« គោលលទ្ធិ និងសេចក្ដីសញ្ញា ៦–៩ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៦–៩ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្ដីសញ្ញា ៦–៩
គោលលទ្ធិ និងសេចក្ដីសញ្ញា ៦–៩
ទិដ្ឋភាពទូទៅ
អូលីវើរ ខៅឌើរី បានដឹងពីកិច្ចការរបស់យ៉ូសែប ស្ម៊ីធ ជុញ្ញ័រ ក្នុងការបកប្រែព្រះគម្ពីរមរមន ខណៈពេលដែលកំពុងស្នាក់នៅផ្ទះ យ៉ូសែប ស្ម៊ីធ ស៊ីញ្ញ័រ និង លូស៊ី ម៉ាក ស្ម៊ីធ ។ អូលីវើរ មានអារម្មណ៍ថាចង់ចូលរួមជួយកិច្ចការនេះ ហើយបានផ្លាស់ទៅភូមិ ហាម៉ូនី នៃរដ្ឋ ផែនស៉ីលវេញ៉ា នៅនិទាឃរដូវនាឆ្នាំ ១៨២៩ ជាកន្លែងដែលគាត់បានធ្វើជាអ្នកសរសេររបស់ យ៉ូសែប ស្ម៊ីធ ។ តាមរយៈ យ៉ូសែប ស្ម៊ីធ ព្រះអម្ចាស់បានប្រទានវិវរណៈជាច្រើនដល់ អូលីវើរ អំពីតួនាទីរបស់គាត់ក្នុងនាមជាអ្នកសរសេរ និងបំណងប្រាថ្នារបស់គាត់ក្នុងការចូលរួមក្នុងការបកប្រែនេះ ។ វិវរណៈទាំងនេះមានសេចក្ដីពិតសំខាន់ៗអំពីវិវរណៈផ្ទាល់ខ្លួន ។ ដោយមាន អូលីវើរ ជួយធ្វើជាអ្នកសរសេរ នោះយ៉ូសែប ស្ម៊ីធ បានរីកចម្រើនក្នុងការបកប្រែព្រះគម្ពីរមរមនយ៉ាងខ្លាំង តាមរយៈអំណោយទាន និងព្រះចេស្តានៃព្រះ ។
ផ្ដោតលើសេចក្ដីពិតនានាដែលនាំទៅរកការប្រែចិត្តជឿ ៖ សូមជួយសិស្សឲ្យរកមើលគោលលទ្ធិ និងគោលការណ៍ទាំងឡាយដែលស្ថាបនាសេចក្តីជំនឿលើព្រះយេស៊ូវគ្រីស្ទ និងស្ម័គ្រចិត្តដើម្បីគោរពប្រតិបត្តិតាមព្រះឆន្ទៈបស់ព្រះ ។ សូមលើកទឹកចិត្តពួកគេឲ្យវិភាគពីរបៀបដែលសេចក្ដីពិតទាំងនេះអាចធ្វើឲ្យការប្រែចិត្តជឿរបស់ពួកគេកាន់តែស៊ីជម្រៅ និងជួយពួកគេឲ្យធ្វើសកម្មភាពដោយសេចក្តីជំនឿ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើល « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្តីជំនឿ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ ឧទាហរណ៍ពីរបៀបដែលអ្នកអាចអនុវត្តតាមការណ៍នេះបាន គឺត្រូវបានដាក់បញ្ចូលនៅក្នុងមេរៀនស្តីពី គោលលទ្ធិ និងសេចក្ដីសញ្ញា ៨ ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្ដីសញ្ញា ៦
គោលបំណងមេរៀន ៖ ដើម្បីជួយសិស្សឲ្យដាក់ទីទុកចិត្តរបស់ពួកគេលើព្រះអង្គសង្គ្រោះ នៅពេលពួកគេប្រឈមមុខនឹងការសង្ស័យ និងការភ័យខ្លាច
-
ការរៀបចំសិស្ស ៖ សូមពន្យល់ថា គោលលទ្ធិ និងសេចក្ដីសញ្ញា ៦:៣៦ គឺជាវគ្គបទគម្ពីរចំណេះចំណានខាងគោលលទ្ធិ ។ សូមលើកទឹកចិត្តសិស្សឲ្យទន្ទេញខគម្ពីរខ្លីៗនេះសិន មុនពេលមករៀន ។
-
