Doktrina ug mga Pakigsaad 3–5

Doktrina ug mga Pakigsaad 3–5

Kinatibuk-ang Pagpasabot

Niini nga mga seksiyon, mikorehir ang Ginoo ni Propeta Joseph Smith tungod sa kahadlok sa tawo labaw pa kay sa Dios, mipadayag ngadto sa amahan ni Joseph Smith kon unsaon niya sa pag-alagad Kaniya, ug migiya ni Martin Harris kon siya kinahanglang moatubang sa pagsulay. Niini nga semana naglakip usab og leksiyon sa pagsukod.

Dapita ang mga tigkat-on sa pagdiskobre sa mga kamatuoran alang sa ilang kaugalingon: Usahay ang magtutudlo mohisgot og doktrina o baroganan. Apan, kasagaran ang magtutudlo mogiya, modasig, ug motugot sa mga estudyante nga makadiskobre og doktrina o baroganan alang sa ilang mga kaugalingon. Kinahanglan nga makugihon nga motabang ang mga magtutudlo sa mga estudyante nga makaangkon og abilidad sa pag-ila sa doktrina ug mga baroganan nga sila ra. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Gitabangan sa Manluluwas ang mga Tawo sa Pagtinguha, Pag-ila ug Pagsabot sa Kamatuoran” diha sa Pagtudlo Sumala sa Pamaagi sa Manluluwas. Makita usab nimo ang ehemplo kon unsaon kini pagbuhat sa leksiyon niining semanaha nga giulohan og “Doktrina ug mga Pakigsaad 3.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 3

Katuyoan sa leksiyon: Aron matabangan ang mga estudyante nga mobati og dugang nga tinguha sa pagsalig sa Dios labaw pa sa ubang mga tawo

• Pagpangandam sa estudyante: Dapita ang mga estudyante sa pagpamalandong sa mga higayon nga naimpluwensiyahan sila sa mga higala, kon mobuhat ba sila og butang nga husto o sayop. Hangyoa sila sa pagpamalandong sa epekto sa ilang mga pagpili sa ilang mga kinabuhi ug tingali sa mga kinabuhi sa uban.

• Mga Materyal: Usa ka humok nga butang sama sa usa ka stuff toy [plush toy] o unlan; bug-at nga mga butang sama sa mga libro

• Bidyo: “The Work of God [Ang Buhat sa Dios]” (13:35; tan-awa gikan sa time code 2:25 hangtod sa 8:45)

Doktrina ug mga Pakigsaad 4

Katuyoan sa leksiyon: Aron matabangan ang mga estudyante sa pag-alagad sa Dios ug sa uban sa Kristohanong mga paagi

• Pagpangandam sa estudyante: Paghunahuna og usa ka tawo nga maayong ehemplo sa Kristohanong pagpangalagad. Unsa ang anaa niana nga tawo nga nagtabang kaniya sa pag-alagad sama sa Manluluwas?

Doktrina ug mga Pakigsaad 5

Katuyoan sa leksiyon: Aron matabangan ang mga estudyante nga makaila sa mga saksi nga gihatag sa Ginoo aron matabangan sila nga makaangkon og personal nga pagpamatuod sa Basahon ni Mormon isip laing tugon ni Jesukristo ug sa tawag ni Joseph Smith isip propeta sa Dios

• Pagpangandam sa estudyante: Hangyoa ang mga estudyante sa paghunahuna og mga kasinatian nga nakapadugang sa ilang mga pagpamatuod sa Basahon ni Mormon. Hatagan og kahigayonan ang mga estudyante, kon sila mopili, sa pagpakigbahin sa ilang kaugalingong mga saksi atol sa klase.

• Bidyo: “Compelling Witness [Gamhanang Saksi]” (7:46)

• Handout: “Mga Saksi”

Sukda ang Imong Nakat-onan 1

Katuyoan sa leksiyon: Aron matabangan ang mga estudyante sa paghinumdom ug pagtimbang-timbang kon sa unsang paagi ang ilang mga kasinatian sa pagtuon sa Doktrina ug mga Pakigsaad ug sa Joseph Smith—Kasaysayan nakatabang kanila nga molambo sa espirituhanong paagi ug mas maduol ngadto kang Jesukristo

• Pagpangandam sa estudyante: Dapita ang mga estudyante sa pagpamalandong sa espirituhanong mga leksiyon nga ilang nakat-onan karong tuiga ug sa pagpili og usa ka butang nga ilang nakat-onan o gibati nga nakatabang nila nga mouswag sa espirituhanong paagi.

• Mga Materyal: Hulagway ni Propeta Joseph Smith; duha ka gagmay nga palid sa papel alang sa matag estudyante