Դաս 19. Վարդապետություն և Ուխտեր 6-9

Վարդապետություն և Ուխտեր 8

Հայտնության ոգին

Օլիվեր Քաուդերին տպավորված էր Մորմոնի Գիրքը թարգմանելու Ջոզեֆ Սմիթի կարողությամբ: Նա ցանկանում էր, որ Աստված իրեն նույն պարգևը շնորհի: Տերը Օլիվեր Քաուդերիին խոստացավ շնորհել թարգմանելու պարգևը՝ համաձայն իր հավատքի։ Այդ ժամանակ Հիսուս Քրիստոսը Օլիվերին ուսուցանեց շատ կարևոր սկզբունքներ հայտնության վերաբերյալ: Այս դասը կօգնի ուսանողներին մեծացնել իրենց ճանաչելու ունակությունը առ այն, թե Աստված ինչպես է խոսում իրենց հետ Սուրբ Հոգու միջոցով:

Հնարավոր ուսումնական վարժություններ

Հարցեր հայտնության վերաբերյալ

Որպեսզի օգնեք ուսանողներին սկսել ուսումնասիրել հայտնության մասին նյութերը, կարող եք կիսվել հետևյալով.

Աստված ցանկանում է խոսել մեզ հետ և դա անում է տարբեր եղանակներով: Սուրբ Հոգու միջոցով Աստված ցանկանում է «օգնել մեզ մեր յուրահատուկ անձնական կարիքների, պարտականությունների և հարցերի դեպքում և օգնել մեզ ամրացնել մեր վկայությունը» (Ավետարանական թեմաներ «Հայտնություն», topics.ChurchofJesusChrist.org)։

• Աստծո կողմից տրված հայտնությունը ճանաչելու վերաբերյալ ի՞նչ հարցեր ունեք դուք կամ ձեզ ծանոթ մարդիկ:

  Կարող եք խնդրել ուսանողներին իրենց հարցերը գրել գրատախտակին կամ թղթի վրա։ Կարող եք առաջարկել ուսանողներին փնտրել պատասխաններ այսօրվա ուսումնասիրության ընթացքում: Պարտադիր չէ, որ բոլոր հարցերին դասարանում տրվեն պատասխաններ, սակայն ուսանողները կարող են գրի առնել իրենց բացահայտած ցանկացած գաղափար: Կարող եք օգտագործել հետևյալ հարցերը՝ օգնելու ուսանողներին մտածել, թե ինչու են մարդիկ անորոշություններ և կասկածներ ունենում հայտնության վերաբերյալ:

• Ինչո՞ւ է երբեմն դժվար հասկանալ, թե երբ և ինչպես է Աստված շփվում մեզ հետ:

• Ձեր կարծիքով, ինչո՞ւ է կարևոր բարելավել Աստծո հայտնությունը ճանաչելու և դրան հետևելու մեր ունակությունը:

Կարող եք խնդրել ուսանողներին էջ բացել իրենց ուսումնական օրագրում կամ գրառում ստեղծել Gospel Library հավելվածում, որտեղ կարող են գրի առնել այն ամենը, ինչ սովորել են Տիրոջից ստացած հայտնության մասին: Կարող եք ցուցադրել որևէ օրինակ՝ գրատախտակին նույնն անելով։ Կարող եք սկսել վերնագրից, օրինակ՝ Ինչպե՞ս կարող եմ իմանալ, որ հայտնություն եմ ստանում Աստծուց։

Տերը Օլիվեր Քաուդերիին ուսուցանում է հայտնության մասին

Որպես դպիր ծառայելիս Օլիվեր Քաուդերին հնարավորություն ուներ վկայելու, որ Տերը Ջոզեֆ Սմիթին զորություն է տվել թարգմանելու Մորմոնի Գիրքը: Օլիվերը նույնպես ցանկանում էր թարգմանել։ Տերը համաձայնեց տալ նրան այդ հնարավորությունը (տես Վարդապետություն և Ուխտեր 6.25)։ Որպեսզի օգներ Օլիվերին հաջողության հասնել, Տերն ուսուցանեց նրան հայտնություն ստանալու կարևոր սկզբունքների մասին:

Վարդապետություն և Ուխտեր 8․2-3 հատվածները սուրբ գրությունների սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Կարդացեք Վարդապետություն և Ուխտեր 8.1–3 հատվածները՝ փնտրելով, թե ինչ էր ուզում Տերը, որ Օլիվերն իմանա հայտնության մասին։

