោះការប្រសូតរបស់ព្រះអង្គសង្គ្រោះ តាមរបៀបដែលនាំឲ្យពួកគេខិតទៅកាន់តែជិតទ្រង់ ។
បង្រៀនគោលលទ្ធិ
ម៉ាថាយ ១:១៨–២៥; លូកា ១:២៦–៣៨; ២:១–២០
ព្រះយេស៊ូវគ្រីស្ទបានបន្ទាបព្រះកាយមកប្រសូតនៅលើផែនដី ។
-
បុណ្យគ្រីស្ទម៉ាស់គឺជាគ្រាដ៏ល្អមួយដើម្បីពិចារណា ហើយអបអរសាទរចំពោះការបន្ទាបព្រះកាយរបស់ព្រះគ្រីស្ទ—ព្រះឆន្ទៈរបស់ទ្រង់ដើម្បីចាកចេញពី « បល្ល័ង្កដ៏ខ្ពស់របស់ព្រះវរបិតាទ្រង់ មករស់នៅជាមួយមនុស្សលោក ហើយសុគតសម្រាប់ពួកគេ » ( « Again We Meet around the Board » Hymns ល.រ. ១៨៦ ) ។ ដើម្បីបំផុសគំនិតឲ្យមានការពិភាក្សាមួយអំពីប្រធានបទនេះ បងប្អូនអាចសួរសមាជិកក្នុងថ្នាក់ថា តើពួកគេបានរៀនអ្វីខ្លះនៅក្នុងការសិក្សាផ្ទាល់ខ្លួន ឬជាមួយគ្រួសាររបស់ពួកគេនៅសប្ដាហ៍នេះ ថាព្រះយេស៊ូវគ្រីស្ទគឺជានរណាពីមុនទ្រង់បានប្រសូតមក ( សូមមើល យ៉ូហាន ១៧:៥; ម៉ូសាយ ៧:២៧; គោលលទ្ធិ និង សេចក្ដីសញ្ញា ៧៦:១២–១៤, ២០–២៤; ម៉ូសេ ៤:២ ) ។ បន្ទាប់មក បងប្អូនអាចដាក់បង្ហាញរូបភាពនៅក្នុង គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ កាលសមាជិកក្នុងថ្នាក់អានអំពីការប្រសូតរបស់ព្រះអង្គសង្គ្រោះ ( សូមមើល ម៉ាថាយ ១:១៨–២៥; លូកា ១:២៦–៣៨; ២:១–២០ ) ។ សូមលើកទឹកចិត្តពួកគេឲ្យចែកចាយគំនិត និងអារម្មណ៍របស់ពួកគេ នៅពេលពួកគេប្រៀបធៀបសិរីល្អនៅមុនព្រះជន្មរមែងស្លាប់របស់ព្រះអង្គសង្គ្រោះ ជាមួយនឹងការប្រសូតដ៏រាបសារបស់ទ្រង់ ។
-
សំណួរមួយដូចជាសំណួរដែលទេវតាបានសួរទៅនីហ្វៃនៅក្នុង នីហ្វៃទី១ ១១:១៦ អាចជាវិធីដ៏ល្អមួយ ដើម្បីចាប់ផ្ដើមការពិភាក្សាមួយក្នុងថ្នាក់ ប៉ុន្តែបងប្អូនត្រូវនិយាយវាតាមរបៀបផ្សេង ។ ប្រហែលជាបងប្អូនអាចសរសេរនៅលើក្ដារខៀនថា តើការបន្ទាបព្រះកាយរបស់ព្រះគឺជាអ្វី ? ហើយសុំឲ្យសមាជិកក្នុងថ្នាក់ពិចារណាពីសំណួរនេះ នៅពេលពួកគេអាន នីហ្វៃទី១ ១១:១៧–៣៣ ។ សូមឲ្យពួកគេចែកចាយគំនិតនានាអំពីព្រះអង្គសង្គ្រោះ ដែលបទគម្ពីរទាំងនេះបានបំផុសគំនិតដល់ពួកគេ ។ តើរូបភាពអ្វីខ្លះដែលបងប្អូនអាចដាក់បង្ហាញដល់សមាជិកក្នុងថ្នាក់ ដែលវាពិណ៌នាអំពីទិដ្ឋភាពនៃព្រះជន្មរបស់ព្រះអង្គសង្គ្រោះ ដូចបានរៀបរាប់ដោយនីហ្វៃ ? សមាជិកក្នុងថ្នាក់ក៏អាចពិចារណាពីការបន្ទាបព្រះកាយរបស់ព្រះអង្គសង្គ្រោះបានផងដែរ នៅពេលពួកគេមើលវីដេអូអំពីការប្រសូតរបស់ទ្រង់ ដូចជាវីដេអូ « A Gift to the World » « The Nativity » ឬ « He Is the Gift » ( នៅលើគេហទំព័រ ChurchofJesusChrist.org ) ។
-
តន្ត្រីគឺជាវិធីដ៏អស្ចារ្យមួយ ដើម្បីយាងអញ្ជើញព្រះវិញ្ញាណមកក្នុងថ្នាក់រៀនរបស់បងប្អូន ។ សូមពិចារណាអញ្ជើញនរណាម្នាក់ឲ្យលេងបទចម្រៀងគ្រីស្ទម៉ាស់ ឬច្រៀងទំនុកតម្កើងពីរបីបទរួមគ្នាក្នុងថ្នាក់ ( សូមមើល ទំនុកតម្កើង ល.រ. ១២៣–១៣២ ) ។ សមាជិកក្នុងថ្នាក់អាចរកមើលឃ្លានៅក្នុងទំនុកតម្កើងទាំងនេះ និងបទគម្ពីរដែលមាននៅក្នុងទំនុកតម្កើងទាំងនោះ ដែលបង្កើនការដឹងគុណរបស់ពួកគេចំពោះព្រះអង្គសង្គ្រោះ និងព្រះឆន្ទៈរបស់ទ្រង់ក្នុងការយាងមកកាន់ផែនដីនេះ ។
