Иосеф Смит—Түүх 1:1–26

Иосеф Смит—Түүх 1:1–26

Тойм

Иосеф Смит хүүхэд байхдаа Есүс Христийг дагахыг мөн аль сүм нь зөв, аль сүмд нэгдэх ёстойг мэдэхийг эрэлхийлсэн. Уг эрэл нь түүнийг гэрийнхээ ойролцоох ойн төгөл рүү Бурханаас асуухаар явахад хүргэв. Хариуд нь Тэнгэрлэг Эцэг, Есүс Христ хоёр Иосеф Смитэд үзэгдэж, дэлхий дээрх Бурханы үнэн Сүмийн Сэргээлт эхэлсэн юм. Иосеф Анхны үзэгдлийн энэхүү туршлагаа хуваалцсаныхаа дараа хавчлагын бай болжээ. Гэсэн ч энэ нь Тэнгэрлэг Эцэг, Есүс Христ хоёр түүнд үзэгдсэн гэсэн итгэл үнэмшлийг нь бууруулаагүй юм.

Тэнгэрлэг Эцэг, Есүс Христ хоёрт төвлөр. Тэнгэрлэг Эцэг, Есүс Христ хоёрыг хайрлаж, таньж мэдэх нь суралцагчдад Тэднийг дагахаар хөрвөгдөхөд тусална. Хичээлд бэлдэж мөн заахдаа Тэнгэрлэг Эцэг, Есүс Христ хоёрт төвлөрч суралцах арга замыг олохын тулд сүнслэг өдөөлтийг тасралтгүй эрэлхийл. Үүнийг хэрхэн хийх талаар илүү ихийг Аврагчийн арга барилаар заах нь гарын авлагын “Есүс Христэд ирэхэд нь суралцагчдад тусал” хэсгээс үзнэ үү. Та мөн энэ долоо хоногийн “Иосеф Смит—Түүх 1:15–20” гарчигтай хичээл дээр үүнийг хэрхэн гүйцэтгэх жишээг харж болно.

Заахад бэлтгэх

Дараах мэдээлэл нь хичээл бүрд урьдчилан бэлтгэх шаардлагатай санаануудыг та нарт өгдөг.

Иосеф Смит—Түүх 1:1–14

Хичээлийн зорилго: Энэ хичээл суралцагчдад Бурханаас үнэнийг олж мэдэхээр хичээж зүтгэхдээ Иосеф Смитийн жишээг дагахад тусална.

• Суралцагчийн бэлтгэл: Суралцагчдад Иосеф Смитийн гэр бүл хамтдаа Библиэс тогтмол суралцаж, залбирч мөн шашны тухай ярилцдаг байсныг тайлбарла. Суралцагчдыг гэртээ сайн мэдээний зааварчилгааг дагаж байгаа эсэх талаараа эргэцүүлэн бодоход урь. Гэр оронд төвлөрсөн сайн мэдээнээс суралцах нь тэдэнд хэрхэн нөлөөлж байгааг мөн энэ нь тэдний гэр орныг одоо төдийгүй ирээдүйд адисална гэдгийг хэрхэн мэдэрч байгааг ангидаа хуваалцах цагийг суралцагчдад гаргаж өг.

• Видео: “Сэргээлт” (19:12; цагийн код 1:15-аас 15:34 хүртэл үзнэ үү)

Иосеф Смит—Түүх 1:15–20

Хичээлийн зорилго: Энэ хичээл нь Тэнгэрлэг Эцэг, Есүс Христ хоёрын тухай илчилсэн чухал үнэнийг Иосеф Смитийн Анхны үзэгдлээс ойлгоход суралцагчдад тусална.

• Суралцагчийн бэлтгэл: Суралцагчдыг ангид ирэхээс өмнө Иосеф Смит—Түүх 1:15–20-ийн бүх хэсгийг юм уу хэсэгчлэн цээжлэхэд урих талаар бодож үз. Зөвхөн эшлэл, түлхүүр үг хэллэгийг цээжлэх, 16–17-р шүлгийг цээжлэх эсвэл 15–20-р шүлгийн хүссэн хэсгээ цээжлэх зэрэг сонголтууд байж болно. Цээжлэхийн өмнө Анхны үзэгдэл үнэн гэдэг гэрчлэлтэй болохын төлөө залбирахад тэднийг урамшуулан дэмж.

• Видео: “Бурханаас гуй: Иосеф Смитийн Анхны үзэгдэл” (6:35)

Иосеф Смит—Түүх 1:21–26

Хичээлийн зорилго: Энэ хичээл нь суралцагчдад Тэнгэрлэг Эцэг, Есүс Христ хоёр Иосеф Смитэд үзэгдсэн гэдэг гэрчлэлийг Ариун Сүнснээс мэдрэх боломжийг олгоно.

• Суралцагчийн бэлтгэл: Суралцагчдыг ахлагч Нийл Л.Андэрсэны зөвлөсний дагуу Иосеф Смит—Түүх 1:16–17-г уншсан бичлэг үйлдэхэд урь. Мөн тэд Иосеф Смитийн гэрчлэлийг өөрсдийн дуу хоолойгоор сонсож болно (Нийл Л.Андэрсэны “Иосеф Смит” захиасыг 2014 оны 10-р сарын Ерөнхий чуулганы х. 34-өөс үзнэ үү).

• Видео: “Бошиглогч Иосеф Смит: Үлгэр жишээгээр багш” (16:32; цагийн код 10:39-өөс 11:59 хүртэл мөн 11:59-өөс 14:09 хүртэл үзнэ үү); “A Choice Seer Will I Raise Up: The Prophet of the Restoration” (4:42)