• Այս հատվածներից ի՞նչ սովորեցիք այն մասին, թե Տերը ինչպես կարող է խոսել մեզ հետ Սուրբ Հոգու միջոցով:

  Խնդրեք ուսանողներին ներկայացնել, թե ինչ գտան: Ճշմարտություններից մեկը, որ ուսանողները կարող են բացահայտել, այն է, որ Տերը հաղորդակցվում է մեր մտքերի և մեր սրտերի հետ Սուրբ Հոգու միջոցով:

  Կենտրոնացեք այն ճշմարտությունների վրա, որոնք դարձի են բերում. Լրացուցիչ ուսուցում ստանալու համար այն հարցերի վերաբերյալ, որոնք օգնում են ուսանողներին բացահայտել և ներկայացնել դարձի բերող սկզբունքները, տես «Կենտրոնացեք այն ճշմարտությունների վրա, որոնք դարձի են բերում և ամրացնում են հավատն առ Հիսուս Քրիստոս» դասընթացը՝ Ուսուցիչների զարգացման հմտություններ. Ուսուցանեք վարդապետությունը ուսուցողական նյութում։

  Կարող եք այս ճշմարտությունը գրել գրատախտակին գրված վերնագրի տակ։ Ստորև ներկայացվածի նման գծապատկեր նկարելը նույնպես կարող է օգնել ուսանողներին պատկերացնել Տիրոջ ուսմունքներն այս հատվածներում:

  

• Ելնելով ձեր անձնական ուսումնասիրությունից և փորձից, ի՞նչ եղանակներով է Աստված հաղորդակցվում մեր մտքերի հետ։ Ինչպե՞ս է Նա հաղորդակցվում մեր սրտերի հետ:

Տասներկու Առաքյալների Քվորումից երեց Ռիչարդ Գ. Սքոթը (1928–2015) կիսվել է մի քանի եղանակներով, թե ինչպես է Աստված խոսում մեր մտքերի և սրտերի հետ Սուրբ Հոգու միջոցով.

To Acquire Spiritual Guidance

Ես վկայում եմ, որ Սուրբ Հոգու միջոցով Տերը կարող է խոսել ձեր մտքի ու սրտի հետ։ Երբեմն տպավորություններն ուղղակի ընդհանուր զգացմունքներ են։ Երբեմն, առաջնորդությունն այնքան պարզ ու ակնհայտ է, որ կարելի է գրի առնել, որպես հոգևոր թելադրություն։ (Ռիչարդ Գ. Սքոթ, «Ստանալ հոգևոր առաջնորդություն», Լիահոնա, նոյեմբեր 2009, 9)

Կարող եք օգնել ուսանողներին տեսնել մտքի և սրտի հետ հաղորդակցման օրինաչափությունը Օլիվեր Քաուդերիի հետ կապված հետևյալ օրինակներում․ Վարդապետություն և Ուխտեր 6.22–24, 9.8–9։ Ուսանողները կարող են փնտրել բառեր և արտահայտություններ, որոնք Տերն օգտագործել է, որպեսզի բացատրի որոշ եղանակներ, որոնցով Նա խոսում է մեր մտքի և սրտի հետ:

Օգտակար կլինի բացատրել, որ Վարդապետություն և Ուխտեր 9.8 հատվածում նկարագրված կրծքի այրումը կարող է վերաբերել «մխիթարության և հանդարտության զգացմանը» (Դալլին Հ․ Օուքս «Teaching and Learning by the Spirit», Ensign, մարտ 1997 թ․, 13)։

Հաղորդակցություն Սուրբ Հոգու միջոցով

Բացատրեք, որ սուրբ գրություններում և Եկեղեցու ժամանակակից ղեկավարների աշխատություններում շատ այլ ուսմունքներ կան, որոնք օգնում են մեզ հասկանալ, թե Աստված ինչպես է հաղորդակցվում մեզ հետ Սուրբ Հոգու միջոցով: Ժամանակ տվեք ուսանողներին գտնելու, ուսումնասիրելու և քննարկելու այդ ուսմունքներից մի քանիսը:

Դա անելու եղանակներից մեկն է՝ առաջարկել նրանց օգտագործել Սուրբ գրքերի ուղեցույցը, Թեմաների ուղեցույցը և նմանատիպ գործիքներ կամ Gospel Library հավելվածի որոնման գործառույթը՝ գտնելու սուրբ գրություններ կամ Եկեղեցու ղեկավարների աշխատություններ, որտեղ նկարագրվում են եղանակներ, որոնցով մենք կարող ենք ճանաչել Սուրբ Հոգու միջոցով տրվող հայտնությունը։

Մեկ այլ տարբերակ կարող է լինել այն, որ ուսանողներին առաջարկեք ուսումնասիրել ստորև բերված սուրբ գրությունները՝ տեսնելու համար, թե ինչ կարող են սովորել անձնական հայտնության մասին.