សួនច្បារគែតសេម៉ានី ដោយ ជេ ឃើក រីឆាដ
ព្រះយេស៊ូវគ្រីស្ទបានបំពេញបេសកកម្មរបស់ទ្រង់ ដែលធ្វើឲ្យយើងអាចគ្រងជីវិតដ៏នៅអស់កល្បជានិច្ចទុកជាមរតក ។
-
ដើម្បីជួយសមាជិកក្នុងថ្នាក់ឲ្យពិភាក្សាអំពីហេតុផលដែលព្រះយេស៊ូវគ្រីស្ទបានប្រសូតមក បងប្អូនអាចអញ្ជើញពួកគេឲ្យស្វែងរក ហើយចែកចាយបទគម្ពីរដែលសង្ខេបនូវបេសកកម្មរបស់ទ្រង់បាន ( សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ សម្រាប់ឧទាហរណ៍មួយចំនួន ) ។ ប្រហែលជាសមាជិកក្នុងថ្នាក់អាចរកមើល ហើយអានខគម្ពីរជាគូ ឬជាក្រុមតូចៗ ។ តើពួកគេរៀនអ្វីខ្លះអំពីបេសកកម្មរបស់ព្រះគ្រីស្ទនៅក្នុងខគម្ពីរ ដែលពួកគេបានរកឃើញនេះ ? តើពួកយើងបានរៀនអ្វីខ្លះ អំពីបេសកកម្មរបស់ទ្រង់មកពីព្រះបរមងារមួយចំនួន ដែលទ្រង់ទទួលបាននៅក្នុងបទគម្ពីរទាំងនេះ ? ( សូមមើល សេចក្ដីណែនាំដល់បទគម្ពីរទាំងឡាយ « ព្រះយេស៊ូវគ្រីស្ទ » ) ។
-
សមាជិកក្នុងថ្នាក់អាចរៀនអំពីបេសកកម្មរបស់ព្រះអង្គសង្គ្រោះ តាមរយៈការអាន « ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » ( នៅលើគេហទំព័រ ChurchofJesusChrist.org ) ហើយចែកចាយសេចក្ដីថ្លែងការណ៍នានា ដែលពួកគេរកឃើញថា វាពន្យល់អំពីហេតុផលដែលទ្រង់បានយាងមកផែនដីនេះ ។ សូមទុកពេលឲ្យសមាជិកក្នុងថ្នាក់សញ្ជឹងគិតអំពីទីបន្ទាល់របស់ពួកគេអំពីព្រះយេស៊ូវគ្រីស្ទ និងបេសកកម្មរបស់ទ្រង់ ។ តើពួកគេអាចចែកចាយបទពិសោធន៍ ឬដំណើររឿងផ្ទាល់ខ្លួនមកពីព្រះជន្មរបស់ព្រះអង្គសង្គ្រោះ ដែលបានបង្កើនសេចក្ដីជំនឿ ឬសេចក្ដីស្រឡាញ់របស់ពួកគេចំពោះទ្រង់ដែរឬទេ ? តើការសិក្សាព្រះគម្ពីរសញ្ញាថ្មីនៅឆ្នាំនេះជួយឲ្យមានបុណ្យគ្រីស្ទម៉ាស់មួយដ៏មានអត្ថន័យតាមរបៀបណា ? ដើម្បីរំឭកអំពីដំណើររឿងព្រះគម្ពីរសញ្ញាថ្មីមួយចំនួន ដែលសមាជិកក្នុងថ្នាក់បានរៀននៅឆ្នាំនេះ បងប្អូនអាចបង្ហាញវីដេអូ « For God So Loved the World » ឬ « To This End Was I Born » បាន ( នៅលើគេហទំព័រ ChurchofJesusChrist.org ) ។
ការកែលម្អការបង្រៀនរបស់យើង
ទុកពេលឲ្យសមាជិកឡើងចែកចាយ ។ « នៅពេលសមាជិកក្នុងថ្នាក់ចែកចាយនូវអ្វីដែលពួកគេកំពុងរៀន នោះពួកគេមិនគ្រាន់តែទទួលអារម្មណ៍ពីព្រះវិញ្ញាណ ហើយពង្រឹងទីបន្ទាល់ផ្ទាល់ខ្លួនរបស់ពួកគេប៉ុណ្ណោះទេ ប៉ុន្តែពួកគេក៏លើកទឹកចិត្តសមាជិកផ្សេងទៀតនៅក្នុងថ្នាក់ឲ្យរកឃើញសេចក្ដីពិតសម្រាប់ខ្លួនពួកគេផងដែរ ។ … សូមទុកពេលឲ្យសមាជិកក្នុងថ្នាក់ចែកចាយក្នុងគ្រប់មេរៀន—ក្នុងករណីខ្លះ បងប្អូនអាចរកឃើញថា ការពិភាក្សាទាំងនេះ គឺជា មេរៀន » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ៣០ ) ។