Joseph Smith—Kasaysayan 1:1–26

Joseph Smith—Kasaysayan 1:1–26

Kinatibuk-ang Pagpasabot

Bisan niadtong bata pa, nagtinguha na si Joseph Smith sa pagsunod ni Jesukristo ug nagtinguha nga makahibalo kon hain nga simbahan ang husto ug hain ang iyang kinahanglang apilan. Ang iyang pagpangita midala kaniya ngadto sa usa ka kakahoyan duol sa iyang panimalay aron mangutana sa Dios. Agig tubag, ang Langitnong Amahan ug si Jesukristo mipakita ngadto ni Joseph ug misugod sa Pagpahiuli sa tinuod nga Simbahan sa Dios dinhi sa yuta. Human sa pagpakigbahin niini nga kasinatian sa Unang Panan-awon, si Joseph nahimong tumong sa pagpanggukod. Kini, hinoon, wala makapakunhod sa iyang pagtuo nga ang Langitnong Amahan ug si Jesukristo mipakita kaniya.

Magpunting sa Langitnong Amahan ug kang Jesukristo: Ang pagkaila ug paghigugma sa Langitnong Amahan ug ni Jesukristo makatabang sa mga estudyante nga makabig sa pagsunod Kanila. Samtang mag-andam ka ug magtudlo og mga leksiyon, padayon nga magtinguha og inspirasyon sa mga paagi sa pagtutok sa kasinatian sa pagkat-on ngadto sa Langitnong Amahan ug ni Jesukristo. Alang sa dugang pa kon unsaon sa pagbuhat niini, tan-awa ang seksiyon sa “Tabangi ang mga Estudyante sa Pagduol ngadto ni Jesukristo” sa Pagtudlo Sumala sa Pamaagi sa Manluluwas. Mahimo usab nimong makita ang usa ka ehemplo kon unsaon sa pagbuhat niini diha sa leksiyon karong semanaha nga giulohan og “Joseph Smith—Kasaysayan 1:15–20.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Joseph Smith—Kasaysayan 1:1–14

Katuyoan sa leksiyon: Kini nga leksiyon makatabang sa mga estudyante sa pagsunod sa ehemplo ni Joseph Smith sa ilang mga paningkamot sa pagkat-on sa kamatuoran gikan sa Dios.

• Pagpangandam sa estudyante: Ipasabot ngadto sa mga estudyante nga ang pamilya ni Joseph Smith kanunay nga nagtuon sa Biblia, nag-ampo, ug naghisgot og relihiyon. Dapita ang mga estudyante sa pagpamalandong sa panudlo sa ebanghelyo nga ilang nasinati diha sa ilang mga panimalay. Mahimo dayong mahatagan ang mga estudyante og panahon sa klase sa pagpakigbahin kon sa unsang paagi sila naimpluwensiyahan sa nakasentro sa panimalay nga pagkat-on sa ebanghelyo o kon sa unsa nga paagi paminaw nila nga kini makapanalangin sa ilang mga panimalay karon ug sa umaabot.

Joseph Smith—Kasaysayan 1:15–20

Katuyoan sa leksiyon: Kini nga leksiyon makatabang sa mga estudyante nga makasabot sa importante nga mga kamatuoran nga gipadayag mahitungod sa Langitnong Amahan ug ni Jesukristo gikan sa Unang Panan-awon ni Joseph Smith.

• Pagpangandam sa estudyante: Ikonsiderar ang pagdapit sa mga estudyante sa pagsag-ulo sa mga bahin o sa tanan sa Joseph Smith—Kasaysayan 1:15–20 sa dili pa ang klase. Ang mga opsiyon mahimong maglakip sa pagsag-ulo lamang sa pakisayran ug sa mahinungdanon nga hugpong sa mga pulong sa kasulatan; pagsag-ulo sa mga bersikulo 16–17; o pagsag-ulo kutob sa mahimo diha sa mga bersikulo 15–20 sumala sa ilang pilion. Dasiga sila sa pag-ampo sa dili pa mosag-ulo alang sa usa ka saksi sa kamatuoran sa Unang Panan-awon.

• Video: “Ask of God: Joseph Smith’s First Vision” (6:35)

Joseph Smith—Kasaysayan 1:21–26

Katuyoan sa leksiyon: Kini nga leksiyon makahatag sa mga estudyante og kahigayonan nga mobati sa Espiritu Santo nga nagpamatuod ngadto kanila nga ang Langitnong Amahan ug si Jesukristo mipakita ngadto ni Joseph Smith.

• Pagpangandam sa estudyante: Dapita ang mga estudyante sa pagbuhat sa tambag ni Elder Neil L. Andersen nga irekord ang ilang kaugalingon nga nagbasa sa Joseph Smith—Kasaysayan 1:16–17. Dayon makapaminaw sila sa pagpamatuod ni Joseph Smith sa ilang kaugalingong mga tingog (tan-awa sa Neil L. Andersen, “Joseph Smith,” Liahona, Nob. 2014, 31).

• Videos: “The Prophet Joseph Smith: Teacher by Example” (16:32; watch from time code 10:39 to 11:59 and from time code 11:59 to 14:09); “A Choice Seer Will I Raise Up: The Prophet of the Restoration” (4:42)

• Mga materyal alang sa mga estudyante: Pipila ka mga kopya sa mga pakigpulong “Ang mga Bunga sa Unang Panan-awon” (Dieter F. Uchtdorf, Liahona, Mayo 2005, 36–38)