• Հովհաննես 14.26

• Գաղատացիս 5.22–23

• Հելաման 5.30

• Վարդապետություն և Ուխտեր 11.12–13

Կարող եք նաև ցուցադրել «Լույսի նմուշներ. Խորաթափանց լույս» տեսանյութը (2:12): Այս տեսանյութում Տասներկու Առաքյալների Քվորումից երեց Դեյվիդ Ա. Բեդնարը կիսվել է գաղափարներով այն մասին, թե մենք ինչպես կարող ենք ճանաչել մեր սեփական մտքերի և Սուրբ Հոգու հուշումների միջև եղած տարբերությունը:

Patterns of Light: Discerning Light

Երբ ուսանողները բավականաչափ ուսումնասիրեն նյութը, կարող եք առաջարկել նրանց ավելացնել իրենք սովորածը գրատախտակին գրված ցուցակում:

Հետևյալ հարցերը կօգնեն ուսանողներին քննարկել իրենց սովորածը և հնարավորություն կտան, որ Սուրբ Հոգին վկայի դասարանին:

• Ի՞նչ սովորեցիք տարբեր եղանակների մասին, որոնցով Աստված հաղորդակցվում է մեզ հետ Սուրբ Հոգու միջոցով:

• Ի՞նչ են ձեզ օգնում հասկանալ այս ուսմունքները Երկնային Հոր և Հիսուս Քրիստոսի էության ու ցանկությունների մասին։

• Ինչպիսի՞ փորձառություններ եք ունեցել, որ հասկացել եք, թե ինչպես է Սուրբ Հոգին հաղորդակցվում:

Հիշեցրեք ուսանողներին այն հարցերը, որոնք նրանք բարձրացրել էին դասի սկզբում: Առաջարկեք ուսանողներին կիսվել իրենց սովորածով, որն օգնել է պատասխանել այդ հարցերից որևէ մեկին: Ավարտեք դասը՝ ուսանողներին առաջարկելով փորձել ճանաչել Տիրոջ խաղորդակցությունն իրենց սրտի և մտքի հետ մեկ կամ մի քանի եղանակներով, որոնց մասին իրենք սովորեցին: Օգնեք ուսանողներին հասկանալ, որ Տիրոջից ստացած հայտնությունը ճանաչելու համար իրենցից կպահանջվեն շարունակական ջանքեր ամբողջ կյանքում:

Անգիր սովորեք

Կարող եք նաև օգնել ուսանողներին անգիր սովորել Վարդապետություն և Ուխտեր 8.2–3 հատվածների սուրբգրային հղումը և հիմնական արտահայտությունը և վերանայել դրանք հետագա դասերի ժամանակ: Սուրբգրային հիմնական արտահայտությունը հետևյալն է․ «Ես կասեմ քեզ քո մտքում և քո սրտում, Սուրբ Հոգով»։ Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Ի՞նչ կարող է Սուրբ Հոգին օգնել ինձ հասկանալ։

Տասներկու Առաքյալների Քվորումից երեց Քվենթին Լ Քուքն ուսուցանել է.

Մարգարեներին տրված շարունակական հայտնության օրհնությունը և անձնական հայտնությունն առաջնորդում են մեր կյանքը

Անձնական հայտնությունը հիմնված է Սուրբ Հոգուց ստացված հոգևոր ճշմարտությունների վրա: Սուրբ Հոգին ամեն ճշմարտության, հատկապես, Փրկչի տված ճշմարտության հայտնողն ու վկայողն է։ Առանց Սուրբ Հոգու մենք իսկապես չէինք կարող իմանալ, որ Հիսուսը Քրիստոսն է։ (Քվենթին Լ. Քուք, «Մարգարեներին տրված շարունակական հայտնության օրհնությունը և անձնական հայտնությունը՝ մեր կյանքն առաջնորդելու համար», Լիահոնա, մայիս 2020, 98)

Ի՞նչ պետք է անեմ, եթե Աստված ինձ չի պատասխանում:

Տասներկու Առաքյալների Քվորումից երեց Դ. Թոդ Քրիստոֆերսոնը պատասխանել է այդ հարցին.