វីដេអូ ៖ « Days of Harmony » ( ២៥:០១; សូមមើលពីនាទីទី ៣:០៧ ដល់នាទីទី ៧:១៨ និងនាទីទី ១៥:០២ ដល់នាទីទី ១៧:៤៩ )
-
រូបភាព ៖ រូបភាពព្រះយេស៊ូវគ្រីស្ទដែលត្រូវដាក់តាំងនៅលើក្ដារខៀន
ការបកប្រែព្រះគម្ពីរមរមន
គោលបំណងមេរៀន ៖ ដើម្បីជួយឲ្យសិស្សពង្រឹងទីបន្ទាល់ពួកគេថា ព្រះបានប្រទានមធ្យោបាយ និងអានុភាពឲ្យយ៉ូសែប ស្ម៊ីធ បកប្រែព្រះគម្ពីរមរមនសម្រាប់យើង
-
ការរៀបចំសិស្ស ៖ សូមពិចារណាអញ្ជើញសិស្សឲ្យជ្រើសរើសខគម្ពីរ ឬដំណើររឿងមួយចេញពីព្រះគម្ពីរមរមន ដែលមានឥទ្ធិពលលើពួកគេ ។
-
វីដេអូ ៖ « Seer Stone » ( ៣:៤៧ ), « Days of Harmony » ( ២៥:០១; សូមមើលចាប់ពីនាទីទី ៧:១៨ ដល់នាទីទី ១១:៣៣ )
-
ឯកសារដែលបានបោះពុម្ព ៖ ចំពោះសិស្សដែលមិនមានលទ្ធភាពចូលប្រើ ចូរមកតាមខ្ញុំ ជាឌីជីថលទេ សូមពិចារណាបោះពុម្ព « សំឡេងនៃការស្ដារឡើងវិញ » នៃ « គោលលទ្ធិ និងសេចក្ដីសញ្ញា ៦–៩ ៖ នេះគឺជាព្រះវិញ្ញាណនៃវិវរណៈ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្ដីសញ្ញា ឆ្នាំ ២០២៥ ។
គោលលទ្ធិ និងសេចក្ដីសញ្ញា ៨
គោលបំណងមេរៀន ៖ ដើម្បីជួយសិស្សឲ្យបង្កើនសមត្ថភាពរបស់ពួកគេដើម្បីស្គាល់ពីរបៀបដែលព្រះមានបន្ទូលទៅកាន់ពួកគេតាមរយៈព្រះវិញ្ញាណបរិសុទ្ធ
-
ការរៀបចំសិស្ស ៖ សូមស្នើឲ្យសិស្សរំឭកពីរបៀបនានាដែលព្រះបានមានបន្ទូលទៅកាន់ពួកគេតាមរយៈព្រះវិញ្ញាណបរិសុទ្ធ ។
-
ដ្យាក្រាម៖ ដ្យាក្រាមដែលតំណាងឲ្យគំនិត និងដួងចិត្ត
-
វីដេអូ ៖ « To Acquire Spiritual Guidance » ( ១៦:០០; មើលចាប់ពីនាទីទី ១៤:៤១ ដល់នាទីទី ១៥:០៤ ) « Patterns of Light: Discerning Light » ( ២:១២ )
ការអនុវត្តតាមចំណេះចំណានខាងគោលលទ្ធិ ទី១
គោលបំណងមេរៀន ៖ ដើម្បីផ្តល់ឱកាសឲ្យសិស្សរៀនពីវគ្គបទគម្ពីរចំណេះចំណានខាងគោលលទ្ធិ និងសេចក្តីពិតដែលវាមាន ក៏ដូចជាការរៀនសូត្រ និងការអនុវត្តតាមគោលការណ៍នៃការទទួលបានចំណេះដឹងខាងវិញ្ញាណផងដែរ
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិមួយ ឬច្រើន ដែលពួកគេចង់ទន្ទេញ ។ ពួកគេអាចទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះនៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ឬធ្វើការទន្ទេញវគ្គបទគម្ពីរទាំងមូលបាន ។
-
មាតិកាដែលត្រូវបង្ហាញ ៖ គំនូសតាងដែលមានសេចក្ដីយោងបទគម្ពីរចំណេះចំណានខាងគោលលទ្ធិ និងឃ្លាបទគម្ពីរគន្លឹះ សកម្មភាពពិភាក្សា ក, ខ និង គ ដែលមាននៅបន្ទាប់ពីសាច់រឿងនោះ