Семинар
9-р хичээл—Иосеф Смит—Түүх 1:21–26: “Би үзэгдэл харсан … би үүнийг үгүйсгэж чадахгүй”

“9-р хичээл—Иосеф Смит—Түүх 1:21–26: ‘Би үзэгдэл харсан … би үүнийг үгүйсгэж чадахгүй,’” Сургаал ба Гэрээний семинарын багшийн гарын авлага (2025)

“Иосеф Смит—Түүх 1:21–26,” Сургаал ба Гэрээний семинарын багшийн гарын авлага

9-р хичээл: Иосеф Смит—Түүх 1:1–26

Иосеф Смит—Түүх 1:21–26

“Би үзэгдэл харсан … би үүнийг үгүйсгэж чадахгүй”

Иосеф-ариун-төглөөс-буцаж-ирж-буй-нь

14 настай Иосеф Анхны үзэгдлийн талаар орон нутгийн сүмийн тохинуулагчид хуваалцсаныхаа дараа тэр даруй хавчлагын бай болов. Гэсэн ч энэ нь Тэнгэрлэг Эцэг, Есүс Христ хоёр түүнд үзэгдсэн гэсэн итгэл үнэмшлийг нь бууруулаагүй юм. Энэ хичээл Тэнгэрлэг Эцэг, Есүс Христ хоёр Иосеф Смитэд үзэгдсэн гэж Ариун Сүнсний гэрчлэхийг мэдрэх боломжийг суралцагчдад олгоно.

Боломжит суралцах үйл ажиллагаа

Танд ямар санагдах вэ?

Бурхан Иосеф Смитийг бошиглогчоо болгохоор дуудсан гэсэн гэрчлэлийнхээ талаар тунгаан бодоход суралцагчдыг урьснаар хичээлээ эхлүүлнэ үү. Дараах түүх болон асуултууд үүнийг хийхэд танд тусална.

Ерөнхийлөгч Томас С.Монсон (1927–2018) хоёр номлогчийн Иосеф Смитийн талаарх гэрчлэлийг сорьсон нэгэн түүхийг хуваалцжээ.

2:3
Ерөнхийлөгч Томас С.Монсон

Хоёр [номлогч] ноён Элмэр Поллардын гэрт дуудагдан иржээ. … Тэд захиасаа танилцуулж, түүнийг өөрсөдтэй нь хамт залбирах уу гэж асуусан байна. Тэр зөвшөөрч, өөрөө залбирал хэлэхийг хүсжээ.

Түүний энэ залбирал номлогчдыг бүр гайхширахад хүргэв. Тэр “Тэнгэрлэг Эцэг минь энэ хоёр азгүй, төөрөлдсөн номлогчийг гэртээ буцаж мөн маш гайхалтай боловч өөрсдийнхөө маш бага мэддэг захиасыг Канадын хүмүүстэй хуваалцаж цагаа дэмий үрэхгүй байхаар адислаарай” гэж хэлжээ.

Тэднийг өвдөг дээрээсээ босоход, ноён Поллард номлогчдоос гэрт нь дахин хэзээ ч ирэхгүй байхыг хүсэв. Тэднийг явахад тэрээр: “Иосеф Смит Бурханы бошиглогч байсан гэдэгт үнэхээр итгэдэг гэж та нар надад хэзээ ч хэлж чадахгүй” гэж ёжтойгоор хаалгаа тас саван хаасан гэдэг. (Thomas S. Monson, “The Prophet Joseph Smith: Teacher by Example,” Liahona, Nov. 2005, 69)

Суралцагчдыг судлах тэмдэглэлдээ дараах асуултад хариулахад урь. Хэн нэгнээс хоёр дахь асуултынхаа хариултыг сайн дураараа ангийнхантайгаа хуваалцахыг хүс.

  • Иосеф дээр Тэнгэрлэг Эцэг, Есүс Христ хоёр зочилсон бас түүнийг бошиглогчоор дуудсан талаар та хэрхэн итгэлтэйгээр гэрчилж чадах бэ?

  • Үүнийг өөрөө мэдэх нь таны амьдрал, Бурхантай харилцах харилцаанд хэрхэн нөлөөлж болох вэ?

Та энэ хичээлийг судлахдаа Анхны үзэгдэл танд ямар утга учиртайг мөн энэ нь амьдралыг тань хэрхэн өөрчилсөн эсвэл өөрчилж болохыг эргэцүүлэн бод. Хичээлийн төгсгөлд бодол санаагаа судлах тэмдэглэлдээ бичих боломжтой.

Иосеф Смитийн Анхны үзэгдлийн бодит байдал

Тэнгэрлэг Эцэг, Есүс Христ хоёрыг Иосеф Смитэд үзэгдсэний дараа тэр орон нутгийн сүмийн нэгэн номлогчтой болсон явдлыг хуваалцжээ.

Иосеф Смит—Түүх 1:21–23-ыг уншаад, тэр номлогч болон бусад хүн Иосефын үзсэн үзэгдлийн тухай сонсоод хэрхэн хандсаныг олж мэд.

  • Юу болсон талаарх эдгээр шүлэгт дүрсэлсэн Иосефын тайлбараас юу нь танд онцгой санагдаж байна вэ?

  • Таны үнэн гэж мэдэх зүйлийг үгүйсгэхийг та ямар байдлаар мэдэрч байсан бэ?

  • Бусад хүнийг хэлсэн зүйлд тань эргэлзэх үед үнэний талаар өөрийн гэсэн гэрчлэлтэй байх нь яагаад чухал вэ?

Иосеф Смит—Түүх 1:24–26-г уншаад, Иосеф өөрийн үзэгдлийн үнэн зөвийг баталсан хэсгийн үг, хэллэгийг тодруулж болно.

  • Эдгээр шүлгээс бид ямар ямар үнэнийг мэдэж авч болох вэ?

    Суралцагчид өөр өөр үнэнийг хэлж болох юм Олж мэдсэн зүйлээ хуваалцсанд нь таларх. Үнэндээ Тэнгэрлэг Эцэг, Есүс Христ хоёр Иосеф Смитийн залбирлын хариуд түүнд үзэгдсэн гэх үнэнийг самбарт бич.

    Суралцагчдын тодруулсан үг, хэллэгийг самбар дээрх үнэний доор жагсаан бичих нь тустай байж болох юм. Эсвэл суралцагчид тухайн үг, хэллэгээ жижиг цаасан дээр бичээд самбарт нааж болно.

  • 25-р шүлэгт цэдэглэснээр, Бурханы талаарх Иосефын ойлгосон зүйл нь үнэн гэдгийг мэддэг зүйлийнхээ төлөө бат зогсоход түүнд хэрхэн тусалсан бэ?

Анхны үзэгдэл тэдний хувьд ямар утга учиртай талаар тунгаан бодож, судлах тэмдэглэлдээ бичих боломжийг суралцагчдад гаргаж өг. Тэдэнд үүнийг хийх 10-15 минут өгч болно. Доорхтой адил зааварчилсан үйл ажиллагааг өгөх нь суралцагчдад тунгаан бодож, бичихэд туслахаас гадна Ариун Сүнс тэдэнд Анхны үзэгдлийн талаар гэрчилж байгааг мэдрэхэд тусална. Эдгээр үйл ажиллагааг үзүүлээд, суралцагчдаар хийх зүйлийг нь сонгуулж эсвэл та ангиараа хийх зүйлээ сонгож болно. Эхний хоёр үйл ажиллагаа нь ангиараа хийхэд тохиромжтой байж болох юм.

  1. Ангиараа “Иосеф Смитийн анхны залбирал” (Дуулал, х. 17) дууллыг дуул эсвэл үгсийг нь унш. Уг дууллын Ариун сүмийн талбайн Табэрнэклын найрал дуучдын дуулсан хувилбарыг өгөв.

    4:8
  2. 4:42

  3. Иосеф Смит—Түүх 1:16–17 дээрх үгсийг анхааралтай тунгаан бодож, тэмдэглэлдээ бич. Эсвэл хэрэв боломжтой бол дижитал төхөөрөмж дээр эдгээр үгийг уншиж байгаагаа бичиж, өөрийгөө сонс.

  4. Ерөнхий чуулганаар Анхны үзэгдлийн талаар хэлсэн үгийг унш. Өөр сонголтуудыг доор өгөв.

2:3

Анхны үзэгдэл таны хувьд ямар учир утгатайг тэмдэглэлдээ бич. Гэрчлэлийнхээ талаарх бодлоо эсвэл Анхны үзэгдлийн талаар гэрчлэлтэй байх нь амьдралыг тань хэрхэн адисалж болох талаар бичнэ үү.

Суралцагчдыг бичиж дууссаны дараа, хүсвэл Иосеф Смит болон Анхны үзэгдлийн талаарх гэрчлэл, мэдрэмжээ хуваалцахад тэднийг урь. Та Тэнгэрлэг Эцэг, Есүс Христ хоёр Иосеф Смитэд үзэгдсэн тухай үнэнийг хэрхэн мэдэж авснаа хуваалцахыг бод.