How I #HearHim: Elder D. Todd Christofferson

Տասներկու Առաքյալների Քվորումից երեց Ջերիթ Վ. Գոնգն ուսուցանել է.

Մինչ իրավիճակները տարբեր են լինում, երբ մենք անում ենք հնարավոր ամեն բան լավագույն ձևով և անկեղծորեն խնդրում ու փնտրում Նրա օգնությունը ողջ կյանքում, Տերը կառաջնորդի մեզ Իր ժամանակին և Իր ձևով՝ Սուրբ Հոգով։ (Ջերիթ Վ. Գոնգ «Պատկանելություն ուխտին», Լիահոնա, նոյեմբեր 2019, 82)

Երեց Ռիչարդ Գ. Սքոթն (1928–2015) ուսուցանել է.

Ի՞նչ եք անում, երբ խնամքով պատրաստվել եք, ջերմեռանդ աղոթել, բավականին ժամանակ սպասել եք պատասխանի, սակայն դեռ չեք զգում պատասխանը: Հնարավոր է՝ ցանկանաք շնորհակալություն հայտնել, երբ դա տեղի ունենա, քանի որ դա [Աստծո] վստահության ապացույցն է: Երբ ապրում եք արժանավոր կյանքով և ձեր ընտրությունը Փրկչի ուսմունքների համաձայն է, և դուք պետք է գործեք, առաջ գնացեք վստահությամբ: … Երբ արդար եք ապրում և գործում վստահորեն, Աստված թույլ չի տա, որ դուք շատ հեռուն գնաք՝ առանց նախազգուշացնելու ձեզ, եթե դուք սխալ որոշում եք կայացրել։ (Ռիչարդ Գ. Սքոթ, «Օգտագործեք աղոթքի մեծագույն պարգևը», Լիահոնա, մայիս 2007, 10)

Ի՞նչ կարող եմ ես անել, որպեսզի ավելի լավ ստանամ և ճանաչեմ հայտնությունը:

Նախագահ Ռասսել Մ. Նելսոնն ուսուցանել է․

Աղոթեք Հիսուս Քրիստոսի անունով ձեր մտահոգությունների, ձեր երկյուղների, ձեր թուլությունների մասին, այո, ձեր սրտի բուն ձգտումների մասին: Իսկ հետո լսեք: Գրի առեք խոհերը, որոնք ձեր միտքն են գալիս: Գրի առեք ձեր զգացմունքները և հետևեք, որ կատարեք գործողությունները, որոնք հուշել են ձեզ: Երբ կրկնեք այս գործընթացն օրեցօր, ամիս առ ամիս, տարեցտարի, դուք «կարող եք աճել հայտնության սկզբունքի մեջ» [Եկեղեցու նախագահների ուսմունքները․ Ջոզեֆ Սմիթ (2007), 132]։ …

Ես հորդորում եմ ձեզ բարձրանալ ձեր ներկա հոգևոր ունակությունից վեր` անձնական վկայություն ստանալու համար: …

Ոչ մի բան այնպես չի բացում երկինքները, ինչպես հետևյալ քայլերի համակցությունը՝ աճող մաքրությունը, ճշգրիտ հնազանդությունը, անկեղծ որոնումը, Մորմոնի Գրքում Քրիստոսի խոսքերով ամենօրյա սնուցումը և տաճարային ու ընտանեկան պատմության աշխատանքին կանոնավոր ժամանակ տրամադրելը: (Ռասսել Մ. Նելսոն «Հայտնություն Եկեղեցու համար, հայտնություն մեր կյանքի համար» Լիահոնա, մայիս 2018, 95)

Ուրիշ ի՞նչ եղանակներով է Աստված խոսում մեզ հետ Սուրբ Հոգու միջոցով:

Յոթանասունից երեց Դեյվիդ Պ. Հոմերը ուսուցանել է․

Լսել Նրա ձայնը

Հոգին տարբեր մարդկանց հետ խոսում է տարբեր եղանակներով, և նույն մարդու հետ Նա կարող է խոսել տարբեր եղանակներով՝ տարբեր ժամանակներում։ Արդյունքում, ողջ կյանքում մենք որոնման մեջ ենք՝ հասկանալու համար այն բազմաթիվ եղանակները, որոնցով Նա խոսում է մեզ հետ։ Երբեմն, Նա խոսում է մեր «մտքում և [մեր] սրտում» [Վարդապետություն և Ուխտեր 8.2] մի ձայնով, որը մեղմ է, սակայն հզոր՝ ներթափանցելով «նրանց մեջ … որոնք լսում են, մինչև սրտի խորքը» [3 Նեփի 11.3]։ Որոշ դեպքերում Նրա տպավորությունները «զբաղեցնում են [մեր] մտք[երը]» կամ «ներգործում … [մեր] զգացումների վրա» [Վարդապետություն և Ուխտեր 128.1]։ Մյուս դեպքերում մեր կուրծքը «կայրվի [մեր] ներսում» [Վարդապետություն և Ուխտեր 9.8]։ Այլ դեպքերում էլ նա լցնում է մեր հոգիները ուրախությամբ, լուսավորում է մեր միտքը [տես Վարդապետություն և Ուխտեր 6.14–15] կամ խաղաղեցնում է մեր անհանգիստ սրտերը [տես Վարդապետություն և Ուխտեր 6.22–23]։ (Դեյվիդ Պ. Հոմեր, «Լսենք Նրա ձայնը», Լիահոնա, մայիս 2019, 42)

Օգտվեք «Լսիր Նրան» տեսանյութերի հավաքածուից ChurchofJesusChrist.org կայքում, որպեսզի գտնեք Եկեղեցու ղեկավարների օրինակներ, երբ նրանք նկարագրում են տարբեր եղանակներ, որոնցով հասկացել են, թե Աստված ինչպես է խոսում իրենց հետ:

Օժանդակ ուսումնական վարժություններ

Հայտնություն հրավիրող գործողություններ

Ուսանողները կարող են հիասթափություն զգալ, որ իրենց ակնկալած հայտնությունը չի գալիս: Օգնեք ուսանողներին սովորել Օլիվեր Քաուդերիին տրված Տիրոջ ցուցումներից, երբ Օլիվերը չկարողացավ թարգմանել (տես Սրբեր, հատոր 1, Ճշմարտության դրոշը, 62–64)։ Ուսանողները կարող են ուսումնասիրել Վարդապետություն և Ուխտեր 9.7–11 հատվածները՝ ուշադրություն դարձնելով, թե Տերն ինչ ուսուցանեց Օլիվերին հայտնություն ստանալու համար պատրաստվելու վերաբերյալ։ Քննարկման ընթացքում կարող եք նաև օգտագործել նախագահ Ռասսել Մ. Նելսոնի խոսքերը, որոնք տրված են «Լրացուցիչ նյութեր» բաժնում։

Կարող եք խնդրել ուսանողներին թվարկել, թե ինչի վերաբերյալ կարող են հայտնություն փնտրել պատանիները: Պատասխանները կարող են ներառել հետևյալը․ Հիսուս Քրիստոսի ավետարանի մասին վկայություններն ամրապնդելու, կյանքի վերաբերյալ որոշումներ կայացնելու կամ հարցերի պատասխաններ ստանալու վերաբերյալ: Օգնեք ուսանողներին հասկանալ, թե իրենց ինչպես կարող է օգնել Վարդապետություն և Ուխտեր 9.7–11 հատվածներում Տիրոջ ուսուցանածի կիրառումը:

Հայտնության ոգին և Մովսեսը

Վարդապետություն և Ուխտեր 8.2–3 հատվածները կարդալուց հետո օգտակար կլինի քննարկել այն պատմությունը, որի մասին Տերը հիշատակել է հատված 3-ում։ Կարող եք ցուցադրել Իսրայելի զավակների և Մովսեսի պատկերը՝ Կարմիր ծովն անցնելիս: Առաջարկեք ուսանողներին կիսվել մանրամասներով, որոնք իրենց հայտնի են Ելից 14–15 հատվածներում գրված այս պատմության մասին։ Կարող եք առաջարկել ուսանողներին քննարկել, թե Մովսեսի համար ինչ նշանակություն կարող էր ունենալ իր կարիքի պահին Տիրոջից հայտնություն ստանալը: Կարող եք առաջարկել ուսանողներին մտածել այնպիսի սցենարներ, որտեղ մեր օրերում ապրող մարդը հայտնություն է սպասում Տիրոջից՝ իրեն օգնելու